龍麵館 (已結業)

星期六下午約二時半在中環，想起這家龍麵館，所以來試一試，人不多，叫了個龍肉湯麵，黑松露芋角，糯米包，奶凍，龍蝦麵很快到，一人份量，一片龍蝦肉，湯底幾濃，但不夠鮮味，麵條有些還痴在一起，明顯只是隨便的煮一下，不用心，150元一碗不值，芋角幾香口，但內部材料很少，糯米包賣相不錯，可惜只有外表，甜品凍奶也很普通，在叫甜品時，我跟侍應説了，結果等了一會還沒到，再叫另一侍應，不到兩分鈡就到，第一位侍應聽不懂又不開聲，太過份，整體食品質素很普通

看到這蘿蔔絲酥便驚見有這樣的一個造型，中間的顏色及紋理都與一隻龍蝦沒有分別。味道也當然很好啦，鬆脆的蘿蔔絲外層，一咬即化。而中間的龍蝦肉更是美味鮮甜，與蘿蔔的味道配合得很好。

因為個名夠勁同朋友食生日飯所以揀左呢間片皮鴨 ~ 如果100係滿分佢係有90分既!  無論刀工及味道也非常出色, 而且該員工服務態度係非常好的! 最面層皮(係淨皮) 又香又脆配糖食 ~ 正脆皮加小小肉 充滿油香 ~ 正淨肉不鞋有咬口 ~ 正配菜醬料也很出色!其他菜式簡介:龍蝦蘿蔔酥 ~ 無論造型或味道也滿滿的期待著......結果不想說了..... 一樣野已經打敗了 "凍的"!!! 牛面肉 ~ 普通到不能除左夠林之外不是太出色藍梅冬瓜 ~ 幾新潮這食法又清新總括 ~ 店員服務態度非常好; 食物除片皮鴨外有待改進!!

U magazine見到有蟹粉蝦多士，特登夾男朋友搭車去試。去到發現幾特別，一片中國特色呃鬼佬格局，正正似北美 target 鬼佬嘅中國餐館咁，事實上過半客人都係外國人，空間感夠坐得幾舒服 ，燈光偏暗。最痛苦係叫食物過程校率極低，點心紙有價錢無圖，另外有一本餸菜圖有圖無價錢，號碼唔順序，有圖又未必有得點，加上餸菜中文叫奇奇怪怪，反而睇英文先知點煮，e.g. 牛高碼大骨 = 24 hours sous-vide US bone-in short ribs，附近幾枱客都同樣好似 open book exam 咁揭來揭去揭到頭都暈。員工服務非常好，可能因上述原因對菜色都很熟悉，加茶注意度媲美酒店，鐵觀音茶味還好。被員工多次推介片皮鴨，男朋友嚷著要食，但明明係去食蟹粉龍蝦，當然唔理佢。 食物擺放精緻，蝦幾爽，蟹粉夠味，龍蝦熟度適中，但全部都好油膩。總結，呃鬼佬格局，食物唔錯，價錢偏貴，兩個小食加一個飯已經５百幾蚊，茶錢近廿蚊位但都只有普洱香片壽眉鐵觀音選擇。

中環的龍面館裝潢很豐富，門口有鼓有像舞獅頭，矛與其說很中式我會說這是非常能形合外國人想像中的中式餐廳入面是開放式廚房可以看到師傅們工作這裡的餐牌都有英文在這中環地段適合帶外國人來嘗試中式點心外形新穎，他們比較能接受這部分的點心買二送一，所以價錢算是合理木魚茄子茄子上有層醬汁和沙拉醬配答很好，茄子不會過軟，調味也不會過咸半蝦半蟹餃外形吸引，切開一半時可以看到一邊是蝦，另一邊是蟹。可惜吃下去時蝦搶過了味道，吃不出有蟹椰子玉米外觀一流味道不及視覺效果，玉米上有沙拉醬和椰子碎鮑魚汁鳳爪醬汁味濃，鳳爪充分地吸收了醬汁還有花生，整體很吸引多餘的汁用來伴飯也不錯茶燻素鵝上菜時會被蓋住然後店員一翻起蓋，一股煙就出來了娛樂性十足素鵝層次感足，略淡適合口味比較清淡的人菩提素炒飯沒有太大特色略硬，但飯粒分明這次一行三人，結帳時400多價錢算是合適整體食物中上，環境服務更為優秀

中環區越來越多玩味性十足的餐廳開業，尤其是主打中菜的。還記得太約在一年前，有一間以中國武術為主題的中菜開業，內裡的裝潢充滿武術元素，甚為驚喜。估不到再次光臨竟是一年後，趁著還有蟹粉菜式供應的同時而來，真是開心。 一向都對中菜頭盤特別有興趣，其中這個【沙薑雞卷】的美味至今仍留有回憶，所以一來到就二話不說地點了。雞肉雖然捲成圓型，但仍不失嫩口，配上香濃惹味的沙薑汁，實在有說不出口的美味。 【龍蝦蘿蔔酥】是店中的招牌，賣相華麗，整隻龍蝦呈上，酥皮做得鬆化香酥，輕輕一夾即散，餡料填滿了龍蝦肉及蘿蔔絲，香嫩鮮甜。另外，【蟹粉竹炭蝦多士】也在賣相佔優，黑色的多士上放著鳳尾蝦，再澆上蟹粉，確是睇得又食得。 同樣以蟹粉入饌的還有【蟹粉蝦膠釀海參】，在爽滑的海參內釀滿了爽口彈牙的蝦膠，鮮味十足，配上香濃鮮美的蟹粉，完全將味道提升了一個層次。 等了又等，主角的【京城即燒片皮鴨】送來，剛好隔旁的客人們也點了半隻，師傅先片出鴨皮，灑點黃糖來吃，香脆可口；接著是蘸蒜泥的鴨胸肉，鴨味濃郁，而且油脂薄薄的掛在鴨肉上；到最後的鴨腿肉，是油脂最為豐厚的，以麼麼皮包著青瓜、大蔥及甜麵醬來吃，味道都不錯

呢間位於中環的中式餐廳，單憑店名以為主食龍蝦麵，但原來有點心同其他中菜選擇。打開個餐牌，原來係一間中高檔「酒樓」至於食物，賣相、口感確係唔錯呢個炸雲吞，皮簿，香脆可口，餡足，鮮蝦足料且爽口，有咬口。不過略為少少咸呢個黑松露芋角，確實炸到鬆脆，有少少入口即溶的感覺，中間餡料主為素菜類，菇粒有口感。第一啖咬落已經食到黑松露味。不過又係略嫌有點咸。最為期待的龍肉湯麵，應該係店內必食之選吧。（我估）確實係推薦個龍蝦湯鮮味香濃，而且味道不會咸/味精。龍蝦肉料食，啖啖肉，啲肉唔「梅」，爽口彈牙麵就係拉麵條，有口感。龍躉蒸飯魚肉多，有咬口，不會好腥。但呢個食多幾啖真係有少少咸。整體來講，食物用料係新鮮，賣相精緻，感覺到用心製作，有誠意。不過略嫌味道有少少咸。

如果我有外地朋友呢我通常都會帶佢去呢間嘢有得玩有得食服務唔錯前菜有買二送一但係唔等於唔好食佢有個龍蝦酥成個龍蝦咁嘅樣但係一個人食一個實在係太多因為佢好大舊最好係share龍蝦湯麵始終係我嘅至愛因為我鍾意佢濃厚嘅龍蝦味龍蝦撈麵我就感受唔到因為已經食飽咗 佢嘅蝦鉗係幾好食嘅佢嘅鐵板半肥瘦叉燒真係幾鬆軟仲有啲 黃豆真係好似去咗某高級燒味餐廳食咁樣我見到有人竟然淨係嗌個叉燒再加個白飯仲要係自己一個獨食我見到隔離枱 個個都叫片皮鴨但係我覺得真係會食唔曬所以我都冇衝動叫服務好好

一班同事話要食好啲，就去咗中環摩登中菜餐館。一入去，格局好特別，侍應都好有禮貌。前菜賣相好靚，材料好清新，值得一讚叉燒用石鍋燒住，熱辣辣，肉質好林又入味龍蝦蘿蔔素賣相非常吸引，食落口都OK，酥皮幾香口。可能我們對龍蝦麵期望太高，覺得一般。湯底係濃郁，都有幾夠龍蝦肉，但其他，如麵質，就只係正常水準。片皮鴨都只係正常水準，佢有三種食法，但冇乜特別，呢個價錢應該要再好味啲 甜品好有氣勢，有乾冰凍着個燕窩。鳳梨酥好好味，賣相又有特色，記得一試

這夜跟朋友介紹來到萬宜大廈地舖的「龍麵館」吃中菜。初訪的我踏進「龍麵館」，第一感覺就是原來地方相當寬敞，接著目光就被這裡帶濃濃東方色彩的裝修型格吸引了。一間以武館為主題，加上帶點中藥醫館的元素的中菜館，真的很有特色。下次海外朋友來港，一定要帶他們過來，相信這裡的氣氛應該也會很對大家口味。「龍麵館」向來主打中式麵食及創意點心，而片皮鴨更是朋友大愛的招牌菜之一。現正值大閘蟹當造季節，「龍麵館」推出了限定供應的「蟹道」menu，共有10款蟹粉菜式。包括蟹粉點心、蟹粉小食、蟹粉主菜及蟹粉麵食等，啖啖蟹粉，真適合懶得拆蟹的大家。但如果想要原隻大閘蟹自己動手拆蟹的話，這裡也有供應清蒸大閘蟹。我們先來一客有6件的「蟹粉竹炭蝦多士」($179)。香脆的黑色竹炭蝦多士配上金黃色creamy蟹粉，不錯的香口小食。「蟹粉蝦膠釀海參」($179)，向來愛吃蝦膠釀海參，現在加上鮮香滑溜的蟹粉，就更多重滋味了。另一款就是「蟹粉溫泉蛋墨汁刀削麵」($119)。上枱後把烏卒卒的墨汁刀削麵與流心溫泉蛋及金黃蟹粉撈勻，爽滑的闊刀削麵條掛著鮮香的蟹粉及蛋汁，好吃！除了蟹粉菜式，我們也從常規菜單中選了幾道招牌菜。前菜「沙薑雞

同事推介、話依道個龍蝦同魚做得好好味，於是一行三人就黎食海鮮那😋首先黎個龍肉湯麵 $149個湯底好濃好好飲，龍蝦尾份量都好足，三個人share每人都有1至2件，讚👍🏼第二個main course叫左龍躉足蒸飯 $159話說依個自己媽咪都好鐘意整，依道蒸到媽媽既味道，個魚汁同豉油落左去個飯道，自自然然會爬多幾啖飯😋三個人我地重叫左紫薯包$39紫薯滑滑又香，好味😊之後我地重叫左龍蝦蘿蔔酥$140/2件，個賣相好得喎，成個真龍蝦咁，食之前係咁影相，個皮好鬆化，但我估要佢挺身一d，所以皮不能太薄。。。但都算好食既～依間餐廳我一定會再黎👍🏼

Friends mentioned about this new noodle place in Central. Went there yesterday and it was a total disappointment. I ordered chilled eggplant as starter and Lanzhou Ramen as main. Eggplant was salty, soaked in a kind of sticky sweet soy sauce. Ramen was the worst of all I had - literally worse than instant ramen. It was terrible. The soup base was salty, tasted like powder mixed in water with a strong MSG flavor. Will not recommend at all.

窩夫最近首次光顧了開業接近一年的龍麵館。龍麵館的入口位於砵甸乍街，並非在萬宜大廈裡面。金漆招牌很有氣勢。牆上掛了一排手工獅頭，富有中國傳統文化色彩。第一次光顧龍麵館，當然要試試招牌菜龍肉湯麵($149)，龍肉即波士頓龍蝦的肉，特製龍蝦湯底標榜以海鯛、深海魚、拔蘭地等熬製五小時而成，麵條則是即叫即造的手工麵條。窩夫的食後感是麵條的口感很好，軟硬適中，可惜份量偏少，龍蝦似乎亦太薄了，特製龍蝦湯底的味道也不夠濃，叫人有點失望。金鍋芝麻吊燒雞(半隻$159)同樣叫人失望，雞的雪味很重，伴碟的蝦片也太多油。後加了一客茶燻素鵝($59)，賣相精緻，茶燻味濃，但餡料味道偏淡。

一入到嚟就覺得個老闆應該係鍾意玩嘢嗰類落足心機喺個裝修到但係啲嘢食又平又好味我真係會一再返嚟食本來見到佢個買二送一嘅頭盤 好似冇乜特別嘢食咁但係我係完全錯曬去過沙薑雞卷同麻辣雞卷 係將一舊舊雞卷好 再分別用沙薑汁同麻辣汁淋上個麻辣真係夠曬麻辣 非常滋味雞塊亦都好滑佢另外有個煙燻素鵝真係超級特別幾十蚊嘅嘢竟然 上枱嘅時候有煙霧瀰漫嘅效果仲要買二送一你話畀我聽抵唔抵喺蘭桂坊買杯嘢飲都冇咗啦佢嘅 佢嘅酥皮龍蝦酥 我覺得個皮厚咗少少不過賣相得意叉燒夠肥美juicy竟然用鐵板上 真係夠曬gimmick其實我最鍾意佢個龍蝦湯底嘅雲吞麵 我真係飲曬啲湯佢唔係用港式蛋麵係用陽春面非常彈牙普通嘢好似菠菜燒賣咁就唔好食啦冇乜味咁樣佢最得意嘅地方就係啤酒用嘅冰桶係用痰罐嚟代替佢嘅櫻花蝦娃娃菜竟然有上海清炒蝦仁嘅味道應該係用咗紅醋嚟炒十分滋味有兩個缺點就係冷氣機滴水同埋廁所凍過冬天

經朋友推介龍麵館的龍蝦和片皮鴨是特色菜式。於是不妨一試心態，去到餐廳的時候有很多獅頭和功夫的擺設，感覺很有中國特色。看了餐牌之後有很多不同的選擇當然一定要點龍蝦蘿蔔酥和木魚茄子前菜龍蝦蘿蔔酥賣相很吸引，好像一隻龍蝦一樣，食落去有淡淡龍蝦肉好香口鬆脆。木魚茄子口感很爽口，吃完前菜之後當然主角又是龍肉泡飯（例）龍蝦湯味很濃郁泡飯粒粒是乾身食落去口感脆卜卜。除了龍蝦之外還很想食片皮鴨，再加點了半隻京城：即燒片皮鴨。特色是即叫即燒，當片皮鴨到的時候師傅即場係我們面前施展他的刀法，他告訴我們分三個層次去食，首先是食片皮鴨皮，片鴨皮燒得很脆，然後再食中間鴨肉，最後最底皮肉相連部份。再配合埋不同的醬料及配菜一起食。皮脆肉嫩，淡淡食落口真係別的風味。因為我們叫了半隻所以切完一半之後師傅就會行去另外一張枱再埋另一半的片皮鴨！最後當然要叫甜品啦，我們點了兩個甜品，千葉豆腐花，豆腐花睇落都刀法一流將豆腐切成一朵花的形狀，食落配合埋薑味杞子感覺非常滋潤。還有一個雪燕龍珠，賣相也很有趣不同的燈光再轉，不過比較偏甜了一點。