Asobu Bistro (已結業)

星期日放假去左紅磡,夜晚既黃埔好靚嫁,同女朋友去左玩保齡球,玩完之後都夜晚,所以去搵野食人地話過返紅磡果頭食野會抵過係黃埔,所以我地行返過去,之後搵到依間餐廳餐廳專食蛋包飯,價錢唔貴,所以我地試下食左個熔岩蛋包豬扒飯,味道都唔差豬扒幾脆,D肉幾好味,不過細塊左D蛋包飯先係精髓,強包飯好難做得難食,不過依度做得真係唔錯,D強好滑,而且有小小流汁,撈埋飯幾好食熱辣辣幾好味不過細份左D,食完唔多夠飽同埋等候時間過長都係一個問題

The restaurant is quite tiny, but this place proves that you don't need to pay huge bucks or dine in a fancy place for good food. The omurice was absolutely delicious. The inside of egg was cooked, but still runny enough so that when you cut into it, it still managed to encased the rice. The pork cutlet, was a little dry though. My friends tried the hamburger but the patty was too dense and salty. The vegetable curry had a nice variety of different vegetables. The staff as also very friendly and

兩三個月前喺ig睇到唔同食評已經好想試佢地個動L蛋包飯喺一拖再拖嘅情況底下，終於！約到個fd一齊去食間店都幾難揾下，喺巷中間，細細間，入面擺咗四五張枱仔，都好逼下。fd子叫咗自家製手打漢堡熔岩蛋包飯另加3蚊加凍奶茶自家製手打漢堡熔岩蛋包飯係配蕃茄醬嘅…本身並唔好蕃茄醬…試咗少少…屬於日本式比較甜嘅味道…漢堡扎實份量都ok而自己就叫咗個吉列豬扒熔岩蛋包飯加3蚊加凍柚子蜜個吉列豬扒熔岩蛋係配咖哩汁米係日本珍珠米，唔係炒飯底，咖哩都係比較甜少少辣，而吉列豬扒薄身但略嫌炸過頭總括黎講都ok，份量足，價錢合理，服務態度ok，賣相一流最啱po相ps:配熱飲free~

紅磡真係一個充滿驚喜嘅舊區，成日都會有一啲新嘅小食店。星期六去開睇完戲，行過見到有間細細地既餐廳，見到餐牌都幾吸引左入去試吓。入到去叫咗個熔岩蛋咖喱吉列豬扒飯，加左一份沙拉同轉左杯蜜糖柑桔特飲。可能係因為即叫即做，都等左幾耐下。好啦等個熔岩蛋咖喱吉列豬扒飯終於黎到，張枱旁邊都貼左張教學教你應該點樣食個蛋。首先應該拎把刀細細力咁喺蛋中間切一條界，然後將個蛋既外皮反出黎，就會見到入面嘅好流心嘅動L蛋。個蛋好大份，食落都好有蛋香。其實塊豬扒同咖哩都幾好食，不過成個飯既重要都係落翻喺個蛋度，完完全全令成件事昇華咗。推薦各位鐘意食蛋既朋友黎試下。

這晚決定要與公司同事前來一試聞說紅墈有名的蛋包飯，味道確實一試難忘，茄汁漢堡蛋包飯，鮮甜的茄汁味道配上厚切的漢堡，漢堡一口多汁，香噴噴的蛋包飯食法乃是餐廳首創具為獨特，賣相和食法非常創新，確實一流，用刀輕微一切開，滑蛋的蛋黃醬汁慢慢的流下滲入甘香飯中猶如蛋黃哥餐前同時配合前菜沙律只需升級$12有了

位於紅磡小巷，位置不太起眼。餐廳坐位不太多，幾張枱，屬於小本經營餐廳間店最出名就係蛋包飯，嚟到梗係試下。燒鰻魚配熔岩蛋包飯蛋包飯係蛋同飯係放開，同平常既吾同既。中間一刀切落蛋到，啲蛋，汁爆落飯到，食每一口都有蛋汁。而飯吾係白飯底，係有小小靑豆，蘿蔔。配微醺鰻魚，吾乾，加埋燒汁，一流。另外，加12元有小食，小食一般只有小小沙津菜和三塊小餅，同加餐可以半價享用飲品。整體份量，環境都可以，簡單一餐晚餐。

朋友J到紅磡食飯。雖然我住紅磡卻也沒食過這家，總覺得以雞蛋食材而言，它有點小貴，但人生苦短，什麼總也試一試。6時放工，店家關了燈正在準備中，裡面只有10張桌子，有感是一家小本經營的食店。店面店員卻有3位，即使我們陷入點菜障礙症，他們態度也蠻親切，值得欣賞。點了A餐和B餐，外加一個小食跟餐。Asobu 漢堡扒蛋包飯 配番茄汁蛋包飯的蛋無懈可擊，用刀輕輕一劃，蛋皮破蛋汁流，看著它皮破汁流，竟然有治療的效果。只是，飯底不是炒的，飯底不是炒的。飯底裡面有煙肉蘿蔔青豆洋蔥粒，無甚驚喜。重點是，Asobu 漢堡扒很鹹很鹹很鹹呀。因為真得很鹹，所以要強調。即便配了甜甜的番茄醬，也不能減低它的鹹度。吉列豬扒蛋包飯 配咖哩汁蛋包飯的蛋也是一貫的無懈可擊。不重複。飯底也不是炒的。不重複。吉列豬扒呢，蠻多汁脆軟的，好吃。只是，咖哩汁又是有點太鹹了。這個鹹度還好可以伴飯，中和一下。飯吃完了，蛋的味道不留痕跡，只有破壞味蕾的鹹度，揮之不去。

上次只約了阿嫂, 姪仔嚷着要一起出來, 但因第二天要上學, 免得太夜回家, 所以決定留他在家中, 結果...他真的很不開心。為了氹返這位小寶貝, 認承下次只帶他一人出來, 這日終於來臨......其實我非常擔心, 畢竟這是我和他獨處, 擔心他四處走、擔心他嚷着要抱 (我一定不夠力)、擔心他不願食、擔心他嘈着要買玩具、擔心他會著涼, 千千萬萬個擔心, 但人大認承了小朋友的事必要做, 得知他最愛吃雞蛋, 一於帶他試試蛋包飯, 出發!店子開在横街小巷, 以藍色和白色為主調, 門口貼了一大張餐牌, 還有色彩繽紛的食物相片。地方很小, 連門口也擺放了三張餐枱。走進內裏左邊設有一張四人枱和一張二人枱, 右邊是一排長沙發座, 約有四張二至四人枱, 枱與枱之間空間甚少, 大家都非常親密, 連轉轉身也要小心翼翼。牆上掛了一個圓形的藍色招牌, 另一邊則掛上兩塊寫滿菜式的大黑板, 附帶相片, 還有一些圖畫、小盆栽作裝飾, 小小的店子, 如小小的家。讓姪仔坐好後便馬上看看餐牌, 雖然只是小店, 但選擇比想像中多, 除了有店子主打的日式熔岩蛋包飯系列外, 還有日式咖喱飯、日式丼飯、香濃芝士飯、自家製漢堡和三文治

今日終於有機會嚐我家附近的日式蛋包飯店，這間小店開了近一年但始終未能前來一試，皆因此店開放時間頗特別，只開午市至三時，之後會休市，之後六時再開。這小店也相當出名，連我些區外朋友都讚好不絕，也更加令我想來試下。今天星期六，趁過了午市二時半才來，老闆都好親切介紹，我就㸃了漢堡排蛋包飯配蕃茄汁，果然味道不錯，蛋香幼滑，聞到蛋香及煎得相當得宜，蛋汁慢慢流出，而蕃茄汁多而不稀，味道也濃郁，但可惜飯不是珍珠米，有㸃兒硬。只用蛋包飯做食材的店子不多，其款色也不少，下次有空可試鰻魚及豚肉飯。

Wuhu! 今日終於食到我好想食既日式蛋包飯啦！好開心好滿足！！！話說今日早放工，特登早少少去紅磡呢間細細間但遲少少就好多人排隊既餐廳。好彩黎得快，如果唔係要係出邊等好耐！呢間餐廳比較細，容納唔到好多人，但係又賣緊近排最hit既蛋包飯，真係折磨死人，如果唔係早d到，我諗我要排隊等起碼一個鐘✌🏻️叫做個套餐食，因為太肚餓啦！我既漢堡終於黎了！ 媽咪，好正呀！同我上網睇既蛋包飯畫面一樣，個蛋好肥美！自己用叉介開一半，d蛋就流曬出黎，火山爆發啦，好靚呀！ 遇到呢d情況梗係要趁熱食！個蛋好滑呀，液體狀既蛋包住入邊既炒飯，我就快融化啦！好香好香！個漢堡好重一種香草既味道，配埋番茄汁，個番茄汁好鮮甜，唔會有酸味，好正啊！我仲以為番茄汁會好假，因為食過出邊一d番茄汁好假好多香精味，但呢度既番茄汁好鮮甜，再加埋炒飯一齊食，呢個配搭簡直係天衣無縫！估唔到細細間一間餐廳，入邊既野食質數可以咁高！一定會再黎食多幾轉！好開心因為唔洗特登去日本食！呢度都有！✌🏻️✌🏻

估唔到係香港都有隱世高手整熔岩蛋包飯 鰻魚熔岩蛋包飯真係超正 鰻魚肥美 入口即溶配埋木魚絲超夾 不過主角始終係蛋包飯一切開個蛋包 滑滑既蛋即刻流出黎 個過程勁靚 滑蛋慢慢流落去飯面蛋勁滑勁香 食到有好香既牛油味估唔到日式既鰻魚同蛋包飯會咁夾三樣野夾埋一齊食 好正 加$12 有前菜同飲品半價前菜幾好食 估沙律好新鮮我特別鐘意微暖既小蕃茄 好正

到目前為止，試過一次後仍想回味的蛋包飯，有天后的生原創和灣仔的貓之眼。據聞紅磡也臥虎藏龍，這天慕名而來。小店只有十來個座位，不要期望坐得寬闊舒適，但可以期待坐得密密的親切。鎮店招牌溶岩蛋包飯有5款，手打漢堡扒、豚肉、吉列豬扒、吉列大蝦和燒鰻魚。除了鰻魚，全都配咖喱汁，也可以加＄5轉辣味蕃茄醬。另有配熔岩蛋的全日早餐，也十分吸引。 不愛吃蛋，又被逼陪朋友，也不用擔心，可以選沙律、咖喱飯或蕃茄濃湯烏冬。看著漂亮的熔岩蛋無從入手？牆上有附圖的說明。日式豚肉熔岩蛋包飯脹卜卜的蛋，看起來似奄列，放在混了雜菜粒的白飯上，旁邊是日式咖喱汁、豚肉粒和蘿蔔粒。第一個感覺是，整齊。按照三步曲，首先把奄列在中間切開，然後把蛋從中間往外反，露出裡面濕潤帶光澤的蛋，就成了漂亮的蛋包飯。做法跟生原創相似，生原創則由店員負責此步驟。正如所見，蛋超滑又濕潤，蛋汁豐盈，清新的蛋香，但留心一點會吃到頗重的牛油味，幸而不覺油膩。日式咖喱汁濃稠度剛好，又不會太甜，夠惹味，伴飯一流。蘿蔔煮得夠腍，而且十分鮮甜。貌似炸薯仔的豚肉更是驚喜。有相當厚度的肉粒，爽中帶嫩。雖然滿佈咖喱汁，依然感受到肉汁豐盈。沒有多餘的油脂，卻幾香口。微

食完時新漢堡, 我地行到黎食蛋包飯, 之前上網見啲人係咁講話隻蛋識搖, 流心既, 我地今晚一於黎試下佢先!我叫左個最多人都叫既饅魚蛋包飯, 黎到時, 我真係搖下佢, 哈, 真係會搖喎, 我跟住餐廳所教既咁樣, 係中間切一刀, 將成隻蛋完全蓋住啲飯, 蛋入面仲有少許蛋醬! 正! 條饅魚同個汁就有乜特別, 普通咁樣!老公叫左個炸蝦蛋包飯, 黎到時見到個飯係配茄汁, 我話應該配咖喱汁應該會好味啲, 老公於是問佢地可唔可以俾啲咖喱汁我地試下, 佢話加汁要加$5, 咁我地算啦..都係唸住試下, 後來, 隔離枱黎叫野食時, 話要咖喱汁, 我地先知原來可以選擇茄汁或咖喱汁, 我覺得侍應小姐應該係落單時問一下客人想要乜野醬汁, 這樣會比較好些! 我冇試到隻蝦, 所以唔知好唔好食, 老公就話一般啦!

紅磡一向出名多好野食今次黎到呢間專食蛋包飯既鋪頭一定要試呢個必食既鰻魚流心蛋包飯！ 一黎到 熱辣辣 d木魚仲跳緊舞忍唔住一下切開佢 好！流！心！呀！好滑好好味食食下都開始多人我地12點半到唔想排隊就避開lunch hour la😃

係香港地想食熔岩蛋包飯 閒閒地都要八九十蚊一個   係朋友介紹下知道原來紅磡有間既小店 蛋包控梗係要試下啦！個蛋包飯識震架！輕輕一切開蛋皮 見到入面既蛋非常嫩滑 而且保持到大量既蛋汁 有如熔岩咁既氣勢涌出黎攤開佢就可以覆蓋住整個珍珠米炒飯慢慢食啦~入口即溶既蛋真係好好食！滑到直入喉嚨 手打漢堡亦有不錯既水準 牛肉味好香濃 質地唔會一切就散開 而且煎得唔係全熟 不過略為乾身 唔夠肉汁另一樣另人驚艷既就係佢既咖喱汁 味道初初入口係甜既 但食落就會食到香料既辛辣香味 甜辣香兼備 配較淡味既蛋包飯啱啱好 食食下就食唒咁大碟飯見隔離枱個吉列豬扒炸到咁靚 就跟住人嗌埋呢個飯 蛋同飯當然都係同一樣咁正啦 因為係冇分別既 而主角吉列豬扒就有小失望啦 炸粉唔厚 不過就炸得唔夠鬆化 但佢既份量幾多 啱唒食肉獸呢間絕對係香港罕見性價比高既蛋包飯呀 仲冇加一(唔知夜晚有冇) 大推！