Deep Sea Oyster & Steak

营业中

休息中

白色情人節要0T,夜佐收工想搵間餐廳醫下肚又可以坐下relax下,近近地係山林道一間樓上酒吧西餐廳,,雖然唔係好大,座位寬闊,播放音樂氣氛令人放鬆！▶美國Prime牛小排肉質鮮嫩多汁,,面頭嘅脆蒜片令味道更為豐富,食落油脂甘香牛味重,再伴以沙律菜,非常開胃,老實講比想像中有驚喜！大推!▶燒原隻日本魷魚 上枱已好香,仲大大隻,燒都好香♡最愛魷魚鬚♡每嚿咬落勁爽脆,一啲都吾韌,好好味！必嗌👍▶青醬雞肉意粉 青醬清新爽口,有淡淡的蒜香,雞肉嫩滑,意粉軟硬度適中,本人只略嫌淡味咗少少😅▶串燒豬腩片,,,燒到焦脆仍保持到佢嘅肉汁, 好有嚼頭！▶薯條拎上手仲係熱辣辣脆トト,點埋松露醬好好食!喜歡黑松露味一定要試！▶石榴特飲同柚子蜜梳打 石榴汁飲落甜甜哋好refresh~抽子蜜加梳打水,飲落酸酸甜甜~好開胃😋餐廳好適合約會或者聚會,可以坐低慢慢食慢慢傾,chill下🍻不錯！

冇諗到山林道入邊有間樓上嘅西餐廳，平時好少過嚟呢邊食嘢，我哋比較早到，好彩有訂位咋，因為發覺當晚都係爆曬場，入面場地唔算大，但係都適合朋友聚會同埋情人二人世界燭光晚餐～除咗本身Menu上面嘅食物之外，出邊仲會有塊手寫板寫時令嘅生蠔同埋其他特色食物。…牛油炒蘆筍真係好好食，牛油香得來唔會油膩，而且蘆筍切細咗，食每一啖大細啱啱好，每一舊都會有牛油嘅香！…美國安格斯肉眼，因為我哋唔鍾意太熟，所以就叫咗五成，嚟到嘅時候唔會太熟，中間望到血色，但係切嘅時候唔會有血汁。伴碟有薯塊，我哋問左店員攞蕃茄醬點嚟食，特別好食，而旁邊仲有啲沙律菜。特別一題，係上面嘅炸蒜片，本身都留意到餐牌入邊有呢一道特別可以單點嘅菜式，原來真係好好食，唔怪之得可以單點！…甜品方面，我哋叫咗一件焦糖馬德蓮貝殼蛋糕試下，焦糖喺上面焗到微燶真係超級好食，未嚟到嘅時候已經聞到佢嘅香，入邊蛋糕質感鬆軟，推薦～…飲品方面，我哋嗌咗石榴特飲，似係石榴汁加咗梳打水嘅味道，唔會太甜，幾好飲。

今日慶祝相識1000日，近排男朋友想食fusion菜，我就揀咗呢間樓上日式西餐廳，佢主打海鮮，各款刺身都有，串燒亦有不少選擇。🫶🏻我地首先點左西班牙蠔，蠔肉鮮嫩，伴隨住淡淡嘅海水味，再配上少許檸檬汁，味道清新宜人。🦪之後，又點左鵝肝多士，一啖就感受到鵝肝嘅濃郁滑順，夾喺金黃嘅多士中，形成一種極致的美味體驗。🥹另外，亦點左串燒，我地點左燒大虎蝦，大隻的虎蝦經炭火燒烤，表皮酥脆，內裡肉質鮮嫩多汁。🦐至於燒翠玉瓜亦不錯，經炭火燒烤外皮保持了清脆口感，而瓜肉卻保持了鮮嫩的質感，淡淡的炭燒香氣帶出翠玉瓜本身的甜味。🥒燒牛舌心串亦十分惹味，牛舌心肉質鮮嫩，搭配特製醬汁更添風味，幾乎入口即化。🥩燒原隻日本魷魚經過巧妙燒製，保持了魷魚的鮮味。搭配香濃的醬汁，彈牙得來不會太韌，令人回味無窮。🦑最後，點了日式安格斯牛肉稲庭烏冬，嚐到滑嫩的安格斯牛肉搭配上彈牙的烏冬以及湯底清甜，口感細緻豐富。🍜

同朋友慶生，見到呢間推介，環境唔錯，所以就揀咗呢間Deep Sea, 好chill.初頭以為係西餐廳，但原來係西式fushion日式，menu都唔少日式食物，當中包括咗刺身。今次嗌咗個西式意粉、日式烏冬、日式味增湯、fushion小食。蒜蓉青醬雞肉意粉每條意粉都掛滿青醬，好香嘅羅勒味，仲有少許芝士味，意粉好香口，加上雞肉煎得啱啱好，好夾。日式安格斯牛肉稻庭烏冬牛肉係半熟，再月 熱湯嘅餘溫煮熟牛肉，啱啱好，好嫩滑，好有牛味。安格斯薄燒師傅將牛肉鬈住啲蒜片，再燒，好香口，唔洗點任何嘢都好夠味。再加上沙律配蒜汁，好開胃。三文魚味噌濃湯有別於其他，佢係煮得好濃，連京蔥味都煮到入晒去湯、三文魚同蘿蔔到，保持到食材原味之餘，都仲可以食到京蔥味。

今日同男朋友食dinner，夜晚黎到唔算太多人，兩個人order咗一份牛排、一個意粉+一個青口。牛扒油脂比較少，而5成熟嘅牛小排做到外脆內軟，肉身都煎得好嫰滑。蒜片亦都恰如其分，煎得好香脆、加埋酸酸地嘅蘿蔔蓉，更添清新。白汁忌廉青口（+$20連薯條）白汁夠creamy，青口雖然唔算多但口感算幾煙韌，配埋蕃茜令香味更突出，薯條加左$20，不過就細碟咗啲。青醬意粉香草同青醬配得幾好味，而雞亦都煎得恰當好處，值得一讚係意粉都做到 Al d’ante 口感，幾啱我地嘅口味😋整體黎講，食物質素唔錯，不過份量都偏少，可能兩人要嗌兩份主食+兩份小食會更好。餐廳在山林道，平日都幾靜，係想同閨蜜或情侶想靜靜談天聚會嘅好選擇！

有好野分享啊！位於尖沙咀山林道嘅銀座38樓上有一間夜貓必食店！Deep Sea Oyster & Steak！9:30後道係宵夜時段，除左套餐之外，食物都有7折啊！整身餐廳係專食蠔既，但當日更氣套凍，都係想食返熱野！一試之下，每樣食物份量都好大，而且味道都好好！牛油炒蘆筍 $88廚師將蘆筍炒熟既程度岩岩好，有爽口既口感！鵝肝多士 $98必點既有鵝肝多士！勁大塊！份口即融既口感，非常creamy!!!燒山藥 $38一樣好中意食既小菜！爽口既山藥，絕對係下酒必食藥蒜蓉青醬雞肉意粉 $98特製嘅蒜蒜青醬味道好特別，而雞肉份量比想像鬥戈好多！抵食！日式安格斯牛肉稻庭烏冬 $128上枱時牛肉麵係半熟狀態！真係要把握時間食左佢！仲要配扁烏冬！口感煙煙韌韌！而麵湯麵有濃濃既牛肉味！暖笠笠！

約咗好朋友食晚飯，試咗尖沙咀呢間西餐廳，環境非常優美、配有歐陸式嘅座椅，由於喺銀座13樓，向窗望出去嘅景色非常開揚，絕對係傾計談心嘅好地方❤️😍估唔到呢間餐廳提供咁多款海鮮，不過我流感好返無耐氣管有啲痕，今次叫少少刺身試吓！我哋叫咗三文魚腩刺身同油甘魚腩刺身，一共有10片，擺盤非常精美、刺身大大塊好厚切、食落超鮮甜肥美🍣🤤主食我哋叫咗一碟松露蟹膏意粉，意粉全部掛滿濃郁嘅松露同蟹膏，意粉食落入味、靭度非常適中，配有磨菇、香草同洋蔥，係好好嘅配搭🍝🍽️另外我哋叫咗一份牛油煎帶子，原來佢將兩隻帶子嘅肉擺咗一朵花出嚟，超有心思。帶子食落嫩滑，微煎鎖住香濃嘅牛油味道🧈😋小食我哋叫咗碟脆炸芝麻雞翼，雞翼新鮮炸起，熱辣辣味道香口，肉質鮮嫩🍗🍗呢間餐廳嘅食物質素唔錯，好返下次再嚟試生蠔先得😋😋

今日我要同大家分享一間喺佐敦好食嘅西餐廳，就係呢度嘅菜式多種多樣，有生蠔刺身，亦都有牛扒羊架海鮮等等，環境雅致，一定可以滿足到各位嘅味蕾。首先，我要介紹嘅係牛油煎大蝦，只需$98。呢道菜色香味俱佳，大蝦新鮮彈牙，再加上牛油嘅香氣，絕對令你食得停唔住手。另外，蒜蓉青醬雞肉意粉亦係一道唔可錯過嘅菜式，同樣只需$98。意粉煮得剛好，蒜蓉青醬味道濃郁，加上嫩滑嘅雞肉，食落幾滋味。如果你鍾意海鮮，一定要試下呢間餐廳嘅深海海鮮拉麵，只需$128。拉麵麵條彈牙，係幼身拉麵，湯底豬骨味濃郁鮮美，配上新鮮嘅海鮮，有少少辣辣地，絕對係海鮮愛好者嘅最愛。而如果你想嚐下法國蠔，呢度都有提供Chiron蠔，每隻只需$40。呢啲蠔新鮮肥美，入口即化，絕對係一個性價比嘅享受。最後，脆炸芝麻雞翼亦係一道經典嘅菜式。雞翼炸得香脆，芝麻嘅香氣更加提升咗味道，食落非常脆口。總括而言，呢間餐廳嘅菜式多種多樣，每一道都有自己獨特嘅風味，而且價錢亦都相對平實。如果你想滿足自己嘅味蕾，不妨一試呢度嘅美食。

朋友推介一間樓上多國菜海鮮蠔吧，去了尖沙咀山林道38號銀座38～13樓A號舖港鐵佐敦站D出口，步行約5至6分鐘，交通非常方便。店內面積不太大，但環境裝修雅致舒適，整齊清潔，播放著純音樂使客人放鬆地享受美食。餐廳主打多國菜，所以菜譜相當豐富，西式扒類、日式壽司刺身、海鮮菜餚應有盡有，且價格合理。1. 牛油炒什菌$78西餐廳都可以炒什菌，炒得非常有鑊氣，且份量十足，調味適中，什菌又脆又爽口，味道很突出。2. 松露炸薯條$88薯條足夠二人份量，上枱時熱騰騰，薯條炸至很酥脆，外脆內軟，薯味極濃，遠勝一般快餐廳，沾上松露沙律醬，好食都不能停口。3. 蒜蓉青醬雞肉意粉$98蒜蓉味香濃配上青醬的意粉彈牙又爽口，雞肉質感嫩滑多汁，調味恰好，滿足又飽足。4. 日式安格斯牛肉稻庭烏冬$128材料豐富，冬菇吸入湯汁，淋甜軟滑。牛肉嫩滑可口，油脂均勻。半只流心蛋，香軟糯適中。配上幼烏冬，柔嫩滑潤，入口彈牙，吸入湯汁更覺美味。5. 西班牙朱古力蛋糕$58 蛋糕鋪滿粒粒碎朱古力，濃濃的朱古力味，入口感到非常軟滑，甜而不膩，口口都是幸福，為這餐美食劃上完美的句號。

係尖沙咀附近想慶祝生日，想食日式野，又想食牛扒，於是Book左呢間餐廳，滿足晒我地嘅願望😍呢到環境都唔錯，裝飾得幾有格調，有近窗嘅位坐，闊落舒服！播住Jazz音樂好岩傾計、拍拖👍🏻我地叫左個二人份量嘅深海商務餐，入面有齊前菜、刺身、主食、飲品，非常豐富同吸引🤤沙律 & 麵豉湯沙律用咗新鮮嘅生菜同埋多款時令蔬菜，味道清新爽口；麵豉湯濃郁香濃，湯底入味！刺身拼盤入面有油甘魚、海螺片同甜蝦，每一款刺身都保持咗原汁原味，質感鮮嫩，新鮮度一流。油甘魚嘅肉質鮮美，肉質鮮嫩，入口即化；海螺片有啲咸香，口感滑嫩，令人回味無窮；甜蝦則鮮甜多汁，肉質爽脆！生蠔4隻法國西朗特級生蠔 (Chiron) 同西班牙生蠔 (Arousa)係高級享受，而且金屬味岩岩好，唔會腥！法國珍珠蠔個肉鮮甜嫩滑，肥美味美，彷彿融化喺嘴裡；而西班牙石蠔則有啲澀澀嘅味道，肉質飽滿，帶有淡淡嘅海鮮香氣👍🏻不過如果身體寒涼/腸胃敏感嘅人，可能就要小心啲，考慮下自己身體受唔受得住生蠔～煎脆皮鵝肝好鐘意食鵝肝嘅我，覺得呢個真係好好味👍🏻鵝肝煎至金黃酥脆，外層酥脆，入口即化，而內裡嘅肉質鮮嫩順滑，散發出濃郁嘅鵝肝香氣🤤美國安格斯肉眼+厚切薯條

同朋友慶祝去食大餐～找左一間佐敦樓上店😆上到去人唔多，坐落都好舒適十分適合2-4人傾計去😍直接叫左個2人深海商務套餐，再配左個燒山藥（我鍾意食山藥）🤤餐湯+沙律：沙律無咩好講，什菜湯的湯同料份量夠，味道不錯生蠔🦪：法國chiron+西班牙arousa，夠肥美，鮮甜嫰滑😝 唔算有好勁的礦物味燒山藥：爽脆調味惹味魚生拼盤：三文魚刺身🐟夠厚身油脂不少，食落幾香。海螺片🐚爽脆彈牙口感足。蝦🦐肉質新鮮👍🏻鵝肝多士🪿：塊鵝肝油脂好足，甘香一流😋 軟綿綿入口即溶，配上脆口多士一絕😍肉眼扒(7成熟）🥩：作為ribeye牛味好夠，7成熟都唔會覺得韌證明肉質不錯。薯角🥔脆+野味唔油膩😍😍深海海鮮拉麵🍜：個湯底好rich好鮮，蟹柳一梳梳好味，隻蝦一樣彈牙👍

Ooo樓上西餐ooO裝潢以中世紀及貓貓為主 環境舒適OooooO西京燒比目魚 $128比目魚非常滑 配左少少甜甜地的燒汁煎魚皮香脆 帶少少魚油 幾出色OooooO松露蟹膏意粉 $148松露配蟹膏味道唔錯 意粉軟硬剛好食得多忌廉意粉 我反而幾喜歡呢個新配搭OooooO忌廉白酒藍青口配薯條 $188青口大大隻 有洋蔥白酒爆炒再加忌廉汁味道偏香的白忌廉味 唔會太多酒味薯條即炸 條條都脆卜卜 記住要加配OooooO鍚蘭檸檬茶 $28桂花雪莉茶 $28好喜歡此家的特色飲品杯 貓貓匙可愛極了

二人份量嘅深海商務餐，有齊我哋想食嘅嘢，由頭盤到主菜，半日式半西式，就試吓啦～沙律日式三文魚麵豉湯，帶甜味嘅日式餐湯刺身拼盤，有油甘魚丶海螺片丶甜蝦，最鍾意係厚切油甘魚，肥美！店方建議先食左邊嘅美國珍珠蠔，再食紐西蘭石蠔，美國珍珠蠔，肉厚、蠔味濃，而紐西蘭石蠔，海水味較重，啲甜味漫漫滲出嚟煎脆皮鵝肝，微脆外層，入口即溶，越邪惡越好味美國安格斯肉眼大大塊肉眼，仲有厚切薯角深海海鮮拉麵 跟餐2杯$28或以下嘅無酒精飲品凍檸茶丶荔枝烏龍茶柚子雪葩 $28清新柚子味，有柚子皮粒粒，飯後一點甜

成日都想搵一間環境清靜既餐廳，但係係尖沙咀都唔容易搵到🥲 朋友介紹左一間係山林道既西餐，話坐得好c伏，野食都唔錯😗我地一於試試佢👫餐牌上食物既選擇都好多，除左西式野之外，仲有刺身同串燒🍢 而今次我地就試左三樣野。1. 忌廉白酒煮青口配薯條青口煮得好入味，有濃郁既酒香，我地兩個人食份量都好夠，加廿蚊仲有薯條，薯條炸得都脆口，相當出色🍟🔥2. 紐西蘭羊架羊架有三條，羊架既味唔蘇，煎得好香，外脆內軟🐑仲有啲配菜同熱辣辣既薯角伴碟🥔🥗3. 松露蟹膏意粉松露味好香，蟹膏味夠濃郁，意粉好彈牙🍝都值得一試啵～除左我地，餐廳仲有兩枱客，坐得都好舒服，下次一於叫多啲朋友黎聚下傾計食飯同埋試埋其他菜🍖🍗🦪

最近去咗間位於尖沙咀、佐敦附近既一家西餐廳，呢間餐廳以美式裝修風格和專業的生蠔供應而聞名。雖然當晚同友人只係淺嘗咗幾道菜品和飲品，但食物質素極高，每一道菜都展現了他們對於食材品質和烹飪技術的注重，下次都會再encore。食物:- 美國安格斯肉眼 ($298): 這道菜以優質的安格斯牛肉眼為主，經過烹調後保持了肉質的鮮嫩和多汁。每一口都散發著濃郁的牛肉香氣，肉質口感細膩柔軟，絕對是肉食愛好者的最佳選擇！- 燒原隻日本尤魚 ($108): 這道菜以新鮮的日本尤魚為主料，經過燒烤後保持了尤魚的鮮美和彈性，搭配上燒烤的香氣和微妙的調味，給人一種口感豐富的享受。飲品:- DeepSea石榴特飲 ($38): 是一款清新的石榴風味飲品，帶有豐富的果香和微妙的甜味，非常開胃！- 西柚梳打 ($28) 則是一款清爽的調酒，以新鮮的西柚汁為基底，搭配汽水和冰塊，口感極為怡人總結而言，這家位於尖沙咀的西式餐廳以其精緻的美食和專業的生蠔供應贏得了我的讚賞，這家餐廳絕對值得一試😋