COBALT

营业中

休息中

去尖沙咀佐敦覓食得多，呢日就轉去場去大角咀搵小店醫肚。見呢間餐廳以Cobalt藍作主題，好eyecatching，於是就入去試下。雖然餐廳不大，大概可容納廿十人，但擺位幾鬆動，幾好坐。座位的另一邊係儲放酒水既櫃，一貫餐廳名既風格，以藍色做主調，型格得黎，又幾chill。係度食飯係幾有放假既感覺。自家制脆炸紫洋蔥圈絕對主觀好味指數：4/5炸皮好脆，又唔算厚，仲見到紫洋蔥既樣，有做到外脆內爽既口感。相對一般既白或黃洋蔥，紫洋蔥有較多花青素，具有抗氧化的功效，又少d水份，食落健康又爽脆一點。呢個小食好似叫脆炸牛油果配泰式醬汁。黃金既賣相好吸引，估唔到牛油果咁重脂肪感炸出黎都無咩油膩感。絕對主觀好味指數：3.5/5牛油果夠熟。明太子蟹肉天使麵絕對主觀好味指數：4/5睇個樣都知夠Creamy，食落每啖都有明太子同蟹肉既味道，上面既紫菜應該係用黎增添d日式既感覺。如果唔鐘意紫菜既，可能要落單時跟餐廳提出。心太軟絕對主觀好味指數：4.5/5賣相平凡但質素有驚喜，心太軟少甜，可可濃度高，同冰感既雲呢拿雪糕做到一冷一熱既口感，而且甜度相若，唔會蓋過兩者的味道。

早排同男朋友試左呢間餐廳，D野食大份又好味，午市食一個餐先1xx，就有齊餐湯/沙律+Main+餐飲，我地食到超飽😆❀餐湯及沙律❀呢日餐湯係椰菜花湯，有陣陣椰菜花香味，甜甜地；沙律菜新鮮又大份，好足料。❀蘭王蛋韃靼牛肉❀必試既韃靼牛肉，賣相好靚，牛肉唔太肥，好新鮮，口感滑嫩仲有濃濃蛋香味😋❀祖傳烤雞配黑松露野菌❀半隻大烤雞，烤到外脆內軟，切開會有肉汁滴出黎，食落好juicy，又有雞油香味。❀烤紐西蘭法式羊架❀羊架有3塊，肥膏唔多，揀左七成熟，望落粉粉地色咁，食落肉味濃郁，冇乜羶味。❀蘋果撻❀用上原塊蘋果製作，中間仲有少少nuts，食落酸酸甜甜咁，又唔會好膩。❀奶茶及檸檬茶❀奶茶茶味幾香；檸檬茶都OK既。

大角咀呢個新舊交替既社區，出名多小店，好多餐廳都好高質。今次試下間新開既西餐廳。門外裝潢簡潔，店內既掛畫、燈光、酒櫃亦提升了餐廳格調。而且主題鮮明，牆身餐具均用上同店名一樣既Cobalt Blue. 令人印象深刻。睇得出設計花過唔少心思，話雖如些，食物價格都親民。Set lunch $70-$148, 已包沙律主菜飲品。脆炸牛油果配泰皇醬酒吧餐廳炸物少不了，但炸牛油果真係少見。炸漿好薄而且好酥脆，入面牛油果好軟綿，口感似南瓜／地瓜天婦羅，另外個泰皇醬少少辣，配上牛油果好夾好好味。燒大啡菇野菌意大利飯上枱先發現大啡菇用炸既，幾有新意。意大利飯做得唔錯，煙韌有口感，仲好creamy。豬鞍伴薯菜連骨豬鞍火喉按制好重要，要確保熟之餘而唔過火。呢個有驚喜，而且青面還做到有點炭燒香味，入面保持軟嫩多汁，唔錯。心太軟配雪糕能夠以好味既甜品作結絕對為整個用餐錦上添花。無論個心太軟定雪糕都好高水準。蛋糕外圍少少脆，中心成溶岩狀，朱古力味濃而唔會過甜。雪糕密度高夠軟滑，必試。另外值得一提係呢度既服務好好，程序跟足，上完前菜先到主菜，最後食晒先上甜品，唔會一次過大兜亂。而且會主動幫忙加水及攞碟比我地shar

餐廳舖面唔大，有幾張High Tables，坐到十幾人，但裡面應該仲有啲位，呢晚去到仲有人唱緊K添，應該有個包廂。餐廳係一間酒吧餐廳，裝潢新淨，環境Cozy舒適，放工Happy Hour或約埋朋友聚會都幾Chill，唔止有酒類飲品，呢度食物質素都幾唔錯。價錢本來就唔貴，而我見以OpenRice訂座，於閒日指定時段仲有八折。烤慢煮美國豬肋骨 ($168/半份): 無Expect過$168元半份有咁大份量，足足約有八件骨，仲有超多炸甜蕃薯條，若二人食一份都應該飽左一大半。豬肋骨肉質軟嫩，肥瘦適中，帶適量脂肪，且含豐富肉汁，非常Juicy，肉味香，無雪味。燒烤醬惹味，但唔會過多而產生油膩感。炸甜蕃薯條酥脆，亦夠香甜。唯一建議係甜蕃薯條應該分開上，而唔應該墊底，因為吸左少少肉汁後無咁脆口。烤澳洲草飼M2西冷牛扒配薯菜 (8oz) ($368): 熟度為Medium(五成熟)，肉質粉嫩，火候掌控得唔錯，無overcooked，肉汁豐富，牛味香濃。辣XO醬蟹肉扁意粉 ($148): 蟹肉非常多，仲要係大大塊，可謂啖啖都食到蟹肉，醬汁加上香辣嘅XO醬，微辣，帶咸香，幾惹味。扁意粉唔會太淋，爽彈有咬勁

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 🌼 燒大菇野菌松露意大利飯 148天婦羅菇咁野菌松露個菌味都幾香食完唔覺佢好膩之餘味道上唔會話好單一🌼 自家制脆炸洋蔥圈 72炸出黎咬落個洋蔥🧅仲好新鮮 👍🏻 🌼 海膽忌廉蟹肉意大利飯 138忌廉有少少掩蓋海膽味入面每啖都會有微細嘅蟹殼粒咁飯粒軟硬適中🌼 Dooriel Creek N0 156 兩隻我麻麻地大隻嘅蠔🦪 依個就perfect la 海水味唔重，鐵味就更加light 賬卜卜都幾易入口環境有feel 不過當晚去就嘈咗少少本身鋪位唔算大 如果要等位就可能要等耐少少另外，係OpenRice到個payment method 寫有得比卡但埋單嘅時候話只收現金ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇💌 有咩好野快啲分享比我地知啦 😎 期待你嘅推介 ❤️🔎 #cass_奧運🔎 #cass_olympic 🔎 #cass_barrestaurant🔎 #cass_bar🔎 #eatwccinhk

大角咀區有好多唔同類型嘅食肆，如果唔係響嗰邊返工，都唔會特登行過去搵食，今次發掘咗間好啱放工HAPPY HOUR的餐廳。餐廳一面牆擺放咗唔同類型嘅酒，但係佢的食物都非常有特色。燒牛肉沙律配泰式香草汁 （$108）擺盤的顏色清新，上面鋪滿半生熟嘅燒牛肉，外面燒得香濃，中間帶少少生， 半生熟嘅口感非常特別，質肉軟得黎有𡁻口。下面鋪咗新鮮嘅沙律菜及蕃茄仔，新鮮嘅生洋蔥雖然味道刺激唔討好，但原來同濃味的牛肉非常夾，配合埋帶少少蕃茄的辣醬汁，辣度強勁食落超刺激，唔會蓋過主角的味道。醬汁另上可以自己控制辣度。祖傳五香烤雞（＄268）店員特別推介烤雞，上碟嘅時候香味慢慢飄出嚟。雞嘅肉質鮮嫩多汁，用咗西蘭花墊底，可以索埋雞嘅精華。烤得啱啱好唔會過熟，連最難的雞胸部份都係軟滑的。切嘅時候肉汁擁晒出嚟，大部份的骨都起晒，感覺貼心又方便。雞皮烤到非常香脆，灑上少許香草，令雞嘅味道更豐富。隻烤雞雖然望落細細隻，但食落個份量啱哂兩個女仔。酥炸大啡菇配粉紅汁（$88）小食揀咗少見的炸大啡菇，薄薄的粉漿鎖住大啡菇的水份，薄到能透出菇嘅顏色。外面炸得香脆入面JUICY，雖然係炸物，但唔會好油膩，配上有蛋黃醬及辣椒粉的

大角咀出名多好食嘅小店，今日就同朋友黎揾食～呢間小店係利奧坊附近，超易揾，雖然細細間但好精緻，店外店內嘅裝修都好有格調。座位唔多，寧靜舒服，岩晒想揾個地方好好傾計嘅聚會！餐牌嘅選擇都幾多，好多樣野都想試。不過餐牌嘅價錢可能會唔update，本身叫左一款野食後來埋單先知原來係唔同價錢，雖然價錢唔係差得好遠，餐廳同我地解釋左係未update得切個menu，所以落單前可能要問清楚個餐牌係咪已經係最update會安全D酥炸大啡菇配粉紅汁，其實叫呢個嘅主要原因係想知咩係粉紅汁～食落似係千島醬嘅味，然後有D辣味咁。不過個大啡菇都炸得幾有驚喜，皮好薄，所以好夠脆身得黎又唔會硬，配大啡菇嘅texture係好簡單又夾嘅配搭！加拿大保濕豬鞍配薯蓉，豬鞍嘅份量比預期更大，2-3個人share黎食都冇問題！豬鞍應該係用慢煮嘅方式烹調，所以肉質保持得非常鮮嫩，好juicy，而表皮又烤得微脆，呢個豐富嘅口感好加分！而調味亦都好足夠，就算唔點mustard都已經好好食。薯蓉亦都夠creamy，有淡淡嘅奶香。呢道main 真係幾推介！辣XO醬蟹肉扁意粉，佢呢個fusion 設計得幾有特色。XO醬味好突出，每條扁意粉都

出咗去奧海城shopping完朋友覺得商場入邊冇咩啱佢食,於是決定行過去大角嘴個邊睇下;-)行曬成條街俾呢個唯一一間藍色店面嘅舖頭吸引咗,係一間中價位嘅西餐廳,感覺係度食西餐氣氛都幾好好快就入咗座🤩環境好闊落好舒服,正中間有個大screen播住唔同國家嘅景色同外國音樂, staff service都非常nice!—————————————————————📍 COBALT地址: 大角咀利得街36-38號地下1A及2G號舖✍🏻/食評/◍ 明太子蟹肉天使麵 $178擺盤好靚,天使麵煮得啱啱好,軟硬適中,好掛汁,而明太子醬汁帶有微辣之餘食得出一粒粒明太子粒,感覺好creamy,蟹肉份量都不錯～😝◍ 加拿大保濕豬胺配薯蓉 $268見到main course幾個菜都想試下,一於試餐廳推薦嘅招牌菜式, 豬胺肉質鮮嫩,呈粉紅色,薯蓉改咗薯角,熱辣辣上檯十分香脆,鹹度剛好

喺大角咀附近返工，平時行過都已經覺得呢間新開嘅餐廳好特別，門面裝修亦吸引，但見到店舖位置唔多，可能更適合兩人撐枱腳或四至五位朋友，餐廳位置亦寧靜，都啱朋友傾偈新年門口貼咗揮春，幾搞笑🤣同裝修藍色格調成反差餐牌亦提供多元化的食品：包括小食、餐湯、主菜、意粉或意大利飯、再見到有生蠔提供可以選擇嘅菜式都多內裏亦擺放咗好多唔同嘅酒，如果有時間小酌一杯亦不錯，但今日揸車就唔飲了海膽忌廉汁蟹肉意大利飯 $138十分creamy，意大利飯較有口感多汁，每一啖都食到好濃烈嘅忌廉汁味道，但又唔會太濟，價錢和分量都適中烤澳洲草飼m2西冷牛扒配薯菜 $368五成熟，處理得啱啱好，牛扒表面燒焦，但中間肉質仲十分嫩，即唔會有血水滲出，而且牛扒嘅質素幾高，好好食😋

今日黎到大角咀覓食見到呢間門面好靚既西餐廳就入左去試先叫左個前菜酥炸大啡菇個皮炸得好脆咬落有菇既香味仲要都有幾多舊值得一試雖然我今次都冇叫酒但我諗如果叫杯酒再送的話應該會更加好食之後叫左個XO醬蟹肉意粉少少辣辣地意粉唔會太淋, 有咬口味道都夾唔錯如果蟹肉再多少少會比較出色XO醬味比較出但都係好食的之後主食叫左個保濕豬鞍伴薯蓉處理得好好, 個皮脆肉有咬口塊肉又唔會乾得濟仲要大大塊夠飽仲有薯蓉配上我都推薦大家試一試甜品叫左一球雪糕係開心果味個味道好開心果好真實拎黎收尾非常好滿足埋個甜品胃先離開大家如果行開大角咀都可以搵下地區小店呢間都係一間值得試既餐廳

經過大角咀 見到外貌都似幾好 （被騙）第一次也是最後一次 垃圾 西餐好小會咁不好食 講食物質素 普通又不是 好食又不是 離譜是比咁貴價錢食一啲 茶餐廳小準 肉好多時發現未熟晒 見紅 面食好鬼鹹 生蠔又有蠔碎 😵😵😵死得啦 除了炸物好小小外 （其實都係差 會有炸燶）👎🏽👎🏽💀樓面好似成日想叫人走咁 🤢🤢氣到相都不想影 ☠️☠️☠️☠️☠️☠️☠️☠️☠️不知道是否廚房無人 定還是有其問題出現 總是要等 等 等 其實間店做不到咁多人就唔好叫人係度食 慢 慢

各位新年快樂🍾️ 新一年當然要繼續食好西啦，2023年既第一餐就黎到大角嘴Cobalt ~ 點左佢幾個小食同兩個既lunch set：⭐️避風塘雞翼 佢既炸物幾好味 特別喜歡佢呢個雞翼炒得超香 上一檯已經超香 一食落口爆肉汁 仍都好入味 ！ ⭐️紫菜椒鹽魷魚鬚 呢一個炸物都超出色 味道椒鹽岩岩好魷魚炸得好香脆 忍唔住想一口又一口咁食 🤤兩個lunchset分別叫左 ： ⭐️炭烤羊架配時令薯菜⭐️炭烤美國頂級牛肉眼 均有配著菜 餐飲 餐湯/沙律無論係牛定羊我地都係叫左五成熟 兩個都煮得岩岩好 好嫩滑！最尾點少得好甜品 叫左佢既apple crumble 配開心果雪糕☺️ 好少有得揀開心果味雪糕 而佢既apple crumble 都好好味 完美wrap up 2023既第一餐😎

咁啱今日男朋友揸開車，途經大角咀見有啲肚餓就搵間落腳tea 一tea，仲要可以順便方便泊車。突然間發現呢間好吸睛嘅西餐cafe，餐廳外觀裝修都已深藍色，好有格調。入面座位唔算太多有幾張枱，屬於小店個類。要咗個XO醬蟹肉扁意粉，呢個好有驚喜，fusion 得泥味道唔錯，原來XO醬同炒意粉Crossover 10分惹味，有少少辣辣地好過癮。我哋再要咗海膽忌廉汁意大利飯，本身海膽嘅Creamy再加上忌廉嘅Creamy混合一齊，口味同感覺都非常夾，冇違和感，再配埋意大利飯，軟硬適中，粒粒分明，非常好食，又可以食到海膽嘅海水鮮味。小息我哋要咗一個炸番薯條另一款係炸牛油果條，配埋個忌廉芝士醬一流！嗌多咗個甜品share食，好少餐廳會有AppleCrumble 好驚訝呢間竟然！AppleCrumble 新鮮焗起，製作需時，但勝在熱辣辣，外脆內軟，每啖都有蘋果嘅清香，再配埋開心果雪糕簡直一流享受！有整體餐廳食物質素超級高質，下次要試吓佢嘅lunch set價錢更加抵食。

試過呢間餐廳之後，我真係發現大角咀越來越多好食嘅餐廳，都好值得大家去試吓！🔖祖傳五香烤雞💰268呢個烤雞真係超正，比想像中大隻好多😂而且味道同樣出色！外表金黃香脆，食得出用咗唔同嘅香料醃製🤭雞肉仲好嫩滑🐣配菜有薯角、西蘭花同椰菜花🥦蔬菜都有經過調味㗎👩🏻‍🍳成份菜式好出色啊🤤💫推薦指數: 9/10🔖海膽忌廉汁蟹肉意大利飯💰138意大利飯口感帶有少少煙韌，好有咬口🤗唔單止creamy，而且有海膽忌廉汁同蟹肉嘅加持之下，食落去好香㗎😇💫推薦指數: 8/10🔖避風塘雞翼💰78雞翼一共有五隻，面頭鋪滿晒炸蒜，超惹味😍食落去亦都唔會太辣啊🤓雞翼炸到脆卜卜，食落去仲好juicy添😚💫推薦指數: 8.5/10🔖蘋果金寶撻配意大利雪糕💰68Apple crumble口感香脆鬆化，而入面嘅蘋果蓉亦都唔會太甜啊🍎而意大利雪糕嘅口味係開心果味~雪糕質感幼滑，帶有濃郁嘅開心果味☺️嚟到要試啊！💫推薦指數: 8.5/10

家姐話請食晚飯，梗係要搵間啱心水嘅西餐廳啦！剛開業嘅Cobalt係首選。簡約歐洲式風格設計，燈光柔和， 一系列藍色酒櫃，配以高檯及高櫈，似吧檯，最適合收工去嘆酒、食飯及暢聚。我鍾意食辣，呢個辣XO醬蟹肉扁意粉 ，裏面嘅XO醬有少少辣味，蟹肉經炒過之後，有微微鹹香，同時扁意粉亦吸收咗其味道，變得夠濃郁、有咬口，但唔油膩。家姐較喜歡清新口味，燒大菇野菌松露意大利飯啱晒佢，大菇充滿清香，又淋又滑，鮮味央然，野菌及松露味雖然唔太突出，但夾雜著軟綿口感嘅意大利飯，軟軟糯糯，無損食出原材料真味道。最後好欣賞餐廳用上深綠色餐碟器皿，好古典優雅，餐具款式亦好靚，我非常喜歡。