119韓國站 (已結業)

突然好掛住個芝士排骨～諗住過泥食下～可能我好耐冇黎啦佢個餐牌已經轉哂見到個空軍雞好似芝士排骨以為轉左名…點知原來真係唔同～啲雞本身醃辣左～只怪我無睇清楚原來果個圖案係代表辣😩本人唔食得辣～所以1路食1路眼濕濕場面多感人😂其實以前最出名係芝士排骨點解會無左…依家變左個辣味芝士雞…辣味遮蓋晒芝士味…以前佢會幫我地包排骨～依家只係撈～仲要問我撈定佢撈～連隔離枱都忍唔住問「下…撈嫁喳？」之後仲點左個紫菜飯卷～同以前1樣～但唔知點解依家配沙律醬同燒汁…好懷念以前既芝士排骨…雞腎以前覺得好食既已經無哂…

以消防局做主題，環境氣氛十分好。而家做緊半價的鐵板芝士雞，$68好大碟，都幾抵！ 我地叫左幾樣都唔錯。 鐵板芝士雞:微辣，芝士好多，味濃，所以好香口。 芥茉蜜糖炸雞:芥茉同蜜糖味唔出，不過炸雞啖啖肉，啲肉仲好滑！ 飯卷:就普通貨，覺得有啲甜！ 生菜包牛肋肉: 原來係要自己燒，燒完有啲淋有啲就靱，不過味道幾好。 牛肉海鮮鍋:忘記左個名，有大量菜，食食下有啲辣。普通。不過牛肉好淋，不過好少。 佢話送的韓版童星點心麵，都係童星好食啲！總體黎講都幾好食，下次再黎吧！

差唔多已經兩個月冇打過食評喇,年尾公司勁多野做,依家終於可以打下食評分享下補番之前果D先,因為打工仔最渴望既Friday終於到左,可以早D收工,二人世界下 ,萬歲!!!!!!!Timing 就Very good!去到119,大約7:30pm到,嗱嗱臨拿張票先,之後坐係門口等下,等左大約15mins到,就入得,都幾快,一入到去店員們既用韓文既歡迎光臨,馬上精神哂,彷彿進入左另一個國度,坐左6個鐘頭飛機去左韓國唔好發夢住,回歸現實先,望望餐牌叫咩好呢?今日都幾餓下,但又得兩個人,因為偷望左隔離枱,睇到D食物都幾大份下,基於有勇於嘗試既精神,所以我地兩個專攻Speail既-寒梅雞翼同板燒牛肋骨,再加個鐵鏟切達海鮮,再一人一杯Cream Max B,希望冇中伏喇!同男朋友吹左一陣水,Cream Max B同寒梅雞翼就到左,好開餐,小姐我餓了!Cream Max B$48同寒梅雞翼$48先飲啖Cream Max B先,一個字可以形容「爽」,壓力迅間消消,依款啤酒都幾特別,係D韓啤度再加DCream,Woooo,D啤酒好似突然間滑左D甘,愛酒既我俾85分la,寒梅雞翼配依個一流,D雞翼好凍冇雪味,

最近一直都返工返學,都冇時間寫下食評,依家補番篇食評先,因為依間韓國野都幾特別下,值得介紹比大家!!!今晚放工遲左,但無助跟姊妹淘韓哈一下既雅慶,兩個人來到119 Station已經9點幾鐘,過左晚飯時段,唔駛等位馬上入得,入到餐廳,馬上有K-pop 播緊GD,突然好High tim,工作壓力快快武器走,D裝修都幾有design,牆壁上掛住D消防用具,枱與枱之間有鐵架,好似係消防局咁,但係燈光偏暗既消防局 望望個餐牌先,開始選撰困難症既環節,兩個女仔由於怕肥有罪惡感既關係,所以一致決定今日奉行小食多滋味,叫左三款小食寒梅雞翼$48,辛酸牛胃葉$48,蟹籽手伴飯$58,等左一陣左右,好快就到左,Yeach!開餐!先來Special系列-寒梅雞翼(冷盤),餓鬼既我地一見到佢上枱,馬上相機食先,之後動筷la雞翼好凍,所以雞皮爽口,做到係冇雪蔵味,梅酒味都幾重,而且肉質夠滑,size適中,分數有8.5/10,下次一定會再叫 之後,有辛酸牛胃葉,酸酸地辣辣地好開胃,牛胃葉我地大愛,個味配合得好好,好夾,而且,牛胃葉唔會太難咬開,分數有9/10,依個餸用泥吹水餸酒一流! 最後,上埋蟹籽手

今晚同朋友試吓新嘢！睇到食評幾好咪去，我地叫左5樣！Ｄ飯好硬似用預早好耐整好咗，味道還可以，甜甜地，飯又硬，好其怪！ 呢個就幾好味，內有，黑水橄欖，火腿，西柚，沙律菜，Ｄ汁都係甜甜地，Ｄ菜同其它材料好新鮮！呢個好好味，即刻焗元貝大大粒，肉好嫩，Ｄ汁用了千島汁加芝士，夠香濃，好味！呢個雞，Ｄ雞肉預先整好Ｄ肉硬，皮又林晒，比較好係Ｄ芝士，夠煙靭，但真的唔好食，一心來到想食芝士排骨，但又改咗餐牌，有Ｄ失望！呢個碑酒唔錯，味道夠淡味，夠凍，但飲到最尾時，Ｄ忌廉加埋碑酒時，味道就怪Ｄ！

呢間店新開個時好多人食，成日放假過嚟都要等位。今日閒日七點幾到，無需要等位。內裡裝修特別，餐版集結左好多韓國著名地點嘅美食。例如廣藏綠豆餅首爾地鐵站今日一行三人，點左紫菜包飯、烤肉包菜、全份芝士排骨和泡菜。紫菜包飯食法好新奇，竟然有沙津醬伴食新式食法，不過沙律醬同紫菜包飯都幾夾，略嫌有少少搶過原來紫菜包飯嘅味道烤肉包菜，我地以為自己燒完包菜食，原來係一樣小菜咁，烤好上碟，之後包泡菜同生菜食。豬肉少少un，咬唔開，仲有d肥包埋泡菜食唔算好特別。重點芝士排骨嚟啦，我地以為好細份，三人食全份應該啱啱好點知高估左自己。好多芝士，排骨都好大份。芝士溶溶地時，店員會幫我地攪拌至全部溶化晒。當溶晒之後，會捲埋剪開嘅排骨一齊食。不過真係好。。。滯，咁多芝士同咁大舊排骨。排骨整得幾好，骨肉容易分開，不過有d肥。我地每人食左兩舊就投降，打包另外一半走。食到好飽好滿足。最後，我地一致認為排骨咁大份$2xx好扺食

途經元朗，經過lee間，一於試吓啦，橫掂我對韓國野都好喜歡！第一次泥，餐牌種類都幾多wo，都唔知揀乜好，所以我叫咗個牛栢葉，當係前菜咁食吓，口感好爽又好彈牙，唔會食到好似橡膠咁，雖然佢有少少辣，但以我完全唔食辣既人泥講，係可以接受到既👍👍👍另外叫咗雞翼，肉質好滑而且都好入味，所以我諗應該都𩸆咗幾奈時間吓，絕不馬虎，而且份量頗多。最後叫咗119鐵鏟芝士系列，賣相好豐富好重量級咁，都好驚食唔哂😁😁😁底下仲有芝士襯托，一路加熱，芝士一路溶，未食已經香氣四溢，海鮮有一隻蟹、青口、蝦、大硯，真係好吸引，如果突然鍾意食芝士既，lee個一定走唔甩，冇得輸✌️✌✌所以下次我會再試埋其他，因為我好鍾意食韓國菜

這天來到千色附近的一所特色韓菜館，以消防作為主題，所以店名的一部分就是韓國的緊急求救電話「119」，很有趣！如果這裡是緊急求助中心，那麼來的人一定是肚子餓得很，要來醫醫肚子了場內的設計都很別出心裁，全是消防主題的裝飾。餐具則一如其他韓食店一樣，和餐單一起整齊放好在鐵筒內。點餐過後，最先來的是韓式傳統小吃《紫菜飯卷》（$48）。價錢不算很便宜，但勝在質素搭夠！每舊都是大大舊，而且內裡餡料很多，火腿、甜蘿蔔、蛋、青瓜等都不缺，味道還很好吃呢，麻油份量剛剛好，不會太油膩又很香！接著是一味《板燒牛肋骨》（$88），這個板燒牛肋骨其實跟平常韓燒的沒有太大不同，只是這裡由廚師代勞，不用自己燒得一身韓燒味。而且還加了特製的醬料醃製，吃起來是甜甜辣辣的，甚是惹味！唯一能挑剔的就只是份量稍為少了點呢，碟子那麼大，整塊牛肋骨才那麼小，未免有點不好看呢！期間還點了個特色飲品。難得來到韓食店，當然要點個只在這些店才喝到的東西啦～我們每人都點了個《Hatai Rita》（$38），不知道中文怎麼翻譯，簡單來說就是個有汽的果汁汽水，味道比本地普遍的OJ較為濃，看個人喜好喜歡不喜歡吧！撇開味道不說，它反轉的設計、大

在朋友的推薦下不停嘗試不同的韓式料理，以前韓式料理大多是泡菜、烤肉、人參雞湯、石窩飯等⋯不過近年泡菜國的興起，令韓國菜不斷創新迎合港人對吃的追求。韓風入侵不同大大小小的區域，即使在元朗也不難發現特色韓國菜，而119韓國站就是其中一間了為配合「119」主題，場內以「消防」為主題，以紅色為主調色彩，牆身上設有不同跟消防有關的擺設，好像消防的長梯、制服，消防帽及斧頭等⋯令人有置身消防局的感覺食物出入口位置上就有一牌子寫上了危險品食品方面，有5大鐵鏟類為餐廳招牌菜，另外亦有小食、冷盤、主菜及飲品Liquor Shake It (柚子) $68先來個韓式奶酒，有香橙、蘋果及柚子3個口味供選擇，而我所選的是柚子味，大大支的柚子奶酒只售$68，相當抵喝！瓶底下是柚子果醬，需自行上下搖晃，把果醬跟奶酒混匀再喝。入口甜甜的，帶點柚子香，酒味不會太濃，非常易於入口，女仕至愛藍森林沙律 $88黑森林就有聽過，但藍森林又會是甚麼呢？原來是藍莓醬～大大盤的沙律有數款不同的沙律菜，另外還加入了大量的麵包脆粒、芝士粒及蕃茄。淋上了藍莓醬的沙律菜味道香甜，感覺比一般沙律醬清新，加上大量的芝士小粒及香脆麵包粒增加口感，

呢几年韓風興起，自己亦愛上韓國菜，鐘意周圍去搵好食嘅韓國餐廳，今日入左元朗，朋友介紹呢間話正，所以試下。入到去坐低睇睇餐牌，款式多元化又新穎，好多樣都想試。叫左個燒雜腸好香脆，肉質多汁好香口，配菜薯條食得出好新鮮，野人牛肉，係半熟的，食落並冇血腥味，肉質夠淋又彈口，好滑。另外叫左杯Hatai Rita提子味，大大杯好好味，總括有水準及驚喜，會再嚟。

個日去到元朗 啲朋友話想試呢間 好多人食我地就去食 我比較中意食牛 所以叫左一碟牛(抱歉忘記了名字)但我有附圖 佢好厚切 我個人比較喜歡冇經醃製既牛肉 因為先食到佢牛既香味 我建議吾好燒咁耐 燒到六七成熟就最感受到牛既香味 或者吾太識燒既可以叫啲服務生幫手 因為我見隔離台成日叫啲服務員幫佢地燒 但係好後悔除左牛冇試其他野 吾知仲有冇機會 因為都離我屋企幾遠下

如果唔係有元朗的朋友帶路，真係唔知元朗有咁多美食，真係有啲大鄉李～我 ！話說朋友一早就訂了6點半，但去到既時候已經有一堆人在排隊～wow~不過我地都係等左一陣就可以入去嚕，第一眼見到個環境就感覺好有119氣氛（消防熱線），正！即刻影相先，然後就叫左幾樣美食，我地兩個囡仔叫左兩杯rita～分別係max rita 同提子汁 rita。我杯max rita完全係酒味多過橙味，但唔難飲既，不過如果喜歡生果味濃同唔太飲得酒既朋友就可以叫提子味會好啲。食物方面我地叫左個野人牛肉（半生熟牛肉），韓國最興咁食，啲牛肉睇落好似未熟咁，但其實咁樣食都唔難食，食落口好腍，好滑，冇腥味，唔會好生囉！最後就嚟碟鐵剷豚肉，泥碟野其實就係重口味，因為有濃濃的芝士包圍，所以配咩都唔會難食得去邊  ，配豚肉都唔錯，豚肉質地都好彈牙，唔會好柴同難咬，只係食到最後會漏左啲，因為芝士實在太多喇。嘻嘻

～鐵鏟芝士排骨 半份 $148～美味指數：6/10抵食指數：7/10去元朗踩單車，於是就順便試下呢間元朗好hit嘅餐廳～呢間餐廳以消防作主題，裝修都幾有特色～公眾假期十二點去到唔使排隊，仲做左餐廳第一檯客人！芝士真係令人難以抗拒! 芝士排骨幾乎係必點嘅食物～驚喜嘅係半份嘅排骨都算幾多，而且肉亦唔少同煮得夠哂腍，幾抵食！但食果陣芝士同排骨要一齊食其實都幾困難😅d芝士凍左就會同包住嘅排骨分離⋯所以拆左骨再用芝士包住d肉咁食就唔會咁狼狽啦！另外，側邊嘅番薯蓉甜甜地好好味，岩哂鐘意甜嘅Berry!

向來不愛吃泡菜的史，這天一反常態，對詩詩說晚飯想吃韓國菜，於是我們就來了這間餐廳吃晚飯。其實，這間店開業初期，我們也有湊熱鬧來用過餐。當時排隊的人很多，等了好久才能安排入座，所以這天我們早了點過來等位。到達時，雖然店外已有人在等位，但比我們上次來的時候明顯較少人，看來附近居民對這間店的熱情開始有點減退了。領完票，到旁邊的便利店逛了一會，買完雜誌，大約等了15分鐘，就入座了。 坐下來看餐牌時，發現上次來用餐時點的鐵鏟芝梨炸雞下架了，就知道餐廳換菜單了。雖然沒能吃成這個史很喜歡吃的炸雞有點可惜，但我們都欣賞店家為保持食客新鮮感所付出的心思和努力。 點餐後，等了一會，第一道菜就上來了。先上來的是咸興水冷麵。店家上菜前已把麵剪成一段段的，方便食客可以一小口、一小口的慢慢吃。其實看到這般火紅的顏色時，史詩已心感不妙，因為我們都不算很能吃辣。儘管味道一如所料的很辣，但爽脆的青瓜絲，加上煙韌的麵條，還是令我們乖乖的把這道菜吃光光。另外有點可惜的，就是菜式裡的水煮蛋，史詩都認為要是改為溏心蛋或溫泉蛋就好了。 其實麵上來不久後，飲品就來了。這個Hatai Rita，我們點了菠蘿味，造型很有趣，是一

平時真係好小好小會入元朗, 今日咁岩要入去做野, 做完之後就順便約個係元朗住的朋友猜我去食下好野。朋友帶左我想呢間食韓式鐵板燒(佢地叫鐵鏟燒)。  餐廳的設計都幾有特色, 用一個個圓筒做椅, 筒上有軟氈, 打開個軟氈可以用來放袋, 咁樣食完之後個袋都唔會有陣味, 呢個設計都幾貼心。DRY FINISH BEER $19來得韓式餐廳, 有一樣野係一定要叫的, 就係啤酒.....呢隻啤酒小麥味偏濃, 酒味重, 適合配肉類來送酒，加上冰凍地上枱, 大杯酒大塊肉, 很爽。鐵鏟豬手$188 半份2個女仔食量唔算多, 叫左2樣野來SHARE, 一個係鐵鏟豬手, 豬手的分量好多, 切好曬一片片, 吃起來很方便, 侍應還會幫我們燒, 服務周到, 除左豬手, 配料很豐富, 有豬腸,粉絲和辣醬。 豬手好腍和很好入味, 粉絲也吸收了辣醬的精華, 口感彈牙。 比較重口味, 單吃這個會太膩, 但用來送啤酒各飯就真係一流蟹籽手伴飯 $58蟹籽手伴飯, 分量唔算太多。分別有蟹籽, 紫菜和沙拉醬。紫菜香脆，蟹子的分量多, 也很鮮甜, 攪拌後每啖飯也能食到蟹籽, 沙拉醬令伴飯變得濕潤, 帶有微甜, 增加了蟹籽的鮮味,