forte (已結業)

1️⃣食物方面🥩🍤🍝🥗🍰🍨雖然是半自助晚餐，但自助bar嘅食物款式都非常足夠，而且質素高好好味有海鮮、魚生刺身、壽司、日式冷盤、沙律、芝士、麵包、湯、炸物小食、甜品、雪糕、糖果、水果等等，各類食品款式都幾多！餐廳間中仲會搖鈴鈴推出限量食品，手快有手慢冇，真係充滿驚喜其中最驚喜係凍鮑魚！好鮮好爽其次係卡邦尼闊條麵勁多芝士好香濃好creamy用料十足！掛住食冇影到相都好可惜冇影晒所有出面嘅食物比大家睇，因為我食到尾真係太滿意所以覺得要出去影相寫返個食評，但好多食物都剩返少少好似唔太好睇就冇影到主菜我地分別叫左肉眼牛扒同黑豚肉，份量都好足夠，而且煎得剛剛好，厚切黑豚肉肉質爽爽，入口好香，而伴菜都花左心思，個炸球我以為係薯蛋，點知原來係飯糰，味道都唔錯！另外，想重點講吓特別喜歡嘅食物，d蜆好大隻同都幾鮮味，熟食類嘅沙律試左幾款都好好味！最期待嘅甜品都冇令我失望，款式大概有15款左右，我試左10款左右全部好好味雪糕係Movenpick，都有成6款口味㗎！2️⃣環境方面🪑🥂今次我地係坐bar枱，感覺比較清靜同拎野食都好方便，無論餐廳食用區同洗手間一切都感覺衛生。3️⃣服務方面🤵🏻‍♀️🤵🏻‍♂️所有職員都非常有禮

老公提早訂位，慶祝我生日，意想不到地覺得食物質素唔錯，職員有禮貌而且服務幾好，見我地個碟有殘餘物就會即時倒左佢。雖然半自助餐唔似外面大酒店咁多食物選擇，但最緊要食物質素同埋有良好衛生環境。我地叫左條蒸石斑魚，幾新鮮，味道唔錯，另外叫左份牛扒，都算ok, 自助方面有好多款蠔，好快俾人拎晒，因為每次出唔會好多。仲有好大隻蟹、鮑魚，fill完又好快清晒，最後我地每人食得一個，唔係好夠中間會突發地有職員即時炮製幾樣食物，大家要排隊拎，味道又幾好wor!新鮮！我地食左好多雪糕，夏天最岩，正！最後仲送左個生日蛋糕，見到好多枱都係有人生日食多糕，我地因為太飽食唔落，職員仲拎個盒幫我地整個打包走，真係好好人！間餐廳大方，唔會孤寒，會再幫襯

原本諗住生日去餐廳食飯，有一個生日蛋糕，之前喺其他食評有睇過，雖然知道係送嘅都唔會太大期望，係冇諗過佢係攞四件自助餐嘅蛋糕加之蠟燭，食物質素係一般，會送嘅好到手顏色係混濁嘅，後來叫佢換咗

半自助餐食物種類算係咁，有海鮮（蝦、鮑魚、龍蝦仔、長腳蟹腳、賴尿蝦、蜆）、（有三文魚、吞拿魚、甜蝦等）、沙律、及少許熱食、（蛋糕和MOVERPICK 雪糕）。間唔中會搞起鐘聲推出特別的食物，如：芝士意粉、清酒煮蝦等）。味道正正常常。淨係食出面既野食其實都食得飽😅。但在疫情下食自助餐真的不太方便，口罩需要除上除落。主菜：🍽澳洲殻飼肉眼扒牛肉好香，但就有點韌。佢旁邊有粒用飯炸成既波相對較為特別及好味。生日仲有蛋糕🎂，而且仲可以免人頭費，抵！！！！

因為入左如心嘅Vivva會，所以有一張電子生日免費Buffet Coupon可以係旗下酒店用，亦係睇完其他師兄食評先知，係完全免費，加一都唔洗呢個係半自助餐，所以有主菜揀，佢地用ipad顯示，最後都係搵返人手落單頭盤都豐富，有熟火腿，又有生嘅火腿，油花幾靚，唔太鹹，不過味道就一般刺身款式多，三文魚，吞拿魚，希靈魚，鱆紅魚，墨魚，細甜蝦。師傅應該唔識切。。。佢係由上至下直切，每片都係好細好薄片不過吞拿魚冇筋，抵讚海鮮有蝦🦐，蟹🦀，藍青口，刀貝，龍蝦尾，鮑魚，瀬尿蝦。蟹係三點蟹，細隻；蝦爽；龍蝦尾太老太實肉；刀貝多沙； 鮑魚嫩滑。有個問題係全部都冇味，鹽都冇落，係好清淡，要靠汁醬搭救，佢有Cocktail汁，泰式辣汁，辣椒豉油，紅酒醋等等選擇仲有七色焗蠔，蠔肉厚大，不過唔係每個味道都正，磨菇汁唔得，另外好食嘅有芝士肉醬，芝士明太子，鱆魚光汁主菜見有威靈頓澳洲牛柳，一於試試，果然試到伏，牛柳靭，酥皮未夠時間唔脆，而且落單冇問成數，最後全熟主菜嘅清蒸石斑魚見到係原條上，果下我真係好後悔。。。睇樣係好正，睇黎中菜先係強項😂中途會響鈴，有幾樣堂煮食物，醉蝦，辣椒膏青口，車輪芝士長通粉等等甜品都多

留意咗這個半自助餐好耐，昨日2021年7月5日(星期日)終於可一試，地鐵站行去約7-10分鐘全塲約7-8成滿 唔算太迫 算係新及靚裝修。昨日3人去 分別叫牛扒，牛柳及羊扒，3樣都好好食重包一杯飲品，另外可出去攞海鮮及刺身及甜品等等食物!但昨日去到就無長腳蟹食個人覺得除鮑魚好味外其它海鮮類食品味道都好一般 !總結 如果你用食自助餐去比較 你會覺得唔係咁好或抵食!但如果 你用食西餐去比較又會覺得扒類好好味重有甜品及海鮮食 就非常抵啦！補充去Vivva 做會員 生日月份的主角 可以免費享用 再去品嚐就更加抵!可以用高級版牛扒先生嚟容用!

今年的4月5月6月都有幫襯過Forte，buffet 枱食物沒有改變，幾次都一樣，main course 好似有一兩樣轉過，折扣就越來越少，會員現在只有8折。坐低冇耐，店員就問咗三次想要咩主菜，明明有一個選擇係buffet dishes only $208，唔知點解咁心急。而我遲遲不叫主菜係因為佢地習慣唔會配合客人進食節奏，你叫咗主菜，佢煮好就會俾你，次次我都未食完頭盤就會放低主菜。唔似得其他酒店餐廳，會詢問你可以上主菜未，先至上。不過我見佢問咗幾次，我就唯有點咗先。一如我所料，啱啱拎咗一碟三文魚，佢就俾個主菜我，搞到我都唔知食邊碟先好。呢個慢煮牛肋肉，好入味，夠淋，有水準。但係啲主菜比起以前細碟咗好多，得半件。友人的肉眼牛扒得手板咁大。食完主菜都冇飽嘅感覺，就繼續食buffet bar嘅嘢. 食完主菜先至飲湯有啲奇怪，如果我再去，一定會堅持唔叫主菜住，唔好俾佢破壞晒我啲次序。個湯好清甜，應該冇味精。佢啲沙律選擇好多，最鍾意佢有好多好多火箭菜，火腿就比較咸，但係好貼心咁樣蜜瓜同火腿放埋一齊。芝士都有幾款選擇，而且味道都唔錯。鷹嘴豆醬就完全唔合格，咸到不得了，根本入唔到口。餐飲又係未食到

旅發局早前推出「賞你住」活動，市民於合資格實體零售或實體餐飲商戶消費滿$800，即可享$500本地酒店住宿折扣優惠。九龍東如心酒店亦是參與計劃的酒店之一，扣減優惠後，只須補$200便包一餐一宿！此優惠的staycation package只包一餐晚餐in-room dining～～這頓晚餐有齊沙律﹑餐湯﹑主菜﹑甜品﹑水果及餐茶，餐湯可選中湯或西湯，而主菜亦有5款可選！我揀紐西蘭頂級羊扒，老公則揀美國和牛肩胛肉眼扒～～餐點送到房間仍能保持溫度，沒有放涼！餐湯是忌廉湯，質感較糊，湯與沙律的質素一樣普通。紐西蘭頂級羊扒，羊扒煎得軟嫩，羶香味十足，配上醬汁，感覺不會太油膩好好味！羊架的熟度剛剛好，裡邊不會煎得過熟，因此仍能保持肉汁！薯菜的調味恰好，薯仔粒的外皮烤得香脆，青瓜及翠玉瓜亦夠惹味！！美國和牛肩胛肉眼扒，牛扒夠厚身，但一點都不韌，質感都夠稔又易咬，略有牛味！！但與羊架相比，羊架更勝一籌，那陣油香實在無法比擬～～～甜品是藍莓芝士蛋糕，蛋糕的甜度尚可，質素也只屬中規中矩。水果拼盤有西瓜﹑哈蜜瓜及菠蘿，三款水果都又甜又多汁！尤以哈蜜瓜最為好吃！！凍檸茶的檸檬份量十足，茶底就是一般西餐廳的水平

如果有一個人，可以伴你身邊超過28年，噢，錯了，屈指一算，應該話超過30年，是否有點不可思議呢？由相遇、相識、相交到共度人生，建立家庭，時間就如流水，在指掌間溜走，不經意地，大家兩鬢都開始有點花白了。每年都會在同一天找個好地方，撇下家中兩隻小魔怪，跟太太靜靜地慶祝。而今次就選了位於觀塘「九龍東如心酒店」的「Forte」。對上一次過來，都已經是兩年前的事，今天再訪，想不到有驚喜。餐前先另點了一杯以金巴利汁、Vodka及Lime Juice 調較的 Cocktail ~ Cosmopolitan。由於餐廳提供 Semi-buffet，每位客人可以各選一款主菜。Semi-Buffet平日$468/位，假日就$498/位，但有一點超正攻略要同大家講，原來只要入 Vivva會，就可以係生日月份光顧時有生日蛋糕送贈（種類要視乎當日貨源），而且仲要係免費（係完全免費，10%服務費都免埋，不過只得一次機會），即係二人同行，一人價錢，當然，其中一位要付正價的服務費，但算起來如果是平日光顧，兩人同行都不過是$468+$47=$515，算起來一人都不用$260，抵食到無人信。慢燒鹿兒島茶美豚肩扒太太點的豚肩

半自助晚餐，好食。不要讓半自助餐而覺得”麻麻地”!!!我本來以為外面的自助晚餐是甜品、生果、沙律和少許熱食，如抄菜、炆雞、牛腩等。原來還有刺生、有新鮮海鮮，如鮑魚、龍蝦仔、長腳蟹腳、賴尿蝦等等。對我來講，只是淨食外面自助晚餐都可以食都飽。😌到主菜，有牛扒及羊架都好味道，牛肉好香、羊架夠蘇😂😂😂，已經好好好飽，食都中途還有不少食物，由手推車推出給食客排隊拎取。總括然而，食物質素好、餐廳環境好、服務態度好，又夠多元化。好正！！！！！我會再去食！！！！！！！！！

長腳蟹：好味、鮮甜、不會有太大鹹味、又容易剪開鮑魚：試過有些餐廳好「un 」，不過依到的鮑魚好好味😋。又鮮甜，又容易咬，但又不會嚡口，有彈性。湯：磨菇湯，都不錯 主菜：羊架：大而不嚡，較濃味牛扒：厚而嫩滑，咁大塊又要煎得咁香口，好難。豚扒：初時都好擔心叫依個，好怕嚡口有渣。小朋友：點左肉醬意粉🍝😅。好大碟仲有Ad hoc 的食物即煮：芝士白汁意粉、糖不甩、煎蝦轆...飲品仲包紅酒、白酒🤩🤩🤩如果生日，仲有戚風蛋糕。生日個位，可帶多1位朋友，生日的朋友就免費🌟PS. 至少早2星期book 位https://member.ninahotelgroup.com/classic_BP

今日趁公眾假期，同父母試下食呢間半自助午餐，用餐時間12:00-15:00，地方唔算太大，近自助區嗰邊可能會嘈少少每人有一個主菜，都幾大份，我地試咗豬頸肉同石班，整得幾好食自助既食物唔算太多選擇，多沙律，有壽司但冇刺身，不過海鮮係正，特別d蝦又大又彈牙！熱食唔太多，有中西兩款湯不過冇試甜品唔選太多有大概五六款，不過有movenpick雪糕！ 最後原來仲包一杯餐飲員工收碟速度算正常，另外有個估計係男經理好有禮貌，值得一讚！75折優惠，一個成人兩個長者，埋單$750，幾抵食質素都唔差，絕對可以再回頭

星期五晚上黎左食半自助晚餐，幾本上都全場爆滿主菜黎之前出去食下野先，沙律菜今日一般，有d苦，刺身有5-6款，我食左三文魚同甜蝦，另外有希靈魚吞拿魚魷魚，冇帶子可惜仲有幾款壽司。海鮮都多種類，長腳蟹，螺，蝦，青口，etc. 鮑魚佢有但吾擺出黎，要自己問職員佢先會比你。另有中湯西湯，章魚小丸子，燒蠔，吾同款式沙律，凍盤，芝士拼盤。甜品選擇都多，布甸，蛋糕都有10幾20款，refill會變左吾同款，movenpick icecream 就有6-8款。掛住食冇咩點影相職員收碟同食物refill都快。之後到主菜，其實已經飽左大半。。。職員係甘sell黑美豚話一定要試，所以叫左份，豬味幾濃ge，但我竟然覺得配菜先係最好味😂另外仲有肉眼扒同石班，不過不失啦，但魚d豉油冇酒樓果d甘好食😂

平日的半自助午餐，已算多人。坐位和食物都算可以，12:00-2:30時間非常充足，一個自選主菜，其他食物不停供應沙律菜新鮮，生果鮮甜，芝士伴火腿，中西湯，冷盤，葡撻🥧，蛋糕🍰會員8折，所以算抵食👍🏻

分別係4月頭公眾假期及4月尾平日幫襯過，環境衛生，食物質素以及服務態度都有一定水準。~ 首先講講價錢同食物既分別假期嗰日，我哋一共4人，有買4送1優惠，每人都係$300有找。重點係星期六，日，公眾假期係貴$100，但係多咗凍海鮮（蝦，蜆，青口），壽司，Pizza，少量熱食及雪糕。平日平咗就無以上食物。加$98 紅白酒任飲。～ 環境及服務質素假期嗰日可能多師奶，門口攞位個姐姐就有D不耐煩。今日去就好正常，因為我去到時係無人排隊攞位。至於場內服務員都好落力，我兩次都遇到好的服務員，上次係一位後生男仔，今次係一位後生女。場內環境假日係好過平日，平日人多比較嘈。可能係咁啱今日後面坐咗4連枱16人， 服務員都忙到不得了。～ 食物質素上次同今次一樣，主菜都係要7成熟嘅羊，今日可能人多，7成熟變咗well done 😅其他食物都可以。有不同既沙律，1款中湯，1款西湯，麵包，煙三文魚，凍火腿，生果，蛋糕。另外每人有一杯餐飲，佢嘅咖啡係好飲嘅。總括嚟講，星期六，日及公眾假期去係食得開心啲，滿足啲。今日好驚喜，我係經openrice訂位，我係揀咗今日係慶祝周年紀念，突然送上蛋糕，好窩心😍多謝forte送上