FRITES Belgium on Tap (已搬遷) 新店位置

朋友介紹呢間喺中環嘅啤酒館， 話佢地整嘅青口真係好正，所以趁住假日前夕帶我黎嘆下 六點幾黎度都已經幾多人下，以外藉人士居多，呢度仲設有露台位，摸摸酒杯底，望望中環街景，氣氛唔錯 餐墊就係Menu，呢度嘅侍應都係外藉人士，全英文對答，點餐嘅事就交比朋友搞掂 。 呢度嘅撚手小菜 - 青口有成六款口味， 除左招牌忌廉口味，仲有喇沙Laksa、 地中海Mediterranean、白酒Mariniere、 Hoegaarden同埋蕃茄口味Provencale， 另外可以揀半公斤或者一公斤青口份量 雖則呢度係啤酒屋，不過唔飲酒嘅呢度都有好多mocktail選擇。好似我地咁就叫左清新開胃嘅Cardinal Punch同 Monk-ie Business，份量都算大杯。 頭盤先來一客Classic Caesar Salad， 爽脆新鮮嘅羅文生菜，配合充滿奶香嘅醬汁，仲有大量巴馬臣芝士，味道唔錯 今次點左Frites House Mussels， 係呢度嘅招牌忌廉青口，1/2KG份量兩個人岩岩好!! 青口索滿湯汁，非常之鮮味啊，確實是這裡必點的菜式 每份青口均附送薯條及自家製法包， 麵包外脆內柔軟煙韌，

以前去比利時旅行都特別鍾意食佢哋嘅薯條佢哋會叫做frites而呢間餐廳就用呢個菜來名名所以一聽就知道呢間係比利時菜！入邊嘅裝修都好有歐洲文化好適合放工之後同三五知己或者另外一半坐低飲杯嘢食小食傾吓計裝修風格都非常特別食飯嘅時候同時欣賞環境都別具風味其實呢間餐廳我都聽過幾次朋友喺附近返工都話呢間餐廳好味尤其是係佢哋嘅青口所以我都唔會放過呢個機會叫啦我叫呢個就係半kilo佢本身就會跟埋新鮮嘅炸薯條同埋沙律醬啲青口非常鮮嫩完全冇沙入邊嘅忌廉汁非常香濃而且仲有啲切碎左嘅蕃茄出奇地佢嘅忌廉汁嘅味道仲可以保存但係就加上左番茄嘅鮮甜真係非常impressive!同埋佢會跟埋塊麵包俾你一齊食將塊面包點啲湯汁更加美味跟住就叫咗個三文魚他他食落去嘅味道有啲泰式風味入邊會有洋蔥粒三文魚再加啲青檸嘅味道一個非常開胃嘅前菜鍾意食三文魚嘅一定要試試除咗青口之外仲有主菜我哋就叫咗個14安士牛扒個份量都幾大碟上邊會有香草牛油個牛扒肉質鮮嫩而且佢嘅煮法非常香燒烤味而啲肉汁仲可以鎖住喺塊牛扒入邊仲有脂肪同埋紅肉嘅分布比例勻稱食落去入口有啲好似溶化嘅感覺我朋友都話係佢食過最好食嘅牛扒我哋叫咗medium rare覺得啱啱好

<FRITES>是優雅的比利時餐廳，暈黃色的氛圍，配搭歐陸風的裝潢，情調浪漫。客人可坐在露台雅座，獨享開揚景觀，和私隱度高的用餐環境。摸著酒杯底，看看夜色，感覺十分Chill! Coco Colada $55Colada混合了菠蘿汁及椰子泡沫，椰香濃郁，入口蜜甜、綿滑，啖啖洋溢夏日熱情。FRITES House Mussels (1/2 kg) $245青口鍋有多款烹調煮法，我點了招牌的FRITES House Mussels。青口是每天新鮮空運到港，味道是非一般的吸引。青口浸泡在濃稠的忌廉汁內，肉質彈牙、挺身，連同滑滑忌廉呷入口，箇中的鮮甜在口腔迴盪著! 湯中的配料如洋蔥、紅椒粒和西芹，都令湯頭更香郁。把肥厚的手切薯條和麵包，吸嗦了湯頭，咀嚼時鮮味在口中“咇”出，味道令人難以忘懷! Rich Man's Burger $185Burger口感十分豐盛，法式牛油麵包夾著香脆煙肉、和牛肉扒、煎蛋及洋蔥蕃茄等。大啖咬下去，品嚐到多重層次感，和牛肉扒軟稔、肉汁豐沛，加上半溶的車芝士，是無比的邪惡! 手切薯條熱辣又脆卜卜，沾上sour cream，愈吃愈過癮。Seafood L

又係farewell 同事既時間,今次無份幫手搵餐廳但都知道要係中上環搵一間可以容納二十幾人既餐廳食lunch都唔易。呢間由同事揀話食過晚餐唔錯。去之前都做過下research 聽講d青口唔錯都幾期待！行過新紀元就到,就甘望外牆都覺得好靚🙊上到去完全係俾環境吸引,工作壓力都隨之而消失左一餐飯😂😂😂被安排係入面既一個小廳。都可以坐好多人。廁所都優雅過人。前菜可以揀沙律或餐湯。大部分同事都揀左餐湯。好濃郁既蕃茄湯,開頭偏酸後尾食食下有辣味,可能本身有落Tabasco .由於青口聽講好出名,但我本身唔好,所以美女同事提議share !實在太好！我地有3個人share 揀左3款BBQ pork ribs 魚同青口。講真,可能期望太高,野食無想像中甘好味。青口汁有點稀,唔夠creamy。魚炸得有點太乾,下面既薯容都無汁,有d dry.係ribs 比較好,十分入味。配既薯格都係我鐘意。最後可以揀甜品南瓜芝士蛋糕or餐飲。我揀餐飲而見到同事食既南瓜芝士蛋糕都唔太吸引哈哈。整體來講,環境舒服,野食 ok la, 不過不失既。價錢以上三個餐由$148-$228。淨講食物可能有更好選擇🙊

友人近日迷上了吃青口，早排先至陪佢去尖沙咀食完青口放題，近日又嚷著要再去重溫。其實要吃美味的青口，又唔一定要過海嘅，今次就一於由我作東，帶好姊妹去吃青口煲，兼歎比利時菜。一提起比利時菜，相信大家第一時間一定會諗起「Frites Belgium on Tap」。對，這間比利時啤酒屋，在港島區共有四間店舖，而是晚到訪的中環分店，就設於靜中帶旺的威靈頓街 The Wellington 1 樓。餐廳地方頗大，佔地甚廣，裝潢典雅，帶歐陸色彩，用餐區非常闊落，分成左右兩邊，而中間就以偌大的酒吧檯作間隔，配上開揚的大露台，環境舒服寫意。桌上的墊檯紙其實就係餐牌，食物款式主要分為六個項目，包括 Starters、Sides、Mussel Pots、Frites Vegetarian Board、Frites Healthy Board 及 多款 Mains。另外亦有一本 Snacks 及飲品餐牌同和一份甜品餐牌，選擇非常豐富。熟識筆者的朋友都知我愛喝凍飲，不過這晚有輕微抱羔，所以決定先點客 Flemish Onion Soup ($85)  暖下胃。洋蔥湯熱辣辣上檯，湯面放有一塊鋪滿半溶芝士嘅法包，法

Came on Sunday night and only handful of diners. Place had separate room with place area for kids including a play area which we pretty much had to ourselves.Food was quite good, popular dish mussels were decent sized and nearly every dish came with fries. Service was attentive given there weren't many diners and they knew the menu well which is important.

每次黎到FRITES食物都能夠保持水準! 店內主要採用長枱，適合一大班人黎gathering~配合德國酒吧風格既裝潢同埋輕快音樂，好有氣氛Frites Mussels (1/2kg) $245Frites既青口係我每次黎到必食次選！青口肉質彈牙，醬汁更加係精髓，濃郁幼滑既白汁配上蕃茄、洋蔥、香菜等，非常可口，一開始食就一隻接一隻停唔到口咖啦麵包既酵母感好正，煙煙韌韌，質感札實Steak & Frites $395牛扒我點左5成熟，外層烤至微脆帶炭火香味，上桌熟度剛剛好，肉味濃而唔會太油膩。薯條炸得香脆可口，沙律菜亦好新鮮Seafood Linguine $245闊條麵白汁濃稠，灑左檸檬汁後添加了一份清新意粉夠曬al dente~Belgian Waffle $80Belgian Waffle質地有少許過韌，玉桂味較為突出，可惜口感唔算鬆軟，比較特別。

🍲法蘭德斯洋蔥湯 $85大量洋蔥 令個湯有啲嗆但面有塊有芝士既麵包 中和左種刺激感鍾意洋蔥既人應該會like🦐大蝦蟹肉沙律 $195大蝦都幾大隻 夠爽 啖啖肉沙律幾fresh 幾開胃🐚招牌忌廉青口 $245一上枱已經覺得好程 忌廉好濃厚配麵包好好食 青口亦好入味 份量都算多😙🍖750g燒咸豬手 $255好大好大隻手 啲皮好脆 好似食緊厚薯片咁好香口不過好肥 肉好嫩 完全唔鞋 底仲有啲瓜同薯仔 好飽肚😆

so this mussels basically require you to kick your fingers. I get that. But doesn't it make it necessary to have wet tissues available? a cute smile won't do. and that is hardly one. ma'am. food and beer are fine. I'm back. Who at OPENRICE makes rating carry a minimum penalty of 200 words? U can rant on and on but I can be concise razor sharp and to the point. this is obviously rating OPENRICE or its app monkeys.

Crab Tian : 蟹肉配上調味西芹蛋黄醬、牛油果、蕃茄、豌豆苗等，份量還十分慷慨, 不過就覺得那些椰菜絲雪味有點重，麵包片烤得香脆不過我就覺得油味有點重來到這裏怎可以不吃青口！吃了招牌忌廉青口， 青口size比較少，配上碎番茄, 大蒜, 洋蔥, 淡忌廉與香草是提鮮好配搭，醬汁可以用來沾麵包與薯條，青口勝在不黏牙🤣

因為我公司係呢間餐廳附近 ，所以我黎呢頭番工短短兩個月已經第三次去呢間餐廳, 之前兩次感覺都好好，尋日再帶朋友黎食。同我嚟嘅朋友第一次去呢間餐廳，佢一點完餐，就話間餐廳裝修咁靚，以為會好貴，結果價錢都在打工仔合理範圍，佢話真係估唔到。我哋兩個都鍾意食素，尋日叫咗兩個素嘅漢堡包，啲肉係用豆豆打成， 配埋啲醬汁 ，都幾好食。我之前兩次都係坐對出嘅位置，比較嘈。今次坐入面，靜好多。Waiter waitress都係外國人，佢哋都好nice。喜歡靜靜地食飯傾偈嘅朋友，呢間餐廳都好適合。

去到仲係happy hour時段，大部分野飲都有半價，嗱嗱淋叫左2杯cocktail 左邊係Mango Margarita, 姐係Tequila + mango + Lemon juice. 芒果味幾濃，夠酒味唔會太甜，檸檬味反而比較少，但個人覺得芒果同酒味先係杯cocktail的重點。右邊係Frites Fruit Lemonade, 酒味較輕，士多啤梨味較重，甜甜地，中意果味濃野飲的女生一定會中意前菜叫左個Aubergines Au Parmigiana, 唔好問呢個字點解😂 總之睇menu下面的簡介叫野食。佢係4件焗茄子，超多芝士加蕃茄蓉，看似好簡單，但真係好好食，茄子好唸好多汁，香濃的芝士同大大pat蕃茄蓉味道好夾。想食菜所以Side叫左西蘭花焗椰菜花，好多cream好香，菜的軟硬程度剛剛好Main的其中一個係beef stew, 啖啖牛肋骨肉但係無骨，好香好軟好滑，份量仲要幾大，尤其是兜薯蓉，出盡奶力都食唔晒。脆麵包點牛肉汁好好味😭，薯蓉整得一d都唔hea, 食到有細細粒薯仔同有d酒香味，牛油味都好重好滑，飽左都仲想繼續食Seafood pasta 的pasta係扁意粉，啱啱

忙完一輪之後係時候食返個豐富的LUNCH 獎勵自己, 訂左枱黎呢度食飯, 已經隔左成年冇黎, 對上一次黎食既印象都係唔錯既, 服務正常, 食物亦很有水準!LUNCH 有一百元左右的套餐, 價錢向上環區算合理~因為自己食唔晒一盤青口, 所以最後決定點漢堡包, 朋友點青口, 可以痴少少黎試下一開始落單, 因為我地都多人, 所以事先計好, 要邊幾款餐, 每款幾多份, 報比侍應方便落單侍應黎到, 聽到我地咁報數, 一句英文BAN 埋黎話佢要跟座位一個個咁落單, 方便上菜跟佢個方法唔係唔OK, 不過可否比少少禮貌講句唔該呢....到上前菜時, 又換左另一位捧餐的侍應, 佢問返我地邊個要湯,邊個要沙律...下?? 咁跟位落單意義何在?最後都係我地指示返佢D湯同沙律要點上.....點了南瓜湯, 好FRESH, 好好飲, 仲有南瓜粒粒, 又夠熱朋友飲飲下湯剩返少少, 掛住傾計冇再飲落去, 侍應問都冇問就行埋黎拎起隻碗走人, 要朋友即刻叫停佢先放低, 話晒都叫靚少少既餐廳, 可以比返D基本應有的服務嗎? 漢堡包送來了, 冇留意到餐牌, 原來係素菜漢堡! 夾在裡面的是牛油果蓉, 都煎得幾香不過食食下向個飽

自從由澳洲回港後，一路都後懷念澳洲那些正宗的歐洲餐廳。還記得悉尼有一兩間比利時餐廳相當不錯，回港後卻很少接觸到到比利時菜。當天是朋友生日，我們於網上搜尋到FRITES，看見食評不錯，就立即book位。剛入座不久，職員就提醒我們8點前Happy hour 叫飲品有半價，因為只剩下不到10分鐘，所以我們隨便叫了4杯cocktails。Cocktails 的選擇不多，但勝在價錢相宜。Starter我們只叫了Mamembert, 這度菜是西式的炸芝士。與在香港較常接觸到的日式炸芝士比起，芝士的味道淡很多，香味更細膩，及帶點酸味。因為味道很特別，我認為值得一試！MainsMariniere Mussel Pots ，白酒煮青口鍋，是我最推介的食物。Mariniere sause是源自比利時及法國北部的醬汁，主要材料有白酒、奶油、蒜蓉等，Mariniere煮青口是一種很地道的烹飪方法。大部分白酒已在烹飪過程中揮發，所以入口時不太感受到白酒的味道，只有淡淡的蒜味，醬汁雖然濃厚，但並不會覺得膩。正正是因為Mariniere 味道偏淡，能更好地襯托出青口的鮮甜味。青口肉不算特別肥美，但夠新鮮，味道清甜。

Happy hour 半價好抵 同朋友坐低飲左兩杯食左最出名既青口鍋單點份薯條好食 但跟青口鍋份薯條好硬洋蔥圈正常水準裝修係好外國feel 好坐 環境很好 過了6點 餐廳會開始把燈調暗 轉為酒吧