Deep Sea Oyster & Steak

营业中

休息中

今日係聖誕節之後，仍然保留假期嘅心情。想搵間特色西餐廳，喺OpenRice見到呢間隱世西餐廳，所以就book咗枱來食一個二人浪漫晚餐。餐廳入邊裝修得非常華麗，深綠色嘅貴族梳化椅，配上華麗嘅吊燈，座位寬敞，坐得好舒適，亦都感覺到歐洲嗰種華麗，而且氣氛非常浪漫。我哋叫咗一set 聖誕二人晚餐，因為聖誕節期間，二人晚餐同平時嘅餐牌好似有少少唔同。食材更加名貴、高級。二人晚餐包含沙律、餐湯、前菜、肉食、主食、餐飲。1. 沙律新鮮爽口2. 海鮮麵豉湯好鮮甜3. 刺身拼盤 ，有三文魚刺身、甜蝦、螺肉刺身，好新鮮。4. 海鮮拉麵，海鮮配合龍蝦湯湯底，好正。5. ⁠生蠔分開2款，美國同澳洲，兩款都好鮮甜美味，仲保留有海水淡淡的鹹味。5. 鵝肝多士，鵝肝入口即溶，外脆內軟，非常好味。多士脆卜卜，吸收左鵝肝嘅油份，好香口。非常推介呢味菜式。6. 安格斯肉眼扒，牛扒好新鮮，食到牛嘅鮮味。7. 餐飲：冰凍水蜜桃茶，甜甜地好好味；另外一杯係熱嘅花茶，用隻藍色嘅水晶玻璃杯嚟裝來盛載，好靚，打卡一流。總結，全部食物都做得好精緻，好好味，如果有埋甜品就更加好啦，下次慶祝節日一定要再嚟食。

睇相已經覺得環境好靚，好適合拍拖約會/同朋友食飯吹水而且嘢食種類都好多又好吸引就決定過嚟啦 環境真係好靚又坐得好舒服日式嘅鐵板燒、刺身到西式嘅生蠔、意粉都有(仲有好多)海鮮都有好多種好難選擇，最後都係嗌燒物 燒原隻日本魷魚 $108 上枱嘅時候已經超香~ 份量都好多大大隻可以食晒各種部位醬汁同魷魚好夾最愛魷魚鬚! 尾端部分燒都好香脆 牛油煎帶子(2隻) $98 好靚好特別嘅擺盤好香嘅牛油味，同帶子超夾! 蒜香安格斯牛肉薄燒 $148 入面有蒜片仲有蔥，完全唔洗點汁都已經好夠味又好好食好貼心咁分成一口size一啖放入口牛肉味好濃，牛肉同蒜完全係絕配! 日式安格斯牛肉稻庭烏冬 $128 烏冬幼細軟滑，食落好清爽打完卡之後快速夾起半熟牛肉嫩滑又好味 白桃烏龍茶 $28原朵玫瑰花茶 $28 都係熱飲，超可愛嘅餐具本來見到平時最愛之一嘅白桃烏龍茶就已經決定係佢因為難得見到原朵玫瑰花茶，猶豫不決之下另一半決定嗌埋佢等我兩樣都有得試玫瑰花茶入面真係有原朵玫瑰花好靚越浸得耐個味越出越好飲食物好味，價錢都唔算太貴重點係環境好舒服尖沙咀想搵個舒服約會嘅地方首選！

今日朋友帶左我去一間西餐廳係佐敦站步行5分鐘左右就到～餐廳格調好好我地叫左呢個海膽三文魚他他配多士唔止賣相非常好、打卡able味道都有驚喜～海膽配三文魚他他好夾～再配上脆口多士好味👍完全係自己想食晒一碟雖然佢地係西餐廳（見主打係生蠔同扒類）但其實餐牌都有d日式料理好似串燒之類重有呢個魚切魚生沙律又係一大驚喜份量好多、魚生既份量係好多滿滿的、而且佢地用既刺身都好鮮～三文魚子、三文魚、油甘魚等等松露蟹膏意粉濃濃既松露味、聞已經好香食落非常creamy,重食到一絲絲既蟹肉～最後我地重叫左個紐約芝士蛋糕賣相不錯喔味道都非常好～～～由前菜吃到甜品都非常滿足～見到隔離枱都食生蠔好吸引～ 下次要同生蠔控既朋友再黎先得

今日同老公二人世界拍拖👫Search之下去山林道嘅Deep Sea Oyster & Steak老公好鍾意食生蠔🦪所以決定要去試下地理位置唔算近地鐵站 但都好易搵☺️成棟樓都係美食🤤🤤🤤座位唔算多 但坐得都好舒服 一入去staff安排梳化位置☺️位置都好寬敞舒適☺️我地係呢個menu到嗌嘅生蠔🦪法國生蠔🦪評分：👍🏻👍🏻👍🏻👍🏻👍🏻我地分別嗌左三款嘅法國生蠔試😋全部都好新鮮Ancelin係好肉質好彈牙比較重海水味Josephine都係比較重海水味好有口感 好重蠔味Schaller係最肥美比較清甜海水味比較淡 但肉質口感係最有層次🤤黑松露蟹膏意粉評分：👍🏻👍🏻👍🏻👍🏻👍🏻松露控必嗌！！！超級重黑松露味😍勁creamy仲帶有每啖嘅蟹膏蟹肉😋意粉軟硬度適中 仲有啲洋蔥係入面 口感有層次🤤黑松露薯條評分：👍🏻👍🏻👍🏻👍🏻👍🏻即炸嘅薯條🍟永遠唔會令人失望🤤🤤🤤拎上手仲係熱辣辣脆卜卜😭勁好食份量好大 面頭仲有啲黑椒鹽 一大碟松露醬🤤食得好過癮好開心🤣🤣🤣

今日食日式fusion西餐，叫咗一個二人海鮮晚餐，除此之外，見到餐牌張相好靚，好吸引，所以我地再追加一個小食「海膽三文魚他他多士」作為小食。二人晚餐入邊包咗兩份什菜沙律，首先上枱，沙律蔬菜好新鮮，入口爽脆，配上酸酸地嘅汁，好開胃。接着，餐湯係海鮮麵豉湯，真材實料，入邊真係搵到三文魚骨，混合咗魚湯同麵豉湯嘅味道，好鮮甜。接着係重點推介「海膽三文魚他他多士」，賣相已經非常吸引，多士脆卜卜、上面係三文魚蓉混合沙律醬，上面再鋪上大大份海膽刺身，海膽非常新鮮，非常鮮甜。迷你刺身拼盤 ，包含咗三文魚刺身、甜蝦刺身、螺肉刺身，每款有兩片，剛剛好兩個人分享。刺身用料非常新鮮，食入口好冰凍。三文魚厚切，好新鮮；螺肉非常爽口，非常鮮甜。小食「鵝肝多士」，煎鵝肝嘅時間相當恰當，做到外脆內軟，超正。主菜「安格斯肉眼扒」，揀左5成熟，肉眼扒好大塊，不過唔算好厚切。五成熟啱啱好，牛扒入邊仍然保留肉汁，充滿牛肉嘅鮮味，調味淡淡，可以自己點醬汁食。不過我覺得調味淡淡地，已經好好味，咁樣先食到牛肉嘅新鮮味道，原汁原味。最後一味菜式係「海鮮拉麵」，鮮蝦非常爽口，拉麵質感彈牙，湯底係濃濃嘅龍蝦湯，非常鮮甜美味。

12月24號揀咗依間食set dinner雜菜沙律加埋佢個汁幾好食松露雜菌湯松露味唔算好重 雜菌味都算多但未算好香濃 都好飲嘅生蠔4隻食頭一隻 覺得有少少腥 第二隻加多啲汁就冇咁腥本身個人冇食開生蠔 之前食過另一到生蠔後第二日加埋飲菜茶飲啡 第三日腸胃炎可能唔受得今次食完都係第三日 有胃唔太舒服 同埋後期肚瀉似輕微腸胃炎煙肉蘆筍卷好夾好香好食嘅鵝肝多士鵝肝整得唔腥唔會太油膩好食 食完都覺佢好食唔會食完即飽油膩頂級安格斯肉眼扒都算ok好食 但有啲位過咗頭 有啲韌燒原隻日本魷魚佢可能配搭為 西式黑椒汁 唔算好夾雖然襯熱食 好快凍咗但都算ok正常野 同埋好大碟柚子雪芭 算係甜咗啲 但都好食朱古力慕絲蛋糕可能攞出黎太凍？變咗好似食 莎莉蛋糕質感濃味朱古力 唔太甜 好食嘅但個口感 唔似慕絲蛋糕咁Deep sea cocktail幾易入口 幾得意 幾特別

如果你同我一樣鍾意去居酒屋食日本菜，又鍾意高級西餐既海鮮/扒，呢間餐廳一定岩哂本身同朋友黎係睇中佢有蠔食，宜家好多餐廳因為成本問題都冇再出蠔，難得仲有幾款蠔揀我地揀左法國既Schaller，金屬味唔重但非常鮮甜味美，絕對係近幾年食過最好食既蠔法國Schaller 生蠔食完蠔諗唔到食咩好，餐廳老闆推介我地試佢地既海膽三文魚他他多士同佢地既鵝肝多士，一場黎到就試下啦海膽三文魚他他多士海膽好鮮甜，一啲都唔腥，配埋三文魚他他真係冇得輸。鵝肝多士上面既鵝肝真係超肥美，加埋個黑醋醬畫龍點精，雖然睇落去細細件，兩個人食岩岩好，真心大推韓國生啤Kloud食咁多正野點可以冇酒，不過之前聖誕新年已經飲得太多，少少地飲個韓國生啤Kloud，超大杯&入口順滑，呢杯抵飲燒山藥最後食返少少碳水黎為呢餐畫上完美句號啦

樓上西餐廳，環境幽靜，座位闊落，好適合約會或者聚會，可以坐低慢慢食慢慢傾青醬雞肉意粉 $88青醬清新爽口，有淡淡的蒜香和奶香，雞肉軟腍香辣蝦蝦意粉 $138蝦份量好多，番茄汁甜甜辣辣燒鰻魚 $68肉質軟腍，無骨，甜度啱啱好鐵板燒牛仔粒 $158熟度調味適中，加上脆蒜片好香，適合配酒一齊食燒翠玉瓜 $38好香黑胡椒味，燒得好Juice焦糖貝殼蛋糕 $28細細粒好得意，食落冇負擔同朋友慢慢食，慢慢傾2個鐘，餐廳都無趕人走，非常適合好耐無見嘅朋友聚會，或者情侶約會

尖沙咀出名多好野食今次就去左山林道度搵野食!餐廳位於銀座38既上面, 我地係預約左平日晚上7:00早左小小上到去但係餐廳都已經坐滿哂人啦臨近聖誕餐廳都有佈置好有聖誕氣氛坐低左之後好快侍應就有上左水同菜單野食種類好多 除左有蠔之外仲有刺身、鐵板燒、扒、串燒等一定有一樣岩你食!除左本身既menu外, 餐廳亦有一個小黑板寫住既menu,相信係佢地既推介由於同行友人唔食生蠔今次好可惜就無試啦!我地叫左個蘆筍炒飽魚、鵝肝多士以及一份美國Prime 牛小排可能因為人比較多等左一陣先上菜首先上既係蘆筍炒飽魚蘆筍一D都唔老 飽魚就切左細細片佢地係用牛油去炒 所以牛油味超級香之後上既就係鵝肝多士鵝肝無偷工減料 一大塊比你多士烤得好脆 咬落去既時候鵝肝仲係好熱而已好多汁沾有汁既多士就更好食!最後上既係美國Prime牛小扒佢除左有牛小扒外仲有脆蒜一齊上每一啖都可以有脆蒜一齊食肉質好嫩唔會韌 仲好多汁而且牛肉味超香 大推!最後總數$609有興趣既朋友推介去試!

1️⃣美國安格斯肉眼🐮肉眼肉質軟腍及 juicy，蒜片烤得香口同好甜，薯角香口，配菜有翠肉瓜、紅蘿白同菇，都烤得嚟好juicy2️⃣松露蟹膏意粉🍝一上台松露香撲鼻，好多蟹膏，意粉好掛汁3️⃣鵝肝多士入口鵝肝油脂香，good4️⃣迷你刺身拼盤象拔蚌、三文魚、蝦刺身新鮮，鮮甜5️⃣生蠔入口有海水味，肉質鮮甜，日本蠔嘅口感比美國蠔更爽口6️⃣三文魚麵豉湯（餐湯）一d 都唔 hea 嘅餐湯，三文魚份量幾多，味道鮮甜及濃郁7️⃣什菜沙律爽爽聲，好fresh，dressings 酸酸地好開胃8️⃣柚子蜜梳打正常味道

去咗尖沙咀山林道食新餐廳，雖然係樓上餐廳但環境好靚，我好喜歡皮革梳化同凳，靚之餘仲好好坐，格調都高啲，枱興枱之間十分闊落，傾偈都傾得開心啲。餐牌有刺身、日式同西式料理選擇，一間餐廳可以滿足你兩個願望啊意粉、拉麵、烏冬嘅搭配毫無違和感鐵板燒種類好多，可以飲返兩杯鵝肝多士最近發現香港越嚟越少餐廳會做鵝肝多士，難得見到就梗係要食啦，鵝肝大塊過多士見到都開心，擺盤都好靚，令我口水都流埋，多士烤得香脆配上煎得甘香嘅鵝肝，整個口腔都溢滿鵝肝同多士嘅香味，食完一件好想再食一件安格斯肉眼肉眼扒同薯角嘅香味未擺上枱已經聞到，牛扒表面煎到焦香，油脂均勻分佈，色香俱全，急不及待切開放入口品嚐，牛脂同牛肉香味係口腔混合嘅味道令人難忘，好想飲返杯，可惜朋友唔飲酒我都冇飲到，牛肉鮮嫩唔韌十分好食。牛扒上而嘅係炸蒜片，炸得香脆似薯片咁，呢樣嘢好啱餸酒剛剛好七成熟，肉質juicy 薯角炸得酥脆但完全唔油膩，唔需要點茄汁都夠好味香蝦蝦意粉不得不讚啲蝦蝦，又爽又彈冇得輸，味道鮮甜，茄汁甜酸適中，係新鮮蕃茄嘅味道，輕微嘅辣味令到蝦味同蕃茄味更有層次，意粉軟硬適中蝦蝦好爽彈朱古力慕絲蛋糕濃厚朱古力味，入口即溶，甜苦比例適中，

咁岩同男朋友行開佐敦,朋友推介有間樓上西餐廳好食環境又chill, 位於山林道38號銀座13樓既Deep Sea Oyster & Steak, 入到餐廳, 環境偏暗, 每檯都有一盞燈, 如果坐窗邊仲有街景睇, 靜靜既環境, 格外寫意Menu有唔同菜式, 亦有唔同套餐選擇, 日式野、刺身、鐵板燒、串燒、生蠔餐等等我地叫左個燒翠玉瓜($38), 翠玉瓜唔乾身，仲keep到水份,口感幾好 松露蟹膏意粉($148), 一送上來就聞到濃郁的黑松露味道,好香, 意粉的口感都彈牙充足，非常有口感, 蟹膏配上黑松露味道剛剛好,配上少量野菌,非常推薦給各位!美國安格斯肉眼($298), 我地叫左5成熟, 男朋友一切落塊肉眼到就話知道一定好食! 結果同佢預計一樣, 肉眼好厚但入口好爽, 香濃的牛肉味，肉的質感也很豐富,肉汁亦非常多, 鍾意食牛既朋友絕對唔好錯過!杯西柚蘇打都好好飲！！值得試下！！總結: 環境好寫意, 食物質素非常高, 十分滿意, 非常推薦比各位💪🏻

Deep Sea Featured Set (一人餐) $448🎃是日餐湯南瓜湯濃郁南瓜忌廉味，飲落暖胃暖埋心🧡🥗什菜沙律酸酸甜甜開胃沙律菜🦪生蠔當晚供應西班牙&美國兩款西班牙嘅食落甜啲，但海水味相對上淡美國蠔就海水味重，鮮味出即使我同我frd口味唔同都啱食！大家唔知邊款啱自己嘅可以問返店員介紹～🦐牛油煎大蝦2隻新鮮啖啖肉，肉質爽口彈牙！廚師仲好細心拆埋蝦殼，蝦頭煎得甘香美味🥩美國安格斯肉眼嗌咗5成熟，隻牛生前營養好豐富，食落油脂感拍得住和牛咁癲！食落牛味重，不過呢塊略嫌筋位有啲多🥔薯條炸到脆卜卜，用咗粗薯好有口感人仲有🧄炸蒜片同啲🥦🥕蔬菜，可以中和返牛嘅油脂感～無咁漏🍸石榴特飲呢杯係石榴汁加梳打水～飲落甜甜哋refresh～

尋晚同朋友去山林道試咗間餐廳一入內裝修好有氣氛, 有我喜歡既貓貓裝飾,好鍾意! 睇餐牌好多選擇仲有生蠔食價錢不太貴, 下次要再嚟試, 先叫了燒雞泡魚乾甜甜暖暖的配沙律醬一流,啱晒做小食, 點了燒秋葵上枱熱烘烘好脆口夠新鮮, 點了爆汁日式炸雞真係爆汁香脆,美味! 點了德島燒雞腎唔乾身,讚! 又點了安格斯薄燒香噴噴上枱, 安格斯牛真係好唔同,夠肉味,多汁,好美味,最後點了二柸飲品, 西柚梳打同埋荔枝烏龍茶,二款飲品配燒物一流, 見隔離枱叫了生蠔都幾大隻,好新鮮, 係度可以慢慢用餐，同朋友傾下講下，又一聚腳地，下次要再嚟試下先!

又到左搵飯食時間🥳去完歐洲之後成日都心心念念住法國生蠔所以特登搵左間食生蠔嘅餐廳去止一止癮一入去就見到個大餐牌一共有7款蠔㨂🥳而最重要係竟然有schaller!!!!Schaller 真係無得輸 一有schaller 基本上唔使睇其他即刻叫兩隻食！蠔味好濃郁 加埋海水味同埋少少檸檬汁真係最高嘅享受食完成餐飯之後口腔都仲齒頰留香真係冇得彈鐘意食蠔嘅話 真係一定要試！呢杯並唔係水😆係椰青水💕雖然食蠔好適合飲酒但個日突然好小朋友口味😆 鵝肝多士都好好食鵝肝好大件多士亦都好脆🤫大滿足！燒山藥就正常水準，冇乜特別😆$38有兩串比起其他餐廳都算抵食但係個香辣蝦蝦意粉要讚下👍🏻一碟意粉，有成七隻蝦！仲要隻隻都彈牙，夠晒入味！💕辣度唔算好強勁係比較爽口嘅辣！