Deep Sea Oyster & Steak

营业中

休息中

今日我同朋友去咗尖沙咀一間高級西餐廳，呢間餐廳有多款餐牌，set dinner選擇非常豐富，包括品酒套餐、一人套餐、二人套餐等等。無論係前菜、湯品、炸物、熱食、刺身、扒類都有，而且連甜點都有五款，真係好吸引！我哋兩個決定簡單啲，叫咗一個單人套餐，加上兩款單品。套餐內容非常豐富，首先上嚟嘅係沙律，沙律新鮮，配料多樣，特別係嗰啲自家製醬汁，味道清新，食落去好開胃。接住就係三文魚骨湯，湯底清淡，帶有三文魚嘅鮮味，喝落去好舒服，感覺好營養。然後上嚟嘅前菜更加令人期待，係兩隻燒大蝦同埋一大隻生蠔。燒大蝦外脆內嫩，蝦肉鮮甜，搭配少量檸檬汁，味道更加突出。而生蠔就真係新鮮到不得了，口感滑順，海洋味十足！主菜方面，我選咗肉眼扒，要求7成熟。肉眼扒上來時，香味撲鼻而來，肉質滑嫩，咬落去感覺好juicy！我哋仲叫咗椰子水，飲落去清爽又解膩，真係好適合搭配重口味嘅肉類。而且，我哋仲單點咗原隻燒大魷魚同蟹膏意粉。燒大魷魚外脆內嫩，味道香濃，搭配住少量的黑椒，更加提升咗整體風味。至於蟹膏意粉，意粉煮得剛好，蟹膏濃郁，好creamy，真係一口接一口！最後，甜品方面我哋叫咗柚子雪巴。呢個雪巴真係驚喜，柚子味道清新，

*尖沙咀樓上舖西餐Deep Sea Oyster & Steak，店內環境燈光昏暗，非常有氣氛～餐廳除左有主打嘅即開即食生蠔，仲有其他唔同小食主食，啱晒大家週末放工過嚟傾計食嘢Chill下～＊ 生蠔 ＊ · 10/10 今次揀咗來自三個唔同地方嘅生蠔— 西班牙蠔Arousa、愛爾蘭Achill、法國Ancelin。每款都非常鮮甜creamy，西班牙蠔、愛爾蘭蠔口味會比較強烈一啲。如果鍾意蠔味比較light d，我就非常推薦法國蠔，味道容易入口，肉質又肥美。＊ 燒牛舌心串 ＊ · 8.5/10 串燒牛舌心有三塊，每塊都好厚身，肉質都幾彈牙。牛舌邊會燒到邊邊有焦，食落焦香感十足～＊ 冰鎮醬燒鱿魚 ＊ · 9/10 用醬汁烹調好熱辣辣嘅魷魚條，再放喺凍冰冰嘅冰粒上面，呢個冰火兩重奏都幾有趣！醬汁有dd似xo醬，香辣惹味，再包裹著爽口嘅魷魚，都係一個唔錯嘅下酒菜選擇～＊香辣蝦蝦炒意粉 ＊ · 8/10 香辣蝦蝦炒意粉炒得非常好，唔會太乾，醬汁會掛喺意粉上。蝦肉份量都啱啱好，唔會食意粉到最後冇肉食～食到意粉有番茄同黑椒調味，酸酸甜甜又帶點辣，超級好味～🪧 Deep Sea Oyster & St

Deep Sea Business Set ($868)什菜沙律：雜菜新鮮爽脆，沙律醋酸甜開胃迷你刺身拼盤：有魚、貝、蝦，爽口無腥味是日餐湯：三文魚味噌湯有三文魚頭、大蔥、蘿蔔、日式腐皮。足料又唔太咸，味道唔錯精選生蠔：愛爾蘭生蠔海水味淡，鮮嫰爽滑。西非野生蠔好飽滿，口感creamy。煎脆皮鵝肝：鵝肝油香豐富，多士煎得鬆脆香口，一齊食唔油膩，好滿足。美國安格斯牛扒：好大塊份量足，肉質彈性有口感，肉味濃郁。配上薄蒜片，味道幾夾。深海海鮮拉麵：有蟹棒、蝦、魚片、流心蛋、冬菇，材料豐富。湯底濃，帶有點胡椒味。套餐包2杯飲品，叫咗椰子水同西柚梳打。環境氣氛安靜舒服，可以同朋友慢慢傾。有機會想試其他種類生蠔😋

一入到去就俾左冰水我地 好貼心阿😍環境十分優雅，昏暗既燈光營造出浪漫既感覺🥂好適合情侶拍拖或者週年紀念日去🌹🌟 法國Synonyme Oyster 🦪 肉質厚身啖啖肉，口感層次一流，帶有鹹鹹既海水味。配上Cocktail Sauce及檸檬汁，好好食😍🌟 牛油煎大蝦🍤大蝦煎到半熟，口感彈牙，仲有陣陣牛油香😻而且已經剝殼，真係好貼心👍🏻🌟 鵝肝多士多士烘得十分香脆，鵝肝外皮煎得酥脆，但入口即化，香嫩幼滑而不膩。配上黑醋汁，仲可以減低佢既油膩感😻呢個價錢真係一分錢一分貨阿👍🏻👍🏻😍🌟 松露蟹膏意粉 一上枱就有好香既松露味，意粉亦都好掛汁，仲食到蟹膏味😻強烈推介大家一定要食呢個😍🌟青提梳打🌟西柚梳打

係Openrice見到，9:30後宵夜時段七折，咁岩工作完，見咁抵食同工作伙伴去食下啦！上到去環境好靚，有高級西餐廳嘅感覺！仲可以望到出邊嘅環境添！嚟呢度當然要食法國生蠔。生蠔夠凍，蠔味鮮甜，仲切埋底！食蠔當然要配白酒，白酒香甜！海膽三文魚他他上面超多海膽！另外叫了三文魚油甘魚刺身，非常鮮甜！配上清酒，味道一流！鐵板燒沙巴大虎蝦黑椒味重，非常惹味！仲切開咗，好方便食，好細心，蝦肉爽脆，蝦頭都好香！牛油海螺和蘆筍也非常鮮甜香脆！鵝肝多士也非常香脆！芝麻燒雞翼外脆內軟。燒雞泡魚乾很香。串燒都很香，很Juicy。甜品方面選擇了柚子雪葩好fresh，朱古力蛋糕很濃郁！店員都非常友善和helpful，廚師也非常細心，讓每一個食物都非常方便進食！10分推介！

結論講起，意想不到，好好食！平時好少上嚟呢幢大廈，但朋友講開呢間餐廳唔錯，咁啱有飯局就揀咗呢度試吓地方細細，但氣氛唔錯，約會或者生日飯等等都唔失禮我哋兩個女仔胃口細細，簡單叫咗三樣嘢同飲品鵝肝多士必食項目，鵝肝煎到外脆內軟，加上黑醋平衡油脂嘅感覺，再加埋脆口嘅多士，油份同多士融為一體，精彩安格斯薄切好嘅食材就係可以簡單處理，煎香左嘅薄切牛，配合脆蒜，簡單但係好好食松露蟹肉意粉睇落平平無奇，但非常驚喜。意粉質地有咬口，醬汁松露香味好重，夾埋份量充足嘅蟹肉，本來只係諗住叫一款主食用黎填肚，點知質素咁高🤤飲品方面，叫咗青提梳打同埋雪梨桂花茶，正常發揮最直接嘅評價，就係好食！唔係淨係擺盤靚，或者食裝修嗰啲餐廳，睇得出係對食物又要求，有心機嘅餐廳，支持！

朋友自遠方來，搵間好餐廳一齊食好西，傾下計！呢度係不二選擇！餐廳唔算好大，坐得舒服，又唔會好嘈，服務周到。叫左兩個一人套餐，勁多野食，食到好飽😎😎Earl grey coffee ，淡淡既Earl grey 味同咖啡味好夾！餐沙律呢度一人份，都唔少，沙律菜多新鮮，沙律汁酸酸地，好開胃！三文魚湯材料豐富，個湯濃郁。每人有兩只不同款既生蠔呢只係西班牙，好大只，食落好creamy 呢只較濃味，海水味重啲。韓國蠔好好肥美，食落好清甜，好好味！每人仲有兩只牛油煎大蝦蝦肉好爽口，好大只，好甜美，用牛油煎到好香口！加拿大斧頭豬扒豬扒最驚啲肉好鞋，但呢個啲肉質唔鞋，juicy ，夾住蒜片食好夾！青醬雞肉意粉青醬同意粉好夾，好香！雞肉都好嫩滑，整得唔錯，好食！好滿足的一餐！食到好飽！食物同服務都唔錯，值得再去！

I got off work a bit later today, and a friend told me that this restaurant has good deals in the evening, so I decided to give it a try.After going in, I was impressed by the wide variety of seafood choices. The oysters are also fresh daily, looking very fresh.French Oysterslump and creamy, sweet and delicate, rich in vitamins and minerals, with a smooth and juicy texture.West African Wild Oystersifferent from the French oysters, these West African wild oysters are from a natural environment. T

📍Deep Sea Oyster and Steak(尖沙咀)尖沙咀山林道38號銀座13樓A號舖喺食肆林立嘅山林道行到差唔多盡頭，見到棟大廈全部都係食肆之際，就比呢間餐廳吸引咗，雖然主打係食生蠔，但我同朋友都唔食，所以就食咗其他，一樣咁出色👉美國安格斯肉眼扒💰$298😋😋😋😋.8/5呢度主打都係食扒，一於就試下，叫咗塊五成熟嘅肉眼扒，比想像中的大件很多，肉質鮮嫩，係我喜歡嘅熟度，非常重牛味，咬落口肉汁流哂出嚟，炸薯角香脆可口，令人食唔停👉松露蟹膏意粉💰$148😋😋😋😋.7/5散發出陣陣松露香味，聞到已經流哂口水，食落啖啖都有蟹膏，非常濃郁，而且一啲都唔漏，兩個人食剛剛好回頭：yesyesyes!今晚唔太餓，試咗好小嘢，下次嚟一定要叫多啲食

Tucked away on a quiet side street in the bustling Tsim Sha Tsui neighborhood, The Prime Cuts is an unassuming gem that delivers an exceptional fine dining experience. As soon as you step through the doors, you're greeted by an elegant, modern ambiance adorned with crisp white tablecloths, dark wood accents, and tasteful artwork lining the walls.The menu at The Prime Cuts is a carnivore's delight, with a focus on high-quality meats and seafood. To start, the Angus Beef Tartare is an absolute mus

今日收工比較夜，聽朋友講呢間餐廳夜晚嚟有折，咁又試吓了入到去有非常之多嘅海鮮選擇，而且生蠔亦都係每日都唔係一樣，睇落非常新鮮法國蠔:肥美飽滿、鮮甜細膩, 富含豐富的維生素和礦物質,口感滑潤多汁西非野生蠔:與法國蠔不同,這種西非野生蠔產自自然環境,口感更加渾厚濃郁。它們生長在清澈的海水中,吸收了大量的礦物質,故而口感格外鮮美動人。香煎美國prime牛小排:牛肉質地鮮嫩多汁,煎制後外酥內軟,散發出誘人的香氣。非常不錯。角切魚生沙律:新鮮的魚生被切成整齊的小塊,搭配爽脆的蔬菜和爽口的醬汁,口感清新可口。牛油煎帶子(2隻)：帶子本身鮮甜可口,加上牛油的香醇滋味,口感格外rich鵝肝多士:以香滑細膩的鵝肝為餡料,夾在烤得香酥的多士中,既有鵝肝的醇香,又有多士的酥脆,口感層次豐富。作為前菜或下酒菜都是極佳的選擇。牛油煎大蝦(2隻)：選用肥美飽滿的大蝦,用牛油慢慢煎至金黃,外酥內嫩。蝦肉鮮甜彈牙,加上濃郁的牛油香氣,口感十分豐富。

慶祝朋友生日，嚴選左一間有氣氛又舒服既餐廳預先book 左位加上六點鐘就到，所以唔太多人。我地坐低一傾就傾左成兩個幾鐘😂😂食物質素都好好！睇下我地食左咩啦！角切魚生沙律好多魚生！正！有三文魚同油甘魚等！好新鮮，無腥味，加上沙律醋酸酸地，好開胃！大大碟，两個人食都幾full冰鎮醬燒魷魚上枱時啲魷魚係熱辣辣既，好柔軟彈牙心諗，點解熱食又要冰鎮甘奇怪？食食下就知啦！當魷魚冰鎮凍左後又一口感，會變得爽口，似涼伴！一送兩食好過癮！青醬雞肉意粉青醬味道特別，同雞肉同意粉好來，好鐘意食！加上雞肉嫩滑，滲透晒青醬既味道，好食！加拿大斧頭豬扒配菜好多，滲透左豬扒既肉汁同油脂，好香，好正！豬扒煎到外脆、焦香，肉質就好嫩，好juicy !夾埋蒜片食好夾好香脆！Cappuccino 好香濃！好滿足既一餐！好適合情侶同朋友黎，野食質素高，坐得舒服又有氣氛！

約朋友黎到尖沙咀搵食，佢提議食呢間就一齊黎試下啦！餐廳唔算好大，但坐置坐得舒服，又唔會趕你走，可以同朋友慢慢傾，慢慢食！仲好適合拍拖黎撐枱腳！可以散叫，又有幾個套餐可選擇，最後我地每人選左個$500蚊到餐，有沙律、湯、前菜、生蠔、主菜同飲品，食到超飽！沙律新鮮，湯夠濃，好多料生蠔有兩款，套餐每人包兩只！左邊係韓國生蠔，右邊係西班牙好肥美，食落好juicy , 無腥味，好甜美，好好食！相對而言，韓國蠔較鮮甜，而西班牙蠔海水味重啲，但都好好食！牛油煎大蝦煎到好香口，好大只，一人有兩只，蝦肉好爽甜！主菜叫左牛小排煎到剛剛好，肉質好嫩滑！唔會太瘦，有少少筋，又唔會太肥膩，有牛味，正！加拿大斧頭豬扒豬扒最驚肉韌、鞋，但呢個肉質稔，煎到外焦脆，肉夠juicy !!推薦！叫左兩杯飲品Americano 同石榴特飲，兩杯都好香，飲杯野作結尾，正！總括而言，無論食物、坐位同服務都好好，好滿足，會再黎既餐廳！

Deep Sea Oyster& Steak📍位於尖沙咀山林道嘅一間多國菜餐廳，有扒類，意粉，生蠔，刺身，亦都有日式串燒小食。想同朋友靜靜地傾下計食少少野，好啱嚟呢間食，燈光柔和，有蠟燭燈飾點綴，環境舒服雅緻💛🔶雞泡魚乾好鍾意食呢個雞泡魚乾，好似零食咁，越𡁻越香，食唔停口。雞泡魚乾唔會燒到好乾，外脆內軟，甜甜咸咸，勁正！🔶海膽三文魚他他配多士外型好精美，大大塊海膽鋪在上面，仲有金箔✨香脆脆嘅多士配上鮮甜嘅海膽、混合沙律醬嘅三文魚粒，口感豐富，味道有多重層次！🔶燒沙巴大虎蝦虎蝦比想像中大隻，鮮甜多肉，口感厚實，肉質紮實飽滿，厚實得黎又有彈性，蝦味濃郁，簡單嘅調味已經好好食😋🔶燒鰻魚鰻魚好厚身，肉質柔軟滑嫩，烤到表面金黃焦脆、內裡軟嫩多汁，醬汁嘅香甜滋味也恰到好處，既唔會過於濃郁而掩蓋左鰻魚本身嘅鮮味👍🏻🔶燒牛舌心串厚切牛舌好有牛味，係牛舌中最軟嫩嘅部分，入口爽脆多汁，有嚼勁而唔韌 🔶日本黑豚五花腩串五花腩燒到表面香口，好有嚼頭，咬落去肉汁香甜充滿油香

喺寧靜嘅山林道，有一間有情調嘅日式西餐廳，餐廳裝修有一份寧靜古典美，非常適合情侶拍拖去。睇得出餐廳嘅裝修放咗唔少心思，如果你細心嘅話喺餐廳唔同角落會搵到貓貓，仲有一啲細緻位都照顧周到，令人會心微笑。餐廳主打唔同嘅日式食物，有刺身，串燒，生蠔，日式意粉等等。喺炎熱嘅夏天，一入到去店員細心俾咗兩杯冰水解渴。炎炎夏日點咗個角切魚生沙律，沙律嘅份量多，魚生更多，配上開胃嘅酸汁，係一個好開胃嘅前菜。另外小食就點咗冰鎮將燒魷魚，喺上菜嘅時候即刻食咗一條啱啱燒好嘅魷魚，魷魚由於非常軟熟，醬汁適中。等咗一陣間魷魚受到下面嘅冰冷凍，質地變得煙韌，醬汁更為濃郁。可以話係一個菜式，兩種食法。另外點咗日式德島串燒雞腎，雞腎非常大粒，配合埋檸檬汁，雞腎嘅味道更為突出同埋濃郁。主食方面，點咗一個蟹膏意粉。令人二想不到嘅係意粉嘅煙靭程度10分適中，而且醬汁掛滿意粉，食起上嚟令人回味無窮。完美嘅一餐當然要個甜品作結，甜品就點柚子雪芭，雪芭質地軟滑，食落去仲有粒粒柚子，有一份透入心嘅清甜。