District 8 (ELEMENTS圓方)

营业中

休息中

呢一個係我朋友帶我去嘅餐廳，佢話自己已經book mark咗幾耐好想去食！我哋兩個想搵個地方講吓是非，所以就即刻醒起呢度😆(〃▽〃)自家製燉牛面頰寬條麵，巴馬臣芝士🧀初頭以為上錯咗菜，因為睇落勁似一個薄餅🤣原來冇上錯，因為巴馬臣芝士鋪咗喺面，所以遮住咗下面嘅闊條麵！牛面頰肉味道濃郁，闊條麵都好鬼掛汁，成個面好快就食晒。我仲要一邊食，一邊不停地讚好。ჱ̒⸝⸝•̀֊•́⸝⸝)‪牛腹肉牛扒🥩餐牌上面有兩款唔同類型嘅牛扒，可以選擇一個就係西冷牛扒，一個就係牛腹肉牛扒。經過三思之後我同朋友決定揀咗牛腹肉，一嚟OpenRice有唔少人推介，二來聽聞牛腹肉較嫩。上菜試過之後確實如此都幾推薦大家。(˶ˊᵕˋ˵)紅酒、白酒🍻🥂有酒飲，就係正正子，講是非一定要配埋酒水先至能夠暢所欲言🤣

前日同屋企人去咗District 8 食飯😋呢餐飯食到個個都有讚無彈👍🏻爹哋👨🏻叫左一個自家製燉牛面頰寬條麵配巴馬臣芝士！呢個意粉芝士味好香，仲要佢個燉牛都係好軟腍嘅肉質！寬條麵嘅口感都好好！媽咪🧑🏻叫左白酒會青口，大蒜，歐芹，烤法國長麵包！青口有成十幾粒，全部都肥美而鮮甜，加咗白酒酒香味好重，特別是鮮甜。我👩🏻叫左焗法國蝸牛，牛油，大蒜，歐芹，法國長麵包！蝸牛食落口感煙煙韌韌好特別，仲要有一啲好香嘅牛油味道。連同法國長麵包一齊食就夠晒豐富。我👩🏻仲叫咗一個閃電泡芙！係我最鍾意嘅朱古力味泡芙，朱古力味好濃郁，用嚟做飯後甜品就一流❤️

呢間係圓方頂層既餐廳好開揚，食物又好食，係呢度食個午餐簡直係享受呀！前菜我地簡佐一個湯一個小食，湯就係椰菜花濃湯，蒜蓉長法包，咖喱🫕椰菜花湯好香好濃忌廉味，成個湯好稠，椰菜花有烤過再放湯，成個湯又香又滑，另外蒜蓉長法包係會有配埋咖喱，食落好特別，香香辣辣，再點埋落啲湯度食，更加味道突出，好有層次！小食就簡佐帝王三文魚他他，刁草，辣根，香辣脆餅🐟🌶️🥨呢個有啲似平時食嘅牛肉他他，而帝王三文魚係好靚嘅三文魚，將啲三文魚同叼草辣根一齊撈勻，整到一個餅咁，成個口感好好，軟林林再加埋超級脆口嘅香辣脆餅，有啲辣辣地，超好食！我地另外加錢叫佐法式長麵包，果仁種子牛油🥖🥜依度嘅麵包係自家製，特別軟熟，亦都好健康，用嘅係一啲健康嘅麵粉，而搽麵包嘅牛油都唔係普通牛油，係果仁種子放喺啲牛油上面，所以食落去更加健康，一個幾好嘅體驗！主食就先叫佐西班牙鯖魚，韭菜，薯仔，雞湯🐟🥬🥔🫕鯖魚好大舊個皮好脆，但魚肉都唔會鞋口，又唔會霉，係好新鮮，食落仲好滑身，鯖魚側邊有啲薯仔粒韭菜粒做伴碟，呢啲伴碟嘅配菜用雞湯煮，所以好香，仲有個汁可以點鯖魚嚟食，味道更好！另一個主食就係燉豬腩肉，豬手小丸子，芹菜頭，蘋果迷迭香醬汁🐷🐖🍎

最近要考試真係壓力好大😔係時侯要食返d好野滿足一下自己，今次專登去尖沙咀一間好靚既餐廳食Lunch🤩入到去環境真係好靚好舒服 ，好有浪漫既感覺，見到好多嘢食簡，我問左職員推介咗幾款🥰跟住落單^_^法式長麵包，果仁種子牛油平時真係要係法國先食到，果企牛油同包一齊食，營養係非常豐富，法國人成日都食嫁～^_^燉豬腩肉，豬手小丸子，芹菜頭，蘋果迷迭香醬汁呢個真係好正，一款入面有咁多野食，個醬汁好正，特別同豬肉係好夾，做得好有水準，非常滿意～^_^花茶花茶好香花味，香氣清新，好好飲值得推介～終於有個地方比我解壓，以後就來呢度啦🤩位置坐得好舒服，格局都係好有情調，下次真係要食一次晚餐，專登來比個好評👍🏼環境👍🏼👍🏼👍🏼👍🏼👍🏼食物👍🏼👍🏼👍🏼👍🏼👍🏼服務👍🏼👍🏼👍🏼👍🏼👍🏼

呢間餐廳係圓方，食開貴野既地方估唔到都有呢間咁特別，性價比咁高既餐廳！我地一行三人每人簡佐一樣主食，首先係呢個牛腹肉牛扒🐮牛腹肉係牛入面比較嫩既部位，每一塊都係粉嫩既牛肉，牛味好重，唔會痴牙，點埋啲紅酒汁黎食好香🤩仲要有一大舊牛油可以搽勻啲炸薯，蒜頭同牛扒，好邪惡但好好食！然後我地叫佐西班牙鯖魚，慢煮茴香，番紅花，青口汁🐟鯖魚煎到皮脆肉嫩，仲有啲魚油滲出黎，唔會腥但好香，青口汁唔止得汁，真係有啲青口😜幾驚喜，仲要好食，加埋番紅花同焗蒜頭呢啲香料，味道好鮮好突出，好好食！最後中意食青口既我地叫埋白酒會青口，大蒜，歐芹，烤法國長麵包🍲🥖青口勁重白酒味，一粒粒好新鮮，有啲海水味，好彈牙，加埋大蒜呢啲，好鮮味🤗焗法包又係好正，超脆！放啲青口落去食又得，點啲汁食又得，得佐！呢度仲有得叫酒，飲住紅酒白酒黎食，正！

呢間係圓方頂層既餐廳可以揀坐係露天嘅位置或者係室內嘅位置，如果冇咁凍坐露天位都幾有feel，室內都好有裝修，好正！🐟 西班牙鯖魚，慢煮茴香，番紅花，青口汁呢個平時喺出面都好少見，鯖魚係煎好咗放喺中間嘅，鯖魚煎到個皮有啲焦香，魚肉都係有啲焦焦地，但係仲保持到最入面嘅魚肉好嫩，而且有啲青口圍住鯖魚，青口都算大隻，有青口煮出嚟嘅青口汁，再配埋香草，好特別，好鮮味。🐄牛腹肉牛扒以牛腹肉呢個部位整既牛扒真係好好食！牛肉煎出嚟係粉嫩色，好嫩好林身，而且牛味好重，煎得啱啱熟，唔會過老，再加埋有一大嚿沾滿香草嘅牛油可以揸滿炸咗嘅薯仔，同埋牛排一齊嚟食，咁就更加香，牛扒都可以點醬汁黎食，味道更好！🍰芝士蛋糕芝士蛋糕應該係巴斯克芝士蛋糕嘅做法，面頭係焦香嘅，而內心係好軟好林嘅芝士蛋糕，芝士味好重，而且蛋糕隔離有忌廉可以同蛋糕一齊食，更加滑身。🥧朱古力撻朱古力撻唔係好大件，但係朱古力味好濃，而且個撻唔會太硬，反而有啲軟林林嘅感覺，加埋面頭嘅士多啤梨酸酸地，中和返甜味，唔會過甜，好好味！

今日係圓方做完Facial，咁岩肚餓，忽然間唸起想食牛扒，又真係有一排都無食過，上網搵到一間餐廳幾靚❗️於是一支公走去試下，又近我屋企，方便我搭車，門口店面同店入面裝修好華麗又企理❗️酒枱格調好似置身在酒吧裡面，頭先門口見到menu價錢合理，職員態度有禮，動作熟手，做嘢好醒目。我見到唔洗排隊就去坐下，於是決定擇係呢度食豐富既晚餐❗️肉眼牛扒幾吸引，賣相可以，牛扒好厚，份量好好夠晒我一個人既胃口❗️好濃烈既牛肉味道，肉質都係好新鮮而且係食唔到有根，最好就係可以自選牛扒既熟度，時間上控制得好好，做得好出色❗️至於食牛扒一定要飲紅酒🍷紅酒好飲 ‼️‼️一個人有空閒時間❗️係度留個評語❗️有好野當然要同人分享，要比更多人知道呢度有好野食 ❗️

男朋友話搵左間餐廳帶我去食🙈 佢話想比個驚喜我喎😂 感覺都幾浪漫嫁，平時好少帶我來呢d咁高級既地方，不過佢今次又真係冇帶錯我來，環境唔錯，有得打卡，又食得開心嘅餐廳🥰 我地叫完野之後，都唔係話等好耐既，第一就到了⋯西班牙鯖魚，慢煮茴香，番紅花，青口汁⋯真係好好食喎！好好味鯖魚既味道好新鮮仲有好重既鯖魚味，加埋番紅花真係勁正阿，係出面都食唔到咁高質，跟住再食埋⋯自家製燉牛面頰寬條麵，巴馬臣芝士⋯哇！又係好高質，入面既寛條麵勁好食，佢同啲汁混埋食完都唔會覺得濟，份量仲要食到夠飽，另外佢自家製既牛肉真係好夠味，勁鍾意食，男朋友話一定要白酒配紅酒先夠浪漫阿，最後飲到有少少醉意，今日既晚餐好開心好難忘，期待下次又來浪漫一下🫶🏽

😿行街行到好累，無意中經過見到呢度新開環境幾好，入去食返個Lunch都唔錯，😸決定入去坐陣食少少嘢，環境位置都坐得好舒服，員工好好招呼，又有禮貌，呢度裝修企理，餐具都好乾淨，叫咗一個菜式來試試😺《西班牙鯖魚，韭菜，薯仔，雞湯》西班牙鯖魚果然無失望，好新鮮夠好食，加入雞湯簡直仲提高咗魚既味道，著仔我就是必食既配菜💯最後飲咖啡，香濃細滑仲有埋拉花效果，好飲極了💯仲試埋花菜，好香，不斷加花茶既感覺好寫意，仲有助減輕壓力，舒緩情緒之功效 好似去咗外國旅行咁，飲飽食醉，飽到唔願郁，不過最後講返係真係幾好，唔錯值得食既，而且價錢都好合理唔貴 ⭕️

原來圓方有一間性價比咁高既法國菜，真係超正，已bookmarked！白酒會青口，大蒜，歐芹，烤法國長麵包一大盆既青口，見到真係好興奮😆隻隻青口都好大隻，本身好新鮮，唔係急凍，所以仲有啲海水味，同時白酒煮完，所以都好濃白酒味，入晒味，加埋大蒜歐芹呢啲香料，超超超正！最重要係連送青口既焗法國麵包都好食😝麵包好脆好正，點埋啲汁黎食又香，超爽！西班牙鯖魚，慢煮茴香，番紅花，青口汁一上枱就有啲嚇親，幾特別😳一舊煎好既鯖魚係中間，煎到皮好脆肉仲好滑😍周圍有啲青口，好新鮮，再加埋青口汁同唔同香料，好香好好食！自家製燉牛面頰寬條麵，巴馬臣芝士上枱淨係見到面頭係滿滿既芝士🥰好香濃既芝士味，牛面頰肉碎晒，好腍身但又好香，寬條麵係自製既，質感好好🤤成碟都好好食！食到咁上下叫埋杯冰凍既啤酒黎飲簡直一大享受呀！

同男朋友共度晚餐，今日去咗圓方呢一間好高級嘅餐廳🥰個Menu好吸引呀，好多都想試吓✨(๑ᵒ̴̶̷͈᷄ᗨᵒ̴̶̷͈᷅)自家製燉牛面頰寬條麵，巴馬臣芝士唔鐘意食飯就揀左呢個寬條麵，有我最鍾意嘅芝士，好濃(๑ᵒ̴̶̷͈᷄ᗨᵒ̴̶̷͈᷅)仲有燉牛面頰肉質都好軟淋，估唔到咁入味✨(ˊᵒ̴̶̷̤ꇴᵒ̴̶̷̤ˋ)牛腹肉牛扒牛腹肉牛扒賣相好吸引呀(ˊᵒ̴̶̷̤ꇴᵒ̴̶̷̤ˋ)，牛扒呈粉嫩嘅顏色，一入口有驚喜呀，估唔到肉汁超juicy，仲要係好嫩好嫩嘅口感，太好食啦！✐. 好味程度: 🌟🌟🌟🌟🌟✐. 回訪指數 : 🌟🌟🌟🌟🌟✐. 推介指數: 🌟🌟🌟🌟🌟

👫難得約咗一個多年無見既朋友，係圓方簡咗一間望落幾舒服，好優雅既西餐廳，一邊食吓野，一邊傾吓計🗯️食完順便仲可以係廣場逛街去到現場真係好大好優雅🎵佢仲有露天茶座，Lunch時間都唔算太多人，見到Menu選擇都好豐富，落好單之後，我地一邊等一邊傾返舊時既回憶，真無好耐都無試過食Lunch咁寫意，都好快趣先到咗「法式長麵包，果仁種子牛油」，麵包夾住一堆果仁，口感好特別，同長麵包一樣是硬硬地，唔錯😋好食易入口 ，之後就食我最愛「西班牙鯖魚，韭菜，薯仔，雞湯」賣相好靚好掂，鯖魚煎得好香，外皮好香口，配上雞湯好特別，好讚味道一流，「帝王三文魚他他，刁草，辣根，香辣脆餅」呢個脆餅真係勁好食🤩一口好脆，配上最愛既三文魚他他加少少辣，真係好正😍仲想叫多一碟，食飽之後再享受一杯咖啡，人生中的享受😘值得推介，環境同食物都好好，下次再來 👨‍👩‍👦‍👦

心血來潮忽然之間想食吓法國餐！同細佬一齊去咗圓方一間高貴得體既西式食店▪️環境夠大▪️有室外/室內，乾淨企理地點就近返屋企好方便▪️加上又係我返工附近▪️位置方便近地鐵▪️附近食完晚餐就方便返屋企，行街又得，餐牌裡面款式好多😛▪️整體來講▪️食物賣相吸引▪️好多都好想試▪️全部都好用心做😉比想像中更好食😍▪️芝士蛋糕▪️♾️最愛食甜品，第一時間打卡先，好好食阿，質素無得頂♾️▪️檸檬撻▪️♾️好香既檸檬味，食落真係好好食，最鍾意食最外層黑黑地既皮，焗得剛剛好，平時都有整吓蛋糕咁，係整唔到佢呢種咁好食，真係要係度先食到♾️▪️焗法國蝸牛，牛油，大蒜，歐芹，法國長麵包▪️♾️好大碟，份量又夠多，食得好飽肚又滿足，係非常之好食，好用心整同埋廚房廚藝真係好強 ♾️▪️牛腹肉牛扒▪️♾️份量好滿，好細心已經整好一舊舊，牛扒裡面一點都唔乾又唔老，充滿牛既肉汁加少少血水，絕對係我口味，高質餐廳♾️▪️肉眼牛扒▪️♾️牛扒肉質鬆軟，一向都食開肉眼，都係一塊高質牛扒，絕對唔係太老太乾，個個都啱食♾️

琴日去左District 8 (ELEMENTS) DINNER💕呢間餐廳好好食呀😳一去到就叫左杯紅酒啤酒chill下，慢慢同朋友傾計等開餐🥰🎀自家製燉牛面頰寬條麵，巴馬臣芝士🎀呢個真係超邪惡呀🫣，因為有勁多巴馬臣芝士鋪左係面，而且芝士味仲係勁濃郁🧀！寬條麵都好掛汁，加上自家製燉牛面頰口感好軟腍，超飽！🎀牛腹肉牛扒🎀呢個牛腹肉牛扒都好好食呀，因為啲肉質入口勁嫩，仲要有好香嘅牛肉味道，牛扒都好大塊，啖啖肉真係好好味🤤💗

💜前菜方面，因為我哋嗌咗兩個餐，所以會有兩份😆我同我個朋友叫咗兩份一樣嘅前菜。1️⃣法式長麵包，果仁種子牛油呢一個係需要加$35 ，我自己覺得好值得㗎。因為我係果仁嘅fans，而且我知道佢哋嘅法包係即叫即焗，包保上到枱嘅時候係脆嘅。2️⃣椰菜花濃湯，蒜蓉長法包，咖喱椰菜花湯出邊好似好少飲得到，我朋友叫呢個嘅原因係因為佢想知個咖喱係㗎喺個湯度定係加係個法包道，原來係加喺個法包到㗎！ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʔ💜主菜方面，我同我個朋友都叫咗兩個唔一樣嘅share🙇🏻‍♀️1️⃣西班牙鯖魚，韭菜，薯仔，雞湯鯖魚外皮，經過香煎，油份鎖住在魚肉內。韭菜薯仔切粒作為半碟，容易食用。加埋雞湯味道層次更加豐富。2️⃣燉豬腩肉，豬手小丸子，芹菜頭，蘋果迷迭香醬汁豬腩肉口感一流，嫩口又不肥膩。豬肉小丸子外脆內軟。芹菜頭做擺盆，確實加分。賣相一流，蘋果醬汁甜甜地幾好味。