Bierhof (已結業)

四年一度的世界盃已經進入白熱化階段，雖然我唔係班迷，但都想參加一下，感受一下個氣氛。這間在太子的Bierhof酒吧，有多部電視直播賽事，今晚就同朋友一齊過去睇波。未開場前先點了兩杯啤酒及小食傾下計等夠鐘開波啦。左邊的La Trappe是比利時出產，味道似生啤且比較清，但又不會太甜；右邊的Paulaner 黑啤，麥味較重，但不會太苦。這間酒吧是主推德國菜，所以緊係要點個德國燒豬手，豬手份量十足，外皮燒得香脆而且鬆化，即使放了個多鐘都依然脆口，而且肉質鬆化唔似肉乾，咸味適中，絕對是必食之選。另外叫了個傳統焗薯批，一共三件，薯批裏面有一絲絲的薯絲，咬落更有口感，但重點就是醬汁，濃郁的牛肉汁香味，令薯批增添不少風味。

德國菜香港選擇唔算好多 出名既黎黎去去都係個間～個friend 話太子有間 無論食物同環境都好正宗咁就緊係要試下位置係太子酒巴街 間口已經好有feel裡面既裝修充滿德國特色好似置身當地食物種類好多淨係腸已經十幾款個人比較貪心Order 個腸既拼盤就試到多幾款味道啦特濃芝士味，辣肉味，香草味，煙燻味，黑椒味最特別係有墨魚汁腸少有得黎 真係好好食肉質又彈 又有香濃墨魚味！加d 酸菜就啱晒好醒胃酸菜同平時食開好唔同唔係做左好耐 淋patpat 個d係新鮮爽口 顏色鮮艷 食住肉食好夾另外就緊係唔少得食豬手啦豬手食左禁多次呢間既豬手係我食過之中最juicy又軟淋淋 唔似平時死實實皮就翠翠地得黎又煙un~好有咬口～～豬手亦已經切好方便食用啤酒試左2隻一杯係麥啤味道帶酸 好啱我口味另外呢支真係未飲過好香好甜 有甘香既黑啤老闆好健談介紹支啤酒係一間好耐歷史既酒廠做仲教我地品啤酒係個杯到long long 下先等d 香味更出第一次飲啤酒用禁靚既杯味道我亦好鐘意 同平時既好唔同完全冇苦味不過都貴貴地啱同朋友慢慢嘆以後想食德國菜就多個選擇啦～

為左感受世界盃氣氛，放工之後約埋女朋友加朋友去左一間地點方便，主打德國肉腸，豬手為主題既德國酒吧。去到門口見到呢間酒吧既裝潢都別出心裁。有簡而精，字體優美既酒類佈板。以磚頭堆砌既外牆富有古代感，跟普遍酒吧設計與眾不同，令我覺得有新鮮感。入到酒吧之後，發現燈光比其他同行較光，呢點我個人十分喜歡，太暗我會有睡意。店內用餐環境衛生都非常高，無煙酒吧，外牆佈置左德國掛畫，木桶，令客人加深印象。因為第一次去正宗既德國酒吧，所以坐底之後有位應該係酒吧既老闆親自招呼我地。雖然老闆既廣東話唔太流利，但係勝在笑容足夠，介紹非常詳細。推薦左不少既德國啤酒，佐酒食物。令我地對德國既品牌，美食有更深一層既認識。由於我地都你係新手喇，以下就係佢推薦既啤酒，食物。Paulaner Weiss Dunkel 我個人偏好飲黑啤，平時飲開都係市面酒吧最常飲到既個隻品牌。呢杯黑啤味道比較醇，聞上去好香既麥味，口感比較滑，就算飲剩少少變左常溫，苦澀味都唔會增加，唔會似飲中藥味。最重要係酒精濃度唔高。好岩想試飲黑啤既朋友，會易入口。比亞荷夫烤腸拼話明主打係肉腸，當然要試下！烤腸拼盤分別以碟呈上，有牛仔腸，煙薰，原味，黑椒。沾

又到世界盃，搵埋班friends一齊去睇波，今次試左太子一間德國bar & restaurant, 食左餐令人滿足、啱香港人口味的德國菜。睇波當然要送啤酒，我地叫左幾款啤酒，每款酒都有唔同的入口感覺，適合配唔同的食物。La Trappe入口清淡的白啤酒，同咸味的凍德國沙樂美腸幾配合。作開胃的前菜啤酒不錯，但個人認為味道略淡。Paulaner Weiss Dunfel個人比較推薦呢個黑啤，一入口就覺得好creamy，濃濃的小麥味道，少許甘味，夾豬手可以去左豬手的膩感，一流！Schneider Tap 5有層次的白啤酒，泡沫濃郁，入口先有輕輕的麥味，飲完後回甘有少許酸味。Jagermeister有個性的啤酒，嗅起黎已經有濃烈的酒精味，入口就霸道地蓋過食物的味道，較高的酒精濃度令喉嚨嗆辣。凍德國沙樂美腸係醒胃的前菜。外皮脆身，內裏軟滑，佐酒一流。有別於一般沙樂美腸，佢無咁咸，較適合香港人。濃郁的芥茉蜜糖醬好令人回味！香腸拼盤口感豐富的熱食，有三文魚、墨魚、千島醬同芝士味道。個人推薦千島醬，意外同香腸配合，好開胃。三文魚比較清淡，三文魚味不太特出。墨魚味則較濃郁，不會黏口。特色豬手外皮脆卜卜，

首先要贊一贊入面既 man, 我諗佢係　manager or boss, 接呼很好，講解哂食法，醬汁，又為我們介紹啤酒！如果問我，我覺得選擇吾算多，但　man 話幫我地揀，就交比佢作主啦！我地一行4人，　man 問左我地對啤酒既要求，我本身不太喜歡啤酒，覺得很苦，佢向我推介一款檸檬啤，好喜歡，那種甜甜既味道，我飲左兩杯！對於腸，我本身都無特別喜愛，原本都無打算有咩驚喜，man 介紹呢個　platter　有牛肉腸，辣腸，原味，煙熏﹠墨汁！除左牛肉﹠原味較淡口，其它三款都好出色，很有肉味！呢個類似咖哩角既薄餅，好脆口，值得一試！呢個肉丸就略為失色，我覺得似沒有馬蹄既山竹牛肉，過林，無趙口。友人就話同　ikea 肉丸差不多！重點主菜，超好食，勁好食。平時食豬手一定去　king ludwig, 都有試過　beerliner, 但我覺得　king ludwig 好吃點。但呢個一定係　the best!!!　皮十分極次脆，肉身亦都不像　king ludwig 甘鞋，每啖都有根﹠肥肉包含住！我每食一舊都同朋友講一句　‘真係超好食！’　我食完第二日都不停同身邊朋友講，食左一個非常正既豬手！有朋友都急不

世界盃期間約朋友去睇德國隊， 去邊睇好？緊係揀間食德國菜既酒吧啦XD呢間位於太子酒吧街既德國酒吧， 裝修極靚，所有酒都係made in Germany, 而菜式都係由歐洲回流既大廚造既正宗德國菜因為唔多飲開德國啤酒，今次黎開當然要試多幾款～👆🏻呢款個kostriter celler, 係一款味道比較清淡既麥啤，通常麥啤比較味濃，而呢款就清淡d比較易入口～☝🏻Benediktener, 呢款似番一d我地飲開既麥啤， 濃d亦重麥香d, 而飲落帶點微酸～☝🏻Paulaner 呢款係黑啤黎， 但又同我地飲開個d唔同， 佢同樣會有好重既麥味，但佢唔會有普通黑啤個種苦澀，易入口好多， 但相對就冇左個種順滑既口感了介紹野食啦， 首先係呢個德國雜腸拼盤， 分別有豬肉煙腸，西班牙豬煙腸，牛仔腸同埋墨汁豬肉腸等等。基本上幾款腸都好惹味，算係味濃既腸黎， 唔駛點其他調味料都好好味， 但老闆特別推介我地要點呢兩款芥末醬同蒜蓉醬。 一試， 掂wo~因為呢兩個醬做得幾淡味，但同d腸味道夾得黎並唔會搶左左d腸既肉味， 好明顯大廚係有用心諗過配搭的👍另一款頭盤係德國豬手芝士餡餅， 似薄pizza, 入面有適量豬手肉，

係太子都食到正宗德國菜，沒錯，不是多國菜，是正宗又傳統的德國菜！未入餐廳已經見有outdoor吧枱，磚頭圓拱門位非常有歐洲特色。Sausage party一定好熱鬧。德國氣氛濃厚，餐廳內掛上多面德國國旗仔，而且每一枱都有酒筒仔在枱上，遇上世界盃，真係好需要多個方位都睇到電視，你在這裡不會失望。店都幾大，轉個彎仲有好多枱係入面。啤酒有好多options，bar food 選擇集中，must have豬手和腸，就知道有幾精，仲有新menu。店家介紹La Trappe Trappist (not on the menu)，啤酒杯好靚，杯形很特別，係德國/比利時啤酒，屬白啤，帶酸味，容易入口。德國啤酒文化歷史悠久等於法國的紅酒文化，比較之下覺得啤酒多了份熱情，就如看球賽時，你會揀beer，啤啤佢~朋友不太會喝酒，店家推薦了Schneider Weisse，屬alcohol free，在其他酒吧都好少見，原來啤酒都可以冇酒精成分。這杯啤酒小麥味道不錯，麥味好香。德國傳統酒莊釀的小麥啤酒特別純，與一般大品牌確是有差。店家還說德國那邊要開車的人，不能喝酒精，又想要喝酒，就會選這個。薯片好crispy

朋友話有德國腸任食,就找一個很久不見嘅朋友去試下, 呢度係一間太子嘅酒吧, 座位不多,環境企理, 有多款麵包和腸仔食平時好少機食這麼多款的腸不會有很驚喜很好吃的感覺但是可以每一款試半條, 啱晒鍾意乜都試嘅我再加埋大大杯啤酒  腸仔送酒真係好正音樂都不錯 不會太大聲飲吓食吓傾吓  過咗好開心嘅晚上如果想fine dinning 就未必啱但如果一班朋友  或者兩個人想飲吓嘢偈下傾就好啱喇唔洗淨係食nuts 咁悶丫嘛~~  呢間我會再去

星期五晚想放鬆一下飲杯野，結果成晚令我最深刻嘅係小強兄....其實我見到店名用德文先想試下腸有十款八款，普普通通，同埋淨係得腸，吃唔到幾多，仲要大半都唔關德國事...芝士切得細細粒，不怕會吃得太多所謂沙律，菜款式同份量都好少，想吃多啲都唔得麵包只有兩款，老板..其實歐洲人吃嘅麵包又唔一定好似石頭咁硬嘅....餐具自己攞，第二round嘅時候見到小強兄喺啲刀上面行，雖然同個staff講完佢即刻帶走左佢地嘅寵物，但係我心情變得好沈重....

話說眾所周知，我出哂名既小酒鬼😎🍻✌️所以德國餐算係我其中一個幾鍾意既選擇😆因爲有啤酒飲又有腸仔同豬手食😎✌️！正，今次去左太子酒吧街入面既一間德國餐廳🇧🇪佢哋而家做緊＄98腸仔放題😂所以就帶左我個好鍾意食腸仔既女朋友去會一會佢👫任食腸仔放題💰HKD98$雖然係任食！不過質素上都算唔錯！有12種唔同嘅腸仔豬🐖牛🐂雞🐓，有辣🌶有唔辣✌️有芝士🧀沒芝士，任君選擇🙆🏻‍♂️不過比較可惜嘅地方就係佢冇熱板，所以如果想食熱辣辣嘅腸仔真係要睇準時機😏其次佢仲有五六種麵包🍞🥖🥐同三款芝士🧀，仲有一個好細個嘅沙律吧，加多杯啤酒，每人埋單大約＄150左右算係幾抵食😏😎btw,佢哋呢個buffet係6-9點，所以想食嘅朋友就要留意番時間啦😆

中左腸仔任食buffet. I have made a booking. however, they forced u to order a drink otherwise you cannot enjoy the buffet. this term and condition you would not find in the redemption letter. 都騙人無分別，坐底先要你點飲品。見好多人同我一樣不情不願點杯飲品，仲要唔平，一杯汽水加一後要53蚊，仲要勁多冰。腸仔有12款，不過煎得幾油膩，基本上食一轉就會飽，不過腸都refill得幾快下。另外麵包乾又硬，沙律都好hea. 自己睇相啦。同埋無服務，刀叉自己拎，碟係無人收架。

每位只要點一杯嘢飲加$98,就可以任食12款德國腸，火腿，德國面包，沙律吧同芝士吧。首先睇吓有咩腸先，有辣肉／牛肉法蘭克福腸，千島醬熱狗腸，雞尖腸，特濃芝士腸，西班牙辣肉腸，辣愛美拿腸，煙燻蜜糖腸，香草同牛仔腸，仲有兩款迷你腸，其十二款。另外仲有火腿，沙律吧就有五款蔬果選擇，芝士有三款，帕爾馬Parmasen芝士，辣味帕爾馬同羊奶Feta芝士。亦有芥末醬點腸仔。德國面包可用焗爐返熱。啤酒就選擇Paulaner Lager，啤酒花味香濃。麵包方面可提多少少，有款麵包裡面有無花果係一賣點。德國腸款式多，但無暖板，如果想食暖腸就欠奉。沙律吧款式可以再多啲。芝士方面羊奶芝士適合配沙律一齊食，放在沙律吧會比較適合。$320的自助餐，整體上，食氣氛，這裡算是不錯，試試不同德國腸也有其可取之處。

本著好奇心迎接德國腸放題之夜，環境和食物都值得一試。然而在服務方面，最後帶著一些疑問歸去論環境，酒吧的環境算是適合吹水心事台。如果只單點啤酒，其實都可以啤足一晚，四周多是三五知己（兩至三個），所以不算是太嘈雜。加上酒的價錢合理。值得推介的是Estrella Damm Lemon，尤其是吃下眾腸後，一洗口內的濃味（筆者建議先嚐酒，才吃一口腸，以免眾腸的濃味把酒的檸檬味蓋過）。論食物質素，百元有找的放題（不包括飲品）算是不過不失。除了一眾德國腸，還有沙律吧和德國包。腸的選擇大概有十款左右，筆者個人喜歡特濃芝士腸，首小時的特濃芝士腸芝士餡頗足，粗幼度十足（如圖）。過了幾輪後便變了平時打邊爐的街市幼身脆皮芝士腸不是德國腸放題嗎？如果貨源不足，直接清盤會較好。服務方面，一些仔細地方要多加留意。第一，圖中插滿德國旗的迷你漢堡只供裝飾，不給予食客享用。迷你漢堡放了在一眾腸的旁邊大約20分鐘（食客取食物的當眼處)，當筆者和朋友第二/三輪拿食物時，這盤迷你漢堡便不見了，原來放進了廚房，廚師說這些不是給我們享用的。頓時呆了，如果不是給食客享用的，那應該放在不當眼的地方，以免讓食客誤會。第二，員工下單略為粗

今日嚟到太子界限街，係香港出名嘅酒吧街，飲啤酒，就唔少得食啲特色菜，Bierhof無論由門口到裏面，都充滿德國氣息，門口一邊有啤酒管共6款生啤選擇，可以比食客坐係室外chill下，餐廳牆身畫有古時嘅慶祝活動場面，燈光昏暗好有氣氛，前面有個小舞台，不定時會舉辦party活動，拉近同客人嘅互動。先有德國心形脆餅、花生、提子乾等餐前小食，餐廳唔同角度，幾邊牆身都各有特色， 設計有心思，行入啲仲好似穿過入咗山洞，感覺仲更加私隱。啤酒2杯$98，方便同朋友分享，可以揀唔同麥味濃度，配合唔同嘅食物，店員仲會推介不同口味。[ 無間添加 * 只此一日 ]Super Bayern X Bierhof Sausage Party有多款不同香腸 + 德國豬手迷你漢堡 + 燒薯沙律 + 歐陸芝士 + 傳統法式麥包，食物無間添加。香腸口味多樣，有辣味、芝士、黑椒等，辣味外皮比較脆，口感上都有好大分別，令人百吃不厭。另外，德國豬手迷你漢堡嘅豬手喊香味濃，麵包都焗到脆身暖暖地，又有蔬菜絲平均油膩感。薯仔沙律同麥包就提供飽肚感，推廣套餐豐富，又可以食到幾種德國美食真係滿足。今個星期六，6月4號晚上7點至11點，原價$

香港人飲酒，都會搵d野食送，可能近年香港興攪啤酒節，我都染上左食豬手腸仔架習慣。係太子新開，就試下幫襯有好多唔同類腸仔，仲有意粉等電視睇足球，不過呢期無乜大比賽叫份先， 腸有兩款都是特長身，白色混入了香草及肥肉粒, 夠熱那香草味更出眾，腸衣脆身。紅色是辣肉腸，我唔算食得辣，舌頭都麻了，趕緊伴以酸菜平衡。豬手起曬肉，皮好似食乳豬咁脆卜卜又唔油，不過豬手層膠質無乜，可能講求健康吧！不過我呢d唔怕死預左通波仔架人，好味先 最緊要。鹹鹹地用來配啤酒一絕，無影到酒架相，德國麥啤用左長身杯，都幾抵飲。呢個鵝肝岩岩新加，好彩比我食到，因為有好多水果好似藍莓，桃片，甜味同水份可以中和下油膩架肝，下面仲有名貴架煎帶子，大粒外層煎封中間是生，有刺生般柔軟口感又厚肉，仲加埋魚子醬，問你死味，估唔到酒吧竟然有名貴菜式，唔講以為我食緊法國菜頂啦！叫份來試試當開眼界見識都好，不過食高級鵝肝你話有杯紅酒配就更好。環境係太子區叫出眾，發掘到呢個新場下次可以叫一大班朋友落來睇波飲酒同食野。