119韓國站 (已結業)

最近發覺自己都幾鐘意食韓國野，因為發現韓國野除左泡菜仲有好多選擇，日前聽朋友講起元朗開左間韓國野仲要好多人排隊去食，作為追上潮流一份子嘅我緊係叫埋朋友去試試呢間119喇。呢間野個名有小小怪叫做「119」，後面經店員介紹，「119」是韓國緊急電話，好似香港嘅999咁，店舖門口位置，放左啲座位同埋 menu，既吸引路人，同時方便食客等位和先簡食客想食嘅野，同埋一入座就即刻落單。好彩我地去到未算多人，等左五分鐘就入得去了，入去就發現呢間119 Korea Station 的主題係「消防」，店內的擺設亦有不少同消防相關的，如消防的制服、斧頭等等。而店內每枱都設有爐位，備有嵌入式電磁爐。跟住我地就叫左一堆野醫肚，重有呢度嘅重點「芝士」。藍森林沙津，朋友都幾鐘意食沙津, 見到menu有個藍森林沙津推介, 就決定一於試下佢，講真都真係幾大碟, 個沙律俾人感覺幾新鮮, 有沙律菜, 蕃茄, 芒果, 仲有藍莓係入面! 另外個汁酸酸甜甜, 食完唔會覺得頂肚，反而覺得仲開胃左。119 海鮮拌飯，上桌時未拌在一起，而且擺放得非常精緻有序，大蝦、青口、魚片，還搭配粟米、紅蘿蔔及韓式醬，中央放左團白飯，感覺超正。跟

前幾日好兄弟結婚，新郎哥住元朗，所以前一晚去佢屋企訓。訓前梗係要食野啦，佢叫推介這間119韓國站。店名幾特別喎😮。好彩等位等左十幾分鐘就有。入到去，嘩 ，消防局？！哈哈😂裝修果然特別，119我估係韓國call火燭車的number😂。視覺效果好好和環境好熱鬧，未食個人已經on Fire🔥。新郎哥話識食一定食「鐵鏟芝士排骨」 ，完全開正我哥範，我最愛芝士！ 有肉當然要加多個菜，所以叫左個「藍森林沙律」，最後我見好多人都叫倒插野飲，原來叫Hatai Rita，好特別👽，我第一次嚟當然都叫啦。先上個沙律，嘩 幾大碟喎！藍森林原來係藍苺，夠健康，成日望手機，食D苺保下眼先。藍苺都多，蕃茄，芒果肉，生菜比例幾好，不會偏重另一面，味道當然新鮮爽囗（其實沙律都好難難食）。令人開胃的頭盤已經被我哋摸熄，之後大佬出現， 鐵板芝士排骨 ，一望以為d芝士係麵底，多到呢 。之後服務員在面前show off廚藝😂，煮半溶的芝士味出矖嚟 ，之後服務員就細心張排骨插入芝士溶熔裏面轉幾下令到D芝士包住排骨，佢一抽出嚟D芝士絲 視覺效果到達盡頭！一咬嘩 好熱 ！好香燶芝士味，芝士好Q!正！ ，排骨

近排韓風減弱，但韓食就keep住多人食（可能d人食得多日本野有d悶）。女友話元朗有間食韓國野好似好好食（因為好多人）想試下。我成日以為元朗好遠，其實搭西鐵好快就到！話咁快就到佢話個哥間韓國野，門口紅色一眼就見，119？！哥名好記 6點半去到開始多人，好彩等左兩張枱就到我哋。入到裏面，😱好多消防裝備，內裝好有氣氛😜。坐落唔算好迫，好過mk先😅。收銀位有d用紙做的卡通頭好低死 。未睇menu 前，我見一枱二枱都有叫鐵板芝士排骨，同埋充滿視覺藝術的巴黎鐵塔倒插野飲，我哋都有樣學樣叫左鐵板芝士排骨（半份）➕煙肉通粉。芝士排骨到時，我以為自己攪， 原來職員會幫手攪好再分比我哋，好細心（抵佢加一服務費）😅。將排骨放落煮到半溶狀態的芝士同埋粟米再卷埋一齊落口，先聞到香濃芝士味，再用口感受芝士的Q,排骨肉好嫩，易食。雖然芝士味和排骨味係分開，但完全無蓋過雙方味道，襯到絕！但一定要快食，否則會變卡夫芝士😅另一個煙肉通粉，芝士夠多，面頭芝士少少燶，咁先正！ 煙肉亦多塊。原來係長通粉，我最愛又方便叉嚟食。夠熱！芝士味無剛才咁濃（可能我的味覺已經壞左）長通粉口感彈牙，煙肉鹹味剛好，整體味道控制得幾好！

5月時曾到訪119韓國站，記得當時的客人很多，門外擠滿了等位的人潮，想不事隔數月，這次與友人再來，不用等位之餘還可以坐靠牆邊的的長方型餐桌，2人安座6人餐桌，座位濶落得很.看看餐牌，食物款式都轉了不少，上次晚膳覺得很美味的隊長沙律以及豐梨雞翼都失去了踨影了. 那也好，就試試別的食物. Grapefruit MAX Rita ($48)先點來一杯柚子溝啤酒的飲品，倒插飲品很多韓國餐廳都有售賣，已經不是賣點了. 呷一口，冰凍的柚子啤酒酸酸甜甜的，非常解渴，喝辛辣食品必點呢! 不過沒有放置安全扣的倒插飲品，移動時必須加倍小心.鐵鏟豬手烤紅燒 (HALF) ($188)來到119 Korea Station又怎可不點鐵鏟系列呢? 上次吃過鐵鏟芝士排骨，這次就試試鐵鏟豬手. 店員在我們面前煎煎、炒炒、剪剪，便將大大件的豬手與辣醬以及韓式粉絲炒好，豬手都幾軟稔，不過粉絲就剪得太碎，而且在吸收過多辣醬後，味道偏鹹，質感亦過軟，沒有韓式粉絲的獨有煙韌度，有點失望. 廣藏綠豆餅 ($68)本來是點選月亮地獄薄餅的，想試下是怎麼樣的地獄 但看過openrice得知這薄餅面層置有生雞蛋，而我是不吃生蛋的，因

胖虎大戰芝士排骨一連六日的假期，比比陪完剛剪完頭髮的胖虎男友一起來到元朗大戰芝士排骨！芝士排骨久聞大名，一直很想試，今天終於能和男友一嚐美食！餐廳門外有自己出座位票的取票機，自動化服務非常方便！我們大約等了15分鐘，終於可以入餐廳，餐廳播放著韓國音樂，牆上掛著消防用具桌面放著寫著韓國字的濕紙巾，十分貼心，加上餐桌之間加設鐵架，別有一番風味！最後我們選擇了：1.大份的芝士排骨（大：hkd228，小:148）既然是大戰，當然不能叫小的，大的份量是小的一倍，大份的有10條骨。排骨十分厚肉，絕對不是普通街邊吃的燒排骨，厚過ruby tuesdxx的一倍！份量相信令旁邊的2位女士也會嚇一跳！芝士量多，拉絲的時候真的吸引！而且加上粒粒甜甜的粟米減低肥膩感，芝士旁還有一球格格不入的甜薯蓉，但想不到配上芝士卻十分匹配，好正！打大佬開始，侍應幫我們處理好芝士包起排骨，我倆先各吞一條，男友追上吃了3條，我才1條，最後我吃了4條排骨，男朋友吃了6條排骨！飽到不得了！2.炒雜菜由於吃完大量芝士所以吃了一碟雜菜，可以健康一點，炒雜菜上枱熱辣辣，加上味噌去炒，咸了少少，不過很香！3.真露海鮮這海鮮湯味道較清淡，有

行過元朗想食韓國野, 剛巧路過見到這店, 消防局做主題, 好似跟韓國風不太配合, 但店內裝修舒服企理, 最重要係不迫, 所以也入去一試.兩人不能吃太多, 所以只是少試, 看看水準, 點知有驚喜, 鑊鏟芝士排骨, 一來時我以為鑊底是生米, 點知原來係滿滿既芝士. 我係芝士超及fans, 這個熱騰騰的特式鐵板，放滿芝士，熱溶後芝士滿伤佈排骨，芝士味濃厚，不過好有罪惡感。排骨嫩滑香口，沒有柴。超贊又有心思！好彩叫了份沙津中和一下罪惡感，沙津菜很新鮮，清甜，最喜歡上面的脆麵包粒，香脆可口。雖然嘢食叫得少，但服務一流，沒有趕著要我們走，還不停幫我們加水。下次要嚟試多啲嘢食。

平時好少食韓國野.... 雖然依家去韓國好平...但想食韓國料理 香港其實都好多選擇, 今日就同親愛的揸車入黎試呢間韓國料理.同親愛的噎嗌左佢個芝士排骨.. 由於掛住睇同食 好多野食竟然唔記得影相 真係大蒙佢個芝士排骨 卷緊時 已經聞到好香既芝士味 真係望住口水流  開餐後 佢個芝士加埋熱辣辣既排骨原有醬汁 食落d芝士味真係好香好滑好濃 加埋惹味排骨 肉質夠嫩口啖啖肉, 真係忍唔住啜多幾嘴另外嗌左個綠豆餅 上面有一層香濃脆口芝士 食落口感煙煙硬硬 口感非常好 呢個都係意外驚喜的好食 , 仲有蒜頭雞腎  除左好香既蒜味外 炸完好香口既雞腎咬落好爽口 口感好好,自家泡菜 咪睇佢色水紅當當 食落味道偏向少少酸辣 好開胃 醬汁唔會過多太濃厚太咸 又唔會話辣得誇張 唔錯價錢唔算貴 下次會再黎食

心血來潮想食韓國野，但又唔太想食普通既韓燒，結果上黎openrice搵到呢間正野！未食過，一於試下啦！我地book左六點，未夠六點已經見到出面排隊了，呢一刻我很放心，因為好食既店鋪，一定多人既！果然唔駛半小時全場爆滿！店內既設計好有工場feel!但最令我感到貼心的是打開座位可以將背囊放入去，唔駛成日煩搵地方擺 我地叫左三樣野，三樣都好好味鐵鏟芝士排骨，可以說是鎮店之寶！店員先將成個鐵鏟放上去電爐，將芝士煮溶先，就算幾餓都好，都要等一陣，大約幾分鐘品！ 等芝士煮溶之後，仲會有專人過黎幫你將排骨斬件，然後把煮溶左既芝士鋪滿整塊排骨再夾埋落你碗，服務真係無得輸！如果二至三人食，叫半份可以了！份量夠架啦！ 板燒牛肋骨，味道調較得很適中，不會太咸，而且口感良好，肉汁好juicy 蒜頭雞腎。。。。蒜汁香而不會太濃。配埋雞腎煮，食到唔想停筷！ 我好朋友叫左杯提子汁。。。我自己就叫左杯柚子青酒。。都幾好飲，倒轉個樽黎上，我估應該係俾樽野keep住凍 今餐好滿足，下次再黎過

第一次來到119韓國餐廳，該店主打芝士,可是怕太heavy。假日來到不用等位，點了真露海鮮湯,熔岩爆豚肉,用炒雜菜。本身對韓國菜都沒什期望,而119的水準尚可,都是一般韓國菜一樣的。真露海鮮湯足料，但辣的程度比爆豚肉更辣。Cream Mix Beer 算可以。但是最令我失望的就是餐廳音樂聲量太大，我與友人簡直是受不了。一間韓國餐廳為什麼把音量弄到與夜場無異，我們一場來到元朗挑了這間餐廳，想找個地方可以閒聊，怎知說話要放大喉嚨。投訴過一次沒被理會，第二次餐廳有調低了一點音樂，可是過了兩分鐘又偷偷調回原本的音量，到第三次我作出正式投訴，音量太大令我說話要鬥大聲，餐廳才作出改善，另外還看到員工隨著拍子擺動身體，其實我不是介意員工工作其間聞歌起舞，但是店主如果想問夜場其實可以選擇開夜場而不是開食肆。如果你與男朋友／女朋友近來拍拖拍得悶沒有什麼可以聊，我建議可以來這間餐廳，因為音量太大你根本不想說話，對方一定不介意的。但如果你想與三五知己聊聊近況，我會建議大家先再想清楚。

1，鐵板芝士骨：芝士有如冇味香口膠一般的咬口。味道清淡。肉骨味道有如清水一樣。2，豆乳冷面：清水煮熟啲面再啲開浠左既豆漿上面。3，部隊鍋：我屋企包辛辣面一定好味過佢。4，鐵板香腸：黑色果條好咸，白色果條冇味5，紫菜圈：呢個最正常。點解佢可以係西菁街生存到？想問下啲好評係咪真？

對於韓國，不知道大家有多少認識，BeautySearch 只到訪過韓國一次，所以了解不算深入，相信不是這幾年韓流襲港，BeautySearch 對韓國的認識還停留在：整容、泡菜、人參雞的年代！獻醜了，我相信大家對韓國的認識，一定比 BeautySearch 更多、更深。近期，BeautySearch 開始愛上韓國菜，原來除了泡菜、人參雞，還有很多很多選擇，早前嚐過星星熱捧的炸雞後，還想繼續，繼續品嚐不同特式的韓國菜，今次就試試119 Korea Station 這不一樣的韓式燒烤店，品嚐我最愛的芝士。「119」是韓國的緊急電話，如火警或報警，而119 Korea Station 這店的主題正是「消防」，店內的顏色以紅色為主調，而陳設亦有不少與消防相關的擺設，如消防的制服、斧頭、封鎖綫⋯⋯ 玩味十足。門口位置，已掛上一幅大大張的 menu，既吸引路人，又方便等位輪侯的食客，可以先選家心儀美食，一入座便可即時落單。此外，門口位置還設有一座機，除了供食客取號碼輪侯入座，BeautySearch 還發現原來119 Korea Station 還有自己的app，食客可搖距 book 位，非常方便

119 韓國站是我要encore 食店之一，最近聽聞有新menu，一於又去尋味一番。今次約8時到達，已沒上次剛開張那樣大排長龍，到達後可即時入座。今次如願以償安排坐在卡座，多點私隱度。想感受一下食店裝修也可坐正中間座位。Hatai Rita $38 (提子味）：來119當然不少得大大杯飲品！飲品也多了不少款式，今次也是無酒精飲品，提子味，沒有藥水味道，不過略嫌太多冰了，而內裡有清香的柚子肉既有咬口又增添層次感。而朋友點的Max Rita $48 (橙味），整體味道一般，只有酒味，沒有橙味。119海鮮拌飯 $88端上檯表面有點平庸但經店員將辣醬、粟米、紅蘿蔔粒拌勻，有了色彩幾吸引，而且有點似意大利飯。味道少少辣，而飯有粟米、紅蘿蔔粒這些配料質感更爽口，而蝦、帶子、青口也算新鮮。鐵鏟芝士排骨 $228 (一份）上次最深刻美味的芝士排骨當然要點一次，而想試的芝士炸雞已經沒售。賣相跟上次有點分別，排骨肉較厚，多了一堆甜薯。鐵鏟放在電熱屏上一會先，店員來剪開排骨，再將漸漸融化的芝士粟米拌勻，示範一次將排骨繞上芝士拉絲便可。首先排骨是大件，不過肉質有點韌，沒有上次的嫩滑，而粟米也很少，太多芝士變得

又黎食119，佢轉左新餐牌，上次個芝士炸雞無左，但多左其他鐵板野，等我今次又試下新野先。叫左杯 cream max b $48，韓國啤酒上面加左cream，啤酒滑左柔和左，但要小心飲到成鼻係cream，哈哈～另一杯叫左jinre rita grapefruit $48，韓國餐廳嘅特式飲品，梗係要試下啦。賣相靚靚，但好難移動佢，驚打倒個樽啊。柚子加少少酒精飲品，甜甜的好易入口。試新野！睇完小儀金鋼個節目後話韓國豬手出名，等今晚就食豬手先。鐵鏟豬手烤紅燒半份小辛 $188，半份都好大份，滿滿一盤豬手，旁邊有韓式薯粉同大量紅洋蔥。放低後店員就開火加熱。仲會幫手剪細啲肉同剪短啲粉，跟住就撈撈撈混啲韓式辣醬，等洋蔥出水同啲粉吸哂啲辣醬同洋蔥汁就食得。豬手沒太大調味，主要都係辣醬味，肉質爽口，就算連豬皮食亦大油膩，幾好味但份量真係大啲，兩個人係無辦法食得哂嘅。淨係食肉有啲悶嘅，叫左條魚試下，燒釜山花魚 $98點呢個酸酸地嘅洋蔥汁食，條魚煎得香口，又煎封啲魚油，一啲都啲乾柴架，好味，但$98好似略貴了點。仲叫左月亮地獄薄餅，有三個火咁辣，等我又試下係咪真嘅先。cut開佢等啲蛋汁流入個餅到，脆脆餅底，

咁岩今日入開元朗, 早排有朋友介紹呢度有間食韓國菜幾好味, 自己又唔係成日食韓國菜, 所以過黎呢度試下先!聽講呢度晚市都幾多人, 所以一早過到黎!  好彩早黎到, 所以唔算多人, 都唔洗等位, 但係入左去冇耐就愈黎愈多人!呢度裝修都幾特別, 以消防局作為主題, 同埋佢既擺設都幾有心思!  而且成間店俾人感覺都好乾淨!  加上店入面又播緊強勁又輕快既韓國歌, 都幾重韓國感覺, 唔錯!  呢度D圓凳入面都可以放個人物品, 又幾好喎!自問唔係食韓國菜既專家, 通常去到一間食店, 都會叫D推介食品, 實冇死啦! 其實呢度都幾多款式, 小食, 次盤都幾多選擇!個人都幾鐘意食沙津, 見到佢有個藍森林沙津係推介, 一於試下佢!都幾大碟, 個沙律幾特別, 俾人感覺幾新鮮, 有沙律菜, 蕃茄, 藍莓, 仲有芒果添! 個汁酸酸甜甜都幾好味,唔錯, 幾開胃!呢個都幾特別, 同行朋友都幾鐘意食腸, 所以點左呢個!  有幾款腸仔, 食腸最怕佢咸, 但呢幾款腸又唔會太咸, 而個香料味又做得幾好, 但又唔會做得太重! 唔錯! 加上佢用鐵鏟盛住, 唔會咁快凍, 反而配菜就一般般啦, 冇乜特別!食韓國菜, 當然唔少得芝

元朗真係一個多姿多彩既地方，尤其係餐廳，開到成行成市。近期最hit一定係韓國野，所以專登入去了解一下，比我發現lee間。首先入去環境不錯，每張櫈下面可以放手袋，lee野最好，又唔怕整污糟又唔洗睇住個袋，貼心👍👍👍今次我叫咗碟豬手，平時我好怕見到成碟肉，未食已經飽嗰d感覺，但lee個就冇，肉質好鬆軟，好易咬，一d都唔un，而且好入味😋再加上佢鐵盤上，仲熱辣辣，正！另外有伴飯，看似普通冇乜特別，有沙律醬有d紫菜蟹子撈埋，原來可以咁好食，因為有蟹子好爽口，口感又豐富咗，一碗份量都幾多，足夠2個人share，夏日炎炎食lee個飯，都幾舒服！最後叫咗個雞翼，平時屋企都食得多，但我仍然會試吓出面嗰d有乜分別，最重要係佢冇雪藏味，我真係好著重lee樣，死實實冇靈魂一樣，但lee度絕對冇雪藏味，好好味，肉質好滑，同埋佢d size係唔細，絕對物有所值。喺元朗區咁多野食，唔好食既就大把，但好食，環境又舒服，又鍾意食韓國野可以泥試吓，推薦大家。 3樣野2個人已經食到好飽，好滿足，抵食👍👍👍