Burger Bar (已結業)

星期日holiday, 去中環玩，玩到肚餓想食burger。話口未完見到burger bar，仲唔飛身撲埋去咩。打開menu, 都幾多款式揀。不特止，仲可以加配料，加生菜呀、洋蔥呀、烤蘑菇呀.... 想加乜都得。於是我揀左雞扒漢堡，加車打芝士 🤗 一上枱已見到飽身脹卜卜，芝士半溶狀態，雞扒仲好厚。食落原來雞扒煎過，又香口又嫩滑，同芝士融為一體 😋朋友仲大食，嗌左大蘑菇扒漢堡，加埋煙肉。成個漢堡就更厚，又大蘑菇，又厚牛肉，又煙肉。果汁醬仲係千島醬，鐘意食千島醬既朋友就啱晒勒。食漢堡梗係唔少得薯角同魷魚圈，炸到又熱又香又脆。薯角仲有優惠價好抵 😆 再加beer 一beer, 食飽好滿足。

路經蘭桂芳有間新開的餐廳，原來主打漢堡飽，晚上7時已差不多座無虛席，雖然店面很小，有點逼，但我都被巨型漢堡賣相吸引著🤤🤤🤤。Menu差不多全都是漢堡，有少量小食。大磨菇扒漢堡（$128）是店員推介的，而且我想加磨菇吃起來應該不至於太膩。果然超香的磨菇味、好特別，加起來感覺清新，漢堡扒肉質好juice ，而漢堡飽皮脆內軟，成件事太夾了。另外這款是牛魔王漢堡（$145），身為牛魔王一族單看名字已經被吸引了。🤣份量同樣是這麼重量級，只是大磨菇換上多一塊漢堡扒，實在滿足到牛魔王一族。🤣🤣🤣小食吉列炸蝦（$48），熱辣辣，炸粉不會太厚，都不錯的。

去左探媽媽班，就同左朋友去中環去做女人愛做嘅事，吹水。行經蘭桂芳，見到Burger Club 門口貼左d burger 相，d burger 上鏡幾靚仔bo，於是就入左去食野啦。入得漢堡店，唔叫漢堡應該應該會係件好蠢嘅事。叫左大蘑菇扒漢堡（$128）同埋招牌芝士漢堡（$115）。店面細所以睇哂個製作過程，漢堡包係經過香烤嘅，親眼目睹塊牛肉由生變半熟，都咪話唔興奮。店員一層一層咁將生菜、炒洋蔥、蕃茄、安格斯牛等材料夾係漢堡入面。再望住兩個漢堡上檯，😍☺️，店員見到我對住佢傻笑，唔好以為我對佢有野。叫漢堡，有得加配半份紫菜薯條（$22），薯條上檯份量都唔細，薯條新鮮炸起，而且係m 記版薯條放大版，好香薯仔味，好食！炸魷魚（$55），睇佢顏色就知佢炸得咁黃香脆，而重點係唔會淨係得粉，入面確切咁食到魷魚！Again，好食！係中環黎講，我覺得呢個價位食到呢個水準嘅野已經好好，好滿足，可以再黎食多次。

今日黃昏去完中環律師樓，經過蘭桂坊，發現有很多唔同的食店，但我們又唔想食粥粉麵飯之類的晚餐，便搜尋一下，發現有一間Burger Bar的自家製漢堡店🍔在附近，口碑不錯，便決定試一試。Burger Bar鋪頭細細，裝修以黑色色調及簡單為主，座位是吧枱式的高枱高凳， 幾有型格。餐牌內有很多不同種類的漢堡、小食、飲品供選擇，又可以惠顧漢堡後以優惠價錢加配小食。招牌流心芝士漢堡，首先賣相就非常吸引，用一個字講曬就係「靚」，立刻先咬一口，嘩!滿口充滿漢堡、肉汁、半溶的芝士汁、同埋他的招牌特製醬汁，好好味呀!安格斯牛肉生熟程度控制得很好，牛肉非常嫩滑，好有牛肉味道，成個流心芝士漢堡配合生菜、番茄、洋蔥一齊吃，真是極品呀!經典漢堡，跟招牌流心芝士漢堡差不多，只是少了流心芝士，安格斯牛肉一樣肉質鮮嫩，肉味濃郁，口感十足，好味到令人停不了口，感覺好滋味、好喜歡。唔怪得，差不多一百元一個的漢堡包，都咁多人捧場，原來真係咁好味，絕對推薦給朋友。炸魷魚，外面炸香脆，咬落彈牙又有好香的魷魚，我們一邊吃一邊讚，非常欣賞。脆薯角，炸得香軟，好有薯仔味，不油膩，是不容錯過的小吃。我覺得食漢堡包一定要配凍飲品，咁樣先係

 前幾日同朋友落老蘭唔係飲酒～只係打算去食個包~聽同事講呢度嘅Burger好juicy！即叫即整！等豬太郎呢次早放工去試吓先！#田園蘑菇扒漢堡 $80今日唔想食肉轉戰菇burger~~即叫即整所以熱辣辣～溶咗嘅芝士鋪咗係大啡菇上面～入口除咗菇汁仲有濃濃嘅芝士味～值得一試～第一次食菇burger原來唔係夾肉都可以好好味#招牌流心芝心漢堡 $115朋友就揀咗最classic 嘅芝心漢堡～用咗美國牛肉新鮮製嘅漢堡扒～牛肉扒厚得嚟～咬落肉汁香濃～流心芝士令到成個burger食落更加juicy~

最近想食漢堡包， 喺中環返工， 我只係食麥當勞 ，當然滿足唔到我， 同事就介紹 ，喺蘭桂坊 嘅一間漢堡包店。喺夜夜生歌嘅蘭桂坊， 轉角位完全冇諗過 會有一間漢堡包店， 門面簡簡單單，但香味十足。我們點了經典漢堡及辣味洋蔥漢堡。漢堡肉汁豐富，咬落滿載肉汁，加上芝士，酸瓜，味道更配合得份外完美。 辣味洋蔥，小小的輕辣醬加上厚切生洋蔥， 令到漢堡包味道更加昇華。炸魷魚， 更是重點食物， 香香脆脆，但內裏依然濕潤。下次再來更加要飲杯啤酒， 迎合番環境， 效果更佳。

蘭桂芳除了出名是酒吧多之外，其實還有不少特色美食小店。近來熱愛吃漢堡，難得準時收工，即時相約好友來邊聊邊吃。餐廳主打漢堡，共有9款可供選擇，另外亦可按個人口味，額外加入不同的toppings和醬料，豐富漢堡的味道。大蘑菇扒漢堡Steak Mushroom Beef Burger是店內signature款，接近一個手掌高的漢堡單看已令人垂涎欲滴！材料分別有安格斯牛肉、車打芝士、大燒烤蘑菇、生菜、蕃茄、炒洋蔥及招牌特製醬。咬一口，肉汁已溢出，非常香濃，喜歡安格斯牛肉的口感，挺有咬口，而且帶有微微煙熏味。大蘑菇亦非常juicy，配上店家特製醬汁，層次豐富。雞扒漢堡Chicken Burger與大蘑菇扒漢堡一樣，芝麻麵包夠鬆軟。漢堡材料分別有煎雞扒、生菜、蕃茄、炒洋蔥及蜜糖芥末醬。香煎雞扒厚肉，肉質頗鮮嫩，而且肉汁豐富，配上簡單的蔬菜，但味道卻一流。當然蜜糖芥末醬為漢堡加了不少分！紫菜炸薯條正如炸雞配啤酒，漢堡又怎能沒有炸薯條呢？以優惠價加配了紫菜炸薯條，薯條份量多而大條，食落香脆有薯香，加上少少紫菜調味粉，更覺惹味。

同朋友去中環，之前發現咗原來蘭桂芳有幾多唔同嘅餐廳，又去咗個度搵食。見到之前食過吉列牛嘅舖頭原來搬走咗，變咗而家係食Burger嘅舖頭，咁啱朋友又好想食Burger，就入咗去試下。有九款唔同嘅Burger揀～點餐紙～朋友同我都係芝士怪，又見佢係招牌，所以我地都叫咗招牌流心芝士漢堡（$115），食落去個芝士味超濃，而塊漢堡又好厚，口感同味道都好好，極邪惡！再叫咗啲小食，加$22就有個炸薯條，上面有紫菜同芝士粉，薯條都好厚切！炸魷魚（$55），魷魚份量都幾多，加埋沙律醬啱啱好！

The signature molten cheese beef burger was amazing. It’s made of cheddar cheese, angus beef stuffed with cheese, onion, fresh tomatoes and lettuce. Soft drinks is included in the lunch set menu, but fries/salad doesn’t come together with the set. You can order salad/fries separately.Burger is very meaty and juicy. The taste of molten cheese from the meat was fantastic. The only downside is that price was a bit expensive for a burger (hk$115).

中環蘭桂坊出名多好嘢食, 近期仲新開咗間專食Burger嘅小店 - Burger Bar.牛肉漢堡當然係呢度嘅主打啦！牛扒分別有和牛同安格斯牛扒兩款, 唔食牛嘅朋友仲可以揀魚, 雞或者素食burger.我就揀咗田園蘑菇扒漢堡。園蘑菇扒漢堡 $120(安格斯牛肉、車打芝士、大燒烤啡菇、生菜、番茄、烤洋蔥、招牌特製醬、麵包)呢個漢堡份量之大, 實在誇張, 單手係絕對拎唔晒。特厚漢堡麵包塗上牛油烤成脆皮, 麵包中心出奇地柔軟, 口感極佳。大啡菇同漢堡扒幾乎係一比一咁大, 漢堡扒肥瘦比例適中, 鬆軟得嚟唔易散, 食落相當juicy, 香濃肉汁同啡菇鮮味同時喺口中爆發, 滋味無比。嚟到蘭桂坊唔蒲都要飲返杯. . . . . . . .蘋果汁啦！ 唔講仲以為嚟咗杯 whisky 添。

早幾個月食牛扒既Steak Bar🐮轉眼變成食漢堡包既Burger Bar🍔由於Steak Bar水準唔錯 所以對同一集團既Burger Bar都有D期望架而結果都無令我失望-◽️大蘑菇扒漢堡 Steak Mushroom Beef Burger $128材料有安格斯牛肉 車打芝士 大燒烤蘑菇 生菜🥗 蕃茄🍅 炒洋蔥 再配上招牌特製醬Burger夠哂份量 麵包鬆軟 好香牛油味👍🏻漢堡扒做得好出色 厚身而且肉汁豐富大燒烤磨菇同樣好多汁 成個burger都好juicy🤤-◽️招牌流心芝士漢堡 Signature Molten Cheese Beef Burger $115比起大蘑菇扒漢堡 我更鍾意依款招牌流心芝士漢堡🧀材料有流心安格斯牛肉 車打芝士 生菜 蕃茄 炒洋蔥 同樣配上招牌特製醬流心芝士超正 好邪惡但唔會覺得漏 整體味道比大蘑菇扒漢堡濃烈-◽️炸魷魚 Fried Calamari🦑 $55即叫即炸 熱辣辣 魷魚彈牙 沾上醬汁食更好味 岩哂配啤酒一齊食-◽️Asahi🍺 $45◽️Ginger Ale $18-

收工諗住chill一chill，同朋友行開LKF，就試下間burger bar，有九款漢堡選擇，還有小食和飲品，仲可以加配料，我地叫左兩個burgers，望住佢整已經覺得好大份。大蘑菇扒漢堡Steak Mushroom Beef Burger ($128)，用左安格斯牛肉、車打芝士、大蘑菇、生菜、蕃茄、炒洋蔥同特制醬汁製成，餐廳非常貼心，提供埋手套。肉質鮮嫩，大蘑菇很滋味。牛魔王漢堡USDA Certified Angus Double Decker Burger（$145）有雙層安格斯牛肉、賣相十分誇張，一度擔心自己吃不完！有酒精及非酒精飲品，我們叫了Corona及椰青水。

前排同朋友去左中環行街，後來行到去蘭桂芳附近既小區，嗰到有好多不同類型既餐廳。多數都係西餐廳同埋酒吧，我同朋友都想食啲西式料理，但一致唔想飲酒😂 後黎就去左呢間burger 店～我地行行下就被 Burger Bar 門外既餐牌所吸引。佢地有多款口味既burger，選擇好多樣化，實有一款符合大家既口味。👍🏼雖然呢間 Burger 唔係一間大型餐廳，但牆上掛滿左充滿歐美特色既油畫，亦有多長高枱，西方氣色濃厚，真係彷如置身於西方國家~~餐牌簡潔俐落，主食、小食、飲品甚至特色食品都包括在內。其實咁樣既餐牌正正係小店既特色，簡單就是美📝 坐落於中環呢啲遊客勝地，緊係要有中英對照既餐牌，方便外國遊客點餐啦 👍🏼自家製檸檬汁🍋 & 自家製檸檬紅茶☕️我同朋友都點左佢地自家製既檸檬汁同埋檸檬紅茶☕️ 飲落有濃郁既檸檬味，香氣撲鼻，感覺好健康開胃，而且清新解渴 🍊🍹紫菜薯條 $22薯條有好香濃既紫菜味，比平時食開既薯條更香脆，唔係淨係得薯香，仲有紫菜既香味，十分和味 🍟炸魷魚 🦑 $55呢道炸魷魚比我地想像中更好食，雖然係油炸，但唔覺得好油膩或者難以入口，反而充滿魷魚既香氣～再加上美味既蛋黃醬，真係香氣四溢

辛苦工作完，當然要大吃一餐慰勞自己。店內座位不多，約廿個左右，餐桌以吧檯高腳椅為主，切合蘭桂芳酒吧格局。English Breakfast Burger 英式早餐漢堡 $105 (Angus beef, egg, bacon, cheese, sesame bun)當 English Breakfast變成一個漢堡，饀料極度豐富。唔理咁多大啖大啖咬落去。麵包鬆軟，外層鋪滿芝麻。中間夾著厚厚的安格斯漢堡扒，肉味濃郁，充滿肉汁。香脆煙肉增加香氣和口感。半生熟的雞蛋，香甜的蛋汁增添美味。再加上半溶的車打芝士、 番茄、洋蔥、生菜 、特製的醬汁，味道和質感層次十分豐富。 USDA Certified Angus Double Decker Burger 牛魔王漢堡　$145叫得做DOUBLE DECKER當然不能睇少佢。雙層的安格斯漢堡外層煎得惹味，肉質鮮嫩，中間帶點粉紅，唔鬆散，肉汁滿瀉，超juicy，完全滿足食肉獸的願望。配埋雙層車打芝士、有番茄、炒洋蔥、生菜等。飽到攬住個肚腩。有4款side dishes可以揀(加$18)意大利沙律菜新鮮爽脆。炸薯條(紫菜粉)即叫即炸，脆卜卜的粗薯條，真係

落老蘭除咗飲嘢之外，其實仲有好多出色嘅餐廳。 就算唔飲酒， 約朋友食個晚飯， 都可以有去咗外國酒吧街嘅感覺， 又chill又寫意。呢間burger bar位於蘭桂坊嘅小巷當中，係嗰間鐵皮屋花店轉入去就可以搵到。 一入門口見大部分食客都係外籍人士，就知道無揀錯地方。餐廳環境幽暗，一列高身嘅BAR枱，食飽飽再喺度同朋友傾下偈先轉場都仲得。《炸薯條加芝士粉/半份》，薯條炸得香脆，入口都仲係熱辣辣，芝士粉均勻地灑於薯條之上，帶住點點shake shake薯條嘅意味， 芝士粉味道帶有鹹香，加埋亨氏蕃茄醬任點，無敵。《脆薯角/半份》，由於薯仔嘅比重多咗，食落更有薯味，難得能夠享受更多薯味得嚟外面仲係脆卜卜，最鍾意佢每惠顧一個漢堡，就可以用優惠價換購小食半份，咁就可以試多啲嘢啦。原本想試下個招牌流心芝士漢堡，不過店員話今日賣哂，就嗌咗個《辣味洋蔥漢堡+ 酸青瓜》，好彩呢個洋蔥漢堡都唔弱，個自家製嘅秘製辣汁十分惹味，再加上喺炒洋蔥同埋生洋蔥兩面夾擊之下，辣味嘅層次就提升咗不少。 食Burger又點少得漢堡扒呢？ 呢度嘅漢堡扒用美國安格斯牛肉每日新鮮人手打造。 食落牛味特別香濃， 而且肉汁豐富， 非常j