Homeland (牡丹大廈) (已搬遷) 新店位置

係OpenRice見到食評不錯又係本土生意的打卡cafe就諗住去試下「地點」：奧運站行4分鐘就到（我地上網book位 ，星期日，7點多，去到就直接可以入座）入座時候，4分3枱都有客人「環境方面」：裝修簡潔cafe通風唔係好好 ，比較焗我地食完 ，全身都係油煙味「食物方面」：（牛油果煙三文魚闊條麵）賣相就非常之靚，打卡一流但味道沒有十分特別，闊條麵比較彈牙(巴馬火腿芝士薄餅）Pizza硬脆邊，茄膏太多冇芝士味（小食拼盤）袖子雞翼：係4樣小食，比較出色啲芝士薯條 -薯條上面加左芝士炸蠔，炸魚條，食落仲有雪藏味（飲品：芝士奶蓋士多啤梨牛奶）杯嘢飲唔錯，唔會太甜士多啤梨味道濃「服務方面」：服務生友善，有禮貌（整體服務態度不錯）「價錢」：兩個人 ，3樣食一杯飲品$396平均每個人$198（老實就唔會再去食多次）

📍西班牙豬肩肉慢烤燒肩肉，雖然個外表就麻麻，但係一切開就有驚喜，因為有好香好香嘅燒烤味！而且肉質好嫩，整到有啲似牛肉！佢有得俾我揀九成定係全熟，由於係豬肉嘅關係，都唔敢揀9成！佢個薯蓉底都整得好好食，有好燶香嘅牛油味，旁邊仲有啲酸菜，唔知點解撈埋個薯蓉就好好食！雖然明知道好肥，不過都唔理啦食咗先算！📍煙三文魚凱撒沙律爽口嘅西式生菜，加上三大片煙三文魚，仲有大量芝士碎，好味！📍火百合花茶有好香嘅花味，佢聲稱有止咳潤喉......養顏etc 的功效，咁飲落又幾舒服？📍Apple Crumble呢個甜品係boss 推介嘅，因為好似點都要食返個甜品先至完滿！不過不失啦，連個畫花都靚過人，真係睇見都開心laaaa🤣📍熱桔蜜正常養生飲品

依間餐廳評價好高，我之前都有食過lunch set，覺得選擇幾多而且味道唔錯。於是有一晚嚟開大角咀食飯，就同朋友介紹左依間餐廳。不過最後嘅結果係有啲令我失望....我同朋友7點幾左右嚟到，好好彩唔洗等已經即刻可以入。我地兩個人叫左個西班牙海鮮飯、香煎美國安格斯牛肩膀扒同埋脆炸粗薯配松露蛋黃醬。西班牙海鮮飯賣相睇落係唔錯，色彩繽紛令人食慾大開，但食落就發現發現出事😂。佢啲飯超級硬，雖然我都知西班牙海鮮飯同燴飯唔同會硬少少，同埋會煮到有啲鍋巴嘅感覺。但依個炒飯真係超硬，硬到我覺得有啲似未煮熟咁。。。我覺得自己好似完全食緊鍋巴。依個飯真係唔係好掂，食完之後好失望。至於牛肩扒分左兩塊，但分量都比我想像中少。我地叫左medium，不過一切開見裡面啲色已經心知不妙，feel到係overcook，我覺得似7成熟多啲🥲 而牛扒底下係薯蓉，正正常常無咩特別。但我下次都應該唔會再叫依個扒。薯條部分，本身以為應該好快有得食，點知主食差唔多食完都未嚟，唔知係咪漏左單啦，最後都係要催一催。我覺得依個薯條可能反而係成餐飯最好食嘅野。粗薯熱辣辣，每啖都食到薯仔，再配埋佢嘅松露醬幾惹味。薯條做得幾出色，會想再enco

今日嚟到大角咀搵嘢食，搵到呢間係區內享負勝銘嘅Homeland🥰🥰奉送沙律一盒，沙律菜好新鮮，配合沙律醋，酸酸地好開胃，正🥰🥰All day breakfast $88可以選擇要炒蛋定煎蛋，今次我就叫咗炒蛋多士，炒蛋奶香味充足，好滑好友蛋味，有兩條德國腸，煎得啱啱好，外脆內軟，肉質鮮嫩🥰🥰另外仲有牛油果，煙三文魚同煙肉，好豐富嘅組合另外仲有沙律菜，啱晒多肉少菜嘅上班人士食，好食整體來講質素好高，喺附近行過就要過嚟試吓啦❗️❗️

Homeland呢間餐廳喺各大媒體經常見到佢嘅蹤影，主要係因為佢嘅手工意粉同埋其他特色菜式都係非常吸引。今次嚟到梗係要試吓闊條麵！冬蔭功海蝦闊條面$128個冬陰功味道非常香，特別在同其他餐廳嘅味道唔同，個味道係特別香濃，而且闊條麵都係好有彈性，日日手工製作，質感一流。香煎西班牙伊比利亞豬肩肉$148豬性價比都係好高，你會見到佢水份十足而且保持嫩滑質感，所以食極都唔會覺得dry，旁邊仲有好多瓜菜，好豐富。海鹽焦糖芝士餅$48鍾意食甜品就要食返個甜品先叫做完美嘅結束，好軟滑！Ｍｅｎｕ

Homeland (牡丹大廈) (大角咀)大角咀大角咀道55-65號牡丹大廈北座地下9-12號舖Lunch Set 配沙律🥗餐飲冬陰公海蝦闊條麵 $118上枱時已經俾佢個外型吸引咗！用食用花同香草擺碟～色彩繽紛～好有心機！手工意粉食落煙煙unun ~挺身得黎十分掛汁～手工嘢口感真係唔同d~冬陰功汁帶點微辣～ 入口有點creamy~好惹味～質素好高～唯獨係想佢大碟d🙈蟲草花忌廉杏鮑菇(麵）$108扮吓健康🙈揀咗生酮之讚～將杏包菇批成一塊塊麵條～配上黑松露full cream忌廉汁~忌廉汁分量多到包裹住每一塊菇麵～食完一塊又一塊~ 反而蟲草花份量有點小～整體都係高質～不過大食女食完有少少唔夠飽👉🏼👈🏼

最近難得返咗公司 放工後梗係要喺大角咀尋覓下好西啦！今次嚟到Homeland嘅大角咀分店 店舖裝修非常之有心思 除咗有Welcome Home嘅霓虹燈 仲有色彩繽紛嘅牆壁同瓷磚 柔和嘅燈光同埋特色掛畫真係勾起左唔少香港人嘅共同回憶💛·Eggs Benedict $98份量頗多 擺盤非常精緻 沙律菜同牛油果夠晒鮮甜 煙三文魚花配埋惹味香腸真係完美組合👍🏻仲有班尼迪蛋超治癒嘅流心效果 配上蛋黃荷蘭醬 味道更濃郁！適合注重健康又唔太大食嘅人👍🏻·Homeland Sausage Platter $98雷斯根堡腸、紐倫堡腸同芝士豬肉腸各有特色～配埋酸菜食可以中和到香腸嘅鹹味🙌🏻試埋個薯蓉就更加感受到餐廳嘅用心 奶香幼滑仲有顆粒感 份量都唔少 食完呢個前菜已經飽飽地！·Pan Fried Angus Flat Iron $168啱啱好5成熟 擺盤用心 肉質軟嫩牛味突出 旁邊嘅配菜例如蘿蔔同翠玉瓜同埋薯蓉索盡牛油香 加埋特質燒汁味道更有層次👍🏻#𝙛𝙚𝙞𝙜𝙡𝙤𝙧_𝙚𝙖𝙩📍 Homeland (牡丹大廈) (大角咀)大角咀大角咀道55-65號牡丹大廈北座地下9-12號舖

今日係旺角附近行街，行到攰攰地就周圍搵餐廳，上網睇到呢個homeland既評價都好正面，就決定黎試吓啦！我地兩個人叫左個小食拼盤、冬陰功闊條麵、同埋一杯海鹽奶蓋抹茶。 小食拼盤有炸雞翼三隻、炸蠔三隻、fish finger 三隻同埋一堆薯條。兩個人食份量好夠，炸雞翼係柚子蜜味，酸酸甜甜又好脆，好好食；炸蠔同fish finger就不過不失啦；薯條就略嫌淋左啲，我個人比較鍾意脆薯條。冬陰功闊條麵又係好好食，本身都好鍾意飲冬陰功湯，配落意粉原來都好夾，下次黎會再叫。海鹽奶蓋抹茶既奶蓋超好飲，好回味。

已經係第3次嚟啦，真係好好食！🔖西班牙海鮮炒飯🌟💰168賣相吸引~海鮮方面有蝦、青口同蜆😋飯粒炒至香口入味，仲帶有少少飯焦嘅感覺，味道都唔錯🤓💫推薦指數: 7.5/10🔖慢煮豬肩椰菜花💰108呢個係生酮餐，可以迎合更多唔同客人嘅需要啊😌椰菜花飯口感爽脆，再加埋creamy嘅醬汁，好好味啊😍重點係真係非常飽肚🤣豬肩軟腍帶有少少油脂香，好食😇💫推薦指數: 9/10🔖焦糖菠蘿焗蟹餅🌟💰98呢個組合出奇地好食啊🤩蟹餅有一層薄薄嘅炸粉，然後入面係滿滿嘅蟹肉🦀超足料啊😚下面墊底嘅係一塊帶有一層焦糖脆皮嘅菠蘿，夠哂香甜，同蟹肉一齊食好夾啊🥰💫推薦指數: 9.5/10🔖爆爆珠荔枝紅茶🌟💰36爆爆珠帶有少少酸乳酪味，成杯飲品嘅甜品啱啱好，唔會係死甜🙌🏼💫推薦指數: 9/10

大角咀好唔就腳😫，但唔知點解佢係九龍區其中一個美食集中地，星期六我同朋友專登去咗嗰度幫襯良心小店💛「Homeland」。我知佢大埔都有店，但距離我更遠吧。餐廳週末都有提供午市套餐，主食選擇有成十七款，當中有三款仲係生酮料理添。午餐定價由$78至$148不等，但其實大部份都係$88或者$98，我認為性價比高啊👍。午市有加配小食嘅選項，但睇完一輪感覺都係Pizza吸引啲，所以最終嗌咗三個午餐🤣✌🏻。佢每樣份量都多，我哋咁大食都近乎食唔哂。肉醬芝士四重奏薄餅($98)，🍕薄餅造型幾有心思喎，偏白色嘅芝士上面放咗粒車厘茄🍅，每片中間就好似有個鹹蛋黃太陽咁。薄餅皮無想像中咁薄，反而覺得成件重疊疊，因為啲肉醬多到一個點，正啊！肉醬味道濃郁，同芝士簡直係絕配。雖然我食唔出四隻芝士🧀，但拉絲效果明顯，鹹香十足。第一次食肉醬口味嘅薄餅，估唔到都幾夾，全程不斷令我聯想起肉醬意粉呢。牛油果煙三文魚闊條麵($98)，見餐牌寫明手工意粉係每日新鮮製造，令到我好有期望😜。闊條麵望落平平無奇，但一咬就發覺堅係自家製。麵條偏厚身，口感非常爽彈，我並無喺其他地方食過類似嘅味道，令人印象深刻。我認為佢比起所謂意大利專門店

搵左鋪頭一小段時間門面真係幾靚！而且入面都七彩繽紛💡提出book咗梳化位ww嗌咗三樣嘢食好彩兩個女仔都冇眼闊肚窄 冇乜廚餘🙈牛油果煙三文魚手工意粉一般😐平時食開日本拉麵要硬 或者特硬，但都覺得依個手工意粉過硬Emmm🤐💨煙三文魚同牛油果正路 整體一般 份量正常另外嗌咗個肉醬千層麵即刻諗起加菲貓🤣正常千層麵嘅味道😶有啲蕃茄仔 酸酸微微就唔會咁濟～而好食嘅一定要講巴馬火腿Pizza! 💕😋呢個真心唔錯！又有芝士！😋美中不足是細份左啲 價錢較貴🙊www不過其實成間餐廳我哋食完三樣嘢 每人總數過$200，都貴

近排做野真係好大壓力😿已經做到咕喱咁ga la都總係有d老屎忽會挑釁下你🤬唯有安慰自己係時代巨輪下呢d老屎唔識得be water 好容易會比人淘汰👋🏻Happy Friday一於出去飲下酒鬆一鬆啦手工啤🍻Be Water($78)碼頭咕喱($68)都要叫d野食打底嘅西班牙海鮮炒飯($168)屬於一人份量，啱輕食嘅你用餐環境舒服，啱一班朋友黎輕鬆下😚

八點嚟到餐廳有少少full，不過好彩都唔洗等即刻有得入。雖然係忙但staff 嘅服務都好好，唔會話有咩甩漏咁，啲野食仲上得好快，值得一讚👍餐廳整體都好有家嘅感覺，黃光加木枱。夜晚仲會有啲燈著，打卡都好唔錯~而且食物總類好廣，雖然佢主打手工意粉，但係上至小食炸物，下至pizza 拼盤 share dish 咩都齊曬～仲有勁多嘅手工啤，可以一路食住一路同朋友飲下野，氣氛好好，好岩朋友gathering 食飯!!至於食物方面都一樣好高興，全部新鮮整好，而且唔會太油膩太濟。豬手更加係必嗌～又大件又抵食。醬料酸菜都齊曬，薯蓉夠cream得黎又唔會打到一pat pat，食落去好有口感~仲有好多想試但係試唔多，下次一定會約埋朋友食飯試下，介紹埋間餐廳比佢地～

係附近探完朋友就係附近食晚飯，我地7點去到已經有好多人，餐廳顏色夠哂繽紛，入到去坐底人都開心D。 泰式柚子蟹肉沙律沙律材料豐富，除左有新鮮沙律菜之外，仲有蟹肉、柚子、蕃茄仔、青瓜等，再配埋微辣既泰式酸甜汁，好開胃。 肉醬芝士四重奏千層面每一層千層面都鋪滿肉醬同芝士，芝士四重奏最岩芝士控，芝士味夠哂香濃，千層面煮到剛剛好，唔會太腍，而且餡料非常之多。 招牌甜品拼盤 甜品拼盤擺盤已經好靚，有好多生果同埋蛋糕，仲有一球甜筒，雪糕竟然係薑味，第一次食薑味雪糕，好特別，芝士蛋糕既芝士味亦夠濃，而且好滑，朱古力moouse蛋糕唔會太甜，朱古力味好香。 爆爆珠士多啤梨紅茶爆爆珠一咬就爆，好得意，士多啤梨味亦好清新。

同朋友係奧海城shopping完, 佢帶我去左間係附近既餐廳食晚飯. 估唔到咁多人, 好彩我地早去, 坐底無幾耐就full. 門口彩色招牌好吸引, 入到裡面都係彩色佈置, 心情都舒服D.有部份食物係店舖限定, 當然要試下喇!泰式柚子蟹肉沙律因為泰式, 都有微辣. 好多柚子同蟹肉, 醬汁辣辣地酸酸地, 好開胃, 飯前沙律推介. 番茄同洋蔥都好清甜, 蔬菜都好新鮮!肉醬芝士四重奏千層麵面舖滿芝士, 肉醬份量足. 芝士好香, 千層麵熱辣辣, 鬆厚軟身, 夾埋一齊食真係一流!香烤乳豬配西班牙果酒燒汁真係要推介呢個乳豬, 乳豬皮超級脆卜卜, 一拮就分開, 肉質好香好嫩滑, 完全唔使用力咬. 加埋特製西班牙果酒燒汁, 甜甜地, 好好味! 仲有個薯蓉配菜都好食, 可能我本身鍾意食薯蓉喇~招牌甜品拼盤呢個甜品拼盤好有特色, 放得好靚, 有好多款生果, 焦糖香蕉, 士多啤梨, 哈蜜瓜, 提子, 番石榴等. 蛋糕方面有朱古力慕絲蛋糕同埋芝士蛋糕. 另外仲有雪糕, 竟然係姜味, 好特別! 香甜既生果配埋蛋糕一齊食, 唔錯!薄荷朱古力朱古力味好濃, 我至like, cream上面仲有朱古力醬, 仲有條朱古力手