87 Coffee

营业中

休息中

聽朋友講起先知，原來元朗呢個位開咗間新西餐，一於去試吓😋餐廳外面睇落以為細細間，但入到去又坐得幾舒服，仲有上下兩層添！💕紐西蘭香草烤羊仔架（3件） 烤新薯及時菜配燒汁 $188首先，我哋叫咗紐西蘭香草烤羊仔架。羊肉嘅質地烤得剛剛好，我哋叫咗5成熟，羊架肉汁充盈，嫩滑得黎又唔會過於膩口。佢哋用咗香草調味，為羊肉增添咗一種獨特嘅清香。特別鍾意佢紫色個烤新薯，好綿好滑，蕃薯味好香。兩粒蕃茄仔好Juicy, 仲有3塊翠玉瓜, 都整得好好食😋💕牛油果🥑帶子意大利飯$128見到有呢個飯，我即刻諗都冇諗就叫咗😆。我好鍾意食牛油果！呢個配搭未試過，都幾新鮮！果然冇失望，牛油果嘅份量好多，意大利飯都煮得好出色，味道濃郁。帶子煮得恰到好處，外面微焦，內裡鮮美嫩滑。成個飯嘅味道都好夾。💕 飲品：熱桂圓紅棗茶、玫瑰普洱茶玫瑰普洱茶則有種獨特嘅花香，同普洱茶好夾，飲落去口感清新。朋友就怕瞓唔著，所以叫咗熱桂圓紅棗茶，同樣係健康之選！特別一讚，呢間餐廳嘅員工好nice好有禮貌，感覺好好😀👍🏽

其實一直住元朗…都見到水車館街還可有一間小小的Cafe店…今次特別走入去試吓環境的確唔錯…可以散點主菜或加多28元有餐湯和飲品🤗🤗佢哋個南瓜湯都幾好飲…仲有個熱辣辣嘅小包仔😝😝我叫咗蟹籽蟹肉忌廉扁意粉…份量相當足夠🤪🤪🤪而且味道都幾好味…加上呢度都會有一啲素食選擇…如果我下次十斉日嘅時候可以嚟呢度食黑松露牛肝菌意大利飯😄😄😄而且呢度嘅餐湯多數都係素食嚟添…而且呢度嘅環境都可以俾你慢慢坐..時間唔會太趕

好鐘意餐廳位於元朗大馬路嘅轉角，旺中帶靜。黎食飯地方又就腳，同時又唔會受到大馬路嘅人來人往去阻礙安安靜靜食飯嘅心情～餐廳都裝飾得好舒適，同朋友食lunch 食食下就2個鐘啦^u^香濃意大利飯配紐西蘭肉眼＄108 意大利飯好岩香港人胃口，啲飯咬落去好舒服。雖然正宗嘅係會偏硬啲，但係我覺得佢嘅飯比正常香港啲飯再硬左少少。見到餐廳為到食客改良左煮法，食得好岩胃口。飯有埋啲蔬菜粒做配料，所以食嘅時候唔會好悶。紐西蘭肉眼肉質好，含脂量低，食得好安心。因為鐘意食生啲，見到塊扒嘅色澤好紅潤透亮，肉質細嫩。意式菠菜蟹肉闊條麵＄98 餐廳用左蕃茄做伴汁。蕃茄同蟹肉豐富左味道嘅層次，有黎自蕃茄嘅天然微酸味，又有黎自蟹肉嘅海水鮮甜味。見到蟹肉嘅量都好多！除左面頭大家見到嘅蟹肉之外，下面都有好多蟹肉已經同左啲闊條麵mix埋左一齊。芝士嘅香味令到每一啖都好完整。 冷朱古力鮮奶咖啡（跟餐）餐廳好好人，因為朋友相杯咖啡而問下可唔可以加奶。雖然正值post-lunch hour，餐廳都忙，但係餐廳都好好人咁幫我地即刻再加左啲奶。本身咖啡係少甜嘅，所以大家黎嘅話應該已經岩飲架啦。 桂圓紅棗茶（跟餐）個茶杯同玻璃杯好別絰

元朗真係好多嘢食嘅，商場會有啦！街上面嘅地舖會更多類型，呢間Cafe睇地址會覺得好遠，原來Jolibee對面小巷，有間精緻小Cafe。 一坐低，感覺裝修好舒服望住餐牌，選擇唔算好多，但好容易會有想試嘅款 好快就叫左兩個餐啦！跟餐 沙律菜＋$28除左一般嘅沙律菜之外，仲有羽翼甘藍，仲有黑醋撈住烤香嘅松子同藜麥，第一樣就咁用心，得唔得架？ 跟餐 南瓜湯 ＋$28南瓜湯非常Creamy，都好甜，未必習慣佢係湯。餐包望落好硬，切完搽牛油之後，會知道其實好軟熟。 紐西蘭一級肉眼(配新薯及時菜配燒汁)$168薯蓉有牛奶同牛油，但唔係最Creamy，反而有少少顆粒，保留口感。今次嘅時菜係翠玉瓜，燒得好香。主角肉眼叫左七成熟，比較熟，有牛味，但又唔韌，質素好好 牛油果帶子意大利飯 $128本身有兩隻帶子，職員話跌左一隻，之後有補返。Creamy同少少生嘅飯，好正宗，調味有少少黑椒味，感覺開胃。牛油果嘅部分，好綠色，有一大粒，望落有啲硬，以為翠玉瓜，食落原來好融入喺忌廉度，仲好香添。 跟餐 凍果茶 ＋$10職員話係各種生

今日起元朗周圍遊，起OpenRice上見到有間Cafe多人讚，就起炎炎夏日行過去🥲位置起大棠路站附近，由輕鐵站行5分鐘就到😀☕️Iced Mocha $48上面拉花好靚🥰成杯咖啡層次分明，飲落咖啡同朱古力2隻味都好出，仲有上層既奶泡🤤🤤🤤好正🐮香濃意大利飯配紐西蘭肉眼 $108意大利飯都幾Creamy，都好入味，飯入面有洋蔥，上面灑上芝士🧀撈埋一齊食好好味，又有咬口😆肉眼啱啱好七成，肉味濃郁，唔會太韌，我都食完一啖又一啖🤭🤭🍳大盤子全日早餐 $138上碟已經覺得勁吸引🤣呢個全日早餐好豐富，除左有一般既煙三文魚，炒蛋，磨菇，腸仔，仲有薯波😍（我好耐已經無食過薯波喇🤣） 仲有巴馬火腿，牛角包窩夫😍我覺得最正係個牛角包窩夫，超鬆化又熱辣辣，大推啊😍Cafe面積唔係話好大，有上下2層，我今次坐上層，個佈置以木同綠色為主，坐起度傾下計慢慢享受食物就最舒服🥰🥰

星期六訓到自然醒，早上11點幾就出到元朗搵嘢食。由元朗西鐵站一路行出去，發現元朗d巷仔有好多好嘢食。悠閒既週末一於嘆返個悠閒既bruch，係水車館街既呢間87coffee就係我最好既選擇！環境好靚，好舒服！香辣蒜片海蝦扁意粉呢個扁意粉好正，辣辣地，好惹味，海蝦又新鮮，蒜片，洋蔥，菇各種材料既份量同配搭都岩岩好！大盤子全日早餐 全日早餐一直都好受歡迎，見到咁大盤梗係要叫黎享受下！而且喺假期時間可以食到一份咁大咁豐富嘅全日早餐，肯定係開始一日嘅最大動力！全日早餐最重點一定係在於個炒蛋度！呢個炒蛋炒得非常之嫩滑，滑不溜口！而其他嘅食材就有非常脆口嘅窩夫，鹹鹹地煙三文魚，好有咬口嘅什菌，好好食嘅茄汁豆同大蕃茄！而佢果幾粒薯波波超級好食！成個全日早餐嘅材料相當豐富，食起黎超級滿足！玫瑰鮮奶咖啡 跟餐加25蚊就可以飲到杯咁優質既咖啡同鮮奶抹茶啦！一望到個拉花已經覺得好正。好靚嘅拉花配合陣陣嘅咖啡香。細嚐一啖，剛入口嘅咖啡味口感極度濃厚，而且先入口嘅係綿綿嘅奶泡，慢慢再加上玫瑰花瓣片嘅香味，喺咖啡醇香配合住清新的玫瑰花香，口感柔和滑順。日本抹茶鮮奶拉花好sweet，口感綿滑，抹茶同牛奶真係好夾！是日

今次嚟到元朗大馬路呢一間Cafe，一入到位置雖然唔大，但座位都ok寬敞。午餐嘅價錢都唔貴，選擇亦都好多。大盤子全日早餐炒蛋嫩滑，不過煙肉有啲Overcooked特別鍾意佢嘅窩夫，有啲似牛角包窩夫，食落非常鬆軟。 香辣蒜片海蝦扁意粉海蝦大約有四嚿，辣度可以揀正常或者小辣。扁意粉咬落煙un。Ice莫卡漸層做得好靚，咖啡味偏重。青檸菠蘿夏威夷冰茶雖然要冰茶，點嘅時候侍應一再提醒佢係熱嘅，非常開胃，唔會太甜，鍾意菠蘿嘅朋友一定要試吓。

今日放假約咗朋去元朗行街睇戲,未夠鐘睇戲諗住喺附近搵間cafe坐下,無意中發現附近有間cafe,即刻入去試下。87 Coffee ,餐廳位置喺水車館街一條橫行,地方雖然唔大,但係裝修得好整潔,座位空間感足夠,有盆栽點綴,感覺都幾舒適。蘆筍雞肉忌廉汁扁意粉 78元,份量好多,上面鋪滿芝士粉,雞肉。雞肉食落去好嫩滑,煎香咗雞味更加香濃,配上爽口清甜嘅蘆筍增添口感,芝士粉令到意粉同雞肉嘅味道更加有層次,意粉亦都煮到啱啱好唔會太林,食落去煙煙靭靭有咬口。香濃意大利飯配紐西蘭肉眼 108元,賣相真係勁吸引,牛扒煎到啱啱好,廚師好細心已經切到一片片,入口牛肉味好香濃,牛肉非常嫩滑仲好juicy,有入口即溶嘅感覺。意大利飯肉掛滿忌廉汁同芝士,入口煙煙韌韌好有口感,整體嘅味道配搭得啱啱好,非常好食。另外點咗杯凍 Latte ,咖啡味道香濃入口好幼滑,味道有少少回甘,啱曬我嘅口味。

最近都幾鍾意食all-day breakfast，今日收工後黎到元朗呢間cafe，叫左一份雞扒炒滑蛋配牛角窩夫。雞扒正正常常，如果大塊d會好d。炒蛋幾滑，窩夫整得唔好。

週末要嚟元朗所以嚟之前上openrice搵定有咩可以食，見到呢間cafe評價唔錯，地點都喺大街入面嘅小巷，幾方便所以就揀左佢😁～ 🍴 露荀雞肉忌廉汁扁意粉忌廉汁唔會太過濃味（加分！）
雞肉好煎得好嫩（加分！）😋扁意粉咬口剛好！🍴 大盤子全日早餐同menu張相一樣咁豐富～有2款腸仔、煙肉、西班牙火腿、三文魚、烤菇（烤得好香，同屋企人都覺得好味，好鍾意食）、烤番茄、番茄豆、薯寶、沙律菜（有羽衣甘藍！）、炒蛋（很滑）同埋牛角包waffle（脆脆的）～真係好多！！ 另外亦都可以選擇轉酸種法包～餐飲方面，Lunch本身有包黑咖啡，見到堂食仲可以免費添飲！啱晒鍾意飲黑咖啡，唔飲得牛奶嘅人👍🏻而我同屋企人分別飲返我地嘅例牌：Flat White同埋Latte☕️ 2杯咖啡都有拉花架😍 靚🥰 🍴 Flat White要讚下杯Flat White好夠熱！食主菜食到一半再繼續飲落去都仲夠熱～ 咖啡味都好香🥰🍴 Latte個拉花係隻貓貓🐱！so cute！！咖啡味夠濃😊整體feel到小店嘅用心，鋪頭小小，每樣食物、飲品都係精心整出嚟～ 食物嘅溫度、味道、presentation都滿意！推薦比大家🙌🏻

星期一到五返工都好忙碌，到左星期六日就想搵個休閒寧靜嘅地方relax下食餐飯傾下計。去開元朗，dinner嘅時候就係openrice搵到間cafe係附近，就入去試試。cafe嘅裝修比較清新簡單，上面吊住d植物做裝飾，光線都OK，座位都比較舒服，餐廳有兩層。睇番餐牌dinner主要係set為主，可以外加錢去加湯或者其它飲品。我地兩個人每人叫左兩個set。紐西蘭一級肉眼扒，五成熟。塊扒都幾大下，煎嘅火候掌握得啱啱好，食落去係有肉汁嘅，唔會太柴，都有牛肉味。搭配燒汁更好味😋。周圍有d車厘茄同薯蓉，車厘茄輕輕煎過下，冇左陣草青味，一啖食落去超級juicy。而薯蓉都比較香滑，會食到小小薯仔粒，真材實料。另一個叫左烤鮮三文魚扒，塊扒好厚肉，塊魚皮煎到卜卜脆，醃製得都好夠味，唔加任何汁都可以食得落。魚扒搭配左d紅花汁，令到d魚少左腥味，但又唔會搶走魚味，令到魚更加鮮甜。搭配得都唔錯。食滯左嘅話周邊有脆肉瓜可以refresh下。而餐飲我地就叫左桂圓枸杞紅棗茶同玫瑰普洱茶。兩款茶都比較濃郁，食飽飲番杯解滯。

今晚o係元朗想食西餐，經過一條位於水車館街既小巷，發現左一間食物質素好高既餐廳，呢到非常容易錯過，見呢間餐廳外面唔錯，menu食物幾吸引就入去試下啦。餐廳有上下兩層，座位相當舒服唔會擠迫，室內設計簡約但又見到佢地既用心我地叫左兩道主菜，分別係牛油果帶子意大利飯同埋紐西蘭肉眼扒，第一次見餐牌會寫有任何食物敏感，可以告知職員，呢點顯得餐廳非常細心看待每位客人。第一道送上既係牛油果帶子意大利飯，無諗過牛油果原來係攪拌再同意大利飯一齊煮熟，飯既顏色會成湖水綠色，亦有少許牛油果肉，拌o係飯入面，少少芝士碎淋上面，意大利飯唔會過淋，原本以為牛油果唔會夾，但出奇地，愈食愈想食，完全唔覺得膩，有清爽健康既感覺，帶子煎得好香脆，裡面唔會過生，但又封存左帶子肉汁，食起黎有一絲絲帶子肉，好美味。第二道紐西蘭肉眼扒配薯菜係一道非常經典嘅西餐。佢由一塊大塊嘅牛肉、馬鈴薯蓉、翠肉瓜、番茄製成。我地好保守咁叫左7成熟，但牛肉嘅肉質依然鮮嫩，切起黎有肉汁流出，馬鈴薯蓉嘅質地非常鬆軟，而且吸收咗牛肉嘅汁液，佢唔會有平時好濃牛油或者cream既膩感，食完整道菜都唔會覺得heavy, 翠肉瓜同番茄嘅味道亦非常新鮮清爽，而且

What a surprisingly nice and worth-trying restaurant in YL which offers good food😍 I enjoy the dinner so much !!! We ate for 1.5 hrs… so jeng 😍 . Worth to give it a try. 👍🏻My fd & I live in YL too. We found the restaurant is fabulous so we seat in and had super nice catch up . We can park car nearby.First comes to this pumpkin soup! Super yummy ! The taste of pumpkin is strong. Just add $28.First main comes to this salmon. It’s very fresh. It’s crispy (esp the skin) perfect match with the sauce

做完運動，要嘆一個靚Brunch。穿過小巷，黎到裝修樸素嘅小店。平日中午時間黎講都幾多街坊食。地面個層已經坐滿人，好彩有二樓，二樓係更安靜嘅小角落。點咗大盤子全日早餐，十分豐富。個人期特窩夫，原來係近期最hit嘅Croffle。口感脆身，唔油膩。炒蛋好滑！香腸都有兩款，包括香草同原味雞尾腸。飲品點咗凍薄荷朱古力鮮奶咖啡。薄荷味比朱古力味更出，飲落較清新，唔會太甜。奶泡較挺身，鐘意呢種fluffy感覺。店員推介是日蛋糕- Tiramisu。Cream較挺身，食落厚實。味道上唔會太甜，有淡淡咖啡味。

💛 #元朗 @87coffeeWeekends難得入元朗去 @yohomall 度打卡，緊係要揾返間 #隱世cafe chill吓喇😋 「87 Coffee」位於一條小巷之中，裝修以純白色為主調，食物都好精美又大份🥳🐮 香濃意大利飯配紐西蘭肉眼 （$108）個肉眼我哋揀咗五成熟，煎到外熟內粉嫩超靚靚✨ 咬落香而不膩，比一般肉眼少啲油脂，但都好香😍 意大利飯好creamy，仲加咗芝士粉更香更濃郁🥰 好正😊！🥓 大盤子全日早餐 （$138）呢個all day breakfast又係超級大份！牛角包窩夫酥脆得嚟內層又軟腍🥐 炒蛋非常滑份量又超多🤩 すき！仲有炒雜菌、煙三文魚同煙肉都鹹鹹香香😋 同埋好「脆緻」嘅薯餅粒😋🍊🍵 熱柚子茶 （隨餐附送）🍎🫖 蘋果檸檬玫瑰果茶 （+$20）飲品跟餐都好平，如果叫黑啡仲可以任飲添！