Deep Sea Oyster & Steak

营业中

休息中

Happy Friday 當然要約閨蜜一齊飯聚，傾心事兼食好西今日出黎尖沙咀山林道38銀座搭𨋢上13樓就到。裝潢以黑色＆金色做主調，俾人一種浪漫有情調既感覺，服務員有禮地遞上水杯餐廳主打西餐，由前菜主食到甜品飲品都一應俱全，招牌名有oyster and steak ,一定要試下佢既蠔同牛留意望埋門口位有塊黑板menu , 內容有哂廚師推薦菜式法國生蠔我同姊妹比較鍾情法國蠔既重金屬海水味，所以叫左兩款經典蠔，分別係：-Synanyme -Gillardeau 蠔肉非常鮮嫩肥美，最後飲埋海水，簡直係鮮味天花板海膽三文魚他他配多士唔好睇呢味外表精緻，原來仲好有內涵黎自北海道既海膽真係好creamy 同鮮味，配上同樣鮮味既三文魚他他，呢對鮮嫰孖寶夾住脆口多士，啖啖都係味蕾上既享受安格斯薄燒牛肉係必點之一，呢個安格斯牛肉味都幾出，個人覺得就咁食都已好夠味，鍾意惹味d既朋友可以點埋佢既燒汁西京燒比目魚小妹我極鍾情香濃魚脂，入口滑溜既比目魚，廚師今次燒到燶左d，如果燒到岩岩好金黃色就perfect 啦松露什菌湯未放入口已經超香松露香，入口係blend 到極仔細既什菌，加入少量奶油，滑得黎感覺到少少渣

今日同朋友去食尖沙咀既西餐，呢到氣氛幾唔錯! 食物選擇都幾多，睇個名以為係得西餐，原來仲有日式既串燒! 一次過滿足左想食唔同菜色既人。安格斯薄燒 以鐵板燒形式處理，牛肉好香，仲有陣陣既蒜片味，仲有得配埋醬汁，酸酸地幾開胃。不過個人覺得單食已經好夠味。松露蟹膏意粉松露味突出，蟹膏份量都好多，醬汁整體好creamy , d 意粉都掛曬汁，好夠味。食食下發現D意粉都幾多下，食到好飽。串燒叫左燒翠玉瓜同埋脆炸芝麻雞翼，燒翠玉瓜好juicy，一咬就爆汁，好好食。芝麻雞翼都好香脆可口。最後仲叫左個甜品，newyork cheesecake , 店員仲好有心擺碟，十分岩打卡用。感覺呢到出品用心，環境舒服，下次有咩慶祝活動都會同朋友黎呢到。

今晚放工約左朋友係尖沙咀shopping, 佢話我知山林道呢條街好多好野食, 樓上餐廳更有好多隱世餐廳, 就帶我黎呢間有情調的多國菜西餐廳晚飯. 呢到環境清淨雅致, 坐位舒適, 燈光柔和, 可以遠眺室外街景, 令人可以好relax慢慢享受晚飯~睇下餐牌食咩先, 都好多選擇, 有西式扒類意粉、日式壽司刺身、海鮮串燒, 仲有提供不同人數精選套餐, 想享受me time, 都有一人生蠔套餐, 正。頭盤我自己安排左先黎個串燒先, *脆炸芝麻雞翼(2隻) - $48, 由於雞翼外皮有芝麻一齊燒, 特別香口, 仲卜卜脆, 內裡juicy, 口感豐富*燒牛舌心串- $58, 燒到中間粉嫩, 外脆內嫩*忌廉白酒藍青口 - $168忌廉汁份量十足, 酒味香濃撲鼻, 藍青口配白酒忌廉汁味道又香又滑*松露蟹膏意粉 - $158松露香氣四溢, 食到好濃郁creamy蟹膏, 意粉軟硬適中掛汁熱騰騰的, 兩者添合一齊吃, 味道相當唔錯~

呢間平時聽就聽得多，今次真係第一次同朋友去食， 如果唔想等位，最好就事先book定枱！一入到去餐廳，店員好熱情安排我坐好位，俾咗啲Menu同推介我！見到個價錢都會有少少貴，所以諗住同朋友叫個一人餐睇吓夠唔夠食，唔夠食就再加嘢食！一人餐價錢$438:套餐包括是日精選湯，沙律，生蠔兩隻，牛油煎大蝦兩隻，美國安格斯肉眼七成熟！首先講講個湯，好濃嘅蘑菇味，出面未試過有蘑菇湯係咁濃味！好特別！另外個生蠔食得出係好新鮮，上枱時有講到特別食法，兩款唔同嘅生蠔分別要用唔同嘅汁去配合！相當特別，唔講真係唔知道！跟住就講吓牛油煎大蝦兩隻，我覺得成晚最好食就係呢兩隻煎大蝦，首先係用新鮮嘅海蝦，用牛油煎可以突出蝦嘅鮮甜味！一流！！跟住就係安格斯肉眼，我同朋友都比較鍾意食七成熟，但安格斯肉眼就相對冇大蝦咁好食，但質素其實係幾好，只不過可能想枱唔止七成熟，相對會比較有少少韌！肉眼配咗啲薯角，薯角喺新鮮即炸，食落去好熱辣辣最後叫咗個焦糖布丁蛋糕$38！呢個焦糖布丁蛋糕做甜品，簡直一流！

山林道有唔少餐廳，今次去左樓上嘅依間試下。環境靜靜地幾適合傾下計。除左menu外亦有黑板上嘅todays special揀。愛爾蘭蠔西非野生蠔口痕想試下生蠔就order左兩款試下。兩隻生蠔望落都相當肥美飽滿，入口先鹹後甜好滑嫩，又唔會過鹹，散發住鮮味，齒頰留香。食物安全都好重要，食得出生蠔係好新鮮，蠔食落都夠凍。松露蟹膏意粉意粉味道好濃郁好creamy，充滿松露香同蟹膏嘅鮮甜，每一條意粉每一啖都好夠味，而且夠哂熱。日式鐵板鰻魚炒飯鰻魚切成細細塊，幾乎每一啖都食到肥美嘅鰻魚，份量一啲都唔少。炒飯都炒得好香，唔會太乾。

今日慶祝老公生日，我預約左呢一間位於尖沙咀山林道樓上西餐廳，環境浪漫舒適幽靜，座位闊落，每張枱上面都放左浪漫蠟燭，非常有情調，好適合情侶約會或者朋友聚餐餐廳有生蠔/刺身/活海鮮/燒物/扒類/套餐選擇，我地叫左三款食物美國安格斯肉眼 $298肉質細嫩多汁，滿溢濃郁既牛肉香氣，每一啖都能品嚐到獨特既風味，叫左五成熟，熟度掌握得剛剛好，蒜片帶甜味烤得好香口，薯角炸到脆卜卜，好有口感松露蟹膏意粉$148松露味好香濃，蟹膏好多鮮味好重，意粉好彈牙，個醬汁真係超好食，啖啖都好滿足牛油炒螺片 $88好有咬口，煙韌入味，配搭沙律菜，好有驚喜雖然今次無食生蠔，但見隔離檯都有叫，好肥美，下次要同班friend再黎飲下酒食生蠔

之前去尖沙咀嘅Deep Sea Oyster & Steak食dinner，記得係成餐飯都係好開心嘅體驗，忍唔住想記錄低。餐廳裝修得好靚，食物種類都好多，我地咩都試咗啲。首先係生蠔，聽完店員介紹之後，我order咗日本蠔、愛爾蘭蠔同埋兩款法國蠔。全部都好味嘅，但我私心最鍾意愛爾蘭蠔，佢食落肉質爽口，蠔味鮮甜，海水味甘甘地，十分細膩，回甘好勁，女士應該會鍾意。主食就有澳洲草飼羊架同香辣蝦意粉。草飼羊架肥嫩，內裡係完美嘅粉紅色，餐廳嘅香料同羊架配搭得好好。香辣蝦意粉惹味，蝦肉彈牙。仲有鵝肝多士都好正， 鵝肝極度肥美，選用嘅義大利陳醋食得出係好好quality嘅，所以淋係鵝肝度恰到好處，十分解膩。日本黑豚五花腩串都出色，豚肉焦香。最後甜品係焦糖布丁蛋糕，蛋香味好出，超滿足。

山林道真係一個隱藏嘅美食天堂，今次俾我搵到一間上樓嘅西式同日式fusion餐廳😍入去到環境好舒服乾淨，讚讚👍🏻1.忌廉白酒藍青口大大隻嘅青口，配上忌廉白酒汁，個忌廉汁好香白酒味，佢仲加咗洋蔥本菇一齊煮，令到成個菜式更豐富好味😋2.燒牛舌心串牛舌夠厚，熟度燒得啱啱好，冇得輸！3.燒雞泡魚乾我覺得佢燒雞泡魚乾燒得啱啱好，嗰種中間仲好軟腍，外面燒香咗，食落口微暖，然後滲出陣陣魚嘅香甜，再加埋灑七味粉嘅沙律醬，係正㗎！4.燒油甘魚鮫（小)佢個小油甘魚鮫，嚟到嗰陣，我以為自己係叫咗大油甘魚鮫🤣好大份‼️正‼️魚皮燒得好香，入邊熟度啱啱好！下次再同朋友去試吓佢哋其他嘢食👍🏻

今次蒞臨呢間位處tst餐廳，裝潢帶有濃濃嘅歐陸式風情,給人一種優雅又舒適的用餐感受。開始享用是日精選生蠔時,首先咬下去可以感受到外殼堅硬飽滿,內裏蘊含大量鮮美的蠔肉。法國chiron生蠔肉質鮮嫩彈牙,入口即化,清新的海洋滋味在唇齒間瀰漫開來。而西班牙的arousa生蠔肉質厚實飽滿,帶有一絲微微的甜香,口感滑溜濃郁,回味悠長。松露雜菌湯濃郁醇厚,湯頭滑順,能夠充分感受到松露香氣,為整個晚餐埋下了一個不錯的基調。牛油煎大蝦亦相當出色,蝦肉鮮嫩多汁,外層香脆可口,十分入味。主菜方面的加拿大斧頭豬扒亦是一大亮點。豬肉質地扎實,肥瘦比例恰到好處,肉汁豐富,配搭四季豆等時令蔬菜更添層次,可謂盡顯廚師功夫。

山林道向係美食天堂, 我搵到間樓上鋪Deep Sea Oyster & Steak 🌟。今日食個單人餐 “深海精選套餐 Deep Sea Featured Set”($498/SET)是日餐湯羅宋湯, 濃咪, 好夠熱🥣。兩隻當日精選的生蠔，由淡至濃,先食西班牙後食愛以蘭, 入口CREAMY 🦪。牛油煎大蝦則以其金黃酥脆的外皮和嫩滑的蝦肉，非常香口🍤。 主菜的選擇包括美國安格斯肉眼牛排、加拿大斧頭豬扒、紐西蘭羊架，以及美國Prime或V.S. Prime牛肋排。今次選左美國安格斯肉眼牛排,經過精心烹調，肉質鮮嫩多汁，外層烤得恰到好處，與薯角的香脆形成絕妙對比🍟。 己經包左一杯無酒精飲品，我叫了一杯柚子梳打，好清新。餐廳的環境同樣令人印象深刻，柔和的燈光出一個放鬆的氛圍，感受到身心的放鬆💡。 下次同朋友再去🍴🎉。 

今天和朋友經過山林道朋友想食串燒我想吃西餐剛好找到這一間fusion菜。點知都幾有驚喜，一入到去成個環境都係好舒服燈光好柔和，地方雖然唔大但係都坐得幾舒服。跟住我哋點咗三文魚刺身、牛舌和五花豬腩肉串燒、鵝肝多士、蟹肉意粉和松露薯條。西餐來說是很有水準，特別是鍾意吃薯條的我們，每一次到西餐都會叫薯條，這次的薯條令到我們很驚訝因為份量十分多多，兩個人是吃不完，而且炸得好脆口，超正。我朋友就超鍾意食佢啲串燒，剛剛燒好出來勁香口，尤其是五花腩肉，肥瘦夾雜着一齊，咬落去特別好食。而且佢個鵝肝多士都唔算好貴出邊食都要二三百，喺呢度只係百幾蚊就可以食到。而且佢個鵝肝加咗一啲黑醋令到成個口感唔會咁油膩，我哋一人share一半已經好足夠，推薦鍾意食唔同菜式嘅朋友可以試吓呢間餐廳。

海膽三文魚他他配多士賣相一流，大大塊海膽上面仲有金箔好矜貴。 三文魚、海膽同沙律醬夾埋冇可能唔好食，咬落去軟滑清新夠鮮，如果多士焗到脆身就更加好。蘆筍炒鮑魚好有鑊氣，牛油炒蘆筍夠香夠嫩滑，完全唔會有草青味，係我今年食過幾出色嘅炒蘆筍。 鮑魚彈牙幼嫩，略嫌薄切左少少，大塊d口感會更突出。美國安格斯肉眼份量十足，嫩紅有肉汁，少有地跟炸蒜，食到香草味同蒜香。 呢個價位係物超所值，比坊間食到嘅肉眼大好多，自己係買唔到。

之前嚟食過覺得唔錯，尤其記得生蠔幾新鮮，一嚟即刻order咗四隻。愛爾蘭Schaller係上次最愛，雖然唔係話好大隻，但係爽滑鮮甜，海水味唔會好重，aftertaste都好清甜。 西非野生蠔味道就霸道好多，大大隻好厚肉，creamy而且蠔味好濃。安格斯肉眼有兩隻手掌咁巨型，煎得香口，啱啱好五成熟。 油脂分佈幾好，牛肉有彈性，配炸蒜好香。 鐘意薯條係明顯食到薯仔口感嘅粗薯，熱辣辣軟熟有薯味。燒牛舌芯有驚喜，估唔到會做到日式串燒店嘅水準，咬落去爆汁，厚切彈牙。

今次見到有個套餐,800幾蚊有生蠔食，好似幾底食, 但唔想食拉面, 員工好好人, 肯幫我地轉個青醬意粉,所以！可以試下問下轉個鍾意食既主菜!!btw生蠔無得揀款, 是日精選有2款, 法國蠔唔算太細,海水礦物質味好濃,自己幾鍾意應該唔係個個岩, 西非蠔夠大隻鮮甜， 沙律同刺身不過不失。 有樣野讚. 員工會mon住我地差唔多食哂就跟順序上菜, 依個價位小店幾貼心☺️鵝肝多士好好食, 煎得外脆內軟, 又唔算好偷雞薄切, 油香亦好足夠配搭黑醋.一d 都唔油滯,廚房有心煮必試。見到佢有串燒添，驚食唔哂，叫左串牛舌芯試一試, 絕對有驚喜，新鮮燒起，燒烤好夠，好乾身，入邊肉汁鎖得好好,一咬就開，肉質好淋又多汁肉味夠濃，下次會再試多幾款肉眼扒正常水準配薯角夠熱夠脆，好食過m記，扒表面煎得好,做到梅納反應又岩岩好，做到7成熟水準,個廚房佬認真做得唔錯！最後個意粉已經好飽食唔落,食左幾啖，不過係好味的！,佢羅勒味可以再重手d😆杯野飲都幾好味😂😂佢的餐牌抵食！佢的環境好正！好舒服

山林道好多餐廳就大家都知，原來樓上就有不少值得一試嘅餐廳，今次就揀咗一間有格調嘅西餐廳試吓（其實係俾佢嘅生蠔吸引咗🙈）。呢度嘅裝修好有格調，用咗綠色拼啡色嘅色調，有種英倫風嘅感覺。首先我同朋友二人每人點左杯酒精飲品，我就點左健力士黑啤生啤，朋友就點左杯 signature cocktail。我地2人點左5樣嘢，首先先試下老闆推介嘅生蠔，叫左2隻款試試，1隻係愛爾蘭schalle，1隻係西非野生蠔。2款都好飽滿大隻，真係比較唔到邊款好食啲🤣之後就係鵝肝多士，滿滿嘅油香，食完想再食。再黎係燒牛舌心串同燒大虎蝦，牛舌心食落好爽口，虎蝦夠曬大份，蝦頭啲膏好正好好味。最後係牛小排，叫左5成熟，好香牛味，熟度都岩岩好。總結成餐飯都好滿足，環境又坐得舒服，拍拖或者同朋友談心都好適合。