Here Thai Market

营业中

休息中

以後可以黎沙田新城市食泰國野喇!! 本身黎喺比佢個瀨尿蝦炒飯吸引到，點知黎到發現佢地既炒河先係最高質既!!講咗個海鮮炒闊河粉先，睇片就見到上枱係熱辣辣出緊煙既，炒河既賣相係偏深色既，海鮮就有魷魚圈、帶子同大蝦🦑🦐不過重點係個河粉，食落係煙煙靭靭既，喺泰國我都未試過呢個質感既河粉，新奇得黎好好味，不過佢係比較細份既，搞到我要同男朋友爭食(◍ ´꒳` ◍)跟住就係佢個瀨尿蝦炒飯喇，飯底炒得乾身，有𝟔隻剝咗殼既瀨尿蝦，如果瀨尿蝦既調味重啲就正喇~見隔離枱叫咗串燒幾靚仔咁，我地都叫咗啲小食黎試下，最特別既應該就係個【椰奶蟹棗】，每粒蟹棗入面都係滿滿既蟹肉，點埋椰奶一齊食有陣野香味又幾特別(๑❛ᴗ❛๑) 個【燒原隻魷魚燒得都幾靚仔，記得要點佢個酸酸辣辣既醬汁~

放假約埋朋友去沙田做gym ，運動完有啲肚餓，朋友話附近有間泰國菜餐廳，食物好味又唔貴，大家一齊去試吓。Here Thai Market 裝潢時尚，室內地方都幾大，由兩位泰國米芝蓮名廚Chef Ton 和Chef Man 一同主理，提供優質泰中菜。入座後，送上香茶，茶具極具泰式風味，非常別緻。泰式海南雞半隻：海南雞雞味濃郁，皮爽肉滑，再蘸點自家製嘅泰式酸辣醬汁，更加醒胃惹味，必食推介 ！油飯：淡黃色的油飯調味拿捏得宜，味道鮮香。海鮮炒闊河粉：河粉炒得有鑊氣，闊河粉有嚼勁，醬汁剛好掛在河粉上，食落帶濃郁米香，海鮮有蝦和魷魚，爽口彈牙，仲有不少蔬菜，配合埋沾滿醬汁嘅蔬菜，十分惹味！燒雞全翼即叫即燒，雞翼顏色均勻入味，皮脆肉肉嫩，味道充滿層次。芒果冰沙：用新鮮芒果打成，味道香甜細滑。香茅青檸冰沙：青檸的香味很獨特，而且帶有陣陣果酸氣息，配香茅味道很突出，是一杯集香、酸、甜於一身的清新特飲。

食物唔夠熱（pathai暖嘅炸物暖嘅），唔香口，環境算ok，員工執拾時掉碟掉杯，menu裏面嘅野食落單時大部分都無，8點入座未夠9點叫你買單，出面無人等枱，客人未走晒就大聲講粗口，唔會再幫襯！

每次想食泰菜都想起九龍城🇹🇭不過最近發現沙田新開了一間由米芝蓮廚師🌟主理的餐廳，味道質素果然有保證，環境闊落又有氣氛，已記在回訪list裡🤩✨蟹膏蝦多士以蟹膏作搭配的蝦多士令人心心眼😍蝦多士口感香脆，蝦肉飽滿🦐再加上濃郁的蟹膏醬實在泰滿足！✨牛柳兩串串燒類的選擇豐富，而牛柳的味就也相當驚喜！黑椒味濃，卻不會完全蓋過牛肉本身的肉味，入口不乾柴👍🏼✨三色咖喱每次吃咖哩都在紅、黃、青咖哩之中掙扎一陣子😆三色集合在一起就最讚了！每款咖哩各自配上一款食材：紅配牛肉、黃配蟹肉、青配茄子。三款味道都很突出，而且蔬菜的份量很多😲當中以黃咖哩最有驚喜，裡面的蟹肉會不會太多！🦀非常豐富～另外也配搭米粉一起吃，吸滿咖哩汁好好味🥹✨羅氏蝦炒金邊粉泰菜不能沒有金邊粉😉羅氏大頭蝦超大一隻，蝦肉彈牙，更特意把兩隻蝦擺成心形，令人回心微笑🥰金邊粉味道偏酸，很開胃，而且份量也可以額外增量呢～✨菊花冰 +仙草✨芒果冰沙想不到在泰菜餐廳會遇上仙草😆菊花冰加仙草剛好清清熱🍃還有很受歡迎的芒果冰沙，新鮮芒果肉製作🥭鮮甜清爽，棒啦！

去完泰國旅行返來都一直掛住泰菜😝係沙田新城市廣場行完一田就去了隔離呢間泰國菜食嘢止止癮。餐廳裡面好大有好多座位，用了綠色同埋木做主題，坐得都幾舒服。🔶瀨尿蝦炒飯呢個炒飯賣相幾好，瀬尿蝦仲有好多隻（最正係唔洗自己剝殻😚）炒飯粒粒分明，食落又有鮮味。🔶安格斯牛肉船麵船麵湯底好濃郁，麵底可以選米粉/金邊粉/ 粉絲，揀了金邊粉，可以吸曬D湯的精華，除咗有牛肉片，仲有牛肉丸、燉牛腱肉、牛筋，牛肉味濃仲炆得好淋。🔶烤年糕（兩串）老公見到話想試吓就叫咗，估唔到呢個有啲驚喜，外面烤到脆脆，咬落去入面年糕好軟熟，重點係佢個醬汁，少少鹹味帶點微辣，點個汁食係超夾。🔶香茅木瓜沙律醬汁酸酸辣辣好清新開胃，伴有生椰菜。🔹龍眼冰（加珍珠）🔹🔹泰式奶茶（加仙草）🔹好鍾意佢飲品的杯套幾有特色，飲品幾大杯，又可以加珍珠/ 仙草等，泰式奶茶如果茶味再濃D會更好。

極度不愉快經歷, 點了九層塔炒大蜆, 送上枱已是微溫以及過半數蜆是未開口, 已冒風險叫侍應回廚房煮熟, 但廚房當食客傻不須三分鐘侍應送回的只有雨隻蜆開口但全盆食品依然不熱, 明顯的廚房只將面的其中兩隻蜆弄開了事, 事後退回此食品吧！遇上一個咁不負責任的廚房, 跟本不應該去經營一間熟食食肆！

餐廳應該係新開，佔地好大，門口睇落好多人食緊飯，但原來入邊仲有好多位 ，唔使等 。睇餐牌嘅價錢就中規中矩啦，裝修同埋餐具都幾特別。豬頸肉茄子沙律豬頸肉佔大部份，調味都幾有層次 ，唔會好辣但開胃 。店員冇講吓係點食，我估隔離個椰菜應該係當生菜包咁配住食 。不過原棵真係有啲難分黎食，如果可以不如提供椰菜絲。船河（牛筋/牛頸脊/牛丸）有四款麵底揀，我揀咗闊河粉。睇相都見湯底好濃郁，配搭埋枱面嘅辣椒粉就更加惹味 。咁多款配料中最鍾意牛筋，炆到好腍。黃咖喱蟹肉飯呢個雖然有好多蟹肉，但食落有啲失望，黃咖喱汁太甜，亦都唔係好有層次，整體比較普通 。燒原隻魷魚酸辣汁惹味，配埋燒到好香嘅魷魚係冇得輸香茅青檸沙冰大大杯，酸甜平衡得幾好椰青水清甜解辣

食完一肚氣，埋單才知道每位要收茶錢$10一位，入去又唔講聲，詐詐諦諦好搵笨。專程過嚟試吓佢哋蟹肉炒飯，點知好失望，同泰國食過的好大分別，完全冇鑊氣，蟹肉淡而無味，炒飯又乾爭爭，仲有部份係生米，收人 $168，比啲咁嘅嘢人食。米芝連師傅諗出嚟，但係師傅仔炒得未夠功力。 雞飯啲雞又少又無雞味，好粗鞋。 燒魷魚都算大條，但又係無乜味道，比起九龍城是但一間泰國人開的地道泰菜餐廳的燒魷魚都好過佢地。 連杯泰茶都淡而無茶味，其他都唔想再講落去。又話米芝連，又乜乜水上市場 ……………呢間明顯係噱頭嘢，泰茶又插支香茅完全唔啱味，碟碟都整色整水，裝修靚靚，扮到貴價，但啲野又貴又唔好食，太造作，令人反感，香港人係咪容易俾人呃啲 ！😂

話說好耐無黎沙田新城市覓食，得知新開左間米芝蓮星級大廚泰菜餐廳，揾左個午餐時間黎試試。去到門口巧遇其中一位星級大廚拍攝。睇返店舖介紹資料，得知呢位大廚係泰國知名酒家文苑酒家創辦人文偉賢師傅。另一位名廚就係亞洲50第一名廚Chef Ton。而餐廳飲品都係泰國50年老字號Lung Ngen Coffee既出品。令到我對餐廳既食物好期待。本來估計有名廚師開既餐廳，價格應該都偏高，不過意外地價格竟然都係香港平均食泰菜既價錢。餐廳面積幾大，仲有幾個小包廂，幾適合大家庭。叫左杯芒果冰沙，首先佢個造型已經好吸睛，飲落唔似落左芒果糖漿去整嘅沙冰，類似喺泰國水仙芒果中比較清甜嘅感覺，好好飲。另外叫左杯蜂蜜檸檬水，飲落都幾特別，喺青檸加蜂蜜嘅配搭，同平時嘅港式檸蜜唔同幾特別。食物方面點少得我最愛既Padthai, 許多任何一間泰菜餐廳我都一定要食炒金邊粉。首先依家擺盤好靚好適合打卡。羅氏蝦炒金邊粉材料有兩隻大頭蝦、豆腐乾同大蝦乾，金邊粉麵質軟硬適中，入口唔會油膩，唔係蕃茄味同甜味好重嘅果一種炒金邊粉，所以食曬都唔會覺得好膩。好食。但係我低估左旁邊辣椒粉嘅辣度，按照平時嘅習慣全部撈埋一齊，即刻感受到喺泰國食

之前黎過一次食下午茶，呢晚見經開再試下晚餐位於一田樓上，由米芝蓮主廚主理，坐得舒適茶位HK$10/位羅氏蝦炒金邊粉羅氏蝦脹卜卜，表面烤至帶少少焦蝦肉札實爽口配有芽菜，韭菜，辣椒粉，花生和青紅椒等金邊粉有鑊氣，幾惹味海鮮炒闊河粉最鐘意食呢種闊河粉，煙煙韌韌入哂味海鮮都幾豐富，有蝦，帶子，魷魚等等如果份量大碟啲就更佳雞全翼兩串配有泰式醬汁，惹味提鮮雞翼外皮燒到焦香，唔錯泰式香茅燒乳鴿燒乳鴿食得多，第一次食香茅味肉質鮮嫩，淡淡香茅香味仲有兩粒鵪鶉蛋伴碟蜂蜜檸檬水，青檸梳打水大大杯，清爽又夠膩

行過見到呢間好有泰國feel嘅餐廳，見到入面有好多特色嘅泰國神像，例如有象神等等，見到入面人流都比較多，於是決定入去食下呢間餐廳！一入到去餐廳，店員安排我哋坐低，呢度點餐係用QR code自己落餐的，一坐低枱面都會有一壺細細壺的香茅茶提供俾客人，即使唔叫嘢飲都可以享用！蟹肉炒飯$168:炒飯好夠鑊氣，一上枱見到成碟炒飯上面鋪滿滿的蟹肉，蟹肉好有鮮味，好抵！ 食過返尋味！如果再去的話一定會叫嚟食！瀨尿蝦炒飯$168:同樣炒飯都係好夠鑊氣，上面就鋪滿原隻瀨尿蝦肉，不過瀨尿蝦蝦肉就冇咁有鮮味，相比之下，蟹肉炒飯更勝一籌！燒原隻魷魚$58:上枱有少少凍，魷魚有啲韌，呢個就唔太推薦！蟹膏蝦多士$128:原本以為呢個價錢都好唔抵，但上枱發現貴嘅原因！ 滿滿原殼蟹膏，好好食，勁有好鮮嘅蟹膏味，蟹膏味十分濃烈！蝦多士啖啖蝦肉！新鮮即炸的！100分！！🔥🔥芒果沙冰$48:原本以為都可以會有啲酸，但其實呢杯好甜，滿滿芒果味！鮮椰子水$38:椰子水就唔太甜，有少少清推薦指數：8/10🔥

娘娘去完泰國返嚟都戒唔到舖泰菜癮，所以返到嚟香港搵咗一間新開嘅泰國餐廳試一試！呢間係泰國米芝蓮總廚親自主理嘅泰式餐廳🇹🇭💂🏻‍♀️《燒原隻魷魚》 $58好大隻的燒原隻魷魚🦑 非常彈牙可口，搭配泰式特制辣醬汁，酸酸甜甜，非常開胃！評分: 90/100💂🏻‍♀️《泰式香茅燒乳鴿》 $68首先嗌個燒乳鴿，肉質好鮮嫩，仲充滿香茅香味😊 鹹甜恰到好處！而且個外皮都非常香脆，拎嚟做前菜非常好。評分: 93/100💂🏻‍♀️《安格斯牛肉船麵》 $128呢個船麵個湯底都好正宗，同係泰國食的味道相似！牛肉肥瘦適中好鮮嫩🥩 用金邊粉做面底，索哂個濃湯🍲 雖然比泰國貴幾倍，但係都食到正宗嘅味道。評分: 85/100💂🏻‍♀️《瀨尿蝦炒飯》 $168呢個瀨尿蝦炒飯比較特別，上碟個擺盤已經好吸睛👀 砌到成個海星咁！啲瀨尿蝦肉鮮甜彈牙，啲飯炒到粒粒分明，又有蝦汁的鮮味，非常好食。評分: 90/100💂🏻‍♀️《泰式香蕉煎餅》 $88Roti真係泰國嘅甜品no.1，外皮煎到金黃酥脆，內餡的香蕉🍌香甜軟糯，配返埋啲煉奶及朱古力醬非常搭配！評分: 88/100💂🏻‍♀️《芒果冰沙》《鮮椰子水》$48/$38芒果冰沙有啲淡，唔夠芒果

服務態度極差的一間食肆晚上去食，呢樣無果樣無食物又難食，食個金邊粉入面一舊舊黐住，超求其。舖頭收10點，9:10就拎單過嚟催埋單，趕收工咁。後生嘅唔想做，老嘅唔願郁，個個黑口黑面👩🏿我哋呢邊食野，佢地係隔離大大力執枱都唔係太大問題最大問題係佢地將d 骨，垃圾掃落地下。。一d衛生都無。。。價錢又貴，簡直貼錢買難受唔好去🙅🏻‍♀️唔好去🙅🏻‍♀️唔好去🙅🏻‍♀️重要嘅事，要講三次絕對唔會再去

每次來都很多人 想吃要早點來都是沙田人才知道的平民米芝蓮餐廳因為泰國主廚是來自米芝蓮餐廳如果不熟悉沙田新城市廣場的人會覺得很難找其實位置就在「無印良品」對面很喜歡周圍找好吃的泰國菜特別是如果不是住在港島的去泰國菜「網紅店」也太累了吧 這裏比很多名聲很大網紅店更優勝遲點大家都認識的話，可能就要等很久-本人最喜歡就是這裏的泰式船麵環境好像一秒回到了曼谷安格斯牛泰國船麵最喜歡這一款船麵 可以說是豪華版的船麵因為配料實在太豐富了 安格斯牛牛肉肥瘦適中還有燉牛腱肉 燉牛筋、和牛丸湯底也是很正宗很濃郁 還可以選不同的麵條我就更喜歡河粉 因為是泰式河粉面積較闊很掛湯瀨尿蝦炒飯炒飯粒粒分明 還可以吃到不用剝殼的皮皮蝦滿嘴鮮味的蝦肉很好吃燒魷魚 超級好吃的魷魚 朋友一開始話貴但其實都幾大份比我在泰國吃到的更好吃魷魚火候很好 那個肉質真的很絕 同行朋友很喜歡那個酸酸甜甜的醬汁「蟹膏蝦多士」很推薦這款小食價錢不是最便宜的 但鮮味濃郁的蟹膏

沙田新城市最近新開左間泰國菜，近住一田嗰邊舖位面積都幾大，裝修企理光線充足，晚市時段座無虛席。🔸蟹肉炒飯 $168蟹肉大粒飽滿，炒飯有鑊氣粒粒分明。🔸安格斯牛肉船麵 $128麵底可以揀米粉/金邊粉/河粉，配料豐富包括安格斯牛肉、牛肉丸、燉牛腱肉、燉牛筋，湯底惹味濃郁。🔸泰式墨魚粒蝦餅 $88一客六件，蝦餅彈牙飽滿，有別於一般蝦餅加咗墨魚粒食落有粒粒口感幾特別。🔸燒原隻魷魚 $58火喉控制得好好，燒完都仲係好嫩滑。🔹泰式奶茶 $28🔹鮮椰子水 $38