Alva House

营业中

休息中

甜睡一夜後我們大清早便到Alva House吃自助早餐，因為我們想趁有時間去埋健身室和去踩單車喔！甫入餐廳便見到自助飲品區分別有咖啡機、熱茶熱水、檸檬、另外還有數款果汁供應！再往前走會見到有多款口味的乳酪杯，我已經盯中了芒果口味的乳酪呢嘻嘻！！轉個角有日式玉子、納豆、日式八爪魚和韓式泡菜充滿了亞洲風味的前菜。如喜歡吃穀物早餐的朋友應該會十分開心，這兒足足有六款不同的選擇必定會滿足到愛吃的您。我就最看重生果這一環但看見有我最愛的菠蘿已經教我樂上了半天了！另外還有火龍果、西瓜和蜜瓜供應呃！當然還有我必吃的新鮮沙律菜，看見有我喜歡吃的羽衣甘藍已經滿意非常了！旁邊還有鷹嘴豆、車厘茄、紅腰豆、粟米和等配菜，另配多款醬汁大家可隨自己喜歡的口味而混出自成一格的沙律！旁邊還有凍火腿和車打芝士那便可以令沙律更加豐富了！走到麵包區選擇多到不行！首先有歐式麵包和方包供應，旁邊更有翻熱用的多士爐那便可以吃到熱騰騰的美味多士了。再往前走是這個麵包區也可算是甜品區的地方！必定令喜歡吃烘焙食物的您滿意非常。內裏有超過10款以上的烘焙美食，好像有鬆餅及多款不同口味的歐式麵包、酥餅，有鹹有甜必定有一款會合大家理心意的。

話說上星期二即係3月8號book咗夜晚自助餐，本來上網睇到啲食評都覺得係幾好，但親身試左之後覺得比較一般，嘢食係新鮮嘅，最大的缺點就係生蠔，如果你唔食生蠔嘅話呢間係可以，但係如果食生蠔，你就會越食越嬲，每次每人派兩隻，然後那位待應洗生蠔用超過十秒一隻，即係如果你前面有四個人你就要5分鐘以上先至攞到兩隻生蠔食，令到我唔想再去排隊，完全唔可以接受，淨係呢樣嘢就已經唔會再去,其他酒店也係會即場開生蠔,但係人哋唔會咁慢,佢係慢得好過分，而且等嘅人又多,令人吾會想去拿生蠔食

有Oyster,有乳豬有乳鸽，甜品蛋糕款式very good,價錢合理，地方清潔，洒店新落成。吃完buffet再book个大房和女友綜合简直夫復可求，一晚才4百元左右連税

沙田Alva酒店lunch buffet折左都係270左右，最緊要有生蠔，不過每次每人拎兩隻，都排好耐隊因為得一個人處理，其他熟食食物好好食，冇影到特別係嗰豬腳薑跟臘味糯米飯，串燒呀炸雞皮，炸物天婦羅好好食，甜品就不過不失啦，但係哩個價錢性價比好高，會再返轉頭

疫情緩和下第一次食自助餐，估唔到係屋企附近嘅自助餐可以咁有水準，之前聽人講話唔錯，果然無講錯。食得出食材新鮮及用料上乘，味道亦很適中唔鹹，不會令人飽飽滯滯，可以由頭食到尾，食物選擇不少，很有誠意的早午餐buffet。個人比較喜歡即炒意粉、鮮甜的生蠔、串燒，還有我喜歡的香片茶可以喝。老公比較喜歡乳鴿、雞粥、燒西冷牛、吉列蠔。老公的好朋友喜歡紅菜頭沙律、咖喱雜菜豆配咖喱角。除了餐飲，另有香檳或果汁附送，價錢合理，整體非常滿意。因為比較多人，樓底不算高，比較嘈，傾偈就不算太理想。食嘢好好。

第4波之前剛好係生日既時候去個staycation 揀左生日package 包埋dinner buffet 去到其實都好滿座，但因為有小朋友要babyseat 所以坐得比較遠，但係反而就冇咁迫啲嘢食種類都比較多就算熱食都唔係剩係得炒粉麵雞魚牛， 有日本野 又有串燒，西式意粉，意大利飯 pizza 芝士都有好多款仲有最愛既生蠔 （每次兩隻）甜品有一杯杯嘅movenpick 雪糕 仲有好多款甜品蛋糕呢個小朋友都食足三個鐘而餐廳都有小朋友座椅同餐具提供下次我地要再encore

#double👧🏽👧🏻吃在沙田#double_酒店餐廳..【自助餐系列🍴| ᴀʟᴠᴀ ʜᴏᴛᴇʟ ʙʏ ʀᴏʏᴀʟ】..#🥭👧🏻 今次揀咗帝逸酒店嘅自助餐 分別試過lunch同dinner🤣依家就一次過講下啦~自助午餐嘅主題係香港情懷👀而晚餐就以蟹作為主題 呢度嘅食物種類算多 晚餐比午餐豐富👅 餐廳嘅環境都幾大 服務都好好~-▫️Lunch Buffet▫️生蠔同沙律都算新鮮 沙律菜有羽衣甘藍 幾特別~壽司嘅size好的骰😆(係平時食嗰啲嘅一半) 上面加咗啲蟹籽同魚籽 感覺高貴好多🤣🤣 不過洗蠔嘅速度就有待改善 而且負責嘅員工好似太大力 就快擦爛曬啲蠔😖中式區有燒味 即煮粉麵檔嗰啲 即燒串燒都幾好食 仲有即炸天婦羅🍤 唔怕放耐咗會凍👍🏼 甜品嚟講 款式幾多但唔係特別好食🙈 雪糕係Movenpick🍨有6款口味 不過👧🏻就冇食到▪️Dinner Buffet▪️海鮮：同午餐一樣有生蠔 另外有龍蝦🦞長腳蟹 麵包蟹 花蟹 凍蝦 螺同蜆 龍蝦一般 唔夠爽口☹️反而長腳蟹幾鮮幾好食 而且龍蝦同長腳蟹有啲鬼鼠 係用布遮住 要問職員攞先有🤔 凍盤：刺身有三文魚 吞拿魚 希靈魚 仲有個叫𩶘魚 壽司同樣地好迷你😆

由這酒店一開張, 已期待它的自助餐了. 可惜一直也訂不到位, 便閒置了. 最近因禁晚市, 酒店再推“ 午後自助餐”, 介格比午自更平, 食物選擇卻一样. 今次终於訂位成功了.未開始, 門口已排着隊, 預訂了的記着先拿号碼, 再排隊入內. “ 生蠔” 真的抵讚, 非常新鮮, 沒有腥味！！比花X庭的要好更大, 更有鮮味！由於生蠔供應到結束, 不宜花太多時間去排隊. 牛扒幾生嫩, 3成熟吧！甜品也很多選擇, 細細件, 每款食一件也不為過！ 鮮果拿破崙雖看似簡單, 但味美啊！.

25/12/2020聖誕節Alva House的中午自助餐。 說實在食物款式比我10月在海洋公園萬豪酒店的自助晚餐款式更多！ 中午的自助餐有生豪供應，海鮮的款式亦多！ 而且食物（例如燒乳豬，火雞，燒牛肉，乳鴿，自家製和M字雪糕）都不是平價貨！不像某些酒店的自助餐的食物以平價貨為主！ 論食物質數， 我覺得整體平均，算是中上質數！ 而且refill食物甚快，除了串燒外，基本上anytime出去都可以取到食物，就算要輪候也不會大排長龍，長時間輪候！另外，服務都算唔錯，駕車由入口去到泊位，已經有4-5個人協助！ 而餐廳的數面人手充足，收碟極快！ 基於是聖誕節，所以中段更有聖誕老人派禮品！ 論環境，唔需要多講， 一定令你有舒適和休閒的感覺。整體而言，疫情之下沒有將價就價，仍維持到這質數，算是有點點驚喜！在這食自助餐，可算是一享受！！

聽聞這酒店餐廳的自助餐很難預訂，我都是早幾天訂碰碰運氣，我預訂星期五的午餐，預訂時果真已滿，只好waiting list。就在星期四早上收到酒店來電話有位，當然興奮。12時多來到酒店餐廳，已有很多人。聽同事話乳鴿好食，故由牠食起。大大舊肉的部位沒有什麼特別，翼位也不見得好味，不過一直都會refill. 來這店當然是為了「生蠔」，這是美國蠔，肉質細細，薄薄，但鮮味十足，還有海水味哩！每次只可取兩隻，由開始至自助餐結束都有人排隊，你想一次過食多隻都有點難😅⋯⋯我排了多次，花上時間才食得滿足。我覺得這比肥美肉厚的生蠔相比，最重要是要夠鮮。冷盤有青口、凍蝦、蜆肉，壽司有多款，細細件，醋飯得宜，我覺得不錯吖。不過，我覺得牛扒及刺身切得不好，只得厚，所以影響了食物質素。此外，熱葷除一般食物外，還有粥、日式叉燒拉麵、天婦羅(沒有蝦的）等等，食物種類繁多⋯⋯講真，三百蚊唔洗，有鮮美生蠔，我覺得超值。

WALL IN 的午後自助餐 非常抵食 生蠔新鮮 肉眼扒靚天婦羅 魚生 芝士 乳鴿 串燒 火雞 甜品 瑞士雪糕樣樣齊$ 248 全包 下午 2.30-4.30 分 好食 抵 2.30 到塲 話滿了 跟著後補 獲補上有位 全塲滿座 交通地鐵石門站下車向第一城工廠大廈那邊行便到現時做跟下午自助餐休惠 先電訂位講明食下午自助餐便可 首先排隊生蠔 每人二隻壹次任取到收工都有供應 再來食返個魚生 飲返碗中湯就進攻肥廋適中的肉眼扒 炭火香壹流 食了二次 再攻天婦羅與串燒 再食其它熱食 八成飽轉攻甜品雪糕 完美的壹餐

喜歡食自助餐又想悠閒地享受一個下午?  呢間酒店餐廳 Alva House 或者會係一個好選擇。 餐廳內有一面係落地玻璃，讓外面陽光透入來，環境舒適寬闊。  酒店開幕約一年， 餐龐佈置清潔時尚,  餐具色調配搭亦見心思。很適合悠閒享受一個自助午餐。 午餐收費三百幾, 有八折約二百幾蚊, 食物各式各樣， 選擇種類多， 除自助餐指家壽司、刺身、海鮮、燒牛肉、燒味、甜品外, 有幾款食物比較有特別。1. 有印度廚師即做薄餅2. 當然唔少得沙田出名既沙田乳鴿同雞粥3. 即炸天婦羅同串燒好食4. 仲有即煮雲吞麵值得一讚廚房服務幾唔錯， 取食物之後會同你講多謝哂, 唔怪得當日中午都見到有唔少人係到食自助午餐。甜品櫃的甜品有不少選擇， 尚算可以。

聽聞呢間新開自助餐最近喺沙田區走得火熱就過嚟試吓。一入到黎裝修唔錯陽光充足，魚生同凍海鮮display精美，其他熱食款式多，有沙田雞粥同埋乳鴿。餐廳同事服務殷勤。有驚喜

沙田這間新酒店裡的自助餐廳，水準非常之高無論裝飾佈置或食物質素都一絲不苟，地方簡潔光猛食物款式數之不盡，在此吃午餐或晚餐都一樣好舒服。餐廳門口放置了很多綠葉花朵做配襯，令人很舒服好像遠離繁囂的感覺。餐廳旁就是甜品櫃，望着已經很吸睛食指大動。而在抗疫方面下了很多功夫，每枱桌面的餐具都會用保鮮紙包著，令每位食客很放心。中式廚窗放滿不同種類的燒味。日式就有炸物，吉列炸蝦、薯餅、餃子、天婦羅同串物。海鮮方面有新鮮生蠔、龍蝦鉗、凍蝦、蜆。主菜有羊扒、脆皮燒腩而當然不少得就是燒牛扒，師傅已經準備好大大份的燒牛扒為我們奉上。到刺身放面有三款擺放得很精美，給大家點選。海鮮盤有蓋保護著令食客非常放心，海鮮很新鮮在這個海鮮區我已經遊走好幾次了。生果區都是一樣，放得很整齊又乾淨。最令我期待的就是平常酒店自助餐未必吃到的食物，因為這間酒店坐落沙田區嘅關係，在這裡竟然會見到沙田雞粥同乳鴿的菜式放進在內，所以很欣賞這間酒店同總廚嘅細心，可以有個賣點叫食客來惠顧。

夜晚同老公去慶祝生日，又有朋友推介，話食過呢間幾好Booked左枱，話由晚上6點食到晚上九點半，我地就由7 點食到9點半，個人認為食飯既時間好充足，比起其他自助餐限時限刻，呢度就值得一讚服務：收碟速度開頭好快，但去到8點幾打後就好似冇咩反應。最後佢話有人無做泊車優惠，就幫我做多兩個鐘，令我好開心🥳食物質素：回本野：生蠔🦪，龍蝦🦞，鵝肝（DUCK Liver)，都係好味😍，其他凍海鮮就一般野，無特別熟食：有檔日本🇯🇵檔口，有串燒，天婦羅🍤都唔錯；其他就都冇特別沙律🥗：冇特別甜品🍮：有榴連主題既甜品、蛋糕，都一般個；個熱鮮奶🍑膠，就幾好味😋個人認為可以再食