Catio

营业中

休息中

我有個朋友好想嚟貓貓咖啡店，所以我就陪咗佢過嚟啊，呢度都幾重視貓貓嘅衛生，所以我哋要帶咗個鞋套先至入得嚟嘅入邊有唔同種類嘅貓貓，有啲都幾鍾意同人玩，有啲就喺度休息緊，咁我就梗係唔打擾佢哋啦嘢食方面呢我就叫咗兩個餐，一個係半塊嘅Pizza係芝士嘅，另一個就要咗個意粉，味道都唔錯，同埋叫咗兩杯嘢飲咖啡咁樣🌱 仲有就係沙律😆注重健康嘅我梗係食多兩啖啦嚟到呢究竟係同貓貓玩先係重點啊。😁有啲都幾痴人鍾意坐埋上我哋隔離。有一隻叫做Ella記得意😚下次都想再搵佢嚟玩呀

在繁忙的城市中，我發現了一個獨特而迷人的地方，一個以貓咪為主題的咖啡店，這個貓Cafe提供食物和飲品，還給客人帶來與可愛貓咪們共處的機會。這裡一共有14隻可愛的貓店長，在整個用餐過程中，它們會與客人們互動，帶來無窮的歡樂。不過，必須要遵守一些規則：不要抱貓咪們、不要餵貓以及不能使用閃光燈拍照以確保了貓咪們的舒適和安全。花姐三文魚蛋沙拉：花姐是這裡的其中一位貓店長，以新鮮的三文魚和豐富的沙律菜為主要成分，口感豐富，味道鮮美。小喵牛油果雞蛋沙拉則結合了牛油果的滑順和雞蛋的營養，帶來了一種獨特的口感和風味。沙律還提供了健康的元素。這麼甜蜜的時刻少不了甜品時間，窩夫雪糕波波，結合了鬆軟的窩夫、冰凍的雪糕，口感豐富多樣，在貓咪們的伴隨下是一種享受。蜂蜜白提爽及檸檬茶不僅解渴，而且帶來了一種舒緩的享受，可以與貓咪互動的同時，品味著美味的飲品是一種多麼幸福和解壓的事情。最後，還有一個貼心的服務，提供除毛器。貓咪們的毛髮無疑是他們可愛的一部分，在離開之前除去身上沾上的貓毛，確保客人們在離開時保持整潔。在這裡，除咗享受食物更加可以放鬆身心，享受與貓咪們一起的時光。無論是和朋友一起來這裡聚會，還是獨自一人

So today my parents and I went to this cat cafe as it was close to my house. When I first saw the entrance, I was impressed until I went inside the restaurant. I was greeted by a strong and unpleasant cat smell. I saw a cats eye had some sort of gunk and cats would run away from us once we got close. They would come towards us but once we tried to pet them, they would run away. Typical The pizza was awfully expensive and so were the drinks. The cats were fighting and hissing at each other. The c

位於銅鑼灣嘅樓上貓貓Café，有好多隻可愛貓貓伴你午餐🥰🥰！ 第一鐘$78，包一杯基本飲品(檸檬茶 檸檬水 朱古力嗰啲)。如果叫食物，第二個鐘就可以不收費。入去之前要除鞋/ 著鞋套，仲要消毒雙手，確保清潔，保護貓貓們。環境乾淨闊落，不會迫，又夠光猛，好舒服，適合嚟relax一下。店員會清晰講解有咪要注意，有禮貌又Nice。貓貓們散落喺不同地方，有啲會瞓覺，有啲食嘢，有啲發呆，有啲會同你玩😆😆。食物叫咗份雞肉雞蛋沙律$98，有少量新鮮雜果如蘋果和橙，沙律菜淋上香香的芝麻醬，和健康白烚黑椒雞胸&煎蛋，輕盈健康。加杯熱檸水，舒服地坐吓休息吓，又可以睇貓，同貓貓玩😀！推薦愛貓之人上嚟！

呢日係年三十，咁岩我同個中同朋友都早收工，又無飯要食，於是約埋一齊去貓cafe玩下，輕鬆下。雖然呢間係樓上cafe，但距離銅鑼灣站都係幾分鐘步行，幾方便。入到黎，店員就主動介紹呢度既貓貓，其中最惡既就係呢隻叫花姐。呢隻就最friendly，主摸唔嬲，哂埋個肚仔出黎。呢隻就好有性格咁既樣。我同朋友玩貓玩得好開心，野食都唔得閒食。白桃烏龍（無糖）（熱）$61白桃味清新自然，烏龍味不會過濃，味道平衡得幾好。忌廉蘑菇意粉$128意粉配埋沙律，感覺好健康。意粉既感覺就幾Home made咁，調味不會過重，有家既感覺。帶子蒜香忌廉意粉又係送埋沙律。帶子有微微煎香，意粉都係有Home made既感覺，健康。係度玩下貓食下野，真係有d似去左朋友屋企咁，哈

最近就幫襯左一間位於銅鑼灣嘅貓貓Cafe❤️🫰🏻我試咗佢嘅日本和牛芝心漢堡，肉質鮮嫩，每一口都飄散住肉汁嘅鮮美，而芝心嘅添加更加提升咗口感，係個絕對值得一試嘅菜式👏🏻另一道忌廉芝士煙肉波波亦都非常出色，芝士嘅濃郁同煙肉嘅香脆。窩夫零糕波波係絕佳嘅甜品選擇，窩夫香脆，搭配零糕，甜而不膩。❤️❤️總括黎講，貓貓Cafe唔單止係一個適合貓迷嘅好地方，而且食物亦都好出色。用餐環境舒適，啲服務員態度親切，係一個適合與朋友、家人一齊分享美味同歡樂時光嘅好選擇🫰🏻

呢間咖啡室貓咪為主題，有10幾隻不同品種嘅名種貓咪陪客人玩！全部都超活躍😍貓咪叫醒你全日早餐：煙三文魚好似玫瑰花咁！這種早餐不僅外觀有趣，而且全部都熱辣辣超好食！香草腸，感覺唔油膩！而且牛角包超有驚喜，牛油味非常香濃，而且熱辣辣食到表皮脆卜卜嘅聲音！日式壽喜燒汁牛肉丼：這道食物是一碗美味的日式牛肉丼飯，以壽喜燒汁為調味汁，同洋蔥超級甜！最有驚喜就係啲飯係貓咪造型！帶女仔嚟一定好開心！開心果朱古力蛋糕：這個蛋糕結合了開心果和朱古力的美味。蛋糕體鬆軟濕潤，朱古力的香濃味道與開心果的香脆口感完美結合，帶來一種豐富的層次感依家餐廳嘅員工都好有善！有教我哋點同貓咪玩

今日同朋友去咗貓咪Cafe，喺銅鑼灣旺中帶靜嘅地方，一入到去覺得好乾淨，因為佢會叫你除鞋同消毒，所以覺得室內嘅衛生好唔錯，貓毛唔會特別多，好乾淨無咩味！入到去嘅話有好多貓貓，品種都唔同，去得貓貓Cafe梗係重點同貓貓玩，店員會好好咁比工具你，叫你同猫猫互動，又會介紹邊一隻貓貓比較親人，自己最鍾意叫做蘑菇湯嘅貓，淺淺地顏色好可愛，又好乖！食物方面叫咗大貓雞肉沙律$98，因為今日想食得清淡啲，有呢啲選擇好唔錯！雞胸肉有驚喜，唔會太乾，入邊仲有好多水果粒，好似橙、蘋果等等，所以唔會話單調，沙律配上芝麻醬都幾清爽。朋友叫咗帶子蒜香忌廉意粉$148，味道好濃郁，醬汁包裹住意粉唔會好乾身，帶子都幾好食，原粒上，質地唔會太軟身，好爽彈，都有四至五粒，份量上來講一個男仔都冇問題！飲品雖然冇得跟餐叫，但係我同朋友都叫咗一杯凍嘅蜂蜜白提爽同埋一杯熱嘅flat white，咖啡都幾香！蜂蜜白提爽口感清新，味道唔會太甜，有啲似qoo, 我覺得配一啲濃味嘅意粉幾夾！呢間鋪店員同氣氛都好好，貓貓睇落都好健康，都好精靈活潑，店員唔會催促你，可以同朋友好好傾吓偈，傾完偈又可以一齊同貓貓玩，牆上面仲有介紹唔同貓貓嘅手工

近日朋友介紹一間貓貓cafe 在崇光百貨公司附近，好想去探下貓貓，去到發現餐廳非常乾淨，進入餐廳人士要脫鞋或更換店舖提供的拖鞋。我哋一入到去已經急不及待就與貓貓玩耍，場內約有13隻貓貓，每隻也掛上名牌，而且店內有一幅很大的貓貓介紹海報，旁邊有棵貓貓樹屋，讓貓隻可自由地爬上爬落，每隻貓貓非常溫純，可任意撫摸。只顧着與不同貓貓玩，連選擇食物都忘記了😆餐廳有時鐘收費或套餐給食客選擇，每位每小時$78（包一杯飲品），如叫了東西吃，第2個小時可免費。我1-2小時當然不夠，咁我就選擇餐廳套餐，因為叫套餐除了有食物甜品和飲品外，最緊要是不限時逗留。店舖有10款晚餐供食客選擇，餐廳內不論餐具及杯子，都印有可愛貓貓圖案，牆身也掛滿店內貓隻的卡通自畫像。最後我選了個香草肉醬意粉和小食拼盤，全部食物即叫即整，一邊玩一邊吃得津津有味。飲品就叫了杯蜂蜜白提爽、朱古力及凍檸茶。

🐱Catio🐱家母向來鍾意小動物，第一次帶佢去貓貓CAFÉ去玩下小貓~呢間貓貓CAFÉ地點方便，銅鑼灣地鐵站過去只係需要幾分鐘! 一入去見到有好多貓擺設，仲有一棵假樹俾小貓爬上去，唔少小貓係擺設上面訓覺!超級可愛!!入面D小貓全部都肥肥白白，仲有一隻店員介紹嘅時候話俾我地聽係貓義工放係度暫養，睇得出佢地都好鍚小貓❣️日本和牛芝心漢堡🍔漢堡份量都唔少，有沙律菜配芝麻醬，仲有炸蕃薯條配蕃汁~一路食，一路有小貓望住想一齊食HAHA貓咪叫醒你全日早餐🥗ALL DAY BREAKFAST 有好多配料，有煙三文魚、沙律菜、德國腸、煎蛋、茄汁豆同煙肉!! 煙三文魚好長好大份，對於中意食煙三文魚嘅我黎講真係好正!!!!黑糖桂圓紅棗茶☕️平時出去飲黑糖桂圓紅棗會覺得太甜，呢度甜度剛剛好!玫瑰茉莉花茶☕️花茶用茶包沖，玫瑰茉莉花味都好出!

經過漫長嘅一日工作，我決定去一個輕鬆嘅地方食晚飯。 因此，今日我揀咗銅鑼灣嘅一家貓咪cafe，餐廳位置非常方便， 係一個好舒適嘅地方，你可以一路享用晚餐，一路享受被貓包圍嘅舒適環境。 餐廳入面有10多隻貓咪，它們都很可愛溫柔哈哈^^我哋食了兩種「全日喵餐單」嘅食物。頂級虎蝦蕃茄意粉頂級虎蝦好大隻，好有彈性，茄汁酸酸地，有丁點辣味， 使人們更加胃口大開，而且呢個意粉仲會配有芝麻醬沙律，沙律蔬菜同番茄新鮮。日本和牛芝心漢堡日本和牛充滿肉味和多汁，配合邪惡嘅芝心，更加滿足，套餐搭配左薯條同沙律。 薯條唔係普通嘅薯條，係番薯薯條，更甜更好食嘅。 沙拉同意粉item一樣，配有芝麻醬沙律，沙律蔬菜同番茄都新鮮。食完主餐之後，我哋決定點份甜點，多花一些時間與可愛的貓咪們一起玩^^， 比利時雞蛋仔 (配蜜糖)呢度嘅雞蛋仔比較特別，與其他舖頭不同，它唔係咁脆身，相反，它更像是蛋糕嘅形式，蛋味都香，但就比普通雞蛋仔更柔軟，別有一番風味。 我哋揀咗蜂蜜作為調味。 如果你喜歡煉奶，你都可以選擇煉奶。

今日同一個鍾意貓嘅朋友嚟咗呢間喺銅鑼灣嘅貓Cafe。餐廳要除鞋先入得，仲要消毒雙手，感覺都幾乾淨企理。裝修就配合左貓Cafe嘅主題，有啲鯊魚貓嘅裝飾品。D貓貓好活潑，而且有10幾隻左右。一去到店員會講解吓注意事項，例如有啲病咗嘅貓就叫客人唔好去騷擾佢哋，都算係幾貼心。收費方面，點一樣食物嘅話第二個鐘頭可以免收$78。原本對貓Cafe嘅嘢食都唔好有好大期望，但今次比我嘅感覺係都還好。帶子蒜香忌廉意粉忌廉汁好濃郁，有少少似金寶嘅味道，食落幾cream唔會太乾。而且竟然仲有三粒超大嘅帶子，食落肉質軟滑唔會整得太熟，都算係咁啦。和牛漢堡配薯條上嘅時候整整齊齊，漢堡包嘅牛肉都幾Juice入味，個漢堡包皮有稍為落過牛油同煎香，感覺唔馬虎，仲有比較特別嘅番薯薯條，就算放咗一陣先食都好脆身。食食吓有隻好為食嘅貓望住我哋嘅嘢食，好得意！

最近好想試下特式餐廳，搵左一輪之後同朋友去左呢間位於銅鑼灣既貓cafe。見好多人都話大部分貓cafe既食物好一般，所以之前都唔算有好大期望，點知呢度D食物有驚喜﹗點了和牛漢堡，第一口咬下去時，肉扒依然保持鮮嫩多汁，味道豐富，麵包和配料搭配得恰到好處。強烈懷疑漢堡既味道都吸引左主子，其中一隻叫茶B既長毛貓偷偷望住我，好都想食埋一份。除了食物，睇得出貓貓們的照顧非常周到。另一隻叫花姐既貓貓成日霸住高處，好似望住成間cafe咁。佢舒適態度和悠閒的姿態讓人感到放鬆。成間cafe都好有愛，職員對貓貓的照顧非常用心。貓貓睇起來都很開心，與客人互動自在。這間貓cafe唔單只有美味的食物，仲提供左一個舒適的環境，一邊食好西一邊同貓玩享受貓咪的陪伴。

做嘢做到好攰，想搵間貓Cafe治愈一下，銅鑼灣附近見到有一間樓試貓cafe, 就上去睇吓😍貓貓非常自在，一啲都唔驚人，有啲好活潑，有啲好nice, 反哂肚勁可愛有晚市套餐，有前菜、主菜同飲品，仲有貓貓陪食飯，值回票價！跟餐可以揀餐湯或沙律，同朋友一人試一款另外食物方面叫咗炸魚薯條同埋鰻魚飯，表現都OK，以cafe嚟講，算唔錯，如果熱啲就更好飲品叫咗冬瓜茶同埋Hazelnut latte，冬瓜茶就稍為甜咗少少，不過同事都好貼心俾熱水我溝淡少少🤏全程見到店員好有耐性，又可以分享貓貓們既性格，交流貓奴心得。有貓貓陪住，好治癒🥰

我最近有幸造訪了一家名為Catio的貓咪咖啡館，這是一個令人愉快的探店經驗。當我踏入咖啡館時，立刻被迷人的貓咪們吸引住了。我看到了十多隻可愛的小貓咪在館內自在地遊走和玩耍著。我走近一隻小貓咪時，它毫不害羞地走向我，輕輕地蹭著我的腿。我彷彿能感受到這隻小貓咪的溫暖和親近。我蹲下來摸了摸它的軟軟的毛，它發出了一聲滿足的咕嚕聲。咖啡館內提供了貓棒供顧客和貓咪一起玩耍。我握著貓棒，搖晃著它，立刻引起了貓咪們的興趣。它們迅速地跳躍起來，優雅地追逐著貓棒。我和其他客人們一起享受著和這些活潑可愛的小貓咪互動的樂趣。最令我感動的是，咖啡館內也有一些小朋友。他們中的一些人可能從未接觸過貓咪，但他們顯然對這些毛茸茸的生物充滿了好奇和興奮。我看著一位小朋友笑得合不攏嘴，小心翼翼地伸出手摸了一隻小貓咪，那種喜悅和驚喜的表情真是太可愛了。這裡當然唔少得試吓特飲蜂蜜蘆薈白堤爽，非常天然健康仲抗氧化! 啱晒我! 也試了他們的甜品, 是比利時的窩夫配意大利Gelato十分健康美味!也想不到這咖啡館的食材這樣有質素! 非常難得!!