Gustoso Burger (海都大廈) (已結業)

喺銅鑼灣SOGO後面，搵到間外賣小店，漢堡包選擇非常多，仲要有埋台飲😳😳夏天熱辣辣，就啱晒😎😎牛油果蛋牛堡淨係睇個名，其實已經知道好豐富！除咗車打芝士之外，仲有牛肉，煎蛋，牛油果醬，牛油果片，紫洋蔥同埋蕃茄！直頭大到一口咬唔晒🥰🥰 煎蛋同埋牛肉都煎得好香，牛油果片係厚切，整體口感非常豐富👍🏼👍🏼食食吓發現，佢哋個包仲係煎香左，唔怪得知咁脆啦😎😎好食！紫薯餅💜💜香脆，甜甜地，又唔會太大/太飽肚。飲品方面，我揀咗百香果梳打，佢哋嘅梳打系列全部都係少冰，令到成杯飲品唔會淡茂茂。梳打夠氣，又大杯，爽！

位於銅鑼灣既漢堡小店，雖然只提供外賣，但已經聽過同區飯腳唔少好評！今日趁自己一個食飯，一於去親身試下🍔店舖雖然細，但餐牌種類超級多！漢堡可以揀牛、豬、雞、海鮮、素菜，想食豪啲仲有得揀和牛。最平三十幾蚊有交易，區內比較價錢都好有良心！芝士煙肉牛堡第一次試梗係試吓牛肉漢堡扒！4oz美國牛打成patty煎過後仍然鎖住肉汁，加埋煙肉、車打芝士、蕃茄生菜，茄汁同芥辣，經典配搭已經好好味脆炸吉列蠔所有漢堡都可以轉餐，而且小食選擇都非常多！我揀咗吉列蠔，兩隻都炸得好香脆，但入面隻蠔唔怕乾身，仲好juicy🙆🏻‍♀️白桃烏龍茶加$8可以轉白桃烏龍茶，估佢唔到咁大杯，最貼心係甜度可以選擇，轉左少甜仍然有白桃香味，同烏龍茶清香茶味好配合，消暑一流！

位於銅鑼灣的漢堡包外賣小店，漢堡包種類眾多，肉類分別有豬、雞、牛也有分普通牛肉及和牛，還有海鮮。小店貼了推介食物照片及餐牌。外賣小盒子像個便當般，分隔好漢堡包及炸物，盒子有幾個孔，散走熱氣，令熱力不會留在裡面，影響漢堡包的質素及口感。素堡：Gustoso素堡   漢堡包的餡料分別有豆乳流心素扒、番茄、紫洋蔥、生菜，再淋上燒汁，醬汁份量恰好。最有特色是豆乳流心素扒，以大豆製成的素食扒，素肉質感結實，中間軟腍，是流心狀的，醬汁由入面慢慢地流出來，健康又不膩的素肉堡。小食：香芋地瓜丸  以優惠價升級成套餐，可以加配一款小食，地瓜丸一共三粒，剛炸起至金黃，十分香脆可口，入面的香芋蓉甜甜的。手作茶系列：炭焙烏龍茶跟餐的飲品也相當大杯，選擇了無糖，烏龍茶味濃郁，苦澀味突出，更加解膩。

路過見到餐牌好吸引，就買返屋企慢慢食黃金煙芝脆牛堡 $68內裏有車打芝士，4oz美國牛，黃金煙芝脆，茄汁，紫洋蔥，生菜一打開個盒見到巨型漢堡包嚇一跳，大大個包內裏有着豐富餡料，4oz美國牛有香濃牛肉味，肉厚多汁，芝士包住炸過既煙肉，香口惹味加$19換購香芋地瓜丸3粒及$18飲品一杯地瓜丸炸得香脆，而且煙煙韌韌好有咬口，內裏有香芋蓉，好香芋頭味，但又唔會太甜飲品選了百香果梳打，清清甜甜冰凍解渴下次試埋和牛堡先

有人介紹公司附近一間burger店，今日趁機過去試吓，鋪面細細只做外賣，啱晒附近嘅打工仔。店面只貼出英文餐牌，其實都有中文版本嘅，除了一般嘅豬牛雞素，仲有海鮮同和牛漢堡可選，最後揀咗三重芝士和牛堡，再加$18轉套餐，有三粒香芋地瓜丸同埋飲品。和牛漢堡要等10分鐘，行吓街就返嚟取外賣。首先要讚吓佢嗰三粒地瓜丸，真係好好食，煙煙韌韌咁，裏面有啲芋融，值得推介！重點漢堡包都好好食，眼見有兩種唔同顏色嘅芝士，溶溶地食落好正！和牛漢堡都非常好食，而且好大件，好香！飲品就揀咗經典珍珠奶茶（珍珠要加$4 ），正常水準，珍珠夠煙靭，合我心意！

- 黎開銅鑼灣Staycation，想話買下野食返酒店食。經過呢間Gustoso Burger，見有好多Burger同小食，所以決定試下。係店舖門前，已經聞到陣陣麵包味。 - 餐牌上既選擇有好多，價錢都好實惠，Lunch去放縱下都唔錯！- 我地今次叫左兩份Burger再跟餐，外賣已經大大盒！餐點買到返去既時候，仲見到啲漢堡包表面漲卜卜🍔，睇落好吸引。- 就咁聽黃金煙芝脆牛堡個名已經好邪惡，點知食落更加誇張🤣！一開始以為係就咁有啲普通既煙肉脆脆，點知原來係成塊煙肉包住芝士拎去炸，估佢唔到咁好味，岩哂我呢啲重口味既人😋！- 而明太子蝦堡都同樣足料，食落醬料同蝦餅好夾。而咬落去，麵包第一啖就充滿牛油香，脆得黎又鬆軟。- 而跟餐既薯條係真薯仔🥔，食落勁好味又唔油。另外，炸蠔都勁大粒，唔會有腥味，唔錯！- 跟住我地配餐跟左兩款飲品，超大杯，價錢仲好抵添！

今日喺銅鑼灣而且時間又有d趕，就去左海都大廈嘅Gustoso Burger買外賣自取，因睇食評見依度有和牛漢堡食。今次order左熱熔芝士和牛堡、小食有香芋地瓜丸，飲品揀左冷芒芒綠茶。熱熔芝士和牛堡係用車打芝士所以特別香濃，而且依款芝士味道同和牛好夾，內有不少洋蔥絲，和牛漢堡肉質頂級，牛味香濃又柔軟。香芋地瓜丸值得一讚，外表炸得金黃香脆，內裹熱炙炙有煙靭地瓜味覺，好食。冷芒芒綠茶就有清新芒果味道，加上綠茶嘅淡淡茶香，依杯手作茶一試難忘。

這間在銅鑼灣的burger外賣店，有多款不同味道的burger，除了有豬、牛、雞及海鮮外，還有素食，更正的是有和牛漢堡，而且價錢都唔算貴，同某大連鎖集團的價錢差不多，而且即叫即做，新鮮熱辣。黃金煙芝脆牛堡牛肉漢堡很厚身，而且很juicy，漢堡扒結實多汁，芝士半溶狀，還有炸至金黃得香脆的芝士煙肉薯餅，整個漢堡份量十足，新鮮熱辣又好味。地瓜丸炸至金黃香脆，煙煙韌韌，中間軟糯，中間香甜。特濃朱古力脆脆冰量及甜度都有得選擇，我就揀了少甜少冰，朱古力味道濃郁，甜度剛好，表面灑上脆脆，飲落去略有層次。

銅鑼灣地舖嚟講，唔難搵嘢食。記得朋友提過呢間新burger店，又想買番屋企慢慢嘆，就幫襯吓！選擇都幾多，個人鍾意食蝦堡，二話不說揀咗明太子蝦堡burger靚包內有生菜，紫洋蔥（好香），脆蝦（嫩滑），明太子醬，車打芝士。不得不讚明太子醬，好多時用於pasta, 夾喺burger食原來咁good另外加$8炒蛋，整個burger滿分通常burger店配汽水，但竟然有台式飲品，叫咗杯白桃烏龍茶，好香好fresh，相比台式飲品專門店有過之而無不及，因為好飲得嚟仲要抵飲。加$19有3粒地瓜丸及$18的飲品，即係補差價，只係加$27就有烏龍茶同地瓜丸，冇理由唔加。地瓜丸一般都係日式店先見到，今次burger店見到有，唔使諗一定會叫！食完burger，仲有外鬆脆內軟口嘅地瓜丸，好滿足！唔怪之得朋友推介我食呢間，我都忍唔住要動動手推介一下俾大家!

一向都好鍾意食手打牛肉burger ，今日係銅鑼灣做完facial ，見到呢間新開嘅牛堡外賣店，不期然望吓餐牌。價錢又唔算貴，仲有好多小食同埋台式飲品可以選擇。忍唔住買返屋企試吓。⭐️黃金煙芝士脆牛堡⭐️拎到返屋企，意外地發覺原來係厚厚嘅炸煙肉，加上車打芝士，炸到合為一體，極為鬆脆🤤🤤，感覺新穎，非常惹味。另外仲有一層厚厚嘅4oz 美國牛，牛味濃郁，非常Juicy，配上紫洋蔥、生菜，味道真係冇得頂。鍾意食牛堡嘅朋友一定一試難忘😍😍😍😍⭐️香竽地瓜⭐️香芋甘香清甜，外邊炸到黃金脆口。煙煙韌韌，非常特別，小朋友一定特別鍾意。👍👍⭐️芝蓋茫茫茶⭐️芝士奶蓋味道濃厚，芒果新鮮，配上清香茶味，非常清甜解渴。😋😋😋😋

星期日喺銅鑼灣行完街想食宵夜，經過景隆街嗰邊見到漢堡包店「Gustoso Burger」仲未關門💡，於是就決定即刻幫襯。小店四周圍都貼滿餐牌同食物圖片介紹，令人眼花撩亂😛。Burger款式有成廿幾款，豬、牛、雞、素、海鮮同和牛等一應俱全，除咗和牛較貴之外，其他款式平均五十幾蚊就有交易，都算OK👌。我要咗一個Burger再升級做套餐🍟，包小食同$18飲品，成個餐食晒飽到一個點！黃金煙芝脆牛堡($68)，🍔漢堡包新鮮滾熱辣出爐，好正！佢超級大個，拎上手勁重。漢堡包餡料豐富，包括車打芝士、牛肉漢堡扒、黄金煙芝脆、紫洋蔥、茄汁同埋生菜。漢堡扒重4oz，肉質結實，肉味亦算幾強。未食之前仲諗緊唔通佢有兩塊漢堡扒，而其中一件係炸嘅？點知原來呢塊就係黄金煙芝脆🥓，佢由芝士、煙肉加薯仔疊埋再拎去油炸整成。咁樣嘅食法都係第一次，既特別又惹味。我唯一唔鍾意嘅地方就係漢堡包落茄汁，因為略嫌偏酸🥫。香芋地瓜圓，小食款式會影響套餐價錢，配地瓜圓或薯條就最平，加$19。🍡地瓜圓外層炸至金黃香脆，而內層則帶啲煙韌嘅口感，最後裡面嘅香芋蓉就甜甜的🍠。凍白桃烏龍茶(原價$26)，少甜咗嘅白桃茶都係偏甜🙈，不過好在白桃味幾

喺銅鑼灣做完運動發現依間新開burger外賣店—漢堡小食選擇多，仲有台式飲品添！第一次食叫咗店長推介嘅Gustoso牛堡～漢堡扒用美國牛打成，混入洋蔥粒增添口感；配料都係基本嘅車打芝士、蕃茄、生菜，但我鍾意佢加肉醬而唔係普通茄汁，令個牛堡味道更豐富。漢堡可以升級唔同套餐，最貴嘅都只係加$29，可以揀蕃薯條/吉列蠔/蜜糖烤雞翼，仲有價值$18嘅飲品。吉列蠔唔算大隻但炸得好脆，咬落去咔嗞聲然後就食到爆汁嘅蠔肉，好夠鮮味。限定推出嘅菠蘿綠茶好refreshing，啱晒而家熱辣辣嘅天氣，嗌半糖剛好，補差額加$8就飲到喇～順帶一題佢地嘅外賣盒都好貼心，有開窿疏氣，唔怕倒汗水令漢堡同炸物淋晒，盒入面仲有間隔分開唔同食物添👍🏻Menu：

一個人食完晚餐買份burger俾老公。餐廳位於海都大廈，等外賣仲可以睇下貓貓🐱。是日等外賣10分鐘多少少就拎得，好有效率。🔸牛油果軟殼蟹蛋堡漢堡包🍔超級厚身，一啖咬唔晒。軟殼蟹多汁又唔腥。牛油果🥑生熟度啱啱好。加少少生菜同蕃茄，味道清新啲。整體味道豐富，飽肚又滿足。🔸吉列蠔香脆鮮味，唔會太油膩。🔸凍白桃烏龍茶比想像中大杯好多。叫咗無糖都有少少甜味。茶底幾香唔苦澀。佢哋6月仲有限定叫推出嘅菠蘿飲品同厚燒玉子。

近來，一時間看到很多手工漢堡小店，如雨後春筍般出現，最近，收工時經過銅鑼灣，就遇上「Gustoso Burger」這小店，看到有不少客人光顧，就駐足看看。最後，決定光顧是因為除了漢堡，還提供多款特色小食，更特別的是可選配台式飲品，真是一次過滿足兩個美食喜好：漢堡配台式飲品。抬頭再細看餐牌，其實選擇非常之多，由手工漢堡、小食，到飲品，真是很少小店會提供如此多選項。此外，亦可以加錢轉為套餐，另可補差價轉其他特飲，非常有彈性。 好奇何謂「煙芝脆」，就點了這一款「黃金煙芝脆牛堡」（$68），+$19轉套餐（指定小食+$18內飲品），選了「香芋地瓜丸」，而飲品就再補差價$10選了黑糖珍珠鮮奶，變成一頓非常豐富的晚餐。很喜歡店家的包裝盒，一來盒的四角開了洞，盒內不會積聚水氣，二來分了間隔，同時擺放了漢堡及小食。黃金煙芝脆牛堡非常之大個，而且，十分墜手，內裡有車打芝士、4oz美國牛，黃金煙芝脆、紫洋蔥、生菜及茄汁，原來煙芝脆是吉列芝士煙火腿，是極邪惡之物，但真心好吃，非常之香口惹味，而牛肉都做得鬆化，肉味濃郁，再配上其他食材，真是滋味無窮。 香芋地瓜丸也很有特色，外皮加入蕃薯，所以色澤帶點黃，煙糯而

SOGO 血拼完，去咗附近嘅Gustoso Burger簡單買個漢堡回家！小店主打漢堡，鋪面唔大，只做外賣生意，亦因為咁，漢堡價錢唔貴，$39-$88已有交易，喺銅鑼灣區算係非常親民。漢堡除咗分豬、雞、牛、海鮮及和牛系列之外，仲有埋素Burger，選擇多樣化。我揀咗牛油果脆雞堡($58)，材料簡單，有脆雞，牛油果醬，牛油果片，洋蔥，車打芝士及番茄，配搭雖然穩陣，但味道唔錯，特別係塊脆雞，炸得香脆唔油膩，咬落肉質嫩滑之餘仲帶有肉汁，唔會炸得好乾。漢堡包咬落唔會好空氣感，比較紮實，如果烘得脆口d就更有口感啦。不過始終返到屋企先食，隔咗15min左右，牛油果醬開始有少少變黑，影響賣相。如果將洋蔥擺喺牛油果醬下面，可以減慢氧化速度。+$19升級套餐，有3粒香芋地瓜丸及一杯$18飲品。香芋地瓜丸好有驚喜，唔會炸得油膩，入面係軟綿香甜嘅香芋地瓜蓉，雖然邪惡但好味！呢度飲品同樣好多選擇，有梳打、珍珠奶茶、鮮奶、朱古力同芝士奶蓋系列。天氣熱，揀咗杯凍白桃烏龍茶（原價$26,補$8)，茶味香醇，帶有淡淡白桃香甜清新，消暑一流。落單後先見到原來糖度同冰量都有得揀，如果店員主動問一句會更好。