龍騰海鮮酒樓

营业中

休息中

話說 泰國親戚跟泰國豪華團黎香港其中一餐就帶佢地黎鯉魚門食飯我地被邀請一齊食實行一家人提早做冬本身以為分開食 我地盡地主之誼帶佢地食好海鮮點知親戚好好咁幫我地安排同佢地團一樣既食物好正 人未齊上哂菜 場面好好 賣相唔差既點知食落口 就知出事樣樣餸都勁咸蟹係mui 既瀨尿蝦炸到成舊都勁硬又無味白烚蝦都唔爽口 又係咸到乜咁根本就係所有野都唔新鮮所以落左勁多鹽去調味粉絲蒸到乾到食變硬左最後埋單我知道$3550 有成10樣海鮮咁平 唔怪得知啦呢d咪係旅行團先會食到既野大家食到勁失望侍應又無禮貌超伏

食海鮮總是到西貢，鯉魚門呢d 地方先有風味既😁今晚走了轉鯉魚門食海鮮，走過好多個魚檔，9曲13彎地走進另一片天地。今晚點了1）炒糕蟹，超勁多糕，肉質鮮甜。2）生食牡丹蝦，肥美多肉。之後炒埋個蝦頭，不過太飽，我就無食到喇。3）蒜蓉蒸蟶子，生熟蒜來蒸，所以特別好味有口感，聖子就一般啦4）煮螺， 都彈牙既5）豉汁蒸鮑魚，新鮮彈牙，火喉剛好6）賴尿蝦，勁厚肉勁彈牙最後仲有送嘅甜品蛋散，非常好味的。

伙記態度勁差！我哋兩個人去，蒸一條魚，一隻龍蝦米粉底，加一碟灼菜。魚同菜來了，食埋都未嚟龍蝦，同伙記講，佢話整緊，到碟都收埋，龍蝦都未嚟，再趨，個伙記話「廚房好多單嘛，要輪住嚟煮㗎嘛，得你一枱咩！」我當然知唔係得我一枱啦！但唔通得我張枱有魚蒸？！呢間嘢唔會再嚟囉！

真係超好食，始終都係老飯店老師傅煮野正 !!! 係鯉魚門食飯唔洗講海鮮自己揀一定新鮮，加上龍騰唔會呃秤 d野又煮得好 超好食。特別推介蘇炸生蠔，間直食過會掛住佢想再食。超新鮮白灼蝦炸魷魚 香唔油堂灼夠鮮，好好食莎皮斑，抄得香 唔老，味道剛好炸生蠔，真正外鬆內軟 !!! 個皮漿無得壇 !!! 真係超推介 !! 另外炸帶子都好食 不過本人 prefer蘇炸生蠔 !!! 飯粒分明 , 味道好 !!!斑馬賴尿蝦 , 肉質比普通賴尿蝦更爽骨香，粉唔厚 !!! 正啖啖肉 正 !!! 海鮮湯 一定要飲 !!! 超級鮮味 !!!!! 飲 3 - 4 碗都唔過份。

多年來，身邊不斷有朋友或同事問食海鮮有無平、靚、正，又抵食，實在忍不住回贈一句，返屋企自己煮最抵。老實講，人家打開門做生意，燈油火蜡全部要錢，閣下憑什麼要人家蝕本做你生意。所以坊間一句 : 「欲食海上鮮，莫惜腰間錢」是至理名言。香港大部份食肆都有海鮮類提供，但想要專門一點，選擇較多的，不外乎西貢、流浮山、香港仔或鯉魚門之類海鮮集中地。酒家的確是一間接一間，但門面都是不甚了了，顧客大可在海鮮檔挑選合心意的海鮮，再交由酒家代煮，一般都是按重量而收取醬油錢，所以酒家往往游說客人白灼或清蒸，一來易於處理，二來工序簡單，收錢夠快。偶爾都會跟朋友拉隊食海鮮，而海鮮亦是在附近檔口選購，合心意得多，總好過比伙計hard sell。炸蝦丸沒有賣弄的花巧，只有平實地將鮮蝦打成蝦膠，蘸上粉絲後炸得色澤金黃，柔韌而充滿彈性，每口都是濃濃的蝦味，就算不蘸點甜酸汁都是一道可口的前菜。白灼象拔蚌選用超逾斤半的象拔蚌薄切，既可以用日式芥末作刺身食用，又可以用皮蛋芫荽鍋白灼，帶出蚌肉清爽鮮甜的口感，畢竟海鮮就是以新鮮掛帥。白灼花竹蝦每隻都是游水貨色，用白灼能帶出蝦肉的甜美及爽口彈牙，如果想味道更鮮，不防蘸點一下特別調教

自我有記憶以黎，第一次入鯉魚門食海鮮。聽就聽得多，終於可以抆前輩衫尾親身去食一次。七點左右入到去，櫈都未坐暖就黎揀海鮮先，真係諗食咩都要花下心機，選擇何奇多！第一味－炸蝦丸－外脆內彈牙，蝦味十足，忍唔住口食多左＂幾＂粒第二味－白灼游水花竹蝦－鮮甜到不得了，豉油都冇點到第三味－蒸鮑魚第四味－椒鹽班馬瀨尿蝦－十分香口，但係肉汁依然鮮甜，連平日唔食椒鹽既朋友都食多兩舊第五味－蒸紅瓜子－肉質毋庸置疑既滑，有朋友覺得小Ｄ豉油應該仲好食第六味－油鹽焗黃油奄仔蟹－前輩話當造會再多Ｄ黃，不過我覺今都已經唔少黃第七味－咕嚕肉－估唔到咁好食，比一般既多左一份香酥既口感同味道，唔覺意就叫多左碟第八味－海龍王湯－甜到連湯料都冇剩真心想快Ｄ再去食！

外母大人生日，老婆知道她最鐘意就係食海鮮，早在一星期已經叫我打去之前朋友介紹在鯉魚門的"龍腾"訂位了，適逢現在黃油奄當做，便order預留然兩隻。當晚可能臨近中秋，出來食飯做節的人多了，上下兩層都近乎爆滿，地方比較舊式老酒家，沒有華麗的裝潢，但卻有很好的烹調，除了預留的奄仔外，還在海鮮附近介紹的海鮮檔選了花竹蝦，一節手咁長的斑馬賴尿蝦，大花螺及大聖子，三個人五道海鮮再加碟手打蝦丸，其實海鮮要好食不外乎最重要係新鮮，老闆很好人，游水的海鮮你亦可自己挑選，亦足磅，較為老實，總比西貢或布袋澳比人擋好，其次係烹調味道，兩者都能做到，這餐食得非常滿足，每人約$650左右，物有所值，下次定必帶家人再來幫襯。鼓油王大蝦~非常野味，遠遠已經的香蒜豉油香味噗鼻，啖啖爽口彈牙的蝦肉，簡直由頭至尾都不能錯過椒鹽賴尿蝦~Size非常大,一隻能一開三至四件，炒得好乾身，容易把蝦外殼撕開，食完甜滑的肉連外殼也啜得滋味，香脆可口，外殼味道像童年零食媽咪麵般津津有味。鹽焗黃油淹~重頭全牌果然没有失望，爆多膏，蟹膏香滑，烹調時候剛好沒過火，膏熟之餘膏汁還能流出，大隻多肉，每個部位都不會浪費，蟹蓋厚層膏更不能錯過辣酒煮大

鯉魚門嘅龍騰海鮮酒樓就好似我嘅海鮮私家飯堂，每個月點都要去食一次。今日咁啱老婆早收工，就入嚟食餐。一嚟到先去金魚缸睇吓海鮮，我每次都會去袁太嘅海鮮檔，揀海鮮最緊要係價錢公道，斤兩十足。先嚟個酒樓送嘅海鮮湯，用料十足，湯頭係奶白色，嘩嘩仲有龍蝦做煲湯料，想唔好飲都幾難啦。老婆至愛嘅椒鹽瀨尿蝦，隻隻都手臂咁長，爆晒膏！果皮蒸鮮鮑魚，今次專登叫咗兩隻大嘅，真係有手掌咁大，口感唔錯，鮮味亦都一流。但係我諗炆會仲好味。鹽焗奄仔蟹 - 今日D奄仔好大隻，又爆晒膏，唔使＄200隻，抵！！辣酒煮花螺，非常惹味！

突然諗起鯉魚門既奄仔蟹~ 而且呢個時期仲要係當做~ 難得另一半有時間一齊放假, 就咩都唔好諗, 入左去先算啦~去到, 就去相熟既海鮮檔揀蟹~ 老闆娘勁好人, 幫我地揀隻大大隻既~ 本來佢話咁大隻Share食都得啦~ 但我地突登入黎食, 當然要一人一隻先夠喉啦~一黎到真係好大隻, 大家都嘩嘩聲~ 一拎上手, D膏爆到呢~ 真係勁正~ D肉亦好嫩~ 不過其實食一隻都真係mun mun地~ 不過真係好令人回味, 打到呢度, 真係又好想去食過喇~

自從愛上奄仔蟹，今年海鮮飯局特別多，一於將膽固醇超標的問題擱於一旁，先吃為快！當晚飯局有來自警界、公關界、品酒界、美食和美容等界別，正所謂四海之內皆兄弟，無論是新知或舊雨同樣能夠打成一遍！幾位兄弟負責挑選海鮮，不過聽密探回來之匯報，當中只有一位兄弟盡責執行任務，其餘的都在外面游手好閒，包括抽煙和聊天等，我們對不負責者決定投以不信任動議，下回定當免去一切職銜！當嚐過炸蝦丸後，必定會將它納入「龍騰」必吃的名單中。外層黏滿粉絲的炸蝦丸，酥香甘脆；蝦丸質感扎實、彈性豐富，最難得的是蝦香濃厚，內層泛出粉嫩的蝦肉色澤，憑其自然的蝦香及嚼感，蝦肉的用量豐足，而且蝦膠亦打得用心！我愛象拔蚌的程度超越龍蝦，主要由於象拔蚌的爽感、清鮮和甜美的味兒。象拔蚌刺身切得頗厚身，口感相當突出，不過鮮甜度似乎較為遜色，相信是象拔蚌產地的問題。蘸上日本芥末和醬油可提昇象拔蚌刺身的鮮度。「龍騰」更細心的為客人準備芫荽皮蛋鍋，可同時享受生與熟兩款不同的食法！海龍皇湯用料非常豐富，最顯眼的湯料是大大塊的魚肉、蜆隻及豆腐。湯頭帶出乳白的色澤，呈現一遍魚鮮之香。湯韻鮮香自然，大家都對這海龍皇湯表示滿意！白灼九節蝦是最簡單兼原汁原

有些餐廳, 有些菜式, 一年總得吃上一次。秋刀魚, 花錦鱔, 禾蟲.... 近年已沒有刻意吃大閘蟹了, 改而吃重皮奄仔。當造食材如果足料哪會有不好吃之理, 所以這次親愛的友人說要吃, 還不到幾個小時就約齊人去吃過夠。鯉魚門龍騰也吃常去的餐廳之一, 吃海鮮找相熟的, 不求便宜, 但求十分錢拿回十足貨。先來隻沙面的象拔蚌刺身, 爽脆而肉甜, 味略淡但恰到好處。蒜茸粉絲蒸貴妃蚌, 甜味卻無象拔蚌刺身般, 鮮味不少, 肉爽有彈性。粉絲蒜茸帶出更多的鮮味來, 整體還只是不過不失。蝦丸半份, 餐廳例行送上的菜式。米通外層鬆脆, 金黃蝦丸包含無限彈性, 咬下有點彈, 蝦肉也有鮮味。鹽水煮花螺, 螺肉結實有嚼勁, 鹽水煮帶海水鹹味, 蘸上點點海鮮醬也不錯。相比之下, 椒鹽瀨尿蝦相較失色。椒鹽惹味香口, 而且做得乾身而味濃, 蝦肉有彈性帶橙黃結實蝦膏。可是瀨尿蝦件頭不大, 肉不算太厚。接著還是等主角出場, 重皮奄仔。奄仔蟹屬青蟹類, 也是"處女"母蟹, 正是少女時期, 而九月左右也是蟹身換殼的重皮時間。有膏有軟殼交雜, 此一時疲一時, 當時得令。每次去吃這些蟹同行朋友總是吃到"嘩嘩"聲。頂角蟹膏, 黃中

在港开完了两整天的会后经香港同事介绍来到鲤鱼门，吃上这顿美美的海鲜大餐。椒盐濑尿虾是必点的，有膏黄，肉质紧致有嚼劲。作为鱼虾蟹控的我，还点了上海很少见的奄仔蟹，以及超大个的花螺，辣椒焗的做法也很特别，个大但很鲜嫩，沾上微辣的辣椒汤底料，味道很棒。龙虾刺身除了刀功差些，刺身还是新鲜美味的。龙虾做的粥也很好吃，大大一盆浪费了不少。可惜只有两个人，不然还能点些其他的活海鲜。下次要人多来！

朋友介紹話幾好就試吓，本人一行十二人到這裡晚飯，沒有想到如此般差!職員趕收工關係。全部海鮮不用十五分鐘便出晒上台。點食得切呀…十一味菜，全部大大碟有份量，枱都放唔落，快還快但睇情況上菜囉！居然全部聖子無洗?!?!内脏及沙還在…太恐怖 其中有個朋友夾了一隻食嘩!沙同腸内脏還在?!我們完全放下無食,好浪費。叫職員來處理:他只說免費菜就算!咁都得！一間海鮮洒家成十幾廿年歷史不正是問題態度離譜，比錢 仲離譜佢話新鮮橙汁收$200每渣! (我哋叫了两渣)落單唔講清楚，硬食！

以前食海鮮多數去西貢或布袋澳, 最近朋友介紹鯉魚門, 果然無介紹錯. 有咩好? 呢度勝在價錢合理, 海鮮超級新鮮, 最緊要係老實, 唔似西貢果D劏到你一頸血.  首先梗係要搵海鮮檔揀海鮮啦, 朋友介紹一定要搵九哥, 唔記得個海鮮檔叫咩名, 淨係記得係龍騰出面, 不過你係鯉魚門是但搵個人問九哥係邊, 一定人人都識. 你可以同九哥講你鍾意食咩海鮮, budget 大約幾多, 佢就一定會幫你安排得妥妥當當. 我地上次話想食生蠔, 佢好老實同我地講當天的生蠔麻麻, 唔夠靚, 介紹我地食蝴蝶蚌, 又靚又抵食. 我地經常眼闊肚窄, 樣樣都想食, 叫得太多, 九哥會勸我地叫少D, 話一定食唔晒, 唔好浪費.揀完海鮮, 九哥會交俾酒家烹煮, 今次我地去龍騰, 呢間酒家比起其他的闊落, 最啱有老人家同小朋友, 師傅手勢都唔錯, 一向招呼我地果位翠姐服務好好又好傾. 餐前小食的溏心皮蛋和拍青瓜都絕不欺場, 令人十分期待接住落黎的海鮮美饌. 當日咁啱有生猛游水牡丹蝦, 成隻手掌咁長, 勁鮮甜彈牙, 連個蝦頭都勁多膏. 再黎都係蝦, 豉油皇炒蝦碌, 好入味, 連個殼都吮得乾乾淨淨. 跟住係每次必點的蒜蓉粉絲蒸

以前日子, 每到農曆九月十月, 總得約約朋友到家, 弄餐大閘蟹吃吃。近五年試過幾次, 與之前味道相差甚遠, 而且價錢更一年貴於一年, 所以更沒有多少意慾吃大閘蟹。所以今年索性揚言不想吃, 無論是什麼荷蘭來的, 什麼湖來的, 什麼江蘇種的都不感興趣。可是卻得到朋友前輩們不停的邀約, 老實說, 已推掉了不少。反而今年取而代之的目標卻是價錢商宜, 但風味一絕的奄仔蟹。順道這趟跟一個很久沒見的老酒友慶祝他的榮休之喜, 來到鯉魚門吃吃海鮮聚聚舊。吃一頓海鮮晚餐, 海鮮先送上半份炸蝦丸。蝦丸色澤金黃, 外層幼粒脆口, 炸漿略薄。入口蝦丸口感充分, 富強烈飽滿口感, 但口中不油膩。蝦肉足料而彈牙, 可口而有鮮香, 甚好。白灼東風螺, 味道相對清淡, 但更能抓緊螺中鮮味。口感有彈性而咀嚼感極重, 口中咀嚼感覺不錯, 感覺也是自由的可口感。但是要講到白灼菜式, 這個白灼魷魚片卻更好。魷魚片不厚, 但也不算太薄, 入口彈牙而充滿飽滿感。味道雖略淡而有微鮮, 但質感更勝一籌。魷魚片咬下時是爽口脆口, 容易斷開, 從沒半分拖泥帶水, 感覺極好。而要吃海鮮, 也少不了椒鹽瀨尿蝦。瀨尿蝦要好吃, 第一要看用料。瀨