After 5 Wine Bar

营业中

休息中

12 月 8 日 After 5 換新梳化、換新掛畫、換裝飾，感覺煥然一新 ~鵝肝牛柳配紅酒汁，鵝肝終於都返黎喇，如果可以跟以前一樣用超肥美鵝肝配法包就好喇，好懷念。今次依味菜既肥鵝肝只有三份一件，好想食多啲呀，好肥美，外層煎得香脆，裡面軟棉棉入口即熔，超正，好味過好多西餐廳。因牛柳較厚身，所以 order 五成，怕叫三成肉裡面唔夠熱。好濃郁既牛肉味，肉汁直程滴出黎，好 juicy 呀。法國爐燒春雞，淡口、但肉質都算嫰滑。廚師哥哥稱因今日剛運到，所以未醃得入味，聽日就完全唔同架喇。巴馬火腿薯仔沙律，我本身唔多好薯仔，但試左一啖，好香口美味，應該係撈左牛油、忌廉同煙肉，好味。用巴馬火腿卷住黎食，咸香配薯仔沙律好配合。Irish Rock & Pearl oyster 生蠔，超新鮮肥美，非常鮮甜，加少少鮮檸，整隻啪入口，兩款都好 creamy，Pearl 較軟棉、較 creamy；Irish Rock 較爽口、較濃味，就算食完成打，都仲想添食。墨魚籽煙三文魚天使麵配芝士忌廉汁，本人食唔到生洋蔥，唔記得叫走洋蔥，好強烈既洋蔥味。以前會將煙三文魚砌成玫塊花，整齊地放係碟中間的，味道緊要，但賣相

今晚想食西餐，係大埔當然首選係我成日去既 After 5 啦 ~ 今次本想比 4 分，但係個意粉失手要扣分喇 ~ 正宗意大利粉只係煮七至八成熟架乍 ~美式煎三文魚，前得好香口，表層脆脆的、裡面熱騰騰，而且肉質鮮嫰多汁，好味。搾啲鮮檸汁，好 fresh 既感覺，正。拿破倫扁意粉，上次就剛得剛好，但今次煮得太腍喇，直頭已經超過十成，本人最愛係八至九成熟。味道方面，酸酸甜甜好開胃，加埋辣椒仔仲正。咖喱豬扒配燒菜，特別地用串燒方法上菜，menu 上面無提及。出奇地豬肉味濃、肉汁亦鎖得很好，咬落表層脆脆地，裡面就軟棉棉。咖喱香濃，而且不辣。整體配合得剛好，好味。安格斯西冷配紅酒汁，口感比肉眼實淨、有咬口、牛肉味更濃。今次叫七成熟都不失嫰口感覺、肉汁豐盈，好好味。大蝦春卷 prawn spring roll，新小食，原隻大蝦連蝦膠釀入春卷皮裡面，炸得乾身又香脆，完全無油膩感，蝦肉蝦膠彈牙又熱辣辣、啖啖肉，必試。

After 5 除左主打紅酒外，仲有招牌牛扒、羊架、生蠔架 ~唉，今晚又洗千七，要控制吓自己呀，我要慳錢 ﹗我要儲錢呀 ﹗我要出車呀 ﹗紅酒一支、白酒一枝、六杯 shooter、連骨安格斯肉眼扒、15 隻生蠔、爐燒雞中翼、咖喱芝士手切薯。生蠔 ~ Pearl & Scottish，即開生蠔，唔會開定，超新鮮好味，juicy & creamy。我既第二最愛 Irish rock 賣晒，而最愛既 ribbon point 等左兩年都返唔到貨。所以今晚唯有食住依兩隻頂住先啦，依度既生蠔質量，好過出面好多酒店既自助餐，物超所值 ﹗連骨安格斯肉眼扒 ~ 鮮嫰多汁，香濃牛肉味，只需略醃慢煎，配以紅酒汁，正到痺。今次介紹比個朋友食，佢讚不絕口，必會多多幫襯。爐燒雞中翼 ~ 醃得入味非常，焗完仍鎖住肉汁，幾好味啦，只係雞翼菜式較普通。咖喱芝士手切薯 ~ 將新鮮薯仔切角烚熟，再鋪上芝士焗，最後配上淡咖喱，新鮮薯仔香味同口感比機製好百倍，無得比。

好少可味道比滿分，不過今次真係無得彈，超水準 ﹗連骨安格斯肉眼扒配紅酒汁加燒菜，有左前幾次經驗，今次多番叮囑彬彬師父唔好咁咸，輕手啲，所以真係非常滿意。三成熟，口感非常軟墊、牛味非常濃郁，肥瘦適中，好好味。燒菜既脆肉瓜同茄子都熱辣辣，夠薄且全熟透軟棉棉，好正。汁濃味香，天依無縫。

以 HKD200 - HKD 300 既牛扒黎講，After 5 紿終係我 Top 3 list 裡面 ﹗價錢合理，質量滿意，好好味 ~焗澳洲羊架配黑醋汁，五成熟最好味，鮮嫰多汁，側邊深啡香香的、中間粉紅嫰嫰的。黑醋汁酸酸甜甜跟有香料既羊架非常配合，香濃惹味又開胃，一個人食兩三碟絕無問題，好味﹗連骨安格斯肉眼扒配紅酒汁，牛味非常濃郁，應該因為脂肪較多又平均，加埋條骨，係煮既過程中會令香味及牛味提升好多。但今次烹調時落味重手左，略為咸左少少。同埋今次件扒脂肪較多，仲一舊舊係正塊扒中間添。我要三成熟，但熟左少少，有差不多五成，還可以啦，當然比三成稍遜啦，味道、口感、肉汁、香味都係。

八點已開始係度飲酒打波，飲到醉醉地，突然行政總廚肥哥哥推介新到步既有骨肉眼扒，無所謂，咩都試吓啦，還掂只係下午同個客飲完茶到依家都無食過野，淨飲。分甘同味，個個試幾啖比啲意見，大家都好滿意，只係稍為咸左啲囉 ~連骨肉眼扒紅酒汁，剛到步未上 menu，肥哥哥推介，現時係依度最貴既牛扒 HKD280。當然又係要食 3 成熟，肉外都熱辣辣，非常好。口感非常軟棉棉又嫰滑，好濃郁既牛味，但脂肪較多。今次味道太咸，就算飲左酒都接受唔到。個汁既味道同濃杰程度好好，無問題，只係煎既時係落係扒上面既調味料過多，令味道偏咸。可能本身塊牛扒已有濃郁既牛味、脂脂比例較多，本身已帶有味道，所以調味時要加倍留意。重括黎講，份扒真係好靚，物有所值，希望下次再試時會給我驚喜 ﹗

咖喱芝士手切薯，終於都食得返喇，因 menu 上面只有普通薯條，所以上次新黎無耐位妹妹落錯左比我，變左要食雪藏再造薯條。因朋友想食，所以我無要求加辣及咖喱要杰身要濃味。正常時咖喱香但味淡，薯仔粉口新鮮。我都係喜歡似前既煮法，咖喱芝士跟手切薯一齊焗好更香口更入味。拿破倫扁意粉，有辣肉腸同磨菇。唔知個拿破倫汁係自家制定係現成既，味道酸酸甜甜好開胃，有鮮蕃茄味。扁意粉烚得剛好，滑溜。汁夠緊緻，剛好鎖住係扁意粉上。食完整碟意粉，係唔會見到多餘既醬汁係碟上為之最好。

轉眼已係度幫襯左三、四年，一路睇住佢成長同改變，有變好既、當然亦有地方變壞啦 ﹗帶子墨魚籽天使麵配芝士忌廉汁，好稀、雜亂無執靚先出。每次都會排都靚一靚，咁多年都係第一次咁樣亂七八嘈出比我，雖然我知道今晚忙，但都要 KEEP 住水準先得架。味道夠，但個汁好稀，無鎖住係啲天使麵度，水汪汪。什菌新鮮好味、帶子雖煎得好香口，得太就有啲乾。天使麵口感滑溜，可以啦。扒牛柳伴露筍配紅酒汁，三成熟，我知係好難煮，但個心真係凍冰冰喎，算照食。肉質鮮嫰多汁、口感外脆內軟，好味。白玉瓜、茄子唔熟，好生，真係食唔到喇。露筍好新鮮嫰口，無渣，好爽 ﹗鮮蕃茄沙律，非常豐富即新鮮雜菜，眼見有五六種。只用黑醋、橄欖油調味較為單調，君啲芝士或檸檬汁會更好。

扒牛柳伴露筍配紅酒汁，3 成牛柳最正，因牛柳好厚會好難做，今次都滿意既，裡面都夠暖，只有少少凍。用露筍苗好爽嫩新鮮、牛柳鮮嫰多汁、入口外脆內軟，燒脆肉瓜又爽又香又多水份、燒茄子軟棉棉，正﹗鮮蕃茄沙律，主要為黑醋調味，蔬菜都好新鮮，但咪道較單調，無咩層次咁。如果加點芝士，例如水牛芝士、刨點硬芝士，味道會更豐富﹗忌廉薯仔湯，飲唔出有薯仔味，只有忌廉味，有啲寡，自己加啲黑糊椒，多返少少層次先。但以普通餐湯白湯黎講，味道好好，係希左啲啫﹗太平凡喇 ~安格斯肉眼扒配紅酒汁，食極唔厭﹗我稱之為極上安格斯，夠份量、3 成熟軟棉棉、滑滑溜、牛味濃既香口 ﹗一絶 ﹗以依個價錢有咁高既質數，出面食唔到 ﹗芝士焗新西蘭紅魚，舊魚扒勁大件，啖啖肉，遠睇仲以為係蛋糕咁，烤得勁香，食落肉汁豐盈，睇頭睇都到滴出黎，好好味﹗好重魚味，又嫰又滑，實在太正﹗配菜有蘑菇、茄子、脆肉瓜，全部炒得香香的，熱辣辣，軟腍腍，太好味﹗

今晚收工又係食自己，悶悶地，都係去返我既私人飯堂食喇，鋸件扒、嘆返幾杯紅酒先 ~ 平時一定會坐梳化位，坐吧枱同職員吹下水先 ~安格斯西冷扒，三成熟，嫩滑無比，正。鬼佬扒西冷口感較實淨、有趙口，但勝在完全無醃過，保存天然牛肉既籤維、味道。美國安斯西冷超濃郁牛味，無欺場，倍碟燒菜脆肉瓜及茄子，熱辣辣、新鮮又足滿水份﹗今次有少少失手，落調味料重手左，比較咸左啲﹗但總括黎講，以依個價錢，比起市區好多餐廳好好多倍﹗

悶悶地又唔想返屋企發呆，落去食個晚飯、飲返支紅酒、打幾舖 pool，relax 吓先，雖然成日食，但暫時都還未食厭既 ~老虎蝦併龍脷柳配磨菇忌簾汁，蝦夠大碌、肉質新鮮彈牙、殼炸得香脆、蝦頭勁多膏，好味﹗龍脷柳尚算可以，係覺得咸左少少啫。個汁好香滑，個個都鐘意﹗燒美式豬仔骨，炆得好腍、醃得入味、個汁酸酸甜甜好開胃，個人只係唔喜歡豬仔肉既口感好散，無趙口，可能因為煮完急凍而又雪得太耐，之後再番煮既關係。不過總括黎講係好好味既﹗係可選之一﹗咖喱芝士薯條，一般情況咖喱係淋係薯條上面出，不過今次特別要求分汁。好香芝士味、咖喱微辣，好得意既配搭而好味道。我多數會要求要手切新鮮薯角，好討厭機造雪藏薯條，新鮮口感更粉、更香薯味，唔知點形容，總之好食過雪藏好多好多啦。

虎蝦龍脷柳卷配什菌忌簾汁，係其中一味我最喜愛既海鮮，虎蝦又大碌，肉鮮彈牙、炸到脆卜卜，蝦頭夠大又多膏仲有唔少肉食。龍脷煎得香香的，又軟滑，配埋個忌簾汁，正到痺呀，卷住一齊食，兩種口感，正呀。Menu 上面無架，要熟客先知，每次叫都感到痛痛地，HKD280 兩件，不過好食最緊要 ﹗

因為依間係新界北區少有既清吧，以 Wine 做主題，仲有免費 american pool 打，所以經常係度留連。咁多年美食依舊，好過市區多間名餐廳，物超所值，但係服務態度同召乎依家真係麻麻，以前我真係對首批職員非常滿意架，唉。。。煙三文魚沙律，用黑醋撈混，甜甜酸酸好開胃，用三文魚卷住食好夾。洋蔥牛尾湯，香甜可口，但有時候會重手左，太咸。虎蝦石斑柳配什菌忌簾汁，個汁勁好味，虎蝦巨形爽口鮮味又多膏，石斑柳口感結實，表面比較咸，什菌好新鮮，正 ﹗我既至愛極上安格斯肉眼扒配燒汁，3 成熟剛好、表面香脆、裡面微暖，肉汁豐盈、肉質嫰滑，HKD230，物超所極。係 Menu 度搵唔到架，要熟客先知道。啲咩 Dan Ryan's 呀、out back 呀、Mr. Steak 呀，收皮啦。

約了女友在大埔慶祝情人節。原本打算去Olive食,但當日餐廳只供應情人節套餐,因沒有其他選擇的關係下便決定到其他地方吃。其實,在大埔要找一間有情調及質素的西餐廳真是少之有少。但在我們慢慢地搜尋下,最後讓我們找到這間Gastro Pub。這裡提供的情人節套餐,包括有:前菜-沙律,餐湯-番茄濃湯,主菜-燒羊鞍及香煎三文魚扒,還有甜品及餐酒(紅洒,白洒或香檳一杯)。店內的環境與一般的bar沒有分別。我們進餐的時候,還有其他人在Happy Hour中,只有一、兩對情侶選擇吃該店的情人節套餐。當侍應送上第一道菜時,我們感到十分驚喜。沙律呈一個心形,底部有芒果,木瓜,牛油果肉及些少綠葉,而頂部覆蓋了一層打成蓉的蟹肉。味道帶些少甜味及清新。等了一會兒,侍應又送上餐湯。我相信廚師用了新鮮番茄,將它打成蓉後,再煮成這個番茄濃湯。這個湯的味道較淡,並沒有想像中那麼濃烈。主菜方面,先上了羊鞍,份量看似較少,每碟只有兩細塊。從味道而言,羊鞍似乎略熟一點,不過伴碟的蔬菜看得出廚師的心思。然後緊隨後上的香煎三文魚扒,真是值得一讚。賣相十分吸引之餘,醬汁的味道也十分Creamy。Very Good!最後的甜品,簡直

自間野開業果時我就一直幫襯到而家佢地唔自乜事呢幾年係咁轉晒D人廚房 , waitress waiter , 就連一間 bar 既主要人物都換走晒仲好記得 Steven 響果度做 incharge 果陣同D客有講有笑 , 留得住一大班熟客Biru 做 bartender 都較得D cocktail 有返咁上下質素果時我仲同個 friend 一晚飲二千幾三千蚊 shooter但自從走晒之後所有野都變得不知所謂Cocktail 難飲左 , 就連同客既 communication 都少左我曾經 ordered 過一杯 double baileys個 tb 俾我一杯 1/4 glass , 我問佢講 double baileys 係米得咁少佢話 "baileys 好濃架 , D冰溶左就岩架喇."聽到火都黎. 係個waitress走過黎打完場先唔同佢為果百零蚊計真係去LKF間"Tasting"試飲都多過佢