COBALT

营业中

休息中

呢排工作上有d煩心事，約左朋友出黎訴下苦。互相分享下d奇葩人事物咁，轉換下心情，幫自己叉叉電。所以就特登揀左間環境chill d 可以坐得闊落d舒服d嘅餐廳～店員好Nice，可能見我地生面孔，所以一入去就同我地介紹左餐廳環境先，原來餐廳裡面有間好似Party room嘅VIP房，可以唱K之餘，另一間房仲有麻雀打。咁岩最近公司話有錢俾我地做team building，覺得呢d多人聚會黎餐廳搞都幾好丫，淨係收低消，唔洗場地費。呢到都真係個好選擇。店員仲好主動同我地介紹餐牌，好好招呼👍🏻避風塘雞翼🌶️鹹香味好足，少少辣～炸到好脆😋避風塘配料超級夠😍 烤法式羊架配薯菜🥔🥦羊架烤到好香，叫左七成熟，嫩度岩岩好😋西班牙黑毛豬鞍🐷配左個芥末醬，同豬鞍好夾🤤薯蓉超級好好食！！XO醬蟹肉扁意粉🍝XO醬配意粉好特別，好似都係第一次試呢個配搭～原來都幾夾架喎！等我之後都試下自己整先🤪甜品叫左個心太軟同拖肥撻心太軟個雪糕可以自己揀味，我地揀左配expresso☕️ 呢個配搭真係好好食😋好似飲緊Mocha咁🤣個流心係偏苦嘅朱古力，唔會太膩好好食😋

朋友即將移民，找了一間近她的西餐廳，希望促膝長談。餐廳應該開業不久，隱身於大角咀的一條巷道之中店面帶點歐陸風格，顯得低調而帶點型格。蘭王蛋韃靼牛肉：牛肉他他配以酸菜同日本知名既蘭王蛋，牛肉味都無被酸菜蓋過，係一道開胃醒神既前菜。焗米蘭肉醬意粉：意粉上碟時鋪滿濃濃既番茄芝士醬，香氣彌漫，熱氣十足。意粉用左扁意粉，焗完都係條條分明，抵讚。我同朋友都好耐無食過即叫即焗又咁好味既意粉！祖傳烤雞：烤雞用左好多種既西式調味料醃製，雞肉鮮嫩有彈性，外皮香脆，切開時肉汁流落黎睇到我都流曬口水！整體黎講，係一間令人難忘既好餐廳，不論裝修還是食物都睇得出餐廳既要求同執著，絕對會想幫襯第二次，試埋佢既牛排同其他招牌菜！

同朋友慶生唔知點解總係會揀西餐，揀Cobalt嘅原因係因為近我放工，奧運站行過嚟7-8分鐘。餐廳裝潢簡約時尚，一排酒櫃既實用又美觀，食客見到都想飲兩杯，高腳餐枱夠大唔迫，傾偈好適合，作為慶生晚餐都唔失禮。餐牌上好多嘢都想食，結果叫咗五樣嘢，以為小食會好細份，上到枱先知全部都好有分量，見到成枱嘢食好滿足，最後太飽放棄咗食心太軟。炸甜蕃薯條配藍芝士炸薯條份量十足，香脆得嚟又有濃濃甜蕃薯嘅味道，加上臭臭嘅藍芝士令朋友愛不釋手，呢個組合新奇得嚟又好食炸紫洋蔥圈洋蔥圈都係份量十足，粉漿好香脆，我覺得粉漿嘅味道同平時唔同，有啲似咸水角嘅皮，美中不足嘅係有幾條洋蔥圈嘅粉漿痴埋咗一齊，朋友好介意呢點牛油果扁意粉+辣蝦因為朋友最近唔食得海鮮，餐牌上得返呢個意粉可以選擇，牛油果煮意粉對我嚟講好新奇，本身以為味道會怪，食落又唔錯喎，牛油果嘅質地同忌廉汁好夾，忌廉汁好掛麵，啖啖意粉麵夠味，意粉口感夠煙靱，好食。+38蚊有兩大隻辣蝦，朋友要戒蝦所以要求另上，我可以自私食，辣蝦但唔辣，有鮮甜蝦味，肉質彈牙。烤法式羊架羊架有兩大件，羊肉唔羶好啱我，但朋友略嫌唔夠羶，七成熟啱啱好，伴碟嘅薯蓉同蔬菜整體都唔錯。

同朋友在附近做完massage, 有點肚餓就來了呢間～ 裝修幾英倫風，幾有格調！ 開始時候唔算多人，食食吓就越來越多人啦～我地一人叫左一個主菜～ 1️⃣羊肉正常， 煎得幾夠火候，我個人好喜歡食佢既南瓜蓉， 好濃郁好creamy 🥰 比起出面餐廳既薯蓉， 佢都比較特別和少見！朋友叫左意粉， 唔好睇佢細細盤， 食落都幾飽， 佢既汁收得好緊， 所以都幾濃味， 上面仲有芝士粉添！ 上面既紫菜同意粉都好夾， 為意粉既味道提升了一個層次～總括嚟講，呢度都幾多人嚟食相當繁忙，應該都幾多老客戶經常過嚟食， 佢地同員工都好似幾熟～ 有少少老街坊相熟的感覺！ 當然我第一次來， 以外人身份觀察也覺得呢間野相當cozy。

呢晚響大角嘴附近搵食，見呢間餐廳走歐陸風，裝修亦好有情調，兩口子入去嘆個晚餐先。餐牌以a la carte為主，種類都唔少。兩個人揀咗一份烤雞、一個意大利飯同一份甜品share。 祖傳五香烤雞（＄268）烤雞整得十分香脆，入口非常惹味香口，雞肉肉質嫩滑。分量亦相當多，仲有香滑嘅薯蓉同蔬菜，兩個人share食都絕對無問題。海膽忌廉汁蟹肉意大利飯（$138）- 海膽忌廉汁好好味，入口creamy。配上蟹肉嘅鮮甜，意大利飯嘅煙韌，令味道更加提升，食到停唔到口。 特濃比利時朱古力心太軟（＄88）朱古力好濃郁，一切開入面嘅朱古力醬就慢慢流出，連埋士多啤梨雪糕一齊食，味道好豐富。特別要讚下，士多啤梨雪糕帶少少酸，仲有果肉，同朱古力醬好夾，真心好味。順帶一提，餐廳提供三款口味嘅雪糕選擇，包括雲呢拿、咖啡同埋士多啤梨味。餐廳放置巨型酒櫃，入面擺放不同種類嘅酒，以吧枱設計，環境舒服好坐，啱晒一面用餐一面飲返杯。最後要讚一讚，店員親切有禮，上菜速度好快。

去左大角咀搵食，見到呢間餐廳個menu都幾吸引，有我最鐘意食嘅烤雞，就入去試吓！餐廳座位唔算多，全部都係高枱，燈光柔和，都坐得舒服。餐廳更設有非常大嘅酒櫃，擺放左多款酒。租傳五香烤雞 $268烤雞幾大隻，而且雞胸位置去左骨，外皮煎到非常香脆，就連平時唔食雞皮嘅朋友都表示雞皮好香好食🤤雞肉嘅肉質幼嫰軟腍，仲有大量肉汁，醃到非常入味😝西蘭花同椰菜焗到夠淋，烤雞底下仲有薯蓉，入口幼滑🤩焗米蘭肉醬意粉 $108比平時食開嘅肉醬味道更香更濃，肉醬份量好足球，芝士令整個意粉食落更惹味同有層次😉意粉就用左扁意粉，口感彈牙！檸檬批 $68檸檬味道清新銳利，加了忌廉芝士令其口感柔順，酸甜嘅味道令人食慾大增☺️

今次探訪的餐廳Cobalt，外表是cobalt blue歐式建築，充滿藝術氣息。店內的裝潢設計也很有特色，牆上的掛畫和擺設都很有心思，昏黃的燈光和門口的吧枱讓人有一種放鬆的氛圍，不難發現他的餐具也是用Cobalt Blue這主調，很有心思。餐廳除了裝潢獨特外，還提供了許多紅白酒，所有酒都標示了價錢，讓顧客可以隨心選擇喜歡的酒款，透明度高，非常貼心。而且，餐廳的雞翼三味也是非常出名，其中我點了避風塘味，雞翼炸得香脆，肉質嫩滑，讓人一口接一口，而且只是$78，價錢十分超值。烤法式羊架配薯菜也是另一道推薦菜式，羊架外層煎得金黃酥脆，切開後嫩滑多汁，7成的話肉質剛好，配上creamy又厚身的南瓜蓉，令整個口感及層次都豐富了。令人驚喜的還有麻辣牛肉扁意粉，味道香辣，配合Al dente扁意粉，吃得過癮。在服務方面，餐廳員工非常友善，熱情地向我們介紹菜式，態度讓人感到非常舒服。若你正在大角咀尋找一個可以放鬆心情和品嚐美食的西餐廳，Cobalt絕對是一個不錯的選擇。

大角咀cobalt，充滿氛圍感嘅餐廳，以深海藍色為主色調。雖然位置唔算方便，但係裝修環境吸引，適合情侶嚟浪漫chill一下。餐枱靚，選擇多，同朋友揀咗三樣嘢食：避風塘雞翼、烤西班牙黑毛豬肋骨、XO醬酸辣意粉（好似係大概咁嘅嘢）冇諗到避風塘雞翼係有埋雞翼尖，個人嚟講唔係好識食雞翼尖，不過避風塘口味香口濃味，幾好食，適合重口味人士。黑毛豬肋骨，一上枱色澤誘人有光澤，下面鋪滿甜番薯條，分量大方，只係叫咗半份都有全份嘅感覺，調味不俗！適合打卡，外貌與內涵並重。 XO醬酸辣意粉，淨係睇個名都知道味道係惹味嘅，食落我略嫌佢偏油，但調味唔夠鹹，但朋友覺得唔錯。食到下面，味道就會比較重，建議一開始撈勻啲去食。整體進食體驗都舒適～

自家制脆炸紫洋蔥圈 $72洋蔥圈每一塊都好大舊，上面只鋪咗一層薄薄炸粉，咬落去好脆，而唔會太多粉，配上蛋黃醬，喺一個幾夾嘅組合。伊比利亞黑毛豬肋骨 （半份） $228一見到有伊比利亞豬就即刻叫咗，伊比利亞豬嘅肉質滲透大量脂肪，另外，廚師主理嘅燒烤醬好惹味，食Ribs最重要就可以食到肉質同埋肋骨配上醬籵嘅味道。泰式冬蔭公蝦意大利飯 $188泰式同意大利菜嘅fusion菜式，冬蔭公嘅香辣味道混合咗平時醬汁好creamy但食落好乾身嘅意大利飯，個味蕾真係好衝擊，你會食到香辣版嘅意大利飯，配上香烤過嘅大蝦，完全係驚喜滿分。

首先喺餐桌上有新鮮嘅檸檬水，非常健康，唔止可以解渴，仲可以補充身體所需嘅維生素C。🍋☺️Menu好多選擇，我揀左呢款烤法式羊架配薯菜，五成熟。羊架外層煎得好香，切開後呈現微微粉紅色，一睇就知煮得啱啱好，入面嘅肉質鬆軟又juicy，肥瘦剛好，入口即溶。🐑🐑呢廳嘅裝潢都好值得一提，店面採用咗 Cobalt 水藍色作為主調，牆上掛住藝術畫作，歐洲風格嘅裝潢同溫暖嘅燈光，營造出一種文藝又浪漫嘅氣息。而且牆上面有一個銀幕，可以比食客欣賞足球節目，又或者音樂影片，讓大家好好享受悠閒嘅時光。🌌🌠餐廳嘅酒吧亦都提供咗好多紅白酒，而且所有酒都標示左價錢，價錢透明，顧客可以隨心所欲咁選擇想飲嘅酒，非常特別。🍷👏🏻

🍴炸甜蕃薯條 雙式芝士醬 78 蚊🧀🥔器皿都好靚 蕃薯條整得粗身 夠口感 而且本身蕃薯條好香脆 又夠甜 外脆內軟 芝士 帶 d香咸 一咬落去 芝士既咸加埋蕃薯既甜 撈埋一齊好食🍴炸紫洋葱圈 68 蚊🔥,淨係紫洋葱 已好正 因為洋葱味香 d而且揀左大大隻既洋葱 出面既炸粉剛好 夠香脆 又唔會太厚 . 點 d蛋皇醬就好正 🍴海膽忌廉汁蟹肉意大利飯 148 蚊🦀意大利飯既飯粒好夠正宗 係夠煙 un彈牙嗰 d黎 忌廉汁夠香濃配埋整碎既蟹肉合埋一齊 好香蟹肉味 而食到甘上下就有海膽既濃味彈出黎 引出蟹肉同忌廉既香味 🦀正🍴烤西班牙伊比利亞黑毛豬肋骨 半份228 蚊🐷黑毛豬半分已好多肉 豬肉既燒汁帶 d甜 同燶邊 夠香 脆 入面既豬肉好夠滑 👍🏻配 d粗薯格 夠香脆 薯味香 點茄汁正 加埋黑醋汁既沙律菜 中和番 豬肉既膩 正#西餐 #黑毛豬 #豬肋骨 #蕃薯 #薯格 #意大利飯 #忌廉 #海膽 Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $

大角咀呢間西餐門面裝修型格，以藍色為主調，襯以金色字招牌。入到去已經望到放滿酒嘅酒櫃。晚市散叫選擇多。有沙律🥗、小食、意粉、飯類及主菜、甜品等等。我哋叫咗幾款食物都好食😋性價比高！▶️燒牛肉沙律配泰式香草汁$108燒牛肉medium rare熟度，肉質有燒過嘅牛香。沙律菜新鮮份量多，另外配以辣辣嘅醬汁分開上。▶️雞翼三味$78有三款口味，我哋揀咗青檸黑椒味。呢碟以雞髀為主，啖啖肉，新鮮炸起，外皮酥脆夠薄，雞肉嫩滑多汁。▶️明太子蟹肉天使麵$178是日無天使麵改咗扁意粉🍝蟹籽鮮橙色色澤幾靚，意粉醬汁creamy, 味道唔錯！▶️特濃比利時朱古力心太軟$88朱古力心太軟朱古力味香濃，而且配有大大球雲呢拿籽雪糕。餐廳幾適合食嘢飲嘢傾吓計，價錢唔貴，食物唔錯。

餐廳係利奧坊對面，地理位置優越，餐廳裝修都幾好，而且有長枱，可以一次過坐6-7個人，叫成枱野食都唔會覺得逼，餐廳裡面似乎仲有間房，有時房門一開，就聽到有人唱k避風塘雞翼 $78總共有6隻雞翼和雞鎚，表面鋪滿炸蒜，香味撲鼻，食落外脆內嫩，而且辣辣地，非常惹味！牛油果意粉 $108+$38（加配辣蝦）牛油果迷應該會幾鐘意，將牛油果切塊加入意粉，每一口都食到大大塊嘅牛油果，加上忌廉汁嘅加持，更令牛油果增添一分香味，食起上黎更香滑，而扁意粉口感軟硬適中。付$38可加隻辣蝦，中間切邊，可供share黎食。烤8安士澳洲草飼M2西冷牛扒配薯菜 $368味道非常好，肉質濃味且有肉汁，南瓜蓉香滑，食落甜甜地，非常match，另外仲有煎過既西蘭花同椰菜花，都非常可口。

朋友聽講呢度啲野好味於是帶我來慶祝生日，叫左小食同紅酒，藍芝士薯條好香濃，炸牛油果內軟外脆！紅酒在樽上面mark 曬價錢，仲有專人介紹！🤤主菜叫左保濕豬胺，用西班牙豬，肉汁香軟！☺️蟹肉海膽意大利飯，食得出係煮左20分鐘的彈性和質感，加上有d蟹子喺中間，食時有質感的改變，唔會感覺漏～😌Gelato 叫左咖啡同冧酒提子，雪糕好滑，咖啡味香，冧酒提子下次想再食！😆好滿足的一晚～🥰

話說呢排返工好忙，想同同事放工去chill下，今次發掘到好地方！餐廳喺奧海城附近，有好多款酒、生蠔！<墨西哥牛油果扁意粉>意粉軟硬適中，牛油果配上cream sauce，係perfect match!<烤慢煮美國豬肋骨>推介！我地點咗half cut，無諗過份量係咁多！而且肉質非常之軟腍，入面一d都唔乾，咬落好juicy，好中意個sauce。配菜亦好豐富。，有粟米、西蘭花、椰菜花etc，下次會再encore佢！<Apple crumble配gelato>推介！Apple crumble係新鮮焗起，外層好脆，要讚下個gelato，好滑，而且每一啖都係好濃嘅開心果味，配Apple crumble係好夾！！！！