Homeland (牡丹大廈) (已搬遷) 新店位置

公司樓下冇咩食，有時食到悶想食下好嘢就行遠小小嚟大角咀😙門面已經好吸引!擺設色彩繽紛😳呢到出名食意粉但我地竟然冇嗌，下次要試下!!#EggBenedict ($98) 😋好味指數：(7.5/10) 有腸﹑煙三文魚﹑牛油果黑醋沙律同煙肉，整體唔錯不過覺得有條腸得半條就比較小🤣班尼蛋加煙三文魚荷蘭醬同埋麵包一齊食就不嬲冇得輸😚#西班牙伊比利亞豬肩肉 ($148) 😋好味指數：(7.5/10) 我揀咗9成熟，就咁睇個樣好似有啲乾，但食落去一啲都唔係😆幾有肉汁同油香，同朋友都覺得好出色😗佢地嘅薯蓉食到停唔到口，配上蔬菜就冇咁油膩🥳#明太子雞翼 ($30) 😋好味指數：(8/10) 一 向都好中意食明太子，脆卜卜又大隻嘅雞翼淋上大量嘅明太子醬真係岩晒我口味😋#海鹽芝士蛋糕 ($38) 😋好味指數：(7.5/10) 是日蛋糕，未必一樣咖😚唔算係好甜，唔錯😛#芝士奶蓋士多啤梨牛奶 (+$18) 😋好味指數：(7/10) 好香嘅士多啤梨同牛奶味🥺可惜奶蓋唔夠咸香😟朋友就飲美祿沙冰

店面佈置清新，無論招牌、枱櫈定燈飾都好色彩繽紛，睇得出老闆真係花咗好多心思去營造家嘅感覺比客人，食物又有特色，唔怪之得長期都咁受歡迎啦😍Lunch set包沙律同飲品冬蔭功海蝦闊條麵 $118Homeland所有意粉都係由廚師每日新鮮製造，手工意粉口感真係零舍唔同，食落煙韌有咬口，闊條麵掛上冬蔭功湯煮成嘅醬汁，配埋爽口彈牙嘅鮮蝦，鐘意嘅可以吱少少青檸汁，酸酸辣辣好開胃😆西班牙伊比利亞豬肩肉 $148豬肩肉可以揀九成或者全熟，我怕全熟會太鞋就要咗九成熟，出到嚟我覺得啱啱好，肉質軟腍嫩滑，邊位有少少脂肪，肉味濃郁😋，而伴碟嘅薯蓉都好唔錯，質感creamy幼滑，牛油味好香🤪青檸水果梳打多多 +$18益力多加上青檸汁同梳打水，生果就有藍莓同士多啤梨，飲品甜度調較得啱啱好，味道清新☺️芝士奶蓋士多啤梨牛奶 +$18芝士奶蓋屬於比較輕身嘅，入口咸香順滑，同酸酸甜甜嘅士多啤梨牛奶好夾🥰

#西式eatcovery #大角咀eatcovery💡 繽紛小店 🌈 X 精緻手工意粉小編好少踏足大角咀，因為覺得好似無咩食，但今次咁啱去奧海城搵朋友，知道我想食手工意粉，就帶我黎左店內外裝潢充滿玩味嘅Homeland🧸🪁🪀🚂⁣🍽 冬陰功海鮮闊條麵賣相非常吸引，睇得出廚師用左好多心機去做擺設。 鮮製意粉口感確係煙韌彈牙，而海蝦大隻得黎又爽口。 冬蔭功汁作調味，味道香濃，食落辣辣地好開胃。🍽 秘製伊比利亞火腿卡邦尼意粉 呢個係餐廳推介，意粉係手工製，所以食落好煙韌，而且卡邦尼醬汁好濃好creamy，每一條意粉都吸曬，加埋煙肉粒同火腿好有鹹香。🍽 芝士焗西蘭花西蘭花佈滿曬芝士，濃濃芝士味。再加埋有煙肉粒係上面，味道豐富。🍽 皇胎菊花茶壼茶好精緻，餐牌上寫可以清熱明目、醒腦提神、潤膚美肌、耐老延年。飲落淡淡菊花清香味，飲落好舒服。🍽 黑糖鮮奶奶味濃郁，黑糖又唔會太甜，唔錯。ps/入面裝修非常igable，餐廳佈置得每一個角落都色彩繽紛，亦有健康生酮餐，岩曬一眾健康人士。#大角咀食咩好 #大角咀美食 #好西 #小店 #情侶拍拖食咩好 #情侶拍拖好去處 #打卡 #大角咀 #大角咀西式 #相機食先

友人要我陪試食一間位置在大角嘴的手功意粉餐廳，我堅持先試午餐，午餐比較實惠，伏了也不肉赤。餐廳在繁忙大路的一個小街裡，七彩繽紛的門面與四周舊樓滿立下有一種強烈反差（也就是吸精）我們11:35到達，見只開了半閘，原來還沒開門。那只好等著，幸好餐廳門口左右設有木地台，我同朋友可以坐低等，傾下計。店員準時開門，看門面以為是一間只有十零個位的小店，原來內籠幾大～亦間了多個空間，給予的私隱感不錯。裝修用上七彩顏色，在這裡進餐，的確令人有種愉快心情。午餐menu， 既然以手功意粉作賣點，當然不會錯過。▫️冬陰功海蝦闊條麵 初嘗手功意粉🍝，口感十足，煙韌非常～突然覺得平時吃開的都比下去⋯不會很辣，那種微辣感不是在舌尖發生，而是落在喉嚨處，不太懂形容，有種食爆炸糖在喉嚨慢慢跳動的感覺。套餐另配沙律菜（悶）+餐飲▫️香城安格斯牛漢堡會貼心詢問牛肉需要幾成熟～食落唔算驚人發現，不過麵包反倒不錯，味道同口感不似普通白麵包，有點搶過牛漢堡的風頭。朋友對自己點的凍齊啡讚口不絕～看來咖啡豆是「靚貨」～反而我的Rose latte 有點過甜，可能下一次要提前叫小甜…

最近又揾到一個聚會好去處，唔單止啲飲品好飲，而且食物種類都唔少，有乳豬，咸豬手，燒全雞，食得落甜品嘅話仲有甜品拼盤比你打卡，聽到都流曬口水🤤明太子酥炸雞翼$68🍗唔要明太子仲有其他口味任你揀。雞翼煮嘅時間控制得唔錯，肉質唔柴，仲好厚肉。上面淋左好多明太子醬，視覺上十分享受😎冬蔭功海蝦闊條麵$128🌶冬蔭功唔會好辣，唔辣得嘅朋友都可以試下呢道人氣菜😜惹味啤酒釀全雞$258🍖隻雞係熱辣辣上枱，而且簡單係全香港最滑嘅雞❤️肉質嫩滑juicy，而且咬到唇邊仲係辣嘴，冬天食簡直係嘆🤤青檸水果梳打多多$36🍋爆爆珠荔枝紅茶$36🍹台式飲品嘅味道~食完熱辣辣嘅雞再飲啖，即刻爽曬🧊-

📍 Homeland 呢間餐廳喺奧運站附近 餐廳入面環境係暖色tone Decoration較多色彩💕 坐落都算舒服😌-大啡菇白松露牛乳炒蛋 $118又係小編必叫嘅all day breakfast 系列🤣呢個餐包括有煙三文魚、牛油果、煙肉、腸、沙律同多士🥰最好味就係大啡菇☺️ 菇上面有松露炒蛋食落去濕潤 蛋嘅口感都好好👍🏻 多士食落好脆口招牌明太子海鮮薄餅 $98Pizza 係薄身 就咁見張相都見到Pizza好多料😍 食落外脆內軟 鹹鹹地咁 好味🥰Pizza上面仲有大大隻蝦、明太子、紫菜等 都幾抵食🥰最重要嗰pizza 邊佢唔係好黑 啱啱好 食落香脆😚爆爆珠荔枝紅茶 $36飲品底下面好多爆爆珠同埋荔枝粒😜 飲落去甜甜地 荔枝味都算重 亦都飲到淡淡嘅紅茶味蜂蜜柚子茶 $20飲品底下面都有唔少柚子皮 飲落去甜甜地 同其他餐廳蜂蜜柚子茶差唔多焗肉桂蘋果反撻 $58撻皮食落鬆脆 都幾重牛油香 中間夾住大大粒玉桂蘋果粒 食落偏甜左少少 但口感幾好😜-大家睇完我哋嘅食評之後 想試嘅話可以參考下面嘅地址😚👇🏻✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ☆ 回頭率：★ ★ ★ .

👨‍👩‍👧‍👦4人餐 $498🥣是日餐湯係南瓜忌廉湯入口好綿密 不過就略嫌水咗啲南瓜味亦唔太突出。🐙八爪魚沙律八爪魚切成粒粒 好彈牙沙律菜亦好高質 新鮮爽脆唔會有苦味上面淋咗大量嘅黑醋 可惜調味太酸 建議可以稀釋少少或者落少啲會更好🥲🦐冬陰功海鮮闊條麵見到個個都推薦呢款所以當然要試試！擺盤果然好精緻 睇得出有用心思食得出冬陰功味 但覺得可以更濃郁同埋更辣會更爽闊條麵口感煙韌好好咬不過所謂海鮮其實只得4隻大蝦 如果有啲魷魚或者魚柳會好啲🥑牛油果煙三文魚闊條麵牛油果熟度啱啱好 口感creamy又唔會太熟口感一pat pat上面嘅三文魚砌到好似朵花咁 帶淡淡嘅煙燻味闊條麵同上面嗰款一樣 掛汁效果一流唯一係佢裡面有我最唔鍾意嘅三色椒 扣咗少少份。🍔香城安格斯漢堡漢堡包烘至外脆內軟 而且好重牛油味牛漢堡嗌咗7成熟但感覺似9成😅雖然過熟但肉質厚實而且好juicy配料有生洋蔥 生菜 番茄同埋芝士 口感豐富跟餐薯條亦俾得好多 仲要係我最愛嘅粗薯 好重薯仔味

突然同朋友想起食意粉今次就試呢一間Homeland手工意粉平時普通意粉食得多，原來手工既口感係超正，份量看似比較少但其實已足夠飽肚感👍🏽環境舒服同店舖名一樣有家的感覺所有裝修擺設去到餐具都別有心思餐牌上菜式太多選擇，一次真係唔足夠試哂我會再黎試其他菜式架😆Welcome Home 坐位好舒適，好有心思準備好哂放袋既籃八爪魚三色藜麥沙律，配了醋個人很喜歡原本想試牛肩肉，但店員話慢慢開始會轉換餐牌上既牛，所以唯有點了肉眼排，本人選擇了五成熟，結果火喉過了，有點失望😞但底下既薯蓉十分出色，肚裏面既空位大部分都留哂比佢😆最後一定要點手工意粉但第一次黎選擇了冬蔭公海蝦闊條麵🍝其實原因怕其他意粉醬汁太膩😆味道同口感都好好但我肚裏既位置都留哂比薯蓉真心配菜薯蓉值得推介😂👍🏽👍🏽👍🏽最重要提醒一件事：大家記得帶現金去幸好當日夠現金😅

朋友話大角咀有間餐廳, 望落招牌有種好和諧的感覺, 想試! 🐥自選醬料酥炸雞翼, 有4款醬, 包括: 鹹蛋王醬、柚子蜜、明太子、松露忌廉芝士醬 $68 ~ 選味道方面覺得有點困難, 每個味都好想試🤤! 如果有個拼盤就好喇! 最終經店員推介選定鹹蛋王醬! 🤤唔油膩, 滿滿鹹蛋香, 好邪惡! 雞翼正常 Size, 有6隻之多! 🍕巴馬火腿芝士薄餅 $108 ~ 手功薄餅有驚喜, 餅底夠薄夠脆, 每小片都有火腿🥓, 咸咸香香, 配以較濃味火箭菜, 估唔到原來都幾夾! 💁‍♀️店舖限定: 西班牙海鮮炒飯 $168 ~ 好多海鮮! 青口、🦐大蝦、🐙八爪魚、蜆、珍珠帶子等…料多過飯🤣😂! 以葡國腸同炒, 好香! 西班牙炒飯與港式炒飯不同, 唔會粒粒分明, 所幸亦唔會太濕, 讚! 🚅奧運站C5出口, 經過商場落到地面, 直行過馬路, 行前一個街口就轉左就到, 好易搵! 餐廳內裡好多攪鬼畫作, 記得欣賞下!

💛💛💛召喚意粉控🍝🍝🍝位於大角咀喱間homeland 係黃店黎一嚟到就覺得餐廳嘅門口好有糖果屋feel 🍭🍭餐廳裏面嘅色彩仲好繽紛添😍見到介紹佢地最出名嘅係自家製手工意粉 咁當然要試吓啦🤭牛油果煙三文魚闊條麵 （$98）因為係lunch set嘅關係 所以包左沙律同一杯嘢飲🤗自家製嘅闊條麵每條嘅形狀同厚度都好均勻而且食落又彈牙冬陰功海鮮闊條麵($128)同樣都係闊條麵不過喱款用冬蔭功汁去整估唔到辣辣地又幾開胃😛完全唔覺得冬蔭功汁同意粉有違和感🤪係一種好創新好有驚喜嘅菜式😚四重芝士肉醬千層麵（$108）好濃厚嘅芝士香味😍焗到啲芝士金黃色 小小燶燶哋又溶溶地咁D溶左嘅芝士逐漸逐漸滲落每層麵到😭完美做到嗰種拉絲效果🤣

大角咀真係愈來愈多好嘢食，呢間門口好色彩繽紛，吸引住我眼睛，好想行入去試吓🥰入到去嘅裝飾都係五顏六色，豐富生動， 未食已經好開心😍。餐廳主打新派意大利🇮🇹菜，有自家製手工意粉、啤酒釀全雞、生酮餐單等，仲有手工啤酒🍻冬蔭公海蝦闊條麵 店舖限定😍 用冬蔭公做醬汁，香辣惹味又不減順滑。 海蝦新鮮彈牙，闊條麵好入口，蛋味香濃，亦好有口咬。西班牙海鮮炒飯 上面佈滿蜆、海蝦、青口、番茄、羽衣甘藍等，炒飯亦加入天然藏紅花，顏色賣相好吸引，炒飯亦好香口焦糖菠蘿焗蟹肉餅好有驚喜嘅蟹肉餅，切開可以見到一絲絲蟹肉，鮮甜可口， 配合下層嘅焦糖菠蘿🍍，味道更有層次。

原來大角咀都有好多食肆(◐‿◑)� 上次黎到呢間裝修好色彩繽紛既黃店，性價比都唔錯如果叫lunch set仲會包埋田園沙律🥗冬蔭功海蝦闊條面 💰$118自己都幾鍾意食冬蔭功湯底同闊條麵，但就無食過佢地既combo版😂 覺得怪怪der~~ 但點知食落又幾好食😋 佢將冬蔭功湯煮到好creamy，變到同個闊條面好夾👍🏻 煙肉蛋牛安格斯牛肉漢堡 💰$108呢個burger超大個😂🤣 同fd share一人一半都食到有小小飽😂 真係落足料，一上枱個陣仲見到啲汁流緊岀黎😳😳另外我地都嗌咗3個小食明太子雞翼3隻 💰$30明太子個汁好好食，而且雞翼好大隻，啖啖肉🥰 呢個嗌得過👍🏻👍🏻酥炸吉列廣島蠔4隻 💰$38反而個蠔就遜色小小了，個蠔炸得有啲乾，而且炸粉太厚，蠔肉同個皮已經分離，食落蠔味亦不重，一般。松露蛋黃醬薯條🍟 💰$48個松露醬好食，而且薯條上面灑咗一啲孜然粉幾好食。 不過本身burger個set已經有薯條配埋，我地唔知就嗌多咗😂 如果食burger餐就唔洗額外叫都okay手工啤酒🍻 💰$58我地揀咗隻熱情果茉莉味既trytry佢，佢有熱情果個種酸酸地但又fresh既感覺，個人覺得幾好飲同ma

牛油果煙三文魚闊條麵 🥑🍝 $98呢件餸一上到嚟已經俾佢嘅擺盤完全吸引住我嘅目光✨黑色嘅碟上面放咗由蕃茄仔🍅、洋蔥片🧅、沙律草同埋牛油果好有視覺上嘅衝擊，至於闊條麵，手打自家製嘅意粉一來口感彈牙二嚟非常有誠意，入面仲有creamy 嘅牛油果醬、橄欖油、煙三文魚花朵🌺、紅椒同埋青椒🫑，真係健康得來性價比好高！煙肉蛋未來肉漢堡 🥩🍔$108呢款漢堡包套餐係專登俾vegetarian 同埋愛健康嘅人先叫嘅，粗身嘅薯條炸都好脆好吸引🍟個漢堡入面嘅材料都好豐富，包括有半熟流心蛋🍳、煙肉🥓、牛油果同埋沙律菜🥗等等，口感層次非常豐富自選醬料雞翼三隻 (白松露忌廉) $30用白松露忌廉做燒雞翼嘅醬汁真係新突破🍗，雞肉嘅肉質好嫩滑，配埋趣卜卜嘅外皮同埋味道濃郁嘅白松露醬汁，絕對係最佳組合👍🏻酥炸吉列廣島蠔4 隻 $38呢款日本廣島蠔嘅海水味好重🌊，外皮同樣炸到非常香脆可口😋，仲有少少沙律菜喺底度做伴碟，整體來講一式四件嘅吉列蠔真係好抵食，值得推介自家製焦糖芝士蛋糕🧀🍰 $38芝士蛋糕總共有三層layers 😍，最上面係味道濃郁同口感軟滑嘅芝士，中間係甜甜地嘅焦糖層，而最低就係消化餅碎，酸埋勁有心思嘅笑

Homeland @ 2021年10月 (星期六晚餐）食物 ❤️❤️❤🤍🤍（西式正餐） 環境 ❤️❤🤍🤍🤍（多枱）服務 ❤️❤️❤🤍🤍（正常）攞位 ❤️❤️❤🤍🤍（直入）交通 ❤️❤️🤍🤍🤍（可由奧海城經海桃灣行落去）翻兜 ❤️❤❤🤍🤍️呢間餐廳提供生酮餐單（3款選擇），標榜無糖、無味精同橄欖油烹調。仲提供手工啤酒，幾有心思。💡小貼士雖然6點前入座（冇訂枱），限時70分鐘。千祈唔好去呢間餐廳嘅廁所（尤其係食飯前），冇洗手液供應🤢🥴😵‍💫環境比較惡劣1️⃣ 蟲草花松露忌廉杏鮑菇 $108 - 呢個係其中一個生酮餐單。佢哋將杏鮑菇切成闊條麵一樣，每片都好薄，食落爽口，比意粉有口感。不過，因為成碟都係杏鮑菇質感，適宜同朋友share，一個人食晒會好「口寡寡」，𡁻到攰，加埋小食會好啲。2️⃣ 安格斯牛肉漢堡 $98 - 正常，都juicy3️⃣ 單眼佬話梅蜂蜜酒 $68 - 好特別，酸酸甜甜，大約4%酒精

甚少踏足大角咀，原來依區都有唔少小店💛今次去咗Homeland食lunch，依度最出名嘅就係手工意粉，菜式特別得嚟有心思，食厭咗傳統西餐可以嚟依度試吓☺️• 香城安格斯牛漢堡 $88Burger大得好驚人，絕對食得夠飽！漢堡扒可以揀生熟度，煎得幾香同重牛味，夾住煎蛋同煙肉，非常豐富！套餐仲包括沙律同飲品添😚• 冬陰功海蝦闊條麵 $118鮮製意粉口感確係煙韌彈牙啲！海蝦肉大隻爽口，冬陰功嘅酸同辣度都啱啱好，惹味又開胃，鐘意食酸辣嘢嘅人應該都會幾鐘意😝• 明太子雞翼 $30連雞翼都有數款口味，當然揀返我最愛嘅明太子啦！不過明太子嘅味道未算好突出，整體不過不失😗• 酥炸吉列廣島蠔 $38相對其他菜式嚟講就比較失色咗啲，炸皮偏乾同硬身，內裡差咁啲肉汁，不過蠔味就幾濃。• 脆炸粗直薯條配松露蛋黃醬 $48薯條本身加咗辣粉調味，就咁食已經相當正！松露醬幾夠味，搭埋薯條食冇得輸😎• 熱情果茉莉小麥啤 $58依度提供唔少手工啤酒嘅選擇，晏晝飲仲會抵飲啲！揀咗款酒精濃度比較低嘅啤酒，淡淡地嘅熱情果味好fresh～