Here Thai Market

营业中

休息中

Here Thai Market（沙田）餐廳位於沙田正街18號新城市廣場第三期2樓,餐廳裝修高尚以木和滕為主調,設計以泰國水上市場作背景,好像去了泰國水上市場開餐感覺,餐廳主打泰國菜,由米芝蓮主廚主理,餐廳選用新鮮高質食材,服務員招呼到位。羅氏蝦炒金邊粉配有芽菜,韭菜,辣椒粉,花生和青檸等,大大隻羅氏蝦,啖啖肉,金邊粉有鑊氣,小小焦香,好惹味。蟹肉炒飯配有香蔥,青檸,青瓜,蟹肉份量都不少,入口鮮甜,飯粒炒到金黃色,粒粒分明,食落軟糯香口。蟹膏蝦多士蝦多士配有很多蟹膏,蝦多士炸到金黃色,每口多士都有蝦肉,蟹膏鮮美,好有滿足。雞全翼兩串配有泰式醬汁,雞翼外皮燒到焦香,肉質切保持濕潤,點埋醬汁更好味。香茅青檸冰沙沙冰好濃香茅和青檸味,入口清涼舒適。芒果冰沙好多芒果蓉,酸酸甜甜,越食越醒胃。

沙田新城市廣場新開咗間泰菜 — Here Thai Market，唔少朋友食過都話正，今晚收工就帶埋屋企人過黎一齊試試～餐廳裝潢別具心思，滿滿泰式風情，由泰國名廚Chef Ton同泰國知名酒家「文苑」創辦人文偉賢師傅開設，同時帶黎泰國50年老字號Lung Ngen Coffee，係Here Thai Market只需以平民價錢食到米芝蓮味道！😋安格斯牛肉船麵招牌船麵一定要試！麵底我揀咗米粉，索滿濃稠船麵湯汁，特別惹味！有齊牛筋、牛腩、安格斯牛肉、炸豬皮等多種配料，首推半生熟安格斯牛肉，厚薄適中，牛肉味濃，入口嫩滑無比～😋泰式海南雞拼燒雞飯揀咗油飯，油香十足~海南雞無骨嫩滑啖啖肉，配以雞皮爽彈，再沾上附送既泰式酸辣醬汁更滋味！燒雞偏乾身，燒得香口又惹味。 😋蟹膏蝦多士蝦多士就食得多，配蟹膏真係第一次試！蟹膏鮮甜香濃，加於蝦多士上同食，熱辣辣，又脆又香，雙重口感勁滿足！😋免治雞肉雞軟骨混以雞肉＋雞軟骨，濃濃雞味，好有咬口，如果配埋醬汁相信會更滋味！😋泰式手打檸檬茶檸檬獨特清香與泰式茶底完美結合，舒爽透心涼～😋泰式奶茶 奶茶口感相當順滑，甜度剛好。

Here Thai Market位於香港沙田新城市廣場三期2樓A216號舖餐廳由兩位泰國米芝蓮名廚Chef Ton和Chef Man聯合主理.旨在以高性價比的價格呈現正宗泰國風味的菜餚給香港人。餐廳地方闊落。以泰國水上市場獨特的文化景點為裝飾.人氣旺盛。//三色咖喱$268三款唔同嘅咖喱//另外仲配咗幾個米線. 同時食到唔同嘅咖喱。風味獨特。大大份。低吃夾大件。//瀨尿蝦炒飯炒飯炒得粒粒分明.瀨尿蝦的肉質鮮美，清甜.瀨尿蝦的腹肉飽滿濕潤，具有彈牙的口感。配上青瓜.蔥.檸檬. 清新口味。//豬頸肉沙律豬頸肉肉质丰满，口感嫩滑.沙律中加入了薄荷葉、香茅、檸檬葉等香草，为肉类添加了清新的味道。这些香草不仅去除了油膩感，还增添了风味。//芒果沙冰芒果带来浓郁的芒果香气和甜味.沙冰口感清凉，融化在口中，给人一种愉悦的感觉。//鮮椰青口感非常清涼，特別適合在炎炎夏日飲用。解渴讓人感到舒爽。

今日嚟到新城市試下呢間開咗冇耐嘅泰國菜餐廳裝潢好有特色 充滿泰國風情綠色做主調 配搭木枱櫈環境乾淨整潔 座位好闊落 店員都好友善豬頸肉炒飯 $88豬頸肉外皮燒到少少焦脆 食落好香嫩炒飯份量好多 飯粒炒到粒粒分明 蛋味香濃 會越食越想食另外仲有青瓜伴碟海鮮炒闊河粉 $128海鮮有大蝦 帶子同埋魷魚另外仲加咗蛋 青椒 紅椒 菜 粟米筍一齊炒闊河粉咬落去非常之煙韌辣辣地食落好惹味原條燒章魚鬚 $108好少食燒章魚 呢條章魚鬚真係好大條超級厚肉八爪魚好軟腍易咬另外仲配搭咗泰式辣醬 魚露 仲有白飯蟹膏蝦多士 $128蝦多士賣相好吸引炸到金黃色咬落去食到滿滿嘅蝦 蝦肉彈牙 外皮好酥脆 唔油膩蟹膏味道鮮甜香濃 口感細膩蝦多士配搭牌高登係perfect match鮮椰子水 $38超級大個椰子 椰子水仲要勁清甜 必點！泰式牛奶咖啡 $28用藤做嘅杯好有泰國風味飲落口感幼滑 牛奶味好香

今日約了朋友於新城市吃食晚飯。原來在新城市廣場新開了一間泰式餐廳。蟹肉炒飯 $168蟹肉炒飯的飯底非常香，加入了雞蛋非常有口感，金黃飯粒，粒粒分明，蟹肉非常大粒份量又多，而且彈牙富海鮮味！安格斯牛肉船麵米粉，小辣 $128這個船面有安格斯牛肉，牛肉丸，燉牛睷肉，燉牛筋。安格斯牛肉非常重牛味，而且軟腍，牛味香牛腱和牛筋富咀嚼勁，牛肉丸彈牙，湯非常香濃，米粉吸收了湯的精華！雞腿肉兩串 $48雞腿肉燒得，非常香滑帶，肉汁完全沒有流失，多汁嫩滑，還帶有點點雞香甜味。凍泰式奶茶 $28冰凍的泰式奶茶, 以竹藤編織杯墊，非常之有東南亞風情！ 泰式奶茶香甜，帶有點點椰香味！鮮椰子水 $38椰子水鮮甜！

放工同朋友到沙田市中心Shopping, 順道一齊食埋dinner先返屋企。經過呢間門面幾有泰國特色嘅餐廳, 望入去人氣幾旺, 加上原來係由兩位泰國米芝蓮名廚主理, 吸引我地入去一試。餐廳空間感都幾大, 尤其最入面長檯位置, 坐得幾闊落, 就算一大班人都可以舒舒服服坐埋一齊。檯面放了數款調味料同埋麥茶。點餐後, 上檯速度快。【羅氏蝦(兩串)】HK$56羅氏蝦脹卜卜, 表面烤至帶少少焦, 蝦肉札實爽口鮮甜, 配上泰式酸辣汁, 惹味提鮮。 【蟹膏蝦多士】HK$128多士非常酥脆, 蝦肉比例多, 鮮甜彈牙, 雙重口感一流! 另配有甲羅燒, 沾埋一齊食, 鮮味回甘, 推介!!【泰式海南雞拼燒雞飯】HK$98 (自選白飯/油飯)大部份雞件已被去骨, 兩款雞肉質超嫩, 燒雞皮仲好脆, 沾上泰式醬, 味道更提升。自選了油飯, 但稍為帶點乾身, 油香味唔太出。【雜菜炒闊河粉】HK$78 (走辣)闊河粉很有油光, 口感幼滑柔軟, 每條平均吸了醬汁嘅鮮香, 配上青椒、蘑菇等...增添了層次感。【泰式奶茶】HK$32 (+$4追加珍珠)奶嘅比例比茶重, 味道真係近似泰國地道一樣, 加咗珍珠, 煙煙韌韌幾有咬

如標題，所有野都差，嬲到要第一次寫食評見裝修唔錯，諗住試下新餐廳門口無人安排，又無機禁飛，等咗一陣先有人理我哋，入到去就係抌低咗個QR code就走咗自己用手機點完餐，先發現原來收每人$10茶位，搵侍應確認左，收得人茶錢，至少比兩隻杯呀，枱面有一壺係上一手用完嘅茶壺，表面勁多油！第一次攞過嚟嘅杯，杯底部疑似有茶漬，叫第二個侍應換過第二隻杯，杯底部又有塊疑似菜葉，用紙巾抹抹成張紙巾啡色！好恐怖！心有不甘，你收我10蚊一個茶位我冇理由唔飲茶啫，就問佢會唔會有普通透明嘅水杯，佢話冇水杯喎！好嘢，一間餐廳連一隻水杯都冇！之後就攞咗兩隻熱飲杯俾我，但其中一隻都仲係污糟！放棄，兩個人用同一個茶杯算！食物未到，第一印象已經好差叫了兩個船麵，一個豬肉一個牛肉，豬肉係肥到5分4都係肥膏，佢俾人揀走配料，我走豬肝結果仍然有豬肝！我叫小辣，但一啲辣都食唔到！香茅青木瓜沙律，係成舊生嘅椰菜擺喺碟度，你自己搣開嚟食！未食過啲咁dry嘅青木瓜沙律，極少木瓜絲，又冇汁無剩！重點：啲侍應係全部靚仔靚妹，個個唔想做咁款，叫佢哋做任何嘢都係黑口黑面！毫無反應，但自己圍內傾偈就好開心叫埋單，等咗勁耐先嚟！埋單過程一粒聲都冇

有驚喜嘅泰國餐廳Here Thai Market，由兩位泰國米芝蓮名廚主理，餐廳面積幾闊，裝修以泰國水上市場為主題，用咗民族風色彩裝扮，配搭東南亞風格嘅藤櫈更有泰國特色！氣氛滿滿，好適合與朋友聚餐。蟹肉炒飯可以揀正常份量或者加大size,蟹肉豐富，啖啖蟹肉嘅口感幾好,入口鮮甜有質感，飽滿又扎實。黃咖哩蟹肉米線賣相出色，黃咖哩同米線分離，米線分成三團，根據自己喜好，在米線上淋上咖哩汁，黃咖哩唔辣，有豐富蟹肉，配上野菜，口感層次很豐富。泰式鹹蛋魚餅佢個鹹蛋黃好大粒，比較軟冧濕潤，魚餅就有特別嘅泰式香料，配在一齊好特別。牛柳 大串抵食，肉質唔錯而且充滿肉汁，可沾上秘製醬汁，味道更惹味。鮮椰子水椰子夠大粒，新鮮而且味道清甜，水份好多，可以刮起椰子肉食。龍眼冰仙草 龍眼桂圓肉都幾多，爽口清新，加上仙草，口感豐富。

“瀨尿蝦炒飯”($168)“牛柳炒闊河粉”($98)“蟹膏蝦多士”($128)“雞腿肉兩串”($48)“泰式奶茶+珍珠”($32)“青檸梳打水”($18)“茶位”($10/位)新城市三期新開咗間泰國菜聽聞仲要由2位泰國米芝蓮名廚主理咁勁當然要去試一試🤣餐廳十分闊落,入面充滿濃濃嘅泰國氛圍入座後用qrcode落單夠哂清晰方便我地點咗2個主食,1份串燒同1份小食嘢食好快就到齊😛瀨尿蝦炒飯平時都好少見最正就係唔駛自己剝殼🤣炒飯粒粒分明,加上瀨尿蝦鹹鮮十足😋另一份點咗牛柳炒闊河粉🐂河粉食落清嘟嘟好qq呢個食落有啲辣,怕辣嘅朋友可以叫走辣串燒都有好多選擇我地就揀咗串燒雞腿肉🐔雞腿肉燒到外面焦香,點埋醬汁更惹味小食方面就要咗份蟹膏蝦多士🦀🦐蝦多士食落彈牙,加上濃濃嘅蟹膏超級正🤤飲品就點咗泰奶加珍珠,青檸梳打隻杯好靚好有特色😚飲品味道都好唔錯☺️

嘩嘩嘩，垃圾，今日的用餐體驗真是令人失望。過去我曾多次光顧這家餐廳，一直都感到非常滿意，但今天的食物品質和服務完全讓我感到失望。首先，壺茶居然是冰凍的，這讓我感到相當驚訝。此外，菜單上的大部分項目都無法點叫，而且服務人員並未提前告知，他們的態度也顯得不夠專業和熱情。金邊粉的質地不好，炒蜆的尺寸也非常細小，燒鰻魚肉更是發霉了，唯一可口的只有通菜。這次用餐只有三分之一得入座率。我對這樣的用餐體驗感到非常失望和不滿。作為顧客，我們期望能夠享受到美味的食物和優質的服務。這次的情況讓我感到非常困擾，也讓我對這家餐廳的期望大打折扣。希望這次的不愉快經歷不會影響我對其他餐廳的期望。我希望每次用餐都能夠成為一個美好的回憶，而不是令人失望的體驗。對於我在這家餐廳的遭遇，我感到非常遺憾和失望。

一田行完上電梯就見到哩間餐廳好多人, 而且裝修幾靚幾有特色就入去試下。原來係泰國米芝蓮名廚主理, 裝修以水上市場做藍本,。安格斯牛肉船麵$108安格斯牛肉腍香, 另外仲有Q彈既牛筋同埋牛丸。湯底濃而不咸, 有淡淡牛骨甜味。瀬尿蝦炒飯$168出面好少食到瀨尿蝦炒飯, 雖然瀬尿蝦唔算大隻, 但佢拆哂殼啖啖肉好岩我哩D懶人。炒飯夠乾身帶有少少蒜味, 幾香口的!免治牛肉洋蔥 $56哩個又幾好食喎燒得表面焦香, 咬落去入面有肉汁, 加埋洋蔥香同口感, 點埋酸辣汁幾惹味。雙芒椰奶西米冰 $58芒果味夠濃, 質地厚身creamy, 自己mix 埋D冰落去凍D仲好食!!幾中意佢野飲杯套~~ 香茅青檸冰沙同埋龍眼冰, 清爽!!

今日嚟到沙田食泰菜，餐廳位於新城市廣場三期，非常易搵。裝修方面，餐廳充滿泰式風味，而且又大又靚，坐得好舒服，都適合一大班人嚟聚餐～安格斯牛肉船麵 $128船麵係泰國特式美食。依度嘅湯底味道濃郁，帶少少辣，幾惹味。面頭仲有炸豬皮、香蔥、蒜同芫荽。我同朋友揀咗寬河粉，超好味。寬河粉好滑身，帶點彈牙，都幾掛湯。另外仲有安格斯牛肉同牛筋，牛肉好重牛味，牛筋充滿膠質。雞腿炒金邊粉 $88依碟賣相好靚，面頭有大大隻炸雞脾。雞脾外皮香脆，充滿油香，內裏肉質好滑，好juciy! 炒金邊粉好惹味，甜甜地，辣辣地。金邊粉晶瑩剔透，裡面配有芽菜、炒蛋、豆乾等材料。燒原隻魷魚 $58燒魷魚超香，大大隻，食落有驚喜。魷魚好新鮮，燒得啱啱好，唔會韌。泰式香蕉煎餅 $88甜品就食左去泰國必食嘅香蕉煎餅。香蕉煎餅比一般嘅大塊，而且較酥脆，睇到有好多層。薄餅裡面有蛋同香蕉，配搭住忌廉/ 煉奶/ 朱古力醬食簡直一流！鮮椰子水 $38椰青大大個，仲雪到凍冰冰，好fresh。泰式奶茶（凍） $28 泰式奶茶茶底好香，而且唔會太甜。

位於沙田新城市廣場一田對面，新開了一間泰菜餐廳，主打由2位米芝蓮泰菜廚師主理，聽起來來頭不小，一於試試好唔好食先餐廳裡面比想像中寬敞，裝潢摩登以泰國水上市場為主題。🔸燒原條魷魚 $58魷魚軟腍爽口，醬汁甜甜的，2人分享剛剛好🔸海鮮炒闊河粉 $128賣相看出用心，海鮮有蝦、魷魚、帶子、芥蘭、粟米芯，醬汁甜甜辣辣很惹味🔸泰式墨魚粒蝦餅 $88蝦餅加入墨汁，爽口彈牙，仲食到粒粒墨魚。外皮微辣炸得香脆，推薦✨🔸泰式海南雞和燒雞雙拼飯 + 湯 $128海南雞嫩滑、燒雞香口皮脆，不同口感！油飯乾爽不油膩。配搭的椰子雞湯，椰香味濃，又幾好飲喎～🔸芒果沙冰 $48 ｜ 🔸凍可可 $28泰菜必飲芒果沙冰，清爽透心涼。而我就太多野唔飲得，只好偷偷點了凍可可飲（手動走冰🤣）可可味恰到好處，不會很甜也不會淡好可惜孕期期間未能一嚐以瓦爐煲茶的Lung Ngen Coffee🥴 仲有甜品🥲 下次一定要再來試試！

早幾日同老公撐枱腳，去左沙田新城市買野，順便食飯見到間泰國餐廳，入左去試下😙環境好舒服，我哋試左幾款都唔錯🥰❣️安格斯牛肉船麵(金邊粉)超足料船麵🍜湯底好濃，安格斯牛肉，牛肉丸，燉牛腱肉，熇牛筋，好入味😋仲加左小小辣醬，超正，金邊粉索晒汁，好足料❣️泰式海南雞拼燒雞飯海南雞好肥美，咬落啖啖肉，嫩滑。燒雞皮好脆，個醬汁好唔錯，撈飯一流❣️蟹膏蝦多士呢個必食啊，星級制作，多士勁多蝦肉，香酥黄金，蟹膏超多，點埋醬超級正，食完又食😍兩種食法都滿分❣️燒原隻魷魚原隻燒魷魚，都頗大，燒到邊位有小小焦，點埋自家製醬，好惹味💕❣️凍式奶茶+ 仙草好濃奶茶香，加埋仙草，少甜少冰啱啱好❣️青檸梳打水酸酸甜甜解膩，好飲

Here Thai Market主打高質泰國菜，由兩位泰國米芝蓮名廚主理，空間感寬闊，餐廳格調七彩典雅，舒適藤櫈配上民族風的壁紙，呈現泰國繁華的水上市場，散發濃濃泰式風情。湖水綠為主調，以常綠植物為點綴，很適合放工後Chill下，與朋友相聚。海鮮炒闊河粉 128闊河粉即叫即炒，充滿鑊氣，海鮮配料豐富: 大蝦、扇貝、魷魚，扇貝厚身圓潤，肉汁鮮甜，胃口大開。蝦肉彈牙，和煙韌的魷魚圈，傳來陣陣鮮香。河粉入口爽滑，每條粉都掛滿油潤醬油香，配上清甜粟米和菜心，香濃又惹味。蟹肉炒飯168炒飯粒粒分明、乾身，配上一絲絲蟹肉，細嫰柔順，入口滿咀鮮香，啖啖甘甜。椰奶蟹棗 108脹卜卜的蟹棗，厚身酥脆，吃到啖啖蟹肉，沾上香稠的椰奶，惹味中帶蜜甜，令人意猶未盡。牛柳 56牛柳串燒油光亮麗，慢慢咀嚼，豐潤肉汁散發，愛好濃味的，可沾上秘製醬汁，微微香辣，帶出牛肉汁的餘韻。鮮椰子水 38清澈的椰青水，清甜潤喉，慢慢挖出嫰滑椰子肉，沁出天然椰子幽香，十分消膩解渴選。 龍眼冰仙草 36杯中鋪滿龍眼桂圓肉，呷一口冰爽清甜，十分滋潤，加上滑溜仙草，令人清新味蕾。