Fleur (南豐紗廠)

营业中

休息中

一年一次的生日飯，與外子難得一餐的二人世界，豈能hea過。悉心挑選了這家打卡餐廳，每一個細節都是用心巧制，更重要是味道很好很好很好耶🤩🤩作為餐廳，外在是一時，內在才是服眾所在👍👍好似枕頭一樣的 🥪 鹿兒島豬扒竹炭麵包三文治 Meat Lover肉厚嫩多汁，配上紅菜頭，香甜可口不油膩， 更重要的是好夠熱，打完卡先開動都還熱。份量大，放入口都有難度😂😂青BB的 Avo Lover 牛油果配大阪燒，新鮮感十足，味道也很搭配。牛油果超級健康生果之選，此碟口感同功能都好吸引。飲品也是美美的凍鮮奶咖啡芒果蝶豆花梳打幾乎每檯的食客都是相機先吃，真係把藝術品吃進肚子的感覺。如果是吃甜品，眼睛更享受加上地處南豐紗廠，有好多節目適合小朋友，我們會再見的

適逢復活節，又想帶陳紫萱🐶出街行吓食吓嘢，帶咗佢去南豐紗廠行吓，今次揀咗花做主題嘅餐廳食嘢，一心想試吓招牌Fleur lover，打電話問黃昏booking full咗，所以無得訂座，但店員話可以試吓walk in，所以我哋都去睇吓，好好彩，排咗一陣就有位，店員服務殷勤，可惜Fleur lover同另外幾款食物已經賣晒，所以揀咗其他食物再叫咗個寵物餐，食物賣相好靚，但beef lover份量原來好少，好彩加咗個芝士通心粉，甜品份量亦好大，所以都食得好飽，味道都可以，但lemonade 同grapefruit soda味道一般，但整體感覺都好好，加上係寵物友善餐廳，所以會再嚟

復活連假去咗南豐紗廠食飯，之前見啲嘢食好靚，就book位試一試，叫咗4樣食物Poultry Lover慢煮西班牙鴨胸，幾好味，肉質唔鞋，入晒味Meat Lover見咁多人推介就試吓，但唔知點解好鬼硬，無論係個包定塊豬扒都好硬，用刀切到手都軟，同埋唔襯熱食，塊豬扒凍咗後更硬，但味道其實唔差Fleur Lover賣相非常之靚，而且好多生果好健康，我朋友覺得個蛋糕底好甜，而我就覺得甜度適中，感覺似食緊pancake炸蕃薯條幾好味，但如果再脆啲會更好整體餐飯都好好味，全部食物賣相好靚，唯一差嘅係切食物切到手軟

剛好今天到荃灣，而又有時間可以同朋友午餐，所以找個舒服嘅地方坐下。行過這店看看餐牌，比圖中的食物照吸引了，因為色彩鮮艷，未食已覺得開心，心想整個商場的餐廳都無試過，就試下這間先。雖然好肚餓，但都好想食這個甜品，因為個樣太吸引了。朋友是牛油果控，所以這個是必點的。粒冰好吸引咖啡不錯👍🏻

雲石控的打卡餐廳 FLEUR今日約咗朋友仔去試下呢間餐廳🍴，之前幾次經過都覺得好靚，但諗住同女仔嚟食啱啲。🥰今日就約咗閨蜜嚟啦🥰下午茶時間，我點咗AVO LOVER，朋友仔點咗MEAT LOVER。AVO LOVER $128鍾意食牛油果🥑的一定會鍾意❤️牛油果🥑配自家製醃刁草加拿大三文魚乾蔥三文魚牛油果他他、大阪燒、溏心蛋、紅菜頭沙律醬，食用花（製作需時20分鐘）賣相好精美，好多好多牛油果🥑，不過食完好似無乜飽嘅感覺，咁就覺得貴咗啲。MEAT LOVER $128鹿兒島豬扒、竹炭麵包、自家製醃紅椰菜、青蘋果椰菜沙律、是拉差沙律醬、食用花（製作需時20分鐘）呢份就抵食好多，可能有塊肉飽肚啲。塊豬扒真心好食，又大又厚又Juicy，朋友分咗四份一俾我，先有啲飽飽地嘅感覺。竹炭麵包都幾特別，成份三文治勁大份。都幾抵食。以下午茶嚟講，呢個價錢有啲貴。不過環境好靚🥰嚟影下相都抵返晒💕飲品朋友點的是Velvet Latte 粉紅色咖啡，忘記問她好唔好味。我就點了熱朱古力。Fleur (荃灣)荃灣白田壩街45號南豐紗廠地下G08號舖

南豐紗廠是文青新地帶，平日的人流較假日稀少。日前就跟友人約了在附近的「Fleur」餐廳下午茶約會，吃完後更可和朋友四周逛逛。走進大門就見到以白色雲石裝修的 Fleur，餐點以食用花為主題，顏色七彩奪目正好適合愛打卡一族。而且下午茶的價錢不算貴，加上沒有限時，正好與朋友一起談天說地，悠閒地渡過一個下午。Croissant Lover HK$128牛角包夾軟殼蟹的食法都頗為新鮮，輕輕切開太陽蛋已即時流心，另配自家製酸青瓜。餐廳用上灰黑條紋造型的餐具盛載食物，加上是拉差沙律醬及食用花伴碟裝飾，令整體感覺昇華，大大加分！Meat Lover HK$128圖片真的不能實際顯示這份豬扒包的尺寸，甫上檯已經嚇了一跳！雖然菜單上指這是竹炭麵包，但我和朋友一致認為這是厚多士。竹炭多士夾著厚切鹿兒島豬扒，配自家製醃紅椰菜及青蘋果椰菜沙律，另有是拉差沙律醬和食用花伴碟。未吃完已經差不多飽，平日食量不大的話，相信晚上都不用再吃了。Tea Set 還包一杯飲品，是次就挑選了 Lemon & Ginger Tea，友人則選了 Iced Mocha。前者香矛味較重，未太覺有薑味，另外如圖片所見只用上半片檸檬。後者友

簡潔裝修加上精美擺盤, 除左打咭一流之外, 食物既味道都唔錯.今日終於可以同朋友黎試下lunch, lunch時間每個主菜都會有一個湯同一杯野飲. 我地今日就試下呢D:Avo Lover 牛油果+三文魚他他: 好欣慰佢地個紅菜頭沙律醬, 少少酸, 好開胃. 配牛油果原來係好好味Croissant Lover 牛角包+軟殼蟹: 比佢個是拉差沙律醬吸引左先叫, 但我又食唔出有是拉差既味道. 牛角包唔夠鬆軟, 可以改善Egg Benedict Lover 牛臉頰肉+水波蛋竹炭漢堡: 實就係將一個Egg Benedict 夾左落個漢堡裡面. 都唔錯既Meat Lover 炸豬排竹炭漢堡: 超厚豬排, 份量夠哂大.  豬排炸得岩岩好, 唔乾身. OK!Fleur Lover 鬆餅: 呢個真係超級推薦, 滿滿既生果舖左o係鬆餅面, 除左攏盤靚之餘, 鬆餅既味道都好好, 好香.呢間餐廳同時都係動物友善餐廳, 會有狗狗餐. 下次可以帶埋加加黎打咭 

早排去咗南豐紗廠，附近嘅Cafe都好多人排隊，見到呢間又有嘢飲，亦有唔同既野食，咁我就同屋企人試一試。佢呢間座位都算多，亦都有半室外嘅座位，方便帶寵物嘅朋友可以坐喺出邊。而佢哋呢度主打嘅係澳洲式brunch，咁我就點左唔同嘅嘢食，Fleur Lover（HKD128)呢一個其實係pancake，上上面滿佈唔同嘅水果、紅莓、藍莓、堅果等等，既健康又好味，依個pancake嘅口感都好棉。另外我都見左佢哋嘅檸檬mousse（HKD65)，其實有少少似佢嘅外型吸引咗，但其實識落都非常之好食，因為識落有淡淡既檸檬味，比你一種好清新嘅感覺。最後我亦都有叫到一杯Latte，味道就一般般。

約朋友小聚食個Tea，朋友簡咗呢間有不小人打卡嘅Cafe ; 又可以試新嘢啦!  店內裝修以白色簡約為主，我被安排坐在店外位置 ; 檯同檯之間距離夠都幾舒適。 呢度成日被打卡原因，除咗環境之外 ; 就係食物擺盤夠精緻。食物上面會放上食用花，賣相吸引！我今日簡咗Avo Lover，睇落份量好細但因為係牛油果其實都夠。牛油果片熟度都算啱啱好，唔會過熟一叉就爛 ; 點埋嗰幾點紅菜頭沙律醬一齊食都幾特別 。牛油果他他入面嘅三文魚無腥味做得唔錯，其中一個底有大阪燒 ; 但我覺得有D古怪加咗又唔係好食得出有咩特別really 反而杯薑黃Latte有D驚喜，飲落感覺唔會奇怪而且有淡淡嘅薑味。整體嚟講食物味道唔算太驚喜，但環境舒服而且可以帶埋寵物一齊嚟 ; 啱晒鍾意打卡嘅朋友仔。

約朋友小聚食個Tea，朋友簡咗呢間有不小人打卡嘅Cafe ; 又可以試新嘢啦!  店內裝修以白色簡約為主，我被安排坐在店外位置 ; 檯同檯之間距離夠都幾舒適。呢度成日被打卡原因，除咗環境之外 ; 就係食物擺盤夠精緻。食物上面會放上食用花，賣相吸引！我今日簡咗Avo Lover，睇落份量好細但因為係牛油果其實都夠。牛油果片熟度都算啱啱好，唔會過熟一叉就爛 ; 點埋嗰幾點紅菜頭沙律醬一齊食都幾特別 。牛油果他他入面嘅三文魚無腥味做得唔錯，其中一個底有大阪燒 ; 但我覺得有D古怪加咗又唔係好食得出有咩特別反而杯薑黃Latte有D驚喜，飲落感覺唔會奇怪而且有淡淡嘅薑味。整體嚟講食物味道唔算太驚喜，但環境舒服而且可以帶埋寵物一齊嚟 ; 啱晒鍾意打卡嘅朋友仔。

每次去南豐紗廠都想試呢間餐廳，但每次都好多人，今次撞正新年過後平日去，可以即時入座，一於同好姊妹食個tea, 順道打下卡我地叫左一個甜品share食，另加2杯飲品🌸Fleur Lover $128鬆餅上面鋪咗大量食用花同埋新鮮莓果，賣相一流！鬆餅食落似蛋糕，加少少忌廉，連埋莓果一齊食，好fresh🌸Velvet Latte $42粉紅色，加埋拉花，少女心爆棚味道不算特別，飲落同普通latte差不多，奶味濃郁，有少少beetroot粉咁，飲落不太順滑🌸Lychee & Rose Cold Chill Tea $44冰球🧊入面有朵玫瑰花🌹，好有心思可能加左舊檸檬🍋，飲落似洛神花茶，荔枝味唔係好出，反而有陣陣玫瑰香氣餐廳環境靚，以金屬同雲石為主食物賣相出色，味道一般，7成嘅錢係比個賣相去開南豐紗廠影相📸️行到攰攰地，可以黎呢度食個甜品打下卡

週末來到位於南豐紗廠的Fleur吃Brunch：餐廳裝修都很elegant，擺盤精緻，而且很歡迎🐶🐶內進。所以，在這裡用膳，都會有不同的可愛狗狗圍著你☺️Meat Lover $128(鹿兒島豬扒，竹炭麵包，自家製醃紅椰菜，青蘋果椰菜沙津，是拉差沙律醬，食用花)吉列的厚切鹿兒島豬扒，金黃香脆，肉嫩且帶脂肪🤤中間夾雜酸酸甜甜的沙律，中和油膩感配竹炭麵包很好吃Poultry Lover $188(8小時慢煮西班牙鴨髀，白甘荀蓉，紅皺菜，紅菜頭，藜麥蒜味包糠，食用花)鴨髀皮脆肉香，美中不足是肉質不夠嫩Cold Brew $44初嚐不加奶的咖啡☕️冷萃會較易入口，一試便愛上/下次好想試埋軟殼蟹牛角包添呀!!

南豐紗廠的小店向來別具特色,今次選了一間以鮮花入饌的主題cafe，與朋友悠閒度過愜意的下午。❣️是日餐單🐖Meat Lover🥪鹿兒島豬扒、竹炭麵包、自家製醃紅椰菜、青蘋果椰菜沙律、是拉差沙律醬、食用花我和朋友都選了一樣的食物，因此不另放照片了。坦白說上菜時有點失望😅預想中我們都認為會以全日早餐的形式present，想不到是炸豬扒三文治😂😂豬扒略嫌油膩，幸好選用了較好的食材。豬扒厚身而新鮮，絕非合成肉。豬肉味濃郁而沒有豬肉臭味，肉質嫩滑。紅椰菜和青萍果椰菜沙律是夾了在麵包內，可惜量太少而豬扒極具份量，無法解除滯膩感。竹炭麵包則軟熟帶微甜，非常不錯。☕️Flat White午餐包一杯飲品，因此價錢與同幢其他cafe相約。咖啡香濃而不澀，奶泡豐盈，拉花也很漂亮，附送的小蛋糕也好味，有水準的咖啡☕️為整頓飯加了不少分數👍🏻咖啡店的燈光很美，裝潢陳設走輕奢風，很容易就拍到很美的照片😍😍非常適合閨密聚會。下次會點較打卡able的餐點😂😂

為咗慶祝紀念日，去咗呢間打卡餐廳不過可能冇同佢講到我哋要慶祝，所以俾咗張好細嘅枱我哋叫咗個fleur lover 同埋牛角包布甸fleur lover嚟到嘅時候熱辣辣，但係見到toppings 少咗無花果，最後就同左餐廳啲人講叫佢哋加中間嗰個白色球體唔係雪糕，係忌廉，不過唔係好甜嗰個pancake 好厚，其實似蛋糕多啲，最底有啲藍莓醬整體來講就係好飽，正常一個女仔應該食唔晒，所以多啲人share 叫先好叫牛角包布甸份量都好大，唔會死甜，有牛角包香都幾好

其實南豐紗廠餐廳選擇唔係太多,而且假日都需要排長龍。但見到FLEUR環境開放, 每個客人點既餐都擺得好精緻,決定要排隊都要試試佢! (利申: 我係好怕要排隊)排隊過程都算快啵, 我同朋友2點左右去到, 都係等左大約15分鐘左右.我地點左MEAT LOVER ($118) 同 AVO LOVER ($128)前者就係鹿兒島豬扒竹炭麵包; 豬扒係厚厚厚厚切! 份量比較岩兩個女仔share, 雖然味道唔錯, 但食哂全份我覺得會比較膩。 而Avo lover 就顧名思義牛油果愛好者我諗唔中意牛油果既朋友就最好唔好試賣相唔駛講, 好colourful好精緻,由於岩岩食完好多肉既關係, 食牛油果好似清一清果種好油既感覺可以話係恰到好處~最後飲埋會靚靚水果冰茶, 唔太甜, 唔錯唔錯!值得一讚係餐廳既服務. 雖然人流好多, 侍應先生/小姐都比較忙但佢地服務都仍然好快有回應, 好nice!總括來講今次係個好既體驗, 會再encore