龍鳳祥餃子館 (已結業)

雞絲粉皮($20)粉皮幾彈牙而麻醬夠曬濃。份量細細，當前菜唔錯。紅燒肉拌麵($48)以價錢黎講，性價比真心相當高，面頭鋪滿紅燒肉👍🏻。紅燒肉夠淋，不過醬汁稀左少少，如果做到更濃稠更掛麵既會更好。羊肉餃子配牛犇湯($53)餃子相對係北方食到既，相對薄皮左好多，不過可能更岩香港人口味。一份十粒，咬開帶肉汁，羊味都有既，不過唔算太重。加配既湯底反而驚喜😱，好香好濃，配麵一流！

下班後拖着疲累的身軀，晚飯還是簡簡單單就好。這天試試這家新張不久的餃子館，每次路過總見店人客不少，該是有一定水準的吧！店面雖小，陳設還是挺雅緻的，只是滿座時感覺擠迫。餐點以麵食餃子為主，也有特色涼菜可選。餃子可選淨食，也可配麵。喜歡香口一點可轉煎餃子或配特色湯底，才不過四、五十元而已，因此晚餐時段很快便告滿座了。 這兒賣的是山東餃子，元寳狀的正是一口一隻的尺寸。餃皮薄透，餡料較少。一般人視之為小食或粉麵配菜，但它在北方餐館是以主食的形式存在，一客十隻的餃子，已是飽足的一頓晚餐了。 跟母親早吃過下午茶的關係，還是選一客十隻的淨餃子好了。韮菜豬肉餃子($40)是最大路的口味，菜肉的比例各半，篩水工夫做得還算乾爽，餃子没有糊作一團。這家的餃子口味偏清淡，餃皮做得極薄，豬肉餡結實有肉香，韮菜香味較單薄，雖然味道説不上是特別，不過難得是没放味精，且没有肥肉，感覺十分健康，若然嫌味道過於清淡，可蘸香醋、豆瓣醬同吃。 想來點特別的，於是選了京蔥羊肉餃子($48)。同樣地餃子没太多的調味，而味道則更見驚喜－每隻餃子咬下都帶有一口湯汁，羊鮮而不羶，味道較韮菜豬肉出色。 淨餃不免太單寡了，添了一道小食，這

難得今日早放~去左佐敦同朋友吹下水食下野呢排, 成日食西餐, 日本野...好想食返中餐所以簡去龍鳳祥輕食餃子我地大約8點鐘左右到店, 場內入座率9成~好爆場而我地被安排坐係近廚房出入位置店既裝潢簡潔, 帶點中國風餐牌設計中國風味重諗左一輪, 最後我地叫左1份餃子, 1個小食, 2碗麵及2杯豆漿先上左杯豆漿自家製豆味重, 甜味亦岩岩好新鮮好味口水雞 $58份量OK!味道唔係話有咩驚喜但好食既!酸辣湯麵 $38呢個我個人好喜歡一係唔夠酸一係唔夠辣但呢碗味道岩岩好!唔需要再加任何調味已經好好味!材料十足(係無左豬紅)一流!而朋友就叫左個牛犇麵$48呢個又係好好食牛肉煮到好'林'好入味而湯底亦好重牛味完美最後, 主角到我地叫左雙併肉三鮮餃子以及羊肉餃子餃子外皮煎得好脆但內裏水份仍然鎖住左，無得輸肉三鮮餃子有驚喜入有豬肉，韮菜同蝦仁非常鮮味👍🏻羊餃子咬落去要小心d汁'必'哂出黎羊肉味好重 但一d 都唔'so'第一次食羊肉餃子 覺得好有驚喜🤗整體上！食物價錢唔貴份量大，又足料味道亦有水準 一間唔錯小店👍🏻唯一一樣野...我覺得好可惜有個服務呀姐, 態度好差 如果改善埋 就最好

放工由尖東沿柯士甸道落佐敦覓食二人同行 行到落白加士街 揀左呢間餃子店一坐底 先黎杯凍豆漿解解渴甜得有啲似百福豆漿但回甘果下有啲豆渣味 自家磨嘅感覺然後叫左兩麵一餸一煎餃口水雞 $58雞肉嫩滑 可惜皮太肥太厚 又近骨位但配上辣醬及辣油 非常味美呢個口水雞上面不是一般辣椒碎而係一堆有花椒嘅辣碎 (應該係自家製🤔)麻而不太辣酸辣湯麵呢個湯 無豬紅嘅 (太適合唔食豬紅嘅我)酸辣度均等 不會太咸 一啖湯配一啖麵牛犇麵湯底好濃郁 好香肉味 並不咸 非常足料製作牛肉炆得好淋 份量又多 好食到要介紹但麵底反而缺少蛋味 又過份偏軟 欠口感煎雙餃 $60(京葱羊肉+肉三鮮)一碟十隻 轉煎餃+$8 雙併+$5煎得好金黃 好外表好乾好脆身 完全無油膩感京葱羊肉餃一咬落去 估唔到肉汁多到吱出黎(圖中碟角)好羶又好香 雖然唔識分邊種羊肉但羶到這個地步 似是內蒙古嘅羶可能比較少京葱 所以無乜京葱味如果喜歡羶味嘅客人 呢個非吃不可肉三鮮 （蝦仁， 豬肉， 韮菜)絕對無高攀呢個菜名蝦仁爽口 豬肉鮮甜 韮菜新鮮又juicy 個餃子皮又唔厚兩個人仔 食左$214 絕對會再光顧

食東北菜 川菜既細鋪 甘當然要試下個水餃肉三鮮水餃 45 蚊 若再加特別湯底 好似酸辣湯甘 再加5 蚊肉三鮮即係 蝦肉 *九 菜 同豬肉 , 因為係自家制包 所以即日做即日煮 蝦肉新鮮彈牙 豬肉同九菜 切碎好有咬口 而且皮既厚度適中 超正 而湯底既酸辣粉亦都係用心之作 湯入面材料勁多勁濃 酸辣度適中 連埋水餃一齊食 好好味！原個蕃茄麵 48 蚊有d係學日本既蕃茄冷麵整法 , 將原個大蕃茄放喺冷麵面 再放以葱花 增加層次感， 首先蕃茄又大又新鮮 煮熟完再雪凍 鎖住入面既蕃茄汁 然後將蕃茄咬開 新鮮又凍既蕃茄汁就會流出來點埋冷麵湯底一齊食 ,.冷麵湯底應該係用 高湯煮完雪凍 冷麵類似壽桃牌既麵質幼得黎爽口彈牙 將蕃茄汁同湯撈埋既湯底同麵一齊食 超級match, 推介！牛犇麵 (但我點淨餸) 48 蚊牛犇即係牛肋骨側邊既肉 肉質 有7 成肉 1 成脂肪 2 成筋膜 食落去即有牛既油脂又有煙韌彈牙既口感 湯底 好味到可以飲埋 除左有濃濃既牛肉味外 仲有椰菜 同葱花 好似仲有少少藥材既調味 都係必吃之選！雖然食店細細間 . 但都算係佐敦隱世食物之一 真係好以一試 推介！

本人為餃子迷，基本上那裡有出名的餃子店我也會想試試！聽說這間龍鳳祥餃子館水準也不錯，原本灣仔的本店對我來說遠了點所以得知佐敦開了新分店便立即來試試說到了餃子的由來，有人說餃子本名「嬌耳」，東漢末年有醫神之稱的張仲景辭官回鄉，眼見老百姓傷寒飢餓之苦，很多人耳朵都凍壞了。他便就地設立醫棚，以麵包皮包裹羊肉、辣椒、藥材等成耳朵的形狀，派給老百姓。後人仿效他，稱為「餃耳」或「餃子」。菜單上印有為餃子寫作的詩句《餃子》素衣台案前，巧手賽天工。雪花紛飛舞，皎月平空現。清水飄芙蓉，元寶落玉盤。饕餮世間味，最是此物鮮。清代何耳的《水餃》詩可想而知中國人對水餃的喜愛呢！走進店內，發現小店裝潢很有東北feel，看那牆上的菜牌有沒有很像古代的令牌？店內也有很多繩結或剪紙圖案的裝飾，紅色的菜牌與牆上的紅色同心結互相映照，真的像走進了東北的小館一樣。落單後不消五分鐘美食便陸續呈上千層醬豬耳$25（小）- 雖然是小碟份量也不少呢，豬耳的膠質使豬耳做到層層疊疊的效果，卻又層層分明。豬耳爽口彈牙，不會覺得肥膩，青瓜、雜椒、甘筍、芫茜、蔥切得幼細，配上豬耳一起吃，不同的質感帶來豐富的口感，醬料帶點麻辣，很惹味紅燒肉麵$

「海味山珍，好吃不過一餐水餃」。自小對以薄薄麵皮包著餡料的食物情有獨中，如水餃、雲吞、蝦餃及小籠飽等，通通是我喜愛的。對我而言，好吃的水餃，它的美味甚至能超越名貴的山珍海味。早前來久別重臨澳牛，發現隔壁開了家餃子店，已經決定了擇日來吃。餃子店用上具古典感的木製桌椅，裝潢甚有古代客棧的味道。水餃有七款選擇，當中最特別的是蕃茄雞蛋餃子。我選擇了的雙拼餃子包括蕃茄雞蛋餃子和肉三鮮餃子，配以蕃茄湯底。蕃茄蛋餃子餡料中的蛋，份量比蕃茄的多，酸酸甜甜，加上滑蛋，非常開胃。肉三鮮的餡料包括豬肉、韭菜及蝦仁，豬肉碎較滑身，蝦仁爽口。餃子皮亦甚不錯，厚薄均勻適中，口感爽滑。涼伴菜點了兩款 - 雞絲粉皮和醉雞。雞絲粉皮點了小碟的，大約有一飯碗左右的份量，粉皮爽滑，加上雞絲和清爽的青瓜，配合香香的麻醬，好吃是一定的了。醉雞由紹興酒泡浸，雞肉又滑又入味。麵食有多款選擇，有冷麵、湯麵及拌麵。一看餐牌，便被秘製牛犇麵的「秘製」字眼吸引。「犇」讀作「奔」，牛犇麵的牛肉是牛肋條肉。麵的湯底極濃，牛肉味十足。牛肉非常腍，帶著的點點脂肪更突顯出牛肉的鮮味。麵底採用上海幼麵，爽滑且充分吸收濃味湯底。整體來說，牛犇麵的味道跟

天氣持續酷熱，說正餐也不想食多，想要普通吃些小食來填肚子便好。大熱天時走呀走，走到去一間餃子店，見到價錢相宜便忽然心生暗爽想要去。畢竟外面實在係太太太高温，同賣細食媽媽，食少少就好了，所以兩個人都唔係叫左好多姐。肉三鮮45黎餃子店當然就要試下d餃子先，一碟有十隻，價錢中等，主要有豬肉韭菜蝦肉涵，韭菜足料有突，偏向山東餃子的包法，個子唔大粒，但用料就幾結實，而且外皮沒有我好怕的那種未熟透，取而代之係滑滑溜又有汁，整體味道挺鮮香。雞絲粉皮38小店經營不收加一，感覺份外親切住家。見到餐牌上有這粉叫，一定要食翻個涼拌菜要醒醒胃降降温吧，事關小妹身體被太陽完全干蒸，想熟又就黎溶。雞絲不帶雪味，混上麻醬感覺清新，加入青瓜段同唔少既粉皮係底，芝麻花生醬無太黏口，亦無又稀又油咁，凍凍的一道，爽口夾煙un，兩下手勢就被我掃空。醬牛肉48牛掩得甚入味，薄切來說份量都唔惹少，厚薄適中又有幾分咬口，此道我會稱作魯牛，無點面食都不覺濟。口水雞58香而不辣的口味，微辛倒起刺激腸胃的大作用。雞皮薄又滑，不會半碟肥雞無肉食，然而雞件也入味，無雪雞的冰凍奇怪咁，肉質也帶幾度咬口，不是過於結實，也不是淋淋的，尚算入味

夏天無胃口食飯，食餃子都係一個唔錯既選擇，佐敦一帶都好多特色小店，龍鳳祥餃子館就係其中一間，餐牌除餃子外，仲有小食，湯麵撈麵等選擇雞絲伴粉皮(小），配上麻醬，成日覺得雞絲粉皮同麻醬係好夾既，加埋黃瓜感覺更健康酸辣黃瓜條(小），天氣熱，食黃瓜都係一個唔錯選擇，黃瓜夠爽甜，配上酸酸辣辣既味道，好開胃秘制牛犇麵，朋友點既，一黎到已經聞到好香，試了一舊牛肉，好'淋'，仲有好多肉汁，不油膩，感覺好似食緊牛腩咁，試了一啖湯，好香牛肉味東北打滷麵，加了蕃茄湯，內有白菜，蕃茄，蝦仁，雞蛋，麵係上海幼麵，麵夠滑，蕃茄湯夠濃，仲食到粒粒蕃茄，每款配料都好香口，蝦又夠彈牙，份量又夠晒多黎到餃子店點都要食餃子，今次試了煎肉三鮮，豬肉，韮菜，蝦仁，每粒煎得均勻，皮夠薄，饀夠多內裏仲好juicy，無得輸

自少就對餃子有情意結，鐘意佢啖啖肉，令人滿足既口感。今晚就特意約左好耐無見既舊同事到佐敦既龍鳳祥餃子店聚舊。食店餐牌中，光是餃子已有七種選擇，五花八門，我好想試哂所有口味呀。除了餃子，還有伴麵及湯麵，甚至其他小食，價錢亦不貴。下單後既等待時間中，聽到食客與店員既對話，先知道呢家餃子館在灣仔已有一家主店，而且菜式仲比呢到多。京蔥羊肉 及 蕃茄蛋 雙拼餃$50餃子最快送上！ 飛水飛得夠乾身，唔會有啲水係到浸腍餃子。蕃茄蛋餃真係好少地方有得食，可以做到飽滿而唔出水，製作難道應該幾高。 味道唔會太酸， 餃子皮簿得黎有彈性， 咬入去而且仲食到蛋絲同蕃茄肉既質感，唔錯。京蔥羊肉餃既外皮同樣彈牙，羊肉紮實唔羶，仲食到京蔥既香味。唔記得講餐廳有提供辣椒醬同黑醋，不過餃子調味做得好，所以並無蘸醬食。祕製牛犇麵 $48朋友叫既牛犇麵，果然牛味濃郁，聞到已經覺得好香。我試食左一小碗，牛肉炆得好腍好軟，而且仲好入味。個湯有濃香牛肉味，麵條粗度適中，有嚼勁，一邊食一邊唸起台灣既紅燒牛肉麵。醉雞 $58醉雞雞肉比較紮實，雞皮醃到變得有彈性，酒味清香，如果更嫩滑會更好。千層醬豬耳 $48我好鐘意既小食 - 醬豬耳。

我跟男朋友也是個餃子迷，可能因為我本來都不喜飯吃米飯，所以一切麵食、餃子、雲吞類的我都百吃不厭。通常粉麵或餃子店都不大注重裝潢，而且總令人吃到汗流浹背。不過這天就來到佐敦一間注重裝修，及食客用餐體驗的餃子店了。見到門外餐牌上有一碗牛犇麵，牛犇是如何讀的呢?? 我只懂讀作牛牛牛牛牆上掛上一系列印有招牌菜式的竹簡，與店內的木製枱櫈互相輝映。男朋友專享的秘製牛犇麵$48，侍應說犇字讀奔，我倆又長知識了。在拍照時其實我已聞到碗麵傳來大陣牛味，差點令人流口水。 我嚐了一口牛肉，牛質非常淋滑，而因為牛肉煮得很鬆軟的關係，所以每口牛肉都把很多湯汁鎖進去了，形成10級滋味。這是我的四川擔擔麵$38，湯底沒有別的店那麼過於濃稠，雖知道擔擔麵的湯底有時更像是漿糊，還好這裡是輕盈感覺，但又足夠令你吃得到花生味北方麵食始終跟我們廣東竹昇麵有著很顯著的分別，竹昇麵有鴨蛋作靈魂，麵條較幼身而且著重彈性，而北方人因為一向以麵作為主食，所以麵條會較粗求飽肚，而且麵質柔滑幼韌，所以鹹魚白菜各有所愛，兩種麵有完全不一樣的口感，而兩種我都喜歡。嚐過兩碗麵都覺得十分驚喜，想不到連小食都同樣出色 - 醉雞$58，以紹興酒浸過的

係佐敦行到好累！見到間食餃子，又唔洗等位，就走左入去食，間店幾細小，坐位不多，大概有十幾個左右！千層豬耳：有啲麻辣，切得薄，層次分明，值得推介酸辣湯：好好飲，味道適中！雞絲伴粉皮:麻麻地，感覺唔太夾紅燒肉伴麵：還可以，紅燒肉幾林都會返黎再食，大致上都ok，價錢合理

獨個兒在佐敦覓食，轉入白加士街行了兩行發現這店，反正不知吃甚麼便試試吧！店內裝潢不錯，(應該是新開不久的關係)。食物選擇不多，主要是餃子和麵食。夏天晚上還是很熱，來碗麻辣雞絲冷麵降降溫！可惜個人覺得麵不夠冷，有點失望。但味道和賣相有誠意！配料有紅椒，綠椒，紅蘿蔔，一隻雞蛋，味道清新，雞蛋也整得剛好。麻辣醬分開上，可因應不同嗜辣程度加入麵內。整體感覺良好，有機會再試拌麵！

一個人在佐敦揾食，諗住去澳洲牛奶食個快餐，未行到這街，就發現有間新的餃子店，突然改變主意。店舖細小，座位較逼，食客不多，可能新開，又或者隔離有間八方雲集。這店不單只食餃子，還有面食，客飯，涼菜，但叫得餃子館，當然選食餃子，餃子有七種選擇，我選最普通的白菜豬肉餃。水餃粒粒飽滿，肉饀多汁，肉的比例較多，食唔出有白菜，看又看唔到白菜，水餃皮較厚有少許韌勁，如果白菜多番些會更美味及健康。

有日因公事經過佐敦見到有新店開張店內以中式餐館 實木為主的裝修坐位不多 大概有十多個坐位吸引我去嘗試的是因為附近沒有什麼特別的餐廳好吃常常經過都只會食某米線和某薯粉見這裡有不少午市套餐可選擇價錢亦合理 都可以一試餐牌有燉菜客飯 麵條 餃子可選擇見到有一麵條 - 牛「犇」麵 名字好特別 連讀都唔識讀 就問下店員係咩黎於是店員話原來讀牛「繽」麵即係牛腩麵的意思用英文去解釋 原來係坑腩的一種 取自牛肋條(Finger meat)部位的肉 係牛味最濃的部位見到咁特別的名 就叫一碗牛犇麵（$48） 加酸辣湯（$5）酸辣湯材料好充足有豬肉絲 紅蘿蔔 竹筍 木耳 冬菇 豆腐 辣椒等但由於個人喜歡吃酸一點辣一點所以覺得味道略為遜色每個人接受的酸辣度都不同不過以（$5）來說 算很抵食主角牛犇麵登場了 份量不少呢一看如此深啡色的湯頭便知湯底應該熬了很久嘗了一口後 wow牛味十足牛腩燜得好入味 好淋 一咬便散開濃烈的牛味散發在口腔裡面而且牛腩脂肪分布平均 不會覺得太肥膩如果喜歡食牛肉麵 可以一試