BYOB Coffee Roaster

营业中

休息中

咖啡店，是許多客人的心靈休息站，也是許多喜歡咖啡的人追夢及圓夢的地方。而咖啡，可以是好個人的，所以，我很喜歡拜訪咖啡小店，因為許多都有自己的咖啡故事、許多都有充滿個性的主題。這一次，我繼續在井財街、新墟村一帶尋找咖啡店，這一次就在井財街看中了一間比較大間的《BYOB》，我印象中，《BYOB》是 Bring Your Own Bag 的意思。見有趣，也見咖啡師有一份專業同熱誠，決定試一試咖啡，也試一試午餐。地方很大，灰灰暗暗的空間也就是工業風設計帶來的觀感。雖然，工業風的這一個 style，暫時來說仍百看不厭，但近來到過的新派咖啡店同食店，都用上這一個風格，似乎，許多人都只是跟風而已。不過，感覺上，這灰灰的空間感，其實又幾舒服既。說《BYOB》了。這店的《BYOB》，我查找過，是 "Be Your Own Barista" 的意思。在這兒，自己，就是自己的咖啡師。這兒雖然是一間咖啡店，但也有很好的食物，而他們的招牌菜是德國咸豬手。不過，這一定要好早來或者是預訂，因為是每天限量供應的。而且，夠人多才好叫。以我目測，份豬手好大件。所以，我同太太一人一份意粉更好。大蝦寬條麵，濃濃的蝦肉蝦子味完

作為屯門人，BYOB已經去過好幾次，之前一直都好滿意，無論係咖啡、食物定環境，實在係區內數一數二既cafe。都知道一向好受歡迎，星期六下晝4點鐘去都要等位，唔緊要，點知去買咖啡個刻，佢先話只限坐30分鐘⋯⋯ 講真，去得嘆咖啡，有幾何會咁快走？明白你受歡迎，人流多，但希望只少坐1個鐘頭會好啲，30分鐘真係咖啡嚟到飲完就即刻要走，真係好失望。希望可以改善一下，否則又要重新搵過區內嘅好cafe😟見到有好多負面評論都係講服務態度，其實態度唔算好差，只少都好有禮貌，按規矩做咁囉⋯⋯

人生第一次寫食評，比咗BYOB😅時間：1915（1930入座）人數：2人食物：2意粉，2飲品，1小食首先今次係第二次到BYOB食野，上次因為時間尚早，所以不用等位。但等位時間大約15分鐘左右，尚算可以。裝修風格：餐廳裝潢為簡約工業風、簡單、整潔。食物：款式唔多，主食只有7款意粉，5款沙律餐具、水、落餐都係自助式客人需要到櫃面叫餐，然後取餐具完成後，職員會將餐送到枱上。————————分隔線—————————今次點了兩個意粉，一個小食主食一個「蕃茄忌廉蟹肉寬條麵」$88，意粉軟硬程度適中，唔會太軟，有咬口，忌廉味道唔算太濃。蟹籽份量都算多..。優：意粉份量多，蟹籽份量多。劣：忌廉味唔算太濃郁，可能被蕃茄味遮蓋。一個「海鮮墨魚汁意粉」$88，同樣地軟硬程度適中，有咬口。配料上，青口入味質地唔錯，未煮到爛而入味。魚柳及魷魚有種煎出黎既香味，魚柳唔會一夾就散。肉質結實。相比之下，單單墨魚汁意粉可能會容易食到「好漏」但海洋配搭下。又唔太覺。優：意粉份量多，海鮮味道香口；但份量還好。劣：N/A小食一份「芝士黑松露薯角」$45，薯角香口優：薯角香口，份量多，唔會整到好硬，好乾。劣：味道上略嫌唔夠。因

之前黎到都淨係飲野，今次係第一次幫襯晚餐，要企係門口等位，要齊人先可以入，但都有8-10個人係外面等，所以大家最好預返d時間。餐牌選擇唔多，幾款沙律小食，十個主食左右，仲有craft beer。我叫左煙鴨胸沙律，味道唔錯酸酸甜甜，煙鴨胸煎得夠香，配上蕃茄一起不會有肥膩感覺。黑松露芝士薯角，正常，份量十足大蝦忌廉寬條麵，我幾中意d蝦係剝左殼既，夠大只同新鮮，味道方面都幾好，忌廉濃郁所以食物方面整體不錯，係屯門算是比較好又有主食提供的咖啡店。

平時經過一直好想試，但每次經過都好多人，難得今日lunch放晏咗，就決定去試吓🤣入到去環境好寬敞，枱與枱之間隔得好遠，坐得好舒服。叫咗個黑松露雜菌意粉，松露汁香得嚟，意粉嘅硬度啱啱好，菇嘅份量都好多🤩好可惜嘅係我坐嘅位置冷氣好唔夠，坐唔得耐就頂唔順走咗🥺

食物選擇不多，味道是可以，不過跟老人家/小朋友來的話就不太合適，因為麵質比較硬；午餐價錢不便宜，而且沒有set;由於是自助形式，需要自己到櫃面order 和取餐具，這些都沒有問題；但因為有長者及小朋友同行，他們只提供叉，問櫃面取一把刀來切食物，他們竟然不給予，說我只order 意粉，不需要刀；打算快快食完快快離開之際，下起大雨來，到用膳差不多完時，還下著雨，由於外面沒有人在等位，本來想坐多一會兒，之前不給予我餐刀的那位，疑似是是老闆的人走過來下「逐客令」；服務態度非常差，不會再來

又到Weekend，今日想食豬手，因上星期六想食但食唔到😅；記得之前去過屯門一間小店「BYOB Coffee Roaster」，見過有人食豬手，好似唔錯，就一於入屯門食Lunch估計這間餐廳食lunch時間會多人，所以今日早一點出發，未夠12:30 PM 已經去到餐廳這間餐廳需先到櫃面購票；我哋叫左1️⃣ 德國黑麥啤慢煮咸豬手 $1382️⃣ 牛油果華道夫沙律 $68慢煮咸豬手製作需時40分鐘，我哋先食牛油果華道夫沙律，牛油果砌得好靚，食材都新鮮；第一次食慢煮咸豬手，味道都算OK，但沒有太大驚喜價格💰：$206 (免收加一服務費)味道😋：OK

是日喺返屯門區搵食一行四人尋找黃店去到等左一陣 齊人探熱後就可以入座啦輕輕食 傾下計店內裝修簡單舒服 環境幾寬敞呀先付款下單 慢慢坐開放式廚房 一入到去就聞到香味喇Dirty - 熱咖啡好香 加上冰凍鮮奶 又香又滑推介！松露意粉🍝 好香 好creamy 份量足夠！招牌沙律 - 甜甜嘅醬汁 加上配料爽爽嘅口感 好fresh既感覺！個人好喜歡呢個沙律！三文魚沙律 - 比較下較普通 但味道OK!屯門區嘅可以一戰！經濟之選，齊人先可以入座呀，醫護有折扣

周六晚餐廳外有約十人分3台排隊，不設派籌，等了20分鐘左右。今次點了明太子意粉，三文魚沙律，和銀月綠茶。意粉份量細，男人食會唔夠，不過明太子推滿了意粉面，意粉都好入味。我本來就打算之後去別店食甜品，所以就無所謂了。銀月綠茶是一種花茶，淡淡清香，配精緻茶具，好高雅。但不知是否餐廳設計問題，人不多卻嘈到像茶樓一樣，想寧靜享茶就好難，不過和朋友談話就肯定別台聽不見。

我本來打算幫手懲罰黃店... 但係我食完呢間野之後覺得...唔係黃店就要幫手懲罰既...都要睇質素既...我食lunch既, D野食唔差係大碟既, 但係價錢偏貴仲要冇set...D店員態度唔太好, 喂人去收銀個邊量體溫...點解唔貼張告示係門口, 叫人入店就去左收銀個邊量體溫先搵位...開放式廚房個抽酒煙機好嘈又冇咩用... cafe 黎講真係好嘈...食完成身油煙味走...

其實已經好耐冇食呢間舖頭～屯門來講真係好少Cafe，以前突然Cafe癮發作都會去食下。但自從連續俾個廚窒左兩次之後，我冇再去啦。首先講嘢食，其實唔係唔好味，我哋全家人都覺得ok，先會食咗幾次。不過所有都係港式材料煮法，帶子/雜菌加個汁咁(個汁都算creamy)。想食平時常見嘅pasta/risotto 配搭嘅菜式，而唔係蕃茄溝忌廉咁煮(利伸：可能我少見識)或者好注重蘑菇香唔香，洋蔥有冇caramelised，carbonara texture係點就唔好去食～不過我明嘅，始終好賣先係重點，口味可能比較切合香港鍾意嘅味道，其實只係類別問題。All day breakfast/ brunch類別完全係冇嘅，可以去對面嗰間（雖然舖頭係冇咁大😌）由於我至少食咗三次，個post都太長啦，再寫落去真係有排都睇唔晒，所以我覺得我要開多個post講吓究竟服務態度發生咗咩事。

難得有朋友相約，帶佢地去呢間平民西餐廳試一試，性價比高，質素不比連鎖店差。四人叫一個帶子蟹子意粉，一個卡邦尼意粉，一隻慢煮啤酒豬手，一碟水牛城雞翼同埋黑松露薯角，四杯野飲。唔記得影粒帶子賣相一流，食落去有淡淡既芝士味，不俗。啖啖肉，軟硬適中，食肉獸之選。芝士黑松露薯角，新鮮做起，舊舊薯角都熱辣辣，黑松露味又唔會大搶，值得推薦。污糟咖啡 dirty cappuccino左係冰咖啡 右係焦糖咖啡

今日冇返office，就打算附近搵間cafe 做嘢。order 咗杯咖啡，坐咗40分鐘，就因為有人排緊隊被趕走。其實去得cafe，一般都係做下嘢，隔一陣再order d 嘢食or 再叫多杯嘢飲。做做下嘢，40分鐘就話要交枱，真係好匪夷所思。我都知生意難做，亦都冇打算$40 霸你成日枱。請留意去cafe 幫襯嘅客戶心態。如果係要限時，請入座就講好，大家可以選擇去第二間。一飲完就趕走，我會以爲自己去做澳牛。雖然好小事，但以後應該唔會再幫襯。

🦀蕃茄忌廉蟹肉寬條麵 $88食材新鮮 面頭嘅蟹籽好大粒 好爽脆🤤蕃茄連皮經過烤熟 混合埋一絲絲嘅蟹肉撈匀晒嚟食 每一啖都帶有微微嘅海水味醬汁以蕃茄甜味為主調 忌廉味比較輕身寛條麵有咬口 整體係濃郁得嚟又夠清爽不過個人就偏好忌廉黏口嗰種油膩感🌛. 🐖德國黑麥啤慢煮鹹豬手 $138超誇張！製作需時要四十分鐘 但係值得以黑啤慢煮而成 就算肉身咁厚都冇騷味油份同肉嘅比例岩岩好 唔會去到好肥膩焗嘅時間偏短 所以豬皮嘅質感幾煙韌🤤皮脂下帶有滿滿嘅膠質 唔會整到好熱氣仲有拌碟嘅烤翠玉瓜 同西蘭花很好吃🥦食膩咗可以蘸黃芥末 絕對係大胃王之選！

井財街有唔少黃店本身唔係打算黎呢間不過其他想試果啲都無開所以無得揀不過都好呢間未試過餐牌選擇唔多同係意粉/沙律係all day meun無lunch set- 黑松露雜菌意粉$68（ 三個入面最好食係呢個， 濃濃嘅黑松露忌廉醬， 包住每一吋意粉同磨菇）- 海鮮墨魚汁意粉 $88（ 我好鍾意食墨汁，有嘅一定會試，呢個味就無咩太特別，少少鹹，有唔同海鮮鋪面）- 大蝦寬條麵 $78（ 三個入面最清淡，淨係食到少少芝士味，3隻大蝦擺面，最唔值得試）份量都算大起碼有一碗半嘅份量