BEL CIBO Seafood Bar & Restaurant (已結業)

好啦又係我同朋友食飯啦，因為朋友話呢間餐廳幾好咪去試下 ，兩條友叫左下列菜式（其實佢都未試過呢d先揾埋我做炮灰咋 ）去片第一道蒜香一口牛上菜時熱辣辣，個汁唔係咁夠多，麵底咬唔到（仲以為無死）d牛都夠新鮮彈口，不過不失 第二道西蘭花藍芝士湯，正呀藍芝士同西蘭花互相配合，令到我的味覺返返嚟 第三道洋蔥湯就平平無奇（可能藍芝士大過好味啦）不過料勝左夠多，又唔會有洋蔥的辛辣味 第四道蟹肉牛油果釀大菇，呢味就特別啦，特別在我除左食到菇味其他一d味乽大無，可能材料太多變左只係特出左個菇味啦 第五道西班牙黑毛豬風腿、煙鴨胸薄餅，呢個係必試，點解佢上時仲係熱辣辣過左一陣再食雖然暖左但都仲係咁好味黑毛豬單食時會偏咸，但放左落pizze到就無左咸味竟然轉變左為風味，仲要係令人食到唔停口添，我同我個friend差d變左搶另一半咁出盡法寶先搶到最後一件 好啦到最後一道菜就係乾炒墨魚蒜片墨汁意粉，個意粉炒很好好食又夠辣，但敗筆係墨魚，因為食落去無咩味，搞到好似食緊兩樣野咁（貌合神離） 呢間餐廳的特色係水晶燈，比好幽靜的感覺，可以帶女朋友嚟食，氣氛應該唔錯餐牌都好有feed

短短一條福厚街，被各類食肆填滿，中餐西餐樣樣俱全，這天因為朋友升職，約了在此慶祝。晚餐$598+加一，有三款前菜，四選二主菜和兩個甜品，兩個女生足夠飽肚，價格也算適中。三文魚籽蟹肉野菜沙律：三文魚籽晶瑩飽滿，蟹肉鮮美甘甜，各式沙律菜新鮮，加上意大利黑醋和橄欖油，是經典的開胃菜。香煎法國鵝肝：鵝肝煎香，外脆內香，鵝肝非常香滑，雖然還做不到入口即化的效果，但已經很不錯。搭配的麵包，吸收了鵝肝的油分，很是香口，但不脆口，有些美中不足了。意式田螺薯蓉：田螺個大完整，非常入味滑嫩，肉質緊實，口感柔軟；薯蓉細膩香滑，沒有放太多黃油，所以不會太膩。煙肉什菜湯：比較普通一點，煙肉可見，卻嘗不出味道。湯的口味類似羅宋湯，但多了一份辣味。烤焗大傘菌黑松露意大利飯：大傘菌烤至甘香，肉厚多汁，很是美味。意大利飯，足夠火候和時間，飯粒澱粉質被逼出，非常柔軟，口感濃郁。黑松露香濃味美，令味道更上一層樓。照燒比目魚扒：比目魚扒帶皮煎，外皮香脆，肉質緊實不散，可見取材新鮮。比目魚肉質滑嫩，只是小魚骨稍多，大家要小心。情濃白雪球：白雪球放在朱古力製成的小盤中，有椰絲點綴，還以為只是vanilla味道的雪糕，吃到裡面才發

朋友約放工去吹下水，book左bel cibo，地點喺尖沙咀，大家撘車都方便吖。一上到黎就比佢個射燈吸引住，好靚靚。枱上仲有蠟燭燈，好有情調。食物又友人拍板，叫左兩個湯，頭盤同主菜。蒜香一口牛 $98有雜菌，蒜片，牛肉粒炒成，味道香濃惹味，口感豐富，加上賣相精緻，實屬唔錯嘅頭盤。蟹肉芝士廉忌煮牛油梨讓大傘菌 $98另一個要左大傘菌，賣相同樣很漂亮，可惜電話相機影得很暗。滿滿嘅蟹肉，混和左滆左嘅芝士同忌廉，十分香滑，大菇鮮嫩多汁，好味。西蘭花藍芝士濃湯 $68濃濃嘅藍芝士香，加上打混左嘅西蘭花，澄青綠色狀，很得意，芝士香濃但有點略咸，兩個人分著渴還好，一個人飲實在咸了點。洋蔥湯 $48一打開已聞到洋蔥香！內有勁多洋蔥同麵包一片，洋蔥煮得稀爛十分軟綿，洋蔥嘅鮮甜已滆入湯入面，好飲。麵包條除湯會送上麵包條，很香脆。西班牙黑毛豬風腿煙鴨胸薄餅 $148每一片薄餅上都有一片火腿同鴨胸，排得精緻。薄薄嘅餅底烘得香脆，黑毛豬同鴨胸嘅咸香，配上芝士同甜甜酸酸嘅千島醬十分夾，實在忍唔到口食完一塊又一塊。乾炒墨魚蒜片墨汁意粉 $118一上枱比佢斜斜地嘅碟吸引住，個設計又幾好喎，裝得多之余又方便夾。墨汁嘅墨

剛大病初癒，當然要獎勵自己吃一頓好的，順便可和女朋友慶祝紀念日吧 環境、氣氛當然是很重要的考慮因素，早前看見「Bel Cibo」在OpenRice上的高度評價，一早已放進收藏之列 這裡燈光稍暗，營造柔和 & fine dining 的氣氛，沒有一般餐廳那種急促的氛圍。色調主要是黑、白、灰、銀等相對沉的顏色，很有格調。擺設和裝潢也很有高級西餐廳的感覺，女朋友一來到也很滿意 我們選擇了當晚的二人套餐(價錢$598)，包括三道頭盤、兩客餐湯、兩道主菜、兩客甜品、咖啡或菜。價錢並不昂貴，我這些初出茅盧的年青人也能輕鬆負擔。蟹肉非常鮮甜，配上一顆顆精螢剔透的三文魚籽絕對增加了不少層次。可是本人不太喜歡黑醋的味道，沒有很欣賞。可是女朋友卻喜愛至極，認為酸酸甜甜，味道剛好，非常適合作為開胃菜，把它吃光 「鵝肝多士」的鵝肝表面煎得十分香脆，內裡卻是非常軟綿綿。除了很多肉汁之外，光吃鵝肝已經覺得層次十分豐富； 而且多士在吃的時候仍然能保持熱力和脆口，配起來層次提升了不少 「意式田螺」有別於一般的法式焗薯蓉，質感和味道也大不同。味道酸酸甜甜，田螺大大隻，沒有沙非常新鮮，可是薯蓉的味道淡了一點。

今日係我生日，所有女仔生日都想俾人重視同驚喜又浪漫。一於黎個浪漫蒂克既晚飯先，今次西餐table for 2, me and you。走到入餐廳，燈光暗暗既，都幾適合拍拖情侶黎。見在場都有唔少一pair pair既，所以唔會好嘈好多人咁ruin左個氣氛。秘密呀，示愛呀都幾好選擇咁lol廢事選擇，就要食這個二人餐，包沙律、前菜、湯、主菜、甜品店員都好主動斟水呀，介紹咁，介紹幾款特式啤酒，我要左最strong個個(>9%acl)今晚一於做個女中豪傑飲開酒既都覺得還好，幾多氣泡既，飲落重果香同麥味，如果叫俾無mug飲開既女仔，可能要選擇apple cider。沙律上既蟹肉稔，帶咸香，又有爆發既三文魚籽，配埋balsamic vinegar既菜，爽爽既青瓜，食完幾醒胃架,食慾強增!雖然話鵝肝係人隔硬迫餵野食俾d鵝，但大時大節食都okay既。鵝肝煎得好靚，外脆內軟滑，一啖咬開，油分慢慢滲出來，無怪味。田螺就好滑，個汁好濃襯埋薯容好好食！餐既雜菜湯，正常貨色，普通。大蘑菇雜菌意大利飯個飯好creamy，每粒米都充份吸曬d汁，雜菌中已完全混合於米中，所以食落爽爽煙煙un un。個大蘑菇好大，

跟友人到尖沙咀看12金鴨的future哥，笑死沒有朋友，哈哈，君如演嘅「future哥」入型入格！！！完場找吃的。尖沙咀到處是人，煩擾，找一處安靜的地方，真不是容易的事！BEL CIBO 位置好找，特別一讚是尖沙咀厚福街一帶很吵，但上了樓，真的有洗滌心靈的感覺，裝修很犘登，也非常有情調！Caesar salad味道很好，每片蔬菜沾滿千島醬，很合胃口。而且面包粒烤很脆脆，跟菜很配合！法式洋蔥湯味道算到位，洋蔥味洋溢，最好是有面包供應，湯的湯渣都不多，棒！又窩心, 又健康！千層酥盒釀田螺 ($78)千層酥盒外皮很香，很一層一層的，酥皮上碟熱辣辣，非常不錯。內含的炒田螺，由香草調味，很好吃！蟹肉露尹天使麵嗯，坦白說，喜歡吃淡味的朋友，一定很欣賞這道天使麵，因為味道不會太過火！加上我們都幾近茹素，所以覺得可接受！　我自己不清楚是我要求高還是蟹肉太多，感覺蟹肉太多了，可能要跟喜歡蟹肉的朋友吃，更加合適！酒水才是重點，因為味道突出，有點海洋風格，有些會有很濃的酒味，價格亦很公道划算！Zeffer cider味道和apple cider近似，清新的酒味，入口不會太嗆！Steam ale味道不甜，喝來

今晚一行五人一起慶祝生日 在網上找到這間餐廳於是決定來試一下我們點了二人套餐再另外點了其他小菜二人套餐頭盤包括三文魚籽蟹肉野菜沙律，香煎法式鵝肝，意式田螺薯蓉和餐湯(南瓜粟米)主菜四選二，我們選了肉眼扒和黑毛豬我們另外點了數個菜黑松露菌烤焗雞翼，這個雞翼很可口，配合黑松露菌很美味很特別香芒鮮蝦塔野菜沙律，味道又酸又甜，很夾松子仁野菌薄餅乾炒墨魚蒜片墨汁意粉，味道可以更濃一點值得一讚的是套餐的甜品左邊外面是朱古力裡頭是焦糖雪糕，味道不會太甜好正👍令人驚喜的是右邊的那球，就這樣看有點像一團飯，吃一口原來是雲呢嗱雪糕，再吃到去中間原來是咖啡雪糕咖啡味很濃郁很喜歡！這次試的餐廳很驚喜，價值也很合宜！値得一試！

晚上和友人於尖沙咀 BEL CIBO 用膳，品嚐了以下菜式：黑松露醬煮鮑魚西餐中少見的新鮮鮑魚，再配上黑松露，感覺新穎！上桌時，鮑魚是熱滕滕的，黑松露獨有的香味隨著熱氣撲進鼻子，由嗅覺刺激食慾！嚐一口，鮑魚彈牙爽口，可惜味道較淡，被黑松露喧賓奪主。鹽燒沙甸魚上桌時，沙甸魚又是熱滕滕的原條沙甸魚經燒烤後魚身依然飽滿，肉質柔軟，魚香豐膄。洋蔥湯湯底清澈，和平常的洋蔥湯相比，口感輕盈得多！湯中的麫包，芝士牛油㸃到即止。洋蔥鮮甜多汁，口味極佳！牛尾湯好友點了牛尾湯，我也嚐了一小碗！蕃茄湯底濃厚，吃上去有點黏嘴，相信用上有份量的牛尾（骨膠原）！茄味和牛味能和諧共存，相得益彰！值得Highlight湯中的牛肉粒，肉味香濃，質地爽彈，不似淆湯肉。我估計是廚師先烹調過牛肉粒，再放進湯中，增加食味口感。意大利紅花忌廉飯配虎蝦雖名為紅花，但其汁是黃色的(有㸃似葡汁）。忌廉飯如一般Rissorto，算是軟硬適中，是預期中的味道。虎蝦是中蝦大小，肉質結實，蝦味略淡。建議可多加1－2隻蝦，好讓和友人共享，更是滋味！松子仁野菌PizzaPizza 是薄批，不同種類的野菌滿佈餅面，材料豐富！雜菌味道鮮香，質地爽口。

Book枱時聽到限食2小時, 其實都唔係太高興, 不過朋友話無所謂, 所以最後都黎左。我地6:15已經到左, 地方唔大, 但坐位都算舒服。我同朋友叫左2人餐, 分別有餐湯, 指定頭盤3款,自選主菜2款, 甜品和咖啡/茶。3款頭盤先上, 有沙律, 鵝肝和蝸牛薯蓉;沙律配柚子汁, 味道好好; 鵝肝亦都唔錯, 唔太"溜"同唔太油;蝸牛薯蓉都幾好味;之後上餐湯, 雜菇忌廉湯, 好好味, 足料。主菜2款我地選左大傘菇意大利飯同黑毛豬, 傘菇好入味, 飯都唔錯;反而黑毛豬好一般, 另配薯蓉, 比我地既感覺係好求其, 因為頭盤已經食過差唔多既野, 所以最後都無咩點食D薯蓉。甜品是雪糕, 裝飾得幾精緻,不過味道就一般, 侍應突然攞多份甜品比我地,話之前比錯左,不過都係雪糕, 只不過係唔同味。最後餐飲點了熱咖啡和熱檸水, 無咩特別。要提的是大廈電梯要等好耐, 早好提前少少排隊。

因為家姐讚我成績有進步，所以請我食大餐。黑松露菌湯---湯好厚滑，黑松露味非常濃，離遠已經嗅到好香嘅黑松露油味。酥盒釀田螺---呢次係我第一次食田螺，我開頭都唔太敢放入口試，因為腦袋不斷令我諗真滑溜溜嘅蝸牛，真係好嘔心!!家姐叫我連埋酥皮.薯蓉一齊食，入口之後我完全唔相信我口裏面嘅係田螺，因有太好味喇~田螺好嫩好滑。意大利青醬烤煱大傘菌忌---意大利飯較腍，合大眾口味，本人比較喜歡硬，唔會膩。法式焦糖焗蛋---焗蛋幾滑，蛋味適中。為咗食大餐可以去到幾盡？我以後更加要比心機讀書先得呀~  祝我成功啦!!!

看Openrice食評, 見「BEL CIBO」很多好評, 一個劣評都沒有, 很想試吓, 用了Table Map 訂位食午餐。大約12:30pm 到, 還未到Office午飯時間, 客人未算多。1:00pm 後陸續很多客入座, 離開餐廳時, 還有人在等位, 可見應是尖沙咀白領的午飯熱點餐廳。餐廳門口的牆分別有兩個很玩味的裝飾內部環境優雅, 有別緻的水晶燈, 枱和枱之間的距離很近, 卡位是六人座位, 我們兩人被安排到另一邊的四人枱, 坐在我旁的另一枱客人, 枱貼枱, 就像自己識得既坐在我旁邊 (或是說我坐在她旁邊), 好在同是女生, 否則更加不自然啊!   待應很有禮貎, 服務態度很讚。除了午餐餐牌外, 還有兩款超值的廚師之選午餐供應 ($45起)我們選了兩個套餐, 「香煎龍脷柳」、「炭燒紐西蘭頂級肉眼」每一枱已預先放置一杯麵包條, 在衛生和觀感方面不太好呢!  在客人點菜後, 和湯品一齊上會好些。點菜後唔夠幾秒, 餐湯即上, 一知道點套餐的同時, 另一邊的待應就立即端上餐湯, 有點機械式感覺。 忌廉湯 ~ 湯很好味, 但不太喜歡放了新鮮葱, 飲飲下好似食粥既感覺, 建議採用乾的

偶爾請人食餐飯其實都挺開心的，可以食之餘又可以跟對方增進感情，看著對方會高興自已也不其然也高興起來了～所以就去請妹妹吃飯了！作為平常的答謝好，或是單純想請人食飯也好都沒所謂了！這是一間位於尖沙咀的餐廳，來吃西餐吧——！怎樣看也好厲害的相片之壁！記錄著餐廳的歷史一般的感覺，看起來很多人都很滿意啊——看那些顧客高興愉快的笑容，讓人也不由地信賴起來，對一會的食物感到非常的期待！不知道一會的我們也會否展出一個這樣的笑容呢？加錢有飲品哦——先當作參考好了，看了餐牌再仔細的考慮考慮很有情調的環境燈光調得暗暗的，讓人感覺四周都和諧起來裝飾都顯得頗閑雅呢而且座椅也挺舒適的，很輕鬆的環境，來閒聊就不錯了餐牌之一個人挺喜歡那個字體跟背景顏色的配合呢，跟環境很合頭盤：酥盒釀田螺妹妹沒怎麼試過田螺，那就來點個一起吃吧～而且剛好又有菇菌類，是她的最愛呢酥皮又香又脆，不會太過死乾的感覺是我喜歡的一點裡面除了田螺其實還有薯蓉，一起吃的話就很好啊，薯蓉真的好香！田螺怎樣也會令我聯想到之前帶殼的樣子……嗯還是別亂想好了咬上口還是腍腍的啦，非常入味呢洋蔥湯！這是我最愛喝的湯之一啊啊啊啊啊啊啊喝起來清清的帶著淡淡的洋蔥味，

今日係紀念日 最後餐廳仲送左一張即影即有俾我地 令人好驚喜又好窩心環境好舒服 唔太暗 啱哂影相八點前埋單仲可以免加一！聽講lunch$45 下次要去試下仲俾我發現左餐廳用既鹽樽電動好得意 唔知邊度有得買呢！！

第一次嘗試寫食評，平日經常睇總要自己寫下ge^^當日原先訂了另一間餐廳食自助餐，但去到餐廳時見太多人最後決定轉另一間！ 係街上遊蕩一輪後最終試友人推介的餐廳。由於無咩心水食d咩，所以就叫左個二人套餐，詳細係咩名就已經唔記得了！餐廳裝修尚可，燈光環境較暗氣氛適合慢慢傾，當日亦唔算可人，可能係星期一仲要已經9：00吧 ...先來一個沙律，味道一段但有柚子汁同椰果的組合，第一次試前菜併盤，唔記得d名啦，不過最右面的鵝肝都ok是日餐湯為雜菜湯，味道一般而且太 鹹 ， not good 小食，牛肉 ， 呢個汁已經係全晚最好食ge汁呢個意粉認真唔麻麻，好淡，d蝦都唔新鮮！！主菜牛扒， 個汁好淡，牛扒太熟，煎得有dd燶...甜品有免費寫字，值得一讚，雪糕上灑上朱古力粉都幾好味，朱古力味雪糕包住雲尼拿味雪糕^^

BEL CIBO 是今年度優秀開飯熱店候選餐廳之一，作為意大利菜的粉絲，當然要到訪一次，試其虛實。餐廳風格走年輕型格路線，店內裝潢不算很奢華，不論天花、餐桌及座椅皆以冷色系為主，而天花的純銀色吊燈、牆身的掛飾及閃爍玻璃間牆則予人酷感。入座後第一件事當然是點選飲品，自問一向對一眾酒品興趣不大，但望見餐桌上的啤酒單張的口味頗為特別，亦特意點了一款試試。今回品評的特色啤酒名為 Zeffer Red Apple Cider ，一如單張所述，酒品色澤通透呈粉紅色，氣泡緩緩溢出確是有點似香檳，口味方面，酒香相對輕盈，取而代之的是清甜的紅蘋果果香，口感細膩易於入口。頭盤以兩道海鮮小吃作始，鹽燒沙甸魚製作簡單，以原條沙甸魚燒製並以海鹽調味，魚皮外層燒至微微焦香，魚肉肉質結實，魚香實在，縱使魚骨較多，但因當中的幼細魚骨軟身，連上魚肉一拼吃下問題也不大。唯一建議是預早去除魚肚內的內臟食感更佳。第二道小吃是黑松露醬煮原隻鮑魚，菜式端上時香煙四溢，松露芳香撲鼻。用刀叉把鮑魚緩緩切開享用，質感富彈性。味道方面，鮑魚本身味道較淡，與醬汁融合度不高，幸而黑松露醬調味頗佳，除芳香的松露味外，當中的牛油忌廉汁亦甚為香口