COBALT

营业中

休息中

今次呢間餐廳十一月先開張，主要供應西式食品，稍為走高檔路線，一邊牆身做咗幾組藍色酒櫃，整齊排列著不同類型嘅酒，適合品酒人士享受傾偈時光，仲有一個舖滿新鮮生蠔嘅冰櫃，供客人選擇。我和朋友志在歎個豐富晚餐，試下新嘢。一道烤法式羊架配薯菜出場，賣相吸引，羊架煎至五成熟，外面黃金焦香，能夠鎖住肉汁，切開呈粉紅色嘅羊肉，冇羶味，入口好軟淋，加上特製醬汁拌食，味道好夾。亦不要忽視墊在底下的薯蓉，非常creamy又厚身，配埋黃黃綠綠的瓜，顏色好靚，令整個口感及層次都豐富咗，仲爽口飽肚㖭！食完正餐，叫咗個蘋果金堡撻配意大利雪糕做飯後甜品。侍應端上時，仲熱噃！因為個撻係即叫即焗，零舍脆口，鬆化甘香，而蘋果餡料唔會太甜太漏；開心果味意大利雪糕夠冰凍，食落既幼滑，又充滿奶香味，全個組合，一冷一熱，配合得相得益彰，兩個字「好食」，絕對不能錯過。見到餐牌上仲有提供不同特色嘅食品及美酒，唯有等下次專程返嚟大角咀再品嚐了。

自從去過幾次奧運站條食街之後，得閒會黎附近搵下好野食，唔知點解中伏率好似真係零，今晚又有好野。吞拿魚沙律用料豐富，平時只係當健康d食下菜咁，好耐冇試過沙律會有種好似食緊小食咁嘅正式感同質素。 蔬菜好新鮮，尤其鐘意番茄仔好清甜。蟹餅食得出係自家製，明顯有一絲絲蟹肉同保持濕潤，唔會太散或者粉，幼嫩得黎仲有少少彈性，啖啖蟹嘅鮮味。蕃茄蜆肉忌廉湯我預期係接近白湯質感多少少，發現同羅宋湯差唔多，蕃茄味酸酸甜甜好開胃，蜆肉都有好多好足料。加拿大保濕豬鞍淨係睇個橫切面已經知好食，好有光澤、夠哂水潤，豬鞍本身唔算好肥，但唔洗靠太多油脂已經好軟滑有肉味。 我鐘意表面煎得香口，周邊肥膏唔多唔會食到成口油，熟度岩岩好，骨位都僅僅熟透。 薯蓉夠幼滑，好香牛油味。餐酒可以揀紅白酒或汽酒，飲得出係精心挑選過，真係有令菜式加分，簡單食個dinner set配酒真係好chill。甜品最突出當然係個雪糕，係意大利雪糕個種有少少漿口嘅濃稠，特別d揀左開心果味，同食緊開心果冇分別，下次有機會想再黎食佢嘅雪糕，好高質。

朋友以前係呢頭返工，同佢重遊舊地行下酒吧街，意外發現呢間新店，食物出色、餐酒好岩我口味，居然不過係一般西餐嘅價位，未食完已經話想再黎。芝麻吞拿魚沙律作為套餐嘅前菜，無論份量同擺盤都好唔錯。 沙律菜新鮮爽脆，幼嫩嘅吞拿魚厚切，滿滿咁用黑白芝麻包裹，口感豐富，魚味同芝麻香都好突出。蝦多士就咁望個名仲以為係普通嘅炸蝦膠多士，嚟到好似蝦湯咁真係嚇親，但竟然係全晚最有驚喜。 蒜辣椒橄欖油嘅煮法雖然聽落同平時嘅tapas差唔多，但完全唔油膩，反而好似熬左個好濃郁嘅蝦湯咁，蒜片同香料好香，大蝦新鮮彈牙，同朋友一致認同會為左佢再黎。南瓜薑湯講真個薑字我有少少卻步，食落真係有好明顯嘅薑粒，但估唔到真係好夾，薑只有香味而唔會太辣，令到平時得個甜字嘅南瓜湯更加有層次。三文魚柳煎得好香，雖然好厚但仲保持到嫩滑有肉汁，底下仲有脆脆嘅魚皮好香口。 番紅花意大利飯夠晒濕潤Creamy，我食到係有啲薑黃粉味，味道溫和都容易接受，仲有啲雜菌同瓜好有咬口。我最期待嘅開心果雪糕冇令我失望，開心果味超濃，亦都冇乜果仁皮嘅苦味，濃厚幼滑creamy，值得一試。

今日出咗兩個月花紅，當然要同太太慶祝兼獎勵吓自己啦！知道大角咀有間新開西餐廳，順便試試新口味。餐廳門面用咗我喜歡嘅藍色，入內有一列整齊嘅酒櫃亦係嗰隻藍色，設計簡潔，格外顯得高貴優雅。太太鍾意食雞肉，見餐牌上main course有一款係祖傳烤雞，一於試吓。上碟時香噴噴 ，趁熱食一流，表皮金黃香脆，雞肉本身可能用咗獨特醃料醃製，食落透出絲絲香草味，裏面嘅雞肉鮮嫩細緻，肉質軟滑多汁，兩人都覺得味道啱啱好，而且份量亦適中。我本人就喜歡香口炸物，紫菜椒鹽魷魚鬚就必定唔會錯過。薄薄炸漿，令外皮炸得好酥脆，入面嘅魷魚鬚就結實彈牙，配以紫菜加醬汁，一啖一口，極之香口惹味，太太亦食到津津有味。呢餐可謂相當滿意，日後定會約朋友再嚟chill吓，歎吓美酒，環境清静，相當一流。

▫️COBALT (大角咀)大角咀利得街36-38號地下1A及2G號舖Cobalt是新開的中價位西餐廳，位於大角咀，距離奧運地鐵站只有8-10分分鐘的步行距離，非常方便。餐廳裝潢以歐陸風情為主題，店面以高貴的藍調為主題色，吸引了不少途人的注意。餐廳內左邊有藍色的組合層架，層架上放滿不同牌子的紅白酒、清酒和烈酒，牆身掛上不同的藝術掛畫，令餐廳非常有格調。🍽️雞翼三味(青檸黑椒/13香/避風塘) $78雞翼有三款味道選擇，不過餐牌寫得不清晰，我們以為三款味道都會有，最後選擇了避風塘味。雞翼炸得非常香脆，熱辣辣，肉質嫩滑，炸蒜非常多，雞翼的size也較平時餐廳的大，值得推介！🍽️明太子蟹肉芝士麵 $178芝士麵一上枱非常香，麵身很彈牙，而且非常掛汁，明太子醬但帶點辣味，口感一流。蟹肉的份量有很多，很鮮甜。🍽️辣XO醬蟹肉扁意粉 $148喜歡濃味的朋友一定要試這個Pasta，扁意粉比較乾身，但煙韌有咬口，配上餐廳特製的辣XO醬恰到好處，除了鮮甜的蟹肉，意粉也有不少菌菇，口感豐富。

利奧坊個頭有好多較為高級既餐廳舗面用藍色裝潢配上金色招牌都幾吸引人停低望一望一邊櫃放滿林林種種既酒比客人選擇坐位雖然全部都係高枱高椅設計但坐落好舒服架！椅子好寬闊同軟淋位置充足唔會頂住隻腳仲有腳踏位同朋友把酒傾計完全唔會有想盡快離開既感覺職員仲好親切介紹食物食完仲會介紹新開張優惠真係親切得泥好自然唔會有唔舒服/好chur既感覺新開張優惠:🔅星期一至星期日 12點-17點有8折優惠🔅精選生蠔半打+指定白酒1枝 $198蘭王蛋韃靼牛肉 $168將新鮮牛肉剁成碎塊，混埋生雞蛋，放上法包上一齊食，每啖牛肉肉質滑嫩濕潤，係一個好好既前菜👍👍海膽忌廉汁蟹肉意大利飯 $138一上碟已經聞到好香既味道，成碟意大利飯呈現好深既橙色，一定好足料用左好多海膽，食落好Creamy意大利飯粒粒分明好煙韌有咬口，好食加拿大保濕豬鞍配薯蓉 $268加拿大豬鞍採用高科技保濕技術，令豬鞍能保存充足水份，呈粉嫩顏色，肉質鬆軟juicy，口感嫩滑，大推👍👍👍😋薯蓉好滑，伴菜唔會淋晒總括泥講以食物咁高質數，價錢絕對唔貴，係一間你出門口已經諗緊想帶邊個朋友泥食既餐廳😆😚📍COBALT (大角咀)🔎大角咀利得街36-38號地下1

今晚收工約了老朋友在大角咀附近食飯吹水，這區的橫街窄巷有很多特色小店，去了間新開不久，裝修有點歐陸風，而且入到店內發現有不少紅酒白酒、也有日本sake🍶，最岩吹水🤭。來點送酒小吃，自家製脆炸紫洋蔥圈，賣相不錯，金黃色，脆卜卜，紫洋菜帶甜也有點辣😋。再來雞翼三味（青檸黑椒、13味、避風塘）我以為有齊三種味道，原來只可以揀一種，最後揀了青檸黑椒，雞翼脆炸香口，唔係咁易停到口🤣，點沙律醬一樣出色。香煎三文魚配薯菜+檸檬忌廉汁，魚皮煎香有點脆卜卜，三文魚肉咬落多汁，又夠厚肉👍🏻美味。最後來個海膽忌廉汁蟹肉意大利飯，器皿得睇，海膽同忌廉汁完全融入飯裡，好夾，加少少紫菜食，味覺一流享受😎。還有生蠔🦪，不過今次已食飽，下次再約大班朋友再食過😆。

大角咀利得街呢邊一向多嘢食都餐廳選擇，平時都會揸車🚙過嚟試唔同嘅餐廳，呢間係Cobalt 新開冇幾耐，之前經過見到佢以深藍色為主嘅大門，同埋好有格調靚裝修，一望入去有好多酒嘅陳列擺得好整齊🥂仲有一個好大嘅投射螢幕，以為佢係淨係一間有波睇嘅酒吧，原來間係酒吧西餐廳😮就試吓食佢嘅晚餐🍴🦪 Dooriel Creek 生蠔 $156/ 2隻呢度有個生蠔櫃，有幾款生蠔俾你揀😍價錢有$48至到$78, 聽完店員介紹，我哋揀咗$78嘅蠔殼偏黑嘅愛爾蘭生蠔，呢隻生蠔肉厚結實，入口好爽脆🤤亦有濃郁嘅海水味，餘韻非常鮮甜，正🥹🍖 避風塘雞翼 $78一碟有五隻，避風塘嘅炸蒜超多好惹味又唔會太咸，味道比較辣🌶但就十分香口，雞翼炸到脆身而不油，而且保留到肉汁👍🏻🐖 加拿大保濕豬鞍焗薯蓉 $298呢個豬鞍煮得真係好好，切開仲係岩岩熟粉嫩色，一啲都唔乾唔韌，勁易切又冇根😋切落去肉汁仲流緊出嚟🤤 豬油脂味道好濃，尤其近骨嗰到，真係好香好好食😳基本上其實佢配嘅燒烤汁都唔需要用到已經夠味，配菜又夠多，有西蘭花翠玉瓜🥦同埋🥔 好夠飽🍝 辣XO醬蟹肉扁意粉 $148呢個意粉好入味，蟹肉嘅鮮味都好出，XO醬少少辣，但唔會蓋

話說果日六合彩中咗三隻字，梗係食返餐好大角咀d隱世餐廳真係愈堀愈多，今次就搵到間正野餐廳名叫cobalt ，所以裝潢都用相應既藍色為主調，俾人種簡約高級既感覺今日餐湯係南瓜湯，南瓜味極之濃郁，食得出佢仲有落薑呢樣材料但又唔會蓋過南瓜主角，混埋少許香料調味，呢個餐湯係飲過之中既數一數二！燒牛肉沙律配泰配泰式香草汁（辣）呢兜沙律令人又愛又恨，本人極愛食草…但佢既泰式辣汁又真係幾辣下如果食得辣既朋友，一定會覺得呢兜野好正份量都唔少，尤其燒牛肉，俾得一d都唔孤寒前菜黎講好開胃炸甜蕃薯條呢個蕃薯條有得配黑松露／雙色芝士／藍芝士我地就配左雙色芝士，佢炸到淋淋地，係我最愛既炸薯條口感！甜甜既蕃薯味加埋芝士香非常可以增長脂肪！上枱之後仲會係你面前用火槍燒一燒烤法式羊架配薯菜呢碟一上枱我已經知要俾呢間餐廳正皮，因為佢配埋薄荷醬！點解其他餐廳次次都要舉手問有無薄荷醬，然後仲要無食羊點可以唔點薄荷醬？？唔點個d真係又要絕交講返舊羊先，叫左五成熟剛剛好，咬落有滿滿既羊肉騷味，好正但更加令人感動既係，佢d配料好食到癲，d瓜，薯角乜乜，唔會因為係配菜所以求求其其蘋果金寶撻配意大利雪糕甜品時間，呢個金寶有得配幾款口

大角咀新開嘅西餐廳COBALT，歐陸風格嘅裝修相當美觀！場內有多款美酒可供選擇，連手雕嘅格魯吉亞紅酒陶瓷都有，品味十足！燒牛肉沙律配泰式香草汁 $108粉嫩嘅牛扒配上辛辣嘅沙律，刺激味蕾，唔錯嘅Starter！烤慢煮美國豬肋骨（半份） $168一般嘅半份豬肋骨有4條骨，而COBALT嘅半份係有8條骨，勁抵食！經慢煮處理嘅美國豬肋骨軟腍仲好入味，每一啖都有BBQ醬嘅煙燻香氣仲有蜜糖嘅甜美，十分可口！伴碟嘅蕃薯條好香脆，車厘茄同埋烤粟米同樣美味，正！明太子蟹肉天使麵 $178好足料，每條天使麵都沾滿明太子同埋蟹肉，啖啖滋味！

My day ended with contentment with dinner at Cobalt, a new restaurant in Tai Kok Tsui. With a simple design, Cobalt features blue colour and displays a huge screen for relaxing scenery. It mainly serves European cuisine and also offers Asian dishes. Apologies for the bad pictures since I am not good at taking pictures under blue light. Will be glad for any advice from readers. The Christmas and New Year Menu offers dinner set at around $300-500/ set. My friend and I shared a set and risotto. H

聖誕假後見fd 又奧海城行完街, 搵到奧運站附近新開左呢間餐廳, 入面既佈置好靚🥰🥰就入黎試下～～～ 我地叫左個Christmas & New year Menu🎅🏻!先黎前菜, 包左餐湯同芝麻吞拿魚沙律配芝麻沙律汁🥗蔬菜好新鮮, 配埋芝麻醬零舍開胃, 而4片吞拿魚咬落去都好嫩滑arh 個蜆肉餐湯有粒粒蜆肉嫁😍😍😍前菜仲有份蒜辣椒橄欖油大蝦配脆多士: 蝦肉彈牙新鮮, 而蝦頭亦都帶點蝦膏味, 多士可以配辣汁醬一齊食, 辣辣地刺激味蕾, 不禁食到幾啖添呀!個main 叫左焗金黃法國黃油雞 🐥配 牛油薯紅酒汁: 超級大隻雞, 師傅係上面落左少少麵包糠, 連埋嫩滑既雞肉一齊食, 口感更高層次, 而且出奇地雞胸肉都煮得好淋, 完全唔覺得鞋口, 仲配埋蔬菜一齊食, 可以中和一下雞肉既飽膩感!另外仲包左份聖誕甜品🎅🏻🧇下面用左脆片墊底, 上面放左一球茶味既雪糕, 而且唔會好甜好漏, 為呢餐飯畫上完美句號!最後, 配左一杯紅酒, 飲落去少少苦澀, 但亦都好易入口好順口🍷係個happy ending !!總括黎講呢餐飯既質素, 的確幾高, 雖然價錢稍為貴少少, 但絕對物有所值! 有興奮食西餐既朋友,

今日去左大角咀覓食，行過見到呢間西餐睇落幾有情調，一於試下先。因為今日都仲係聖誕節前後，所以都仲有聖誕menu。餐廳有個好大嘅酒櫃，好適合入黎食下小食飲杯酒談下心。不過今日時間唔多，下次可以再黎飲番杯。由於我地唔係太肚餓，所以揀左一個main同一個risotto share食。海膽忌廉汁蟹肉意大利飯，個飯一上枱已經聞到好香，食落口啖啖蟹肉味，好鮮甜。個海膽忌廉汁好creamy，令人忍唔住食完一啖又一啖。焗法式羊架配薯菜，有三件羊架，啖啖肉，配上3款唔同嘅醫。我地揀左7成熟，食落岩岩好，口感唔錯。薯菜係粗薯條，好味道。餐廳無論環境定野食都有一定水準，menu 仲有好多野想試，下次出開大角咀就可以再黎encore。

今日經過奧運發現其實開左好多小店於是就選左一間食西餐既是日餐湯係蕃茄蜆湯蕃茄味好濃郁，滿滿既茄紅素，另外仲帶有d蜆既鮮味，味道幾特別！明太子蟹肉天使麪，呢個比較日式，上面鋪左d紫菜，而且明太子汁好濃郁，而且蟹肉份量慷慨，配上菇同洋蔥，唔會過份膩，同朋友share就岩岩好！燒大啡菇野菌松露意大利飯，大啡菇好大隻好juicy，risotto 上面鋪左芝士粉好creamy，飯外表軟滑但中心仍保留些微硬度，粒粒分明，但就略嫌唔夠松露香～最後叫左個apple crumbleGelato仲可以選earl grey or pistachio 開心果控既我當然係選pistachioGelato好creamy,日開心果味都幾夠熱辣辣既apple crumble唔會太甜，而且焗到好脆，蘋果味都好出！唔錯既小店～

過左聖誕節嘅第一個閒日, 呢間餐廳仍然充滿聖誕氣氛, 於是就入黎試吓芝麻吞拿魚沙律: 吞拿魚輕輕燒燶過, 再用芝麻輕輕包住吞拿魚外圍, 食落去零舍有口感。而沙律🥗菜亦好新鮮, 配上芝麻汁, 份外開胃。Cobalt自家製蟹餅: 食落去啖啖蟹肉香味, 再配上檸檬汁, 更有提鮮作用, 份量亦都岩岩好！南瓜薑湯: 飲落去粒粒薑味, 南瓜湯亦好creamy, 有少少潤喉作用, 呢碗湯好養生！烤加拿大保濕豬鞍: 豬鞍非常嫩滑, 食落去真係好淋好香, 斧頭🪓豬條骨絕對可以拎黎打卡～而薯蓉亦都好creamy好易入口, 再配上少量蔬菜, 可以中和返之前嘅飽膩感！聖誕甜品係pancake + 雪糕: pancake稍為硬左少少, 有別於我認識嘅pancake, 而上面放左球茶味雪糕, 食落去唔會好甜, 但好好味, 呢個一讚！最後一杯指定白酒: 飲落去好易入口, 少少fruity, 為呢餐飯畫上完美句號！