Amour Green (已結業)

約了幾位好友的聚會，想靜靜的談談，讓我想起此餐廳，於是帶同好友再來。到了餐廳，坐下後，感覺依然沒變，黑色的牆，燈光並不暗，帶著舒服的感覺，沒有音樂，大家都靜靜傾談，好友都讚賞非常合適靜靜的聚會。枱上仍是那張愛的序言枱紙，與餐具配襯著，感覺優雅。黑板上寫著及畫著的餐牌，有種寫意，又透著美感。不過餐牌卻換了，換成多種二人套餐。也有星級菜單，以及可以單點的菜單。我們叫幾個菜分享，可以多嚐不同的味道。前菜三文魚他他，煙三文魚香口，並不太乾，鹹味適中，配著多士很合適的味道。魚乾多士，雖是魚乾，口感並不乾，還有很香的魚肉味。今日的是磨菇湯，配上沙律。沙律就沒什麼突出，只是新鮮，可是磨菇湯卻很突出，濃郁的磨菇味，卻沒有菇菌的腥臭，反覺更香，入口很滑，卻又不是忌廉那種口感。香草帶子長通粉，帶子大大的，口感軟滑，橄欖油的香氣，帶出長通粉的香滑，令長通粉入口不覺乾，橄欖油的清新，假使最底下的通粉沾滿橄欖油，也仍很容易入口，全因是不飽和脂肪。燒羊架，深紅色的羊肉及骨，已經洋溢著肉香，入口香軟嫩滑，羊肉味香濃，卻不羶，非常值得一試再試。吃過主菜後，我再選要Amour Green這個飲品。杯子換了普通的酒杯樣子

星期六同二位姐妹做完瑜伽，就到旺角一帶食午餐。這間餐廳位於地牢底，餐廳用色同格調走年輕一派，可能時間尚早，入面顧客不多，我們不用等位就進入餐廳。我們叫了all day breakfast,黑松露蝦意粉餐和慢煮豬腩肉餐。黑松露🦐意粉～入面黑松露很足料，蝦又煮得入味，意粉剛剛好，而且每一set 都有餐包、湯、沙律、甜品。自己一個人食曬全set 都好飽肚。到慢煮豬腩肉～佢入口即溶，一d 都不覺得油浰。可能正如餐牌寫慢煮十小時。😝最後講到all day breakfast ,樣樣野熱透心，脆薄薄，好美味

這餐廳位於地庫，唔為意真係會走漏眼！與男友都係抱住一試既心態入內，估唔到內寵地方唔算細，設計簡潔又不失風格，樓底夠高好舒適！我兩點了黑松露意大利飯及芝士pizza,午餐set加10蚊有餐湯連飲品，是日南瓜湯忌廉感唔夠，但南瓜味好香濃，幾好飲，主菜意大利飯望落與平時食開既無咩分別，但食落好jam口，而且有拉絲感，應該加左唔小芝士好好味！其實我麻麻地薄pizza，但呢個中間既芝士份量好多好濃郁，批邊脆口，出奇咁好味！餐飲熱cappuccino 正常不差！食物質素高，環境又good, 坐左2粒鐘靜靜咁傾下計享受一個愉快既下午！爽呀！

去旺角銀行換新銀紙，好多人排隊，排到好肚餓，四處搵食，路過Amour Green 餐廳，餐廳在地庫，快快行落去搵位。Lunch menu 有A, B, & C, 每星期輪流轉，可令熟客每星期來都有不同餐。今天輪到Menu C我叫了慢法式油封鴨腿， 當餐遞上時，好似飛機餐，所有湯，沙律，甜品在一盤。磨菇忌廉湯，味道濃，好重磨菇味。沙律配陳醋，酸甜，好醒胃。主菜，慢煮鴨腿，鴨皮金黃色，鴨肉軟嫩，帶著甘油香，再配上滑的薯容。份量不大，但夠女士食。叫來一杯Amour Green, 好green, 好清爽，內有Green Apple, lemon 同Soda Water。

平日經過太子聯合廣場往旺角時, 都會看到有間藏在地下的小店, 名叫" Amour Green" 門面用上佈置得很有樹林氣息, 令人很想到那裡用餐呢~, 不過每次都碰巧有事, 沒有機會去品嚐一下~ 機會終於到了~表姐說她心情好, 要請我去吃飯喔~~ 難得有這個機會, 當場就立即致電Amour Green訂座~ 走下地道果然別有洞天!! 原來這裡是cafe 來的~~ 入面地方很大, 用上全木做的桌子椅子, 坐得很舒服呢~ 而且用上草木園林為背景, 感覺別緻生動, 令到吃飯都充滿視覺享受, 彷如置身在園林一樣, 不錯! 雖然走cafe 路線, 但餐廳會serve 西餐的~不用怕只吃疍糕咖啡不夠飽! 晚餐時間有2款二人餐可選,包括有沙律, 湯, 主菜, 甜品和餐茶, 價錢約三百餘元, 即是說每人都只是百多元, 感覺很抵食呢~所以就點了這個了~ 餐廳還有很多特色飲品, 各款咖啡花茶smoothies 選擇超多, 周未來這裡坐坐不錯~ 我們點了一個二人經典套餐, 再另外加錢點了特式飲品- iced hazelnut latte 和iced caramel latte 飲品方面個人覺

《Amour Green 》一I現在才知道，「Amour xxxxx」是一系列的餐廳😅之前曾去吃過Amour Corner，覺得非常普通，雖然很便宜，但再也沒有了去吃的念頭。一這次誤打誤撞下，去了同系列的餐廳Amour green，吃罷真心覺得此店可能是Amour旗下算最用心最好吃的吧。論環境、食物質素、服裝等等也完勝旺角店，雖然價格比旺角店貴少少，但整體CP合理。服務態度其實也一如既往的不錯，也是會聆聽客人心聲啦老實講，我覺得呢，其實一個餐廳要進步就是要有一份接納客人意見既一份謙心與熱誠這樣的餐廳遲早都會成功的，當然，問了意見後還是要改的不能聽完就算～～～一點了2人餐 $368，有前菜、餐湯、主菜、甜品、飲品。友人點了黑松露菌意大利飯，而我點了7成熟羊架，因為店員說7成熟是最好的😌意大利飯煮的不錯，軟硬適中，唯醬汁略為少，口乾略感乾。而7成熟的羊架不是7成熟的，是全熟喔😳😳超失望！而且羊架太細的一份了😫😫但配菜不錯，感覺用心。前菜、餐湯水準不過不失，甜品、飲品超級普通。一整體而言，餐廳收費合理，埋單Hkd $430 左右，是Amour旗下中感覺質素最好的、最穩定的。

外 出吃飯，朋友很少出主意，通常是由我這個為食通發板，預先上網決定食店，不過，這次朋友主動要求到太子的Amour Green吃飯，令我有點意外，細問下才知道餐廳門口正正就是她平日下班後等巴士的位置，平日在等候巴士時，她總會細看餐牌，發現這裏的晚餐挺抵食，心思 思想一試。 Amour Green位於振宜大廈地庫，看起來店面面積不算很大，但原來是別有洞天，沿走廊內轉放了一張長型餐卓，雖然是開放式，但私隱度極高，而面對水吧設有一間玻璃躺門房間，足夠容納10人以上。經典二人晚餐包括了頭盤、湯及沙律、主菜(7選2)、甜品及飲品，價錢HK$368，感覺挺抵食。 先來頭盤，頭盤由三款小食組成，包括：黑松露鵝肝多士、巴馬火腿蜜瓜及煙三文魚露荀卷。以三款小食來說，黑松露鵝肝多士是最美味的，鵝肝煎香後，放在味道濃郁的黑松露，味道除了甘香外，還有香噴噴的菌香味道，而多士入口仍能保持香脆，沒有因吸收了鵝肝的油份而變軟，超讚。 巴馬火腿蜜瓜的味道不錯，哈蜜瓜味道非常清甜，配合帶有鹹香的巴馬火腿，一甜一鹹的味道相當合拍。 煙三文魚露荀卷幾本上沒有很大的驚喜，不過，露荀口感爽脆，而三文魚帶有香草味道，挺好吃。

其實外食時真係會腦閉塞，諗唔到去邊到食，今次又一實例，求其上網睇下食評搵到呢間就去啦！入到去一條長樓梯，仲有「草牆」（∩▽∩）燈光嘅昏暗，係情侶拍拖格調是也，唔算多人，坐得ok舒服，最緊要唔趕人走。由於二人當日係選擇困難，加上餐牌食物選擇唔多，都費事睇啊！叫左個2人餐，好似200幾蚊，是日餐湯已經唔記得係咩，因為太普通唔係特別好飲，冇太大印象，沙律醋令個green salad生色不少。呢個肉醬長通粉細細碟，份量夠2個女仔，如果同男仔黎應該唔夠，蕃茄味唔會過份酸，係酸中帶點甜果種，肉就唔算多啊，好彩個汁搭夠，如果熱啲先上檯會更好，唔夠熱啊！呢個牛扒真係。。。好失敗，又乾又鞋又un，一邊切一邊練手臂肌肉，係用力切果隻喎，而且咬到咀嚼肌都大哂，成碟野最好味係薯蓉 （爆）呢杯香蕉乜乜smoothie又幾正喎，唔太甜而且香蕉味好濃啊！花茶岩哂養生嘅女仔，我明。。飲熱野係好啲嘅，淡淡嘅花茶飲左都唔會瞓唔著 (*^ω^*)環境係幾okay嘅，但食物質素可以再好啲吖。

今日我同阿媽同埋細佬去旺角食飯，旺角周圍都勁迫勁多人，終於搵到間舒服嘅餐廳坐低。呢間餐廳嘅lunch menu 好抵食，我地點左個burger 餐、黑松露大蝦意粉餐同埋all day breakfast。今日個burger餐係牛肉burger, 睇下個牛肉幾厚肉，牛肉味濃郁多汁，咬囗十足，又多配菜！麵包皮味香軟熟，整個burger 水準十分高。黑松露大蝦意粉有極多黑松露汁伴著彈牙的意粉，大蝦數量不少，鮮味十足，性價比高！我哋兩個餐都加左＄30配埋個南瓜湯、油醋沙律、香草包同埋芝士蛋糕。南瓜湯熱辣辣十分香濃，芝士蛋糕亦十分讚，芝士味道濃郁，質感適中！個all day breakfast 好正宗，材料十足，其中個蛋有好多黑松露好creamy、牛油炒雜菌同埋香草腸亦十分美味。我地都加左$20要煙三文魚egg benefit。睇吓個蛋整得幾靚，D蛋汁流晒出嚟，個煙三文魚都煑得好美味，配合埋個軟熟嘅麵包皮，食落真係一絕。阿媽同買細佬都好滿意今餐lunch，真開心！

新一年當然要找一間餐廳為來年有個好開始，行經太子見到地庫有間西餐廳，原來係之前已經食過嘅Amour 集團其他成員，上次對其集團餐廳環境，食物都相當滿意，所以二話不說決定入去試試。餐廳位於地庫，而地庫走廊佈罝清新舒服，優雅。落到地庫餐廳裝修簡潔，環境舒適。我們各自揀選了一個set dinner , 本身想食澳洲和牛牛面肉，但侍應説今晚沒有供應，所以最後只好再選紅酒牛膝伴薯菜，而老公就揀選了烤熊本豬胺配焦糖西梅汁。頭盤揀了青蘋果鵝肝多士鵝肝輕輕煎過，放在薄薄的青蘋果片和脆多士上面，口感豐富，鵝肝味濃郁，而青蘋果的酸甜味中和了鵝肝既油膩感，配搭恰到好處。另一款頭盤揀了煙三文魚他他有一小盤番茄粒加青瓜粒，加上少許沙津醋調味，再配上煙三文魚與脆法包，味道清新又健康。是日餐湯 - 西蘭花忌廉湯配黑醋沙津西蘭花忌廉湯口感creamy , 有淡淡的蔬菜甜味，但整體味道偏淡，如果味道可以再濃郁一些會更好。主菜 - 豬胺配西梅汁豬胺非常厚身，份量十足，肉質嫩滑多汁，只是調味略為味淡。紅酒牛膝慢煮方法保留了牛膝的鮮嫩肉質，牛味濃郁，但由於用上大量香料調味反而完全遮蓋了紅酒味。set dinner 有包括甜品

年尾跟朋友出去行街街買聖誕禮物，剛剛放工當然會去食左個晚飯先～路過呢間好清新的西餐廳，係地庫走廊已經佈滿青青綠草，價錢又合理，所以決定試下！係FB 打卡仲可以享有特別優惠添～晚餐Set有多款選擇，價錢由HK$138-HK$240不等～是日餐湯：西蘭花忌廉湯每份晚餐都有一碗湯、油醋沙律及多士～西蘭花忌廉湯味道比較清新，有粒粒的西蘭花，飲湯之餘也有輕微口感，但忌廉味不升太出，整體味道較淡，可以加點胡椒作調味就更加好了！前菜：青蘋果鵝肝多士青蘋果鵝肝多士配搭十分新鮮，多士上疊著一片薄薄的青蘋果及鵝肝～鵝肝味道比較濃郁，而且油份也多，配搭上微酸的青蘋果中和了鵝肝的油膩感，而多士是脆脆的，口感十分豐富！主菜：松子羅勒醬帶子長通粉（HK$166）這份長通粉份量不算多，主要以松子羅勒醬炒成，中間混有野菌粒粒及三大粒帶子～松子羅勒醬十分新鮮，整體味道不會過咸，也十分惹味～將帶子煎至表面微微金黃色，好香，而入面就是半生熟的，口感好嫩滑豐富～甜品：芝士蛋糕（餐加HK$30升級）芝士蛋糕慕絲好軟滑，芝士味不會太濃烈，不太好芝士的朋友都岩食～不過略為覺得份量細左少少～餐飲：熱鮮奶朱古力（餐加HK$10）有點點

法式油封鴨腿 $78 Not bad for a duck set like this! Though I think it could be ever more texture-wise, the sauce and mash potatoes were great complement to the dish. 香煎魚柳 $58 A bit salty for this fish fillet. Still it was soft and tender in texture. Overall, this was a pleasant experience for us, with very generous and agreeable price! Neatly presented lunch sets with affordable rates!(套餐+$5 熱朱古力 / Latte)*午市人均消費 $60-$90

今日放左工，就同以前既大學同學聚舊，同學揀左始創對面既餐廳，要落地庫先入到去，條樓梯好多草，好似入左另一個安靜既世界咁侍應介紹我地4個人可以叫2個2人餐，好多選擇，價錢都唔離譜，就決定叫喇。南瓜湯好香甜好濃，唔會稀沙津正常，無咩特別。哩個生蠔係另叫，因為好想食，多人share價錢唔貴！好新鮮，加左檸檬汁好fresh，少少海水咸味，唔算好大隻，算creamy!鵝肝多士伴鵝肝醬，鵝肝好大塊，大過塊包，中意鵝肝多過醬，醬凍冰冰，唔夠濃，包夠脆，但係厚d會再好味d黑松露雜菌意大利飯，好香好香好香黑松露味，飯粒軟硬適中，質地creamy,4個人食唔夠分😂搶食青醬帶子長通粉，哩味唔夠青醬味，而且鹽粒未融，有幾條特別咸，帶子唔韌，煎得香脆豬腩肉都好肥美，忍唔住食埋d肥膏，好似梅菜扣肉既質地，伴碟既薯容香滑，但d菜唔知點解有少少苦！西冷排，叫左五成熟，好夠生，唔會韌，好juicy,當然一分錢一分貨，唔會係最靚既排，但係一定唔難食！食埋甜品好滿足，芝士蛋糕正常，士多啤梨醬唔加好過加，唔太夾總結我覺得每人食左200有找其實好抵，坐得舒服，食到好多個courses ,會再去。

12月除左係普天同慶的聖誕節，仲有同多朋友同屋企人都係呢個月生日，所以每到12月就食不停，今日又同朋友慶生啦係熱鬧的彌敦道有個神秘的入口，一落樓梯即刻去左第二個空間咁，入左神秘森林，完全忘記左我係繁華的彌敦道，係門口睇到呢個廣告版，$168有6隻生蠔，$99任飲兩小時紅/白酒，真係超抵晚市以食套餐為主，連素食MENU都有，所有飲品仲可以減$25，我地叫左個歐陸5道菜二人套餐 ($388)赤米 ($75)呢個日本啤酒係由紅米釀製，一入口係普通啤酒味，但AFTER TASTE會出到甜甜米香，7%酒精比一般啤酒高少少青蘋果鵝肝多士 / 鮟鱇魚魚肝多士有4款頭盤選擇，當中選2款，一次過試晒兩款肝，鮟鱇魚魚肝味道有點似罐頭吞拿魚，鵝肝無筋煎得好香是日餐湯 + 油醋沙律是日餐湯為西蘭花湯，飲湯之餘同時食菜，西蘭花已完全混合係湯中，好CREAMY松子羅勒醬帶子長通粉羅勒醬好香，長通粉軟硬度適中，松子點綴了整碟通粉，多了一份口感，帶子如果表面煎封得脆一點會更好西京麵鼓鱸魚扒鱸魚扒的魚皮已煎得脆脆，平時唔食魚皮的我都連同魚肉一齊食，鱸魚魚味重，肉質實淨厚身，配搭經調配的麵鼓醬同吃甜品是日甜品為芝士蛋糕，

冬至飯，傳統上，也是一家人一起相聚，吃個中式晚飯，然後一起吃湯圓，喻意團團圓圓。由於冬至一年只有一日，要一家人就時間，一起於這一天吃個晚飯，有時也不是易事，所以今年我和家人決定提前慶祝冬至。而來到冬至的正日，我反而沒有活動。雖然沒有冬至飯食，但晚飯，也是要吃的，為免和其他人於中式餐館迫，我最後決定今日要食西餐！最後，便在旺角選了這個西式餐廳啦。餐廳位於旺角和太子的中間，人來人往，車來車往的彌敦道，要不是上網做了資料搜查，很容易便把這間餐廳錯過了。看見餐廳的大門，然後沿著很富大自然感的綠洲步入地庫，便進入餐廳的大堂了。餐廳的裝潢不錯，感覺很新淨，座位不多，但位與位的空間感十足。這裡的感覺其實有點像一間咖啡連鎖店，日式新穎裝潢，配紅色綠色的椅子，很有活力。看看餐枱上的餐紙，說明了餐廳名字的由來，原來餐廳是走浪費路線的。再看一看餐牌，選擇很多，主要也是以套餐為主，只要於fb打卡，二人套餐優惠價只需＄258，而1人法式晚市套餐則售＄138－＄266，二人套餐性價比太高了吧。法國珍珠蠔傻惠價只售$148/6隻，很抵呢，只是今日不太想吃海鮮，所以最後也忍口，冇叫到。聖誕套餐餐牌，餐廳也已經預備好，