119韓國站 (已結業)

超級推介：芝士排骨！我係芝士迷，一上菜時見到d芝士多到好似飯咁，店員提醒煮熱左就要熄火喇，點知我同友人傾到完全忘記左，好在有個waitress 見到即刻幫我地整，仲幫我地剪埋舊排骨Tim ! 芝士包實晒舊排骨，真心正！一試難忘！下試好想試埋佢個芝士炸雞，見到隔離台食都好似好正咁！前菜清酒煮蜆，雞翼，飯團特別要講下清酒煮蜆，d蜆好大隻！好入味！無沙！正！ 飯團係我食韓國菜必點的，配埋沙津醬食，好味～ 雞翼好有驚喜，一碟4隻分量剛剛好～牛肉拌飯辣醬可以自己控制落幾多，最正係有隻生多係上面，加埋配菜撈撈下，正！另外119 特色飲品，叫左柚子味cider , 成支野飲倒轉放，我成日驚倒瀉，原來又唔會啵！相當過癮！！柚子味好解渴，可以清一清芝士既濃味～～如果要食要早d去排隊，因為7點鐘已經好多人排喇，可能係太好味既關係啦

第一次在這間餐廳食的東西 - 外賣炸雞由於星期六太多人等位了, 但又想試下這裡的炸雞, 便選擇了外賣炸雞和醬汁是分開包裝的醬汁 - 內有洋蔥&蕃薯炸雞 - 經過30分鐘回家路程, 仍然香脆, 雞肉仍然軟身不過, 當炸雞+醬汁一起吃, 麻麻地, 我覺得兩樣東西加埋一起係唔match 而且, 個醬汁很漏, 很滯, 下次唔會再order這款食物了

近期元朗新開的韓食餐廳, 以消防為主題, 裡內裝飾也不錯沒有電話訂座, 又等了差不多一小時才有位 小食 - 辣味豬手 (凍食)一向不喜歡食凍盤的男友, 竟然也覺得這豬手很好吃, 因為這個辣醬十分惹味, 但不是很辣的那種十分爽口, 口感不錯, 大推 芝士豬肋骨首先, 未溶的一粒粒芝士+粟米放在底下, 然後放上豬肋骨然後開爐, 等芝士慢慢溶 (一陣陣香味飄出來, 芝士控的你們一定喜歡)跟著, 侍應會主動過來, 幫忙關爐 & 剪開豬肋骨, 並將豬肋骨和芝士捲在一起, 然後放給你服務很好, 因為起初也不知道這個該怎麼吃才好雖然有很多芝士, 但一點也唔會覺得滯, 而且肉十分淋 部隊鍋應該說是迷你部隊鍋, 其實只是少量拉麵 + 腸仔 + 午餐肉 + 泡菜腸仔 - 應該係廚師牌 HAHA, 而午餐肉並不是韓國用料, 失望拉麵的份量, 出奇地少, 可能只有1/2 或 1/3份量而已不過以 $68價錢來說, 味道不過不失

聽表妹說, 這間 119 Korea Station 在元朗是一間潮店, 每晚大排長龍, 十分熱鬧~  三月尾, 表妹為我預祝生日便帶我及太太到這裏吃一餐~大排長龍的景況, 十分熱鬧~ 在等候的期間先看一看有什麼心水食物~大約等了15分鐘 便有位入座我們被安排坐在這張檯~香港的緊急電話係999, 美國是911, 而119就是南韓的緊急電話 ..... 對了, 這間店就是以南韓的消防設備和消防員的裝備、用具為擺設, 配合119這店名, 主題餐廳呢~消防員的頭盔消防員的戰衣 .... 防火衫消防水喉裝置檯上的餐具擺設 .... 朋友, 這的確是一間餐廳而非博物館~水冷豐梨巴馬火腿 $58外觀別緻可愛, 原個冷凍豐梨, 釀入了捲起一片的 Parma Ham, 淋上蜜糖漿 ~ 梨肉爽口又結實, 滿是蜜糖味, 梨和火腿一起吃, 既甜蜜亦帶鹹香, double fantasy, 極具風味~ 真心推介!鐵鏟烤肉鍬紅燒 (半份)  $128用個鐵鏟端上檯, 單憑賣相已經夠殺!  我們點的是中辣, 食材有 豬肉片、泡菜、韓國粉絲、年糕、椰菜、大蔥, 久不久店員會走過來睇一睇, 撈幾撈又炒幾炒 .....

最近外出吃飯，吃得最多一定是韓國菜，韓式燒肉更是吃了幾次，但燒肉燒得多也悶，所以和好友覓食覓到元朗，一嚐口碑不錯的119 Korea Station。元朗我不熟，但因有巴士在附近落，看了地圖也不怕難找。而這裡用點餐紙點餐，非常方便。私制泡菜 HKD28吃韓國菜又怎少得了泡菜，很多韓國餐廳會免費供應，甚至無限供應。這裡的泡菜要點，味道不錯，不太辣或太酸，甜甜的很開胃。Cider Rita(桑苺味) HKD38有趣的設計，不過一定要先喝到差不多才好移動梳打水瓶，否則會滿瀉。平常我很少喝這些加工飲品，這款還不算太甜，也不會藥水味，不錯。韓醬炒雜菜 HKD58老實說，這碟炒雜菜和我想像的炒雜菜有點距離，味道還可以，但內裡只有菇、芽菜和甘荀絲，份量亦不多，有少許不值這個價錢。弘大飯卷 HKD48不知道和弘大有何關係，但卷的配料不錯，有我喜歡的黃瓜，特別開胃。真露煮蜆 HKD68真露很香，蜆肉也新鮮肥美，就是部分有沙很扣分。牛肉生菜包 HKD88牛肉肉質不錯，很軟又juicy，好咬感也有肉味，配上微甜泡菜加新鮮生菜，沒甚油膩感。雜菜海鮮煎餅 HKD68煎餅很足料，帶子是整粒上，絕不馬虎，本身煎得不

大人細路都岩食＠119 Korea Station早陣子和朋友們到元朗聚會後到近來大熱的119 Korea Station食飯一行六人，有大有小，有人不食牛有人不食辣又有人怕熱氣～但食完之後每一個人都十分滿意我們是為了這個鐵鏟芝士排骨而來，當日我們幸好６時到達，只是等了一會就入座聽聞有人曾經等位等上三小時才有位呢～119 Korea Station入面空間感十足，座位都是韓國餐廳流行的電油筒款下面可以用來放個人物品又不怕衣服和手袋吸味很工業風的設計，客人都是年輕人多男士們先來一支甘露吧～每次食韓食必點的我則點了Dry B Rita，將韓啤倒轉放在有柚子汁的大杯子裡，賣相很特別呢，看落觸目驚心，其實絕對安全，味道有點像jolie sandy，小小甜的啤酒味，溝淡了的啤酒多飲也不怕呢飲杯！鐵鏟烤肉鍬紅燒(半份)，我們叫了二份。一份辣一份唔辣上桌時肉是生的，待服務員開爐後自己煮熟味道就是辣醬炒豬肉這個時候最好就配上白飯食，食得辣的人想必很喜歡呢韓式牛肋骨牛肉好入味，夠腍，有點意外的是牛肋骨原來是凍食的味道好，不過只是不是期望那回事我還是喜歡食熱的為小孩而點的韓式海鮮薄餅味道還可以，但那些海鮮

前排見到雜誌網介紹左呢間新開既韓式食店，內面既食物好吸引呢，仲要係以消防做主題呢，而且款式都好特別，最吸引我一定係水冷豐梨巴馬火腿同鐵鏟芝梨炸雞! 一睇到報導就已經決定要去試，所以呢日去完沙灘放鬆後就入去食晚飯。7點多入到去，人流真係超澎湃，加上當日又有唔少買左團購卷既人訂左位，所以係座位安排上有點混亂。.店內的裝修都以消防為主題，消防員製服、滅火筒、水喉、雲梯等等，感覺很有趣呢，不過人太多既關係，所以影左一兩張就放棄了!.餐牌.Cider Rita (桑莓) $38將汽水樽倒轉放在有桑莓漿的大杯子裡，賣相很特別的飲品，感覺頗型呢! 其實飲落就係桑莓七喜，清涼解渴呢!.Dry B Rita (豐梨) $48而呢一款就係有酒精成份，喜愛飲啤酒既人不妨可一試。.隊長沙律 $58以平底鑊上桌的隊長沙律，沙律的顏色很鮮艷，店方棄用了一般的沙律醬/芝麻醬，而用了酸酸甜甜的藍莓醬，食落味道很清新，很喜歡呢!.水冷豐梨巴馬火腿 $58平時的巴馬火腿大多配上哈蜜瓜，而呢度就配上原個豐梨，中間就放了數片巴馬火腿，再淋上糖漿，賣相精緻又幾靚喎!呢個新配搭食落都幾特別，味道同樣係清清的，不過明顯地豐梨的飽足

多謝公關公司邀請,尋晚(18-4-2015 Sat)我帶男友o黎呢o度試食,由於佢o地都事前知我o地會o黎,所以一樣,食物同服務分都會減啲.我o地點o左:2. $48.00o既橙紅色o既泡菜醬令豬手賣相好靚,豬手切得唔大件,口感爽, 泡菜醬唔算好辣,不過我都要即飲o野解辣.味道: 4.5分3. $38.00o既Cider Rita,桑莓味係一支韓國雪碧加桑莓醬,我覺得桑莓醬唔多夠,開頭都叫做飲到啲,但支雪碧繼續加入(已經盡量唔好吸到桑莓醬),同啲冰溶化,所有到尾聲就變o左淨飲雪碧.味道: 3分4. $48.00o既Dry B Rita,柚子味呢杯係男友o既,我好後期至試飲吓,啤酒味好濃,我唔係好飲到柚子味.不過我問男友,飲唔飲到柚子o既苦澀味?佢答飲唔到,但飲到最後見到柚子肉同皮,好似幾足料咁o既,而且感覺係好.味道: 3分(兩個飲品賣相好有特色,雖然係穩陣但我都好驚唔小心掂到同揩跌佢,直至我飲到咁上下,倒埋樽內o個啲入去拎走個樽至放心.)5. $128.00o既鐵鏟芝梨炸雞(半份)睇份量唔係好多,面上唧o左粉紅色o既忌廉,賣相亦都好靚,雞件大大件,食落,外脆內軟又多汁,伴以甜甜地同杰

見所有食評都話要排三個鐘，身為元朗人，冇理由唔試下。同女友瞄準開門時間，準備嘗試要等三個鐘嘅美食，點左鐵剷芝梨炸雞，燒肉生菜包，牛肉伴飯，結果炸雞只是普通貨色，冇甚特別，牛肉伴飯太咸，反而生菜包算比較好，如果叫我排三個鐘再試，我建議去其他唔洗等嘅韓國舖會比較值。份量太少，價錢略貴，惟獨是裝修比較特別

早一天打電話來訂座，原來這裡不接受訂坐，所以早點來到，6點15到達，鋪外已有30多人在等候，由於太餓的關係，先到隔離食店食碗麵，再到附近逛逛，等到大約8時才能入坐。 有了碗麵打底，所以只點了團購的半份芝士排骨$68團購價+$13額外服務費，炒雜菜$58和韓國提子汁$19。太約等了10分鐘，已上菜，先食炒雜菜，有青椒，金菇，甘荀，香蔥等等，味道尚可，但有點過咸，而且份量不多。芝士排骨由鐵鏟上，傳熱很快，芝士很快便開始煮溶，店員會過來幫忙剪開，再用芝士一圈一圈捲在排骨上，吃起來滿滿芝士，但芝士和排骨的味道明顯是完全分開的，兩者沒有互相融合，味道不相連，和分開吃沒有分別，排骨過咸，點了小辣，但吃不出辣味，而且吃起來像中式的一字骨，不像是吃韓國菜，加上排骨已放涼，所以排骨的分數是不合格，加上芝士是有新鮮感，但只有創意分，沒有味道分。看了芝士排骨的相片，的確十分吸引，但這個價錢，味道，等候時間來吃這食物，個人覺得並不值得，試過已夠，不會再吃。

炸雞加啤酒在香港流行了好一段時間,早前知道首爾弘大一帶盛行起「芝士排骨」, 這鼓流行最近終於吹到香港! 知道這間{119 Korea Station}不單有炸雞, 還緊貼潮流的推出了芝士排骨, 當然要相約朋友來這裡試試! 七時半來到這裡已經有人在排隊了, 大約等了三十分鐘終於入坐。這裡以119消防局作為主題, 所以有不少消防裝備例如爬梯、消防帽、防火衣、斧頭等等作裝飾。店內空間感蠻大的, 即使人客滿滿亦不會感覺特別擠迫。看了看點餐紙, 當然要點「鐵鏟芝士排骨」($128)和「鐵鏟芝梨炸雞」($128)!另外還點了「牛肉生菜包」($88)和「柚子Cider Rita」($38)。大約等了五分鐘, 飲品食物陸續送到。這個「柚子Cider Rita」可謂創意十足, 將梳打水倒轉放於柚子果汁中, 不但視覺上覺得吸引漂亮, 而且梳打水會自動慢慢滲入果汁中, 不必擔心愈喝氣泡愈少, 甚至梳打氣份量也可以自行掌握調較。「柚子Cider Rita」柚子味香甜, 有充足氣泡讓人不會感覺太甜膩, 而且一杯份量也不少, 推薦! 一客五件的「牛肉生菜包」味道辣辣的夠惹味。新鮮生菜與泡菜夠爽

近期西菁街附近開了間韓國餐廳，相繼已被多間雜誌採訪過。小妹早排在網上買入團購優惠券，眼見於4月底便到期，月尾也不在港，索性相約友人前來食，反正友人也想試試，但開業直到現時為止，每日都大排長龍，好不熱鬧！本身小妹諗住早半小時去拿籌等位，等友人放工來到七時多便可直接入座，可惜小妹下午要覆診，拿藥足足等了200多個籌號，所以去到元朗友人都到了，便一齊等候，大概十多張枱號。安排入座，環境主要以紅色消防為主題，牆身掛有木梯、旋轉警號閃燈、緊急電話等設備，很有新鮮感，內裡枱面密密麻麻，人頭擠擁，非常嘈吵。環境很有特色，但聲響太大以為自己身處酒吧。點菜主要以手劃填寫，旁邊備有宣傳小冊子和原子筆。食物很快便來到， 隊長沙律$58，沙律用上鮮打藍莓汁混合紅酒醋、蛋黃醬，吃下帶酸甜的味道，黃澄澄的粒粒原來是芒果粒，咬落冰凍透心涼，為平淡的沙律增添口感。以半價購買的團購優惠， 鐵鏟芝士排骨$64(另+13)，灑滿車打及mozzarella芝士非常邪惡，吃了都感內疚。用上傳熱度高的鐵鏟盛載，放在電磁爐熱住吃，等候芝士慢慢溶化，店員便會過來幫手用剪刀剪開，並示範用芝士包住排骨，很感動~成吋厚芝士漿住口，飽

見元朗面書勁多谷友堆呢間119Korea station，仲話排成三個鐘先食到，咁犀利，等我早啲黎試下先。五點十黎到已有人等位，佢地話五點半黎左啦，但間店其實六點先開門，人氣超勁呀！嘩嘩，好多野都想試呀，兩個人又唔試得多，叫住下面幾樣野先。韓國鮮奶果汁蜜桃味 $19韓國飲品除左忌廉鮮奶外，呢隻果汁鮮奶都係我至愛，甜得黎又唔會漏，蜜桃味好香，真係好好飲，但19蚊罐有點小貴。Cider Rita 桑莓味 $38賣相夠哂霸氣，唔點過唔知咁大杯，夠哂兩個人飲。桑莓醬喺底，搞混飲有啲似果汁汽水。隊長沙律 $58類似一般嘅菜沙律，特別在加了藍莓，同沙律醬都係加入藍莓！淡淡嘅藍莓味蛋黃醬，唔酸得黎仲帶少少甜，混入新鮮蔬菜出奇地夾，好味。步兵鍋 $68細鍋版嘅部隊鍋，有腸仔，午餐肉，雜菇，雞蛋等煮成嘅辛辣麵，重有主角芝士一片，搞滆塊芝士同生蛋，等佢地包住啲麵條，好好味，不過有啲膩，多幾個人分著食會好啲。燒肉生菜包 $58泡菜下面有一塊豬腩肉，燒得香口，但泡菜出左水食到成手係，好彩枱上有濕紙巾。鐵板芝梨炸雞 半份 $128半份都超大盤！！有成十幾件雞，中間一舊大cream，下面仲有一堆蕃薯容，食完真係超

要食特色餐廳已不用跨區了，嘿嘿，元朗愈開愈多令區外人都羨慕的食店！這次要介紹的是元朗其中一個地標，曾經陪伴過不少人長大的大鐘千色廣場，旁邊的119 korea station~(說起來，最近廣場換了電子鐘真的有點唏噓呢…)119有什麼特別？除了有型格的裝潢外，最特別的我覺得是這店終於不是食韓燒！韓國美食本來就不是只有韓燒嘛！小食飯麵很多選擇，而且份量十足，我和妹妹兩個人一個不小心點得太多了：我點了一杯桑莓西打，賣相滿分！非常抵飲！有汽西打加上桑莓糖漿好好飲~味道我覺得似藍莓多過似桑莓，顏色亦是紫色的。一杯有兩支飲管，好適合情侶share！開胃冷盤隊長沙律，餐牌上有兩個推介，果然沒令人失望！滿滿的沙律菜之中有藍莓和半隻蛋，而沙律醬呈紫色，原來是藍莓蛋黃醬！少許藍莓味，微甜，十分清新！必點之選！燒肉生菜包，一客五件。新鮮生菜包著燒五花腩肉，配料有泡菜，少許芝麻和椒絲，跟自己燒的吃法差不多，最大的分別就是上桌不夠熱辣辣，肉涼了，滋味減半…然後是每枱客人必點的鐵鏟系列！（其實我們都是參考附近的人點什麼的。）這個鐵鏟芝梨炸雞半份，上桌時芝士已煮好溶掉，炸雞八件左右，超大碟！伴以洋蔥，蕃薯溶，和一

成日話人大鄉里，即喺未見過世面，其實我依等都喺港燦大鄉里，晌香港好多地方都未去過，所以，又趁公眾假，同幾個朋友走咗入南生圍行吓，因為依家有西鐵，我哋入新界西超方便，仲順道逛埋錦上路跳蚤市場。遊完南生圍，再步行走入元朗市中心食晚飯。一早已有目標，喺晌早前雜誌見過嘅一間新潮嘅韓國餐廳「119 Korea Station」。嘩，撞鬼吖，我哋5:45到達，已見人排晒隊，好彩人龍都未算長，等多一陣已開始派籌，6:00就安排入座，一切都頗快頗順利。除近門口喺一列卡位外，裡面仲有適合唔同人數嘅圓枱，方枱及小量8人橢圓形長枱。不過，如果唔介意搭枱嘅話，會有機會快啲入座，就好似當晚見到兩組三人行，搭枱坐埋一張8人枱咁。店名帶有119字樣，喺緊急電話之意，所以，除見到水泥地、電油桶櫈等韓流裝潢之外，仲有一啲消防喉、防火衫、斧頭等等救急裝置，以配合店名之意。先嚟飲品，見枱枱都點嘅Cider Rita（$38），夠豪氣，我哋都要試吓，仲點齊3款（桑莓、豐梨、柚子）。不過，講真，樽Cider晌杯口「瑯瑯吓」，感覺有啲「牙煙」，成日都驚撞跌打瀉，但又奇，成晚都無見人出過事，可能大家越驚越小心。味道喺點？支汽水有少