更多
2023-09-02
51 浏览
同小朋友去完玩,就梗係去食返餐好㗎啦!去到大角咀嘅Cobalt,俾佢嘅藍色💙外型設計+金色字嘅招牌吸引咗,So Cool!!!入到去見到一大個酒櫃,來自世界各地唔同種類嘅酒,仲有精緻嘅裝飾,下次應該要同朋友一齊嚟food pairing😂,chill返下!店員超細心見到我哋咁多人又有小朋友,於是俾咗間房我哋,嘩!入到去真係不得了😍,有獨立廁所,仲有卡拉OK😱,大人細路都開心死😆,我哋仲另外叫咗兩款餐牌上面無嘅主菜俾小朋友,店員都話可以特別整俾我哋真係超級好吖!餐牌好多元化,我哋叫咗幾款主菜、小食同埋甜品:🍟炸薯條 $68新鮮薯仔熱炸,外脆內軟,新鮮炸出嚟最好食,俾小朋友搶購一空,我哋食完再叫多碟🤭!🍝香煎鵝肝牛肝菌闊蛋麵 $158鵝肝香口入口即溶,牛肝菌醬鮮味濃郁,闊蛋麵蛋味香濃,麵條煙韌彈牙。🥘蟶子皇海膽意大利飯 $168蟶子大大隻,飯粒充分被金黃色的醬汁包裹,鮮香濃郁,煙韌有嚼勁。伴碟的墨汁脆脆,香脆可口。🍝傳統香草茄茸意大利麵新鮮原隻蕃茄打磨成濃郁茄蓉醬,配上爽口意大利麵加鮮蘑菇,素食者都啱食,酸酸甜甜小朋友仲搶着食添!🍝卡邦尼煙肉意大利麵濃郁牛奶忌廉汁配上鹹香可口煙肉,意粉爽彈
去到大角咀嘅Cobalt,俾佢嘅藍色💙外型設計+金色字嘅招牌吸引咗,So Cool!!!
入到去見到一大個酒櫃,來自世界各地唔同種類嘅酒,仲有精緻嘅裝飾,下次應該要同朋友一齊嚟food pairing😂,chill返下!
店員超細心見到我哋咁多人又有小朋友,於是俾咗間房我哋,嘩!入到去真係不得了😍,有獨立廁所,仲有卡拉OK😱,大人細路都開心死😆,我哋仲另外叫咗兩款餐牌上面無嘅主菜俾小朋友,店員都話可以特別整俾我哋真係超級好吖!
餐牌好多元化,我哋叫咗幾款主菜、小食同埋甜品:
🍟炸薯條 $68
新鮮薯仔熱炸,外脆內軟,新鮮炸出嚟最好食,俾小朋友搶購一空,我哋食完再叫多碟🤭!
🍝香煎鵝肝牛肝菌闊蛋麵 $158
鵝肝香口入口即溶,牛肝菌醬鮮味濃郁,闊蛋麵蛋味香濃,麵條煙韌彈牙。
🥘蟶子皇海膽意大利飯 $168
蟶子大大隻,飯粒充分被金黃色的醬汁包裹,鮮香濃郁,煙韌有嚼勁。伴碟的墨汁脆脆,香脆可口。
🍝傳統香草茄茸意大利麵
新鮮原隻蕃茄打磨成濃郁茄蓉醬,配上爽口意大利麵加鮮蘑菇,素食者都啱食,酸酸甜甜小朋友仲搶着食添!
🍝卡邦尼煙肉意大利麵
濃郁牛奶忌廉汁配上鹹香可口煙肉,意粉爽彈,忌廉汁味道夠濃配上意粉剛剛好,秒速俾啲小朋友食晒!
🍮傳統法式焦糖燉蛋 $58
超滑嫩嘅焦糖燉蛋,一啖即滑落口腔,推介呀😋!
🍫法式朱古力心太軟 $68
外面香脆熱辣辣,一切開朱古力留心澎湃湧出,配上雲呢拿雪糕,又唔會太甜,一熱一凍,味覺享受!
原來呢度可以同在場同事或者侍酒師一齊從酒櫃揀選美酒再配美食😱,美酒佳餚一定好貴,呢度簡直係突破傳統吖😆,我決定下次一定要同朋友嚟book房唱K,嚟返個Causal Dining Plus,諗起都爽呀😆!
1 浏览
0 赞好
0 留言
1 浏览
0 赞好
0 留言
2 浏览
0 赞好
0 留言
2 浏览
0 赞好
0 留言
16 浏览
0 赞好
0 留言
2 浏览
0 赞好
0 留言
张贴