龍鳳祥餃子館 (已結業)

自從食完『尚品』後，一直想再吃餃子。這天身在佐敦，上OPENRICE查了查，找到這間龍鳳祥餃子館。因為想試勻所有款式，故雙拼了餃子(+$5)，20隻餃子共$99。蕃茄雞蛋餃子包得非常飽滿，盡是蕃茄雞蛋，配搭新穎，蛋已全熟，比較乾身，幸好蕃茄甜甜酸酸，仍保留少許水份。素三鮮餡料有木耳、甘荀和菜，十分健康，而三款素菜都切絲，吃來爽脆有咬口。京蔥羊肉皮薄而肉汁豐腴，一咬我就立即吸吮肉汁，入口盡是羊肉鮮，十分惹味。肉三鮮材料有蝦仁、韭菜、豬肉。豬肉肉汁鮮美加上蝦仁的鮮和韭菜獨有的香氣，三者配合起來，味道不俗。雖然肉汁較少，但勝在調味簡單，吃到食材的原味。這兒的餃子比較小，皮也較薄，每人吃十隻都不太飽肚，需另點小食。千層醬豬耳(小)($25)豬耳夠爽脆，配上微辣的麵豉醬，味道層次豐富。醉雞($58)醉雞夠"醉"，酒香芬芳濃郁，雞肉軟腍入味，如果醉雞多點肉和滑身一點就更好。當然不少得要一杯豆漿（$5)，豆味不算濃郁，但夠冰涼，其實整體質素不俗，只是還是偏愛『尚品』。

本來想到澳牛整個光速餐，點知星期四休息，見隔離開左間新嘅餃子店，就即管試下。一入間舖，間隔超窄，坐得好唔舒服。而且餐牌要參透好耐都未必明白，究竟要點先可以又要煎餃又要麵?諗住唔明白就問店員啦，點知問親答唔夠兩句，一係就走左去第二枱同人入單，一係走去執枱，等陣先或者唔好意思都冇句，前前後後問左兩次都未答到我想知嘅野，覺得非常唔尊重顧客，好似我唔明問問題係阻住佢做生意，所以唔肯講解咁。受了兩次被無視的對待後，決定唔食就走，咁嘅服務態度根本唔值得俾錢消費。

< 餃子也追潮流 >係旺角佐敦一路行潮店見到有間新開既餃子店立刻走入去睇睇咩料，見到除左有傳統餃子之外，仲有新式餃子，岩哂我地要追上潮流既非主流，仲可以跟唔同既湯底添 😳 除左餃子之外，仲有好多唔同既小食例如蒜蓉拍黃瓜、酸辣黃瓜條、糖伴蕃茄、口水雞等等東北方既小食，餐牌另一邊仲有好多麵食，冷麵湯麵拌麵乜都有，最新奇莫過於就係一顆蕃茄冷麵，見到就想叫 😂 唯一不足就係地方比較淺窄，可能因為咁所以服務都比較差 😟< 一顆蕃茄冷麵 $48 > (Score: 7.5/10)砂煲咁大個拳頭你見過未呀？講真，我未！我只係見過拳頭咁大個既蕃茄！呢隻蕃茄真係特別大隻 😂 Baby 本身都幾鍾意食蕃茄 🙊 食落都好鮮唔太酸，撈埋冷麵食好清新好鍾意 😋 尤其而家咁熱既天氣 🔥 適合素食者食 ☘< 肉三鮮餃子 $53 > (Score: 8/10)肉三鮮餃子本身係 $45，但係轉煎餃子要 +$8，一份 10 隻，都幾貴下 🙊 但係講真個味係好好食，煎得金黃香脆，而且好足料好鮮好夠味，三鮮係包含豬肉、韭菜、蝦仁！個人認為呢個係必叫 😋< 蕃茄雞蛋餃子

食個午餐 叫一個餃子可以成三十分鐘都唔黎 催左兩次 店員十分不禮貌其他幾張枱已經食完，我個餃子都未到第一次嬲到要即刻上openrice寫佢 最後嬲到叫佢唔洗整，淨係比個可樂錢就走人 成個午餐時間冇左，雖有過隔離買個蛋治食 離晒譜

今日行過佐敦,見到開咗間餃子店,便和友人進店試試。見到店內裝修得好有中國風。配襯返餃子是中國的特式小食。這裏有蒸餃或煎餃,有很多唔同配搭的款式。仲有特式小食,麵和飯。原來灣仔都有分店.我和友人比較喜歡食餃子,所以就叫了以兩款蒸餃~~肉三鮮(豬肉,九菜,蝦仁) 有10隻每隻都很大隻。 包得很靚,沒有散。三種料分配平均,蝦好大隻,肉爽口。加入了九菜,好香口京葱羊肉 有羊味,可能京葱不太多,很多羊肉。所以沒有搶了羊的味道。皮薄。可以一口一啖,好滿足。食完啲餃子,好似有點耳油未盡,便和友人叫了兩個小食.千層醬豬耳(細)和雞絲伴粉皮,見都是20多元一樣,抵食.千層醬豬耳(細),微辣.以為是幼絲,點知每件都很大塊,又爽口,不會覺得在吃梗耳仔,哈哈。雞絲伴粉皮雖然不是太大碟,但麻醬很足夠,足夠拌勻雞絲和粉皮一起吃。粉皮很QQ 的。最後仲叫多咗個麵,秘製牛犇麵牛犇算多,又大件好又林,煮得很入味，好香八角味。麵的份量都很多,又彈牙,食完都好飽。友人叫了杯豆漿喝,第一啖空口飲,感覺有些甜,食完麵後喝,味道又啱啱好。

為了捉精靈，大家都經常四圍走來走去，這日去了佐敦搵精靈，順道與友人去了吃煎餃。想不到煎餃子真的挺好吃，回頭率極高！餐牌設計簡單，菜式名字沒有份外的花巧和造作，但會列出廚師推介、素菜和辣的菜餚，充滿踏實的感覺。在店內一角見到店員在一邊密密包餃子，保證新鮮出爐。餃子有兩款製法，可配特色湯底或轉煎餃子；另有涼菜、冷麵、湯麵和拌麵，來一碗麵加餃子已經吃到好滿足！川味口水雞 $58底下有堆砌了製多青瓜絲，隔起了辣油和雞，但想不到在香港麵可以吃到貼近北方口味的辣味，個人表示少辣已經十分惹味。雞肉都幾滑嫩，本身不會好肥，吃落不會油膩。韭菜煎餃 $48/10隻餃子有數款，可以視乎自己的喜好選擇餡料；個人偏愛韭菜本身的香味。一拮開薄軟的餃子皮，內藏的鮮肉白菜和餡料都傾瀉出來。呈金元寶形狀的餃子皮薄餡靚，而且兩面煎得均勻。韭菜的香味濃烈，加肉餡鮮味十足。飲品必點凍豆漿 $5夠大杯，應該是我暫時飲過又平又靚又正的豆漿吧！飲落好甜，還有大豆的微香，夠天然健康～東北打滷麵 $46單看這碗麵可以看出店子的慷慨，蝦仁數起來超過10隻，用料十足，絕無欺場！第一次吃打東北打滷麵想不到是這麼煙韌彈牙，內有多款配料：白菜、

原本想去食米線，途經發現咗新開北方餃子店。新鮮手製蒸餃子，質素高，份量足，健康中式選擇！冷麵材料豐富，雞肉鮮嫩，價錢適中，炎熱夏天好選擇。服務質素亦友善，細心 。值得推介，環境舒適！

食過八方**既煎餃，再同呢到既煎餃相比，真係高下立見。比較之下，靜係煎法已經贏幾條街喇。八方**只係輕微煎一煎，叫做有少少脆口，咁就交貨。呢到既煎法係，將一面煎到金黃，另一面微脆，形成左兩種口感。拿捏得岩岩好呀，煎多一分太熱氣，少一分就唔夠脆口。煎餃脆口之餘亦都好juicy，完全鎖晒啲肉汁係入面。另外個餡都好足料，所以成個餃子咬落去係好豐富咖。溫馨提示：要小心啲食，因為第一啖咬落去，係會爆汁咖!!!呢到既豆漿都幾抵飲，只係$5，唔稀身，飲到豆味，比起便利店盒裝既好飲。

星期四澳牛休息, 見隔離開左間餃子館, 鍾意食餃子既我梗系要試下啦。蕃茄蛋餃皮厚薄適中, 可惜淋左啲, 包住滿滿既蕃茄蛋, 蛋香幾濃, 仲有酸甜既蕃茄粒, 好開胃。蕃茄湯底微杰身, 蕃茄味反而唔太重, 如果酸返啲就更好。韭菜餃子好重韭菜味, 肉味鮮甜, 湯底好濃牛味, 配埋一齊食夠哂香濃惹味。豬耳好爽脆, 咬落sok sok聲, 帶麻辣既味道, 幾啱重口味既人。豆漿偏甜豆味唔太濃, 一般。呢度開左冇幾耐但系客人都唔少, 大慨系環境乾淨舒適食物價格又唔貴既關係, 鍾意食餃既人不妨試試!

無飯癮的我，自己一個出街吃東西，總是在找麵或餃子，我想我可以天天吃餃子也不會厭，今天便是午晚兩餐都吃餃子了。今日係扮靚靚日，放一日假去美容院relax一下，先去佐敦的龍鳳祥食野。豆漿$5 豆味不算特別濃，但合格，價錢便宜取勝。蒜蓉拍黃瓜$15 夠蒜香，以麻油、醋、豉油調味，青瓜爽脆，如果雪凍食更有風味。餃子加$5 配酸辣湯，可另上，想不到湯內有豐富的料，有筍絲、肉絲、木耳、蛋花、豆腐，湯底則較平時上海店吃的酸辣湯較清，但用來配餃子吃是剛好的，餃子也可選蘸豉油或醋吃。素三鮮餃子 拼 肉三鮮餃子$49素餃有菜仔、甘筍、木耳，肉餃有豬肉、韮菜、蝦仁，素餃餡料較腍，口感稍弱，相比下肉餃無論鮮味和口感也勝，蝦肉爽而鮮，配搭也出色！

I didn't hesitate to stop by for dumplings because I have tried the Wan Chai branch before.The menu is slightly different here and they serve mainly dumplings and noodles.The WanChai branch serves more variety like the delicious toffee apples which I went twice for.Got the different pan fried dumplings, the egg and tomato and the lamb with a beef broth.The egg and tomato one was really good and it was tasty enough without sauce.I also had the beef broth which was really strong and salty.It was h

係附近商場睇完戲，又係搵食o既時候，搵食就當然要行番出佐敦，大把食店任你揀，行到澳牛條街，見到有間餃子店，試試無仿呀~店面小小，但餐牌選擇多多，小妹從未到過北方，只知道北方人都喜歡拿餃子做主食，就好似我地食飯一樣，既然無興趣北上，就係香港試試呢種食法啦豆漿 ($5)可選凍或熱，不算太濃醉雞 ($58)淡淡的酒香，再配左滑滑的雞件，份量都俾得幾足食餃子最好兩大拍檔，豆瓣醬同醋~~白菜豬肉 ($40)有成10隻餃子，仲要大大隻，果然係可以當飯咁食，皮好薄，薄到透到入面o既材料，好味過八方xx多多聲肉三鮮 ($45)即係有豬肉、韭菜、蝦仁，同樣地皮薄餡靚，份量之多我地3個人分兩碟餃子都唔洗爭食秘制牛犇麵 ($48)咁多個牛，一睇就知佢牛味十足啦，先試一口湯底，十分之甜! 同我係台灣食過最好味牛肉麵o既湯底有得揮! 牛肉份量亦都十分多，鋪到成碗麵都係，就算3個人SHARE食都每人分到3、4舊 呢碗麵真心推介黎到呢度一定要試! 一句講晒~ 平。靚。正

留學外國的好友放假回港，當然要碰個頭吃個飯。回到香港，一定要吃中菜吃個夠吧！可是兩個人上酒樓又難點菜，記起之前到澳牛時旁邊的餃子店大排長龍，一於試試吧！星期二夜晚七時多，已經滿座了，等了約十分鐘。店子小小，看來只有四、五十個座位；裝潢帶有中國風，用上木桌椅，掛了一些中式飾物。等位期間翻翻菜單，只有兩版中目了然，主要是餃子、麵類、涼菜。醉雞醉雞一份份量也不少，而且有輕微去骨，每件都啖啖肉，不會骨摻摻，而且切得一口大小，方便進食。雞是冰鮮雞，雞味當然不重，但肉質滑而有咬口；雞肉煮得不太入味，但其醬汁味道十分豐富，酒味香，但若浸久了會過咸。雙拼餃 - 蕃茄雞蛋拼肉三鮮來到餃子館當然要試試餃子，貪心的我們想多試試，於是點了雙拼，清淡一點所以點了清湯餃。蕃茄雞蛋比較特別，酸酸甜甜的味道清新，而雞蛋亦滑身；肉三鮮有豬肉、韮菜、蝦仁，餡料調味恰到好處，而且帶有肉汁。秘制牛犇麵牛牛牛這個字怎唸呢？侍應說是「奔」，雖不知牛犇是哪個部位，但單憑這個有趣的字，加上「秘制」，想必是必吃吧！牛的肉質煮得軟腍，而且入味，秘制湯汁甜中帶咸，肥瘦比例適中，但帶羶味；麵質粉感較重，略為糊口。東北打滷麵朋友點了餐牌上另一

店面比較細 但整体都好雅緻好乾淨舒服=]黎到餃子店當然要叫餃子！我地揀左 肉三鮮煎餃！煎得好香口 金黃色脆卜卜 啲料都好足！熱辣辣！推介！雞絲粉皮！ my favourite! 麻醬落得好足 雞絲都好多 青瓜絲好幼！我地三個人叫左個大既 清哂！正口水雞！啲雞幾滑 幾多肉！個人覺得幾惹味 略嫌偏辣 如果唔食得辣既朋友注意下主食叫左兩個面當然有叫佢個秘制牛犇面！好大碗！面質好彈牙！然後最重要當然係個湯底啦~好清甜 唔會好重味精味！料都好多！另外碗炸醬伴面都好正！炸醬好多！撈埋落呢隻面到個味好夾！好快成碗就清哂lu~~~總結我覺得好扺食！性價比好高！老闆都好熱情~

今日好開心😊!老公來接我收工,所以我決定請佢去食同事介紹呢一間餃子店 餐牌好簡單，原來主要係食餃子同埋麵 去到嗰陣時已經係夜晚九點半，但都仲好多人， 望下周圍環境好新淨好整齊 同事推介我哋食呢個牛犇麵， 一問之下，原來係犇代表有牛腩牛筋同埋牛肉， 牛肉汶得很冧身， 一入口就有好香濃嘅牛肉味同鮮味， 咬落口一啲都唔會黐牙! 個麵煮得啱啱好好夠熟，好彈牙! 湯底有少少偏甜味嘅! 唔怪之得同事好推介極力推介啦! 真係好好味 叫咗個醉雞， 醉雞嘅酒味唔會過濃， 唔會蓋過雞肉嘅原有嘅鮮味， 雞肉夠嫩滑同結實， 最驚喜嘅係我最唔鍾意食既雞胸都唔會好似平時嗰啲咁“鞋”身老公鍾意食辣所以揀咗呢個麻辣豬手, 豬手炆得好夠冧，煙煙韌韌又夠入味，老公話係佢食過最好味嘅豬手， 佢個表情真係好搞笑， 不過唔算太辣，所以我都食到 三鮮餃，原來呢度可以叫餃子跟個湯底，有牛肉湯底蕃茄湯底，同埋呢個酸辣湯底， 平時食餃子我必定會點醋，但因為有酸辣湯嘅酸味所以今次連醋都唔洗落， 餃子加埋個湯底一齊食變咗個餃子更加滑身 聽講呢度啲餃子係每一日都新鮮包的，呢個三鮮餃有齊我最鐘意既韭菜鮮蝦同埋豬肉，餃子嘅肉汁豐富， 有新鮮韭菜