La Famille (已搬遷) 新店位置

廚窗擺滿一個又一個精緻美麗既小蛋糕，真係勁吸引！今年生日honey就突破傳統帶我黎食生日蛋糕，小小的原個蛋糕岩哂兩口子呢！另一邊有bar檯，可以即買即食，very good!粉紅色既賣相既法國玫瑰蛋糕，加上大大既玫瑰花作為裝飾，手機要瘋狂吃了！蛋糕非常鬆軟，入口淡淡既既玫瑰花花香，清幽雅致。味道一點都不假，不會似香精呀！加上酸酸甜甜既紅莓，夠哂清新開胃！黑森林蛋糕朱古力味香濃，又唔太甜。面職既朱古力慕絲軟綿細滑，再加埋蛋埋中間既cream 真係好好味好邪惡呀！另外，點左兩枝茶，夠哂解渴！玫瑰紅茶女必敗啊！玫瑰茶非常清香，玫瑰花味並冇蓋過茶味，非常正呀！

聽講蛋糕店 La Famille 都有賣曲奇，所以經過尖沙咀海港城嗰邊就買個16塊裝返屋企試吓。好多唔同款式嘅蛋糕可以選擇。曲奇方面，左方包裝總共有四款口味。原來尖沙咀分店仲有得坐低喺度食蛋糕，都幾relax！Biscuits x 16Rose Cranberry, Earl Grey Tea, Butter, Double Chocolate各種口味都有四件Rose CranberryCranberry小紅莓🍓味道清清地，有紅莓果香，還有淡淡的玫瑰花香味。Earl Grey Tea平時食曲奇餅好少食到茶味道，還要這個是伯爵茶香味，味道清新好似真係飲緊向前嘅伯爵茶一樣咁味道清新好似真係飲緊香甜嘅伯爵茶一樣咁正。Butter牛油味道就比較基本，味道都好香但係唔會過分濃郁嘅，突出牛油味道同時不會太膩。Double Chocolate呢個朱古力味道就真係夠晒濃啦，因為係雙重朱古力，甜味十足，最啱就係鍾意食朱古力味嘅男女。

一直都很想試La Familie 的戚風蛋糕、除了IFC 外、發現海港城都開了La Familie 的蛋糕店。旁邊有幾個座位可堂食。櫥窗裡放滿了各式各樣的蛋糕、以玻璃瓶盛著、令我想起小王子裡玻璃瓶玫瑰花。還有來自台灣的冷萃茶。要了伯爵茶朱古力和椰子香芒。椰子香芒蛋糕非常鬆軟、慕絲散發著椰子與芒果的香味、還有粒粒芒果肉在裡面、味道清香、很有夏日感覺！伯爵茶朱古力蛋糕口感相對地rich 、上面的cream 伯爵茶味濃郁、好像吃到點點朱古力碎。整體味道creamy 濃郁帶茶香、適合喜歡不太甜的我。

見人post 相 post 得多，附近竟然開左間 La Famille ， 當然約埋另一個七月之星齊齊返公司開個靜雞雞的 party ! 離遠已經見到，一個個迷你蛋糕用玻璃蓋蓋住，色彩繽紛好吸引。睇賣相就知，係高級野。Cake shop 雖然細細，但竟然有坐位，環境不錯。但係我地都決定 take away 留返 tea time 慢慢歎。我地每人揀左一件心頭好，分別係 「英國伯爵茶 」同 「皇牌士多啤梨」， 每件都係五十幾蚊咋。店員好細心咁幫我地包好兩件蛋糕，仲會用膠紙固定底紙，令兩件 cake 唔會 fing 來 fing 去， 讚 ！ 仲有大size 蛋糕，不過應該要預訂。小心翼翼回程了！3 點 3，迷你派對開始 。WoW..........Happy Birthday ！ 皇牌士多啤梨唔算大粒，但好甜。蛋糕係輕軟的空氣感，小小士多啤梨味。cream 都係比較light, 唔會漏。英國伯爵茶既蛋糕底好香茶味，伯爵茶控必試！而上面的小粒 macaron 係點睛之作，細細粒，甜而不膩。兩件的蛋糕同cream 都唔算好甜，食完唔會飽滯，啱曬tea time 食 ！

早陣子，戚風旦糕掀起一陣熱潮。今天路經這旦糕店，被那精緻嘅賣相吸引着，禁不住要買個試試。這裏用嘅食材大部份由日本直送，例如高知縣柚子、北海道鮮忌廉、麵粉、乳酪同宇治綠茶等，令人份外期待。這兒的旦糕有成廿一種口味，有柚子、開心果、士多啤梨、玫瑰、炭燒咖啡、雙重朱古力、提拉米蘇、椰子芒果、宇治綠茶、黑糖栗子、熱帶水果、香檳士多啤梨、玫瑰紅桑莓、香橙朱古力碎、伯爵茶、黑森林、香蕉朱古力、蘋果京都焙茶、意式咖啡、士多啤梨乳酪和藍莓等。真是花多眼亂，令人不知如何選擇。今天試下炭燒咖啡口味。看著店員把旦糕在晶瑩的玻璃蓋下拿出來，感覺同平日樸實的戚風旦糕不一樣，多了一陣貴氣。這旦糕看似很大，但旦糕的質地又輕身又軟熟，就像空氣一様，炭燒咖啡味道濃郁又甘香。旦榚中間夾有來自北海道的忌廉，滿滿的，輕盈軟滑，富濃香的牛奶味, 完全沒有平曰忌廉的膩囗感覺，配上軟綿綿的戚風旦糕，感覺滑溜而甜美，感覺就是吃空氣般輕盈，不錯.

周日又係Shopping日，朝早食完個brunch，兩點幾就肚餓，行過見到有cake shop自然就要埋去睇睇，加上外面落大雨影響心情(明顯係藉口)，一於每人揀返個靚cake醫吓肚開吓心。大大個蛋糕櫃，裡面係一個個圓頂玻璃罩罩住可愛嘅蛋糕，喺燈光折射下亮麗登場。Cake shop有埋座位，買完唔駛搵地方即刻食埋～只係座位面向走廊，啲人行過嗰陣會望吓你食緊乜，令我哋哭笑不得。由於個個蛋糕都好吸引，對於有選擇困難症嘅我地實在係幸福嘅煩惱，最後揀咗【法國玫瑰】同【雙重朱古力】。【法國玫瑰$54】揀佢主要原因係因為顏值高，二嚟係支持吓今晚法國隊啲靚仔贏世界盃。最搶眼係朵粉紅玫瑰，真係食得架。玫瑰側邊就係紅桑子同忌廉，真係好可愛。蛋糕有清香玫瑰味，口感鬆軟。忌廉就係雲呢拿味，同蛋糕一齊食口感軟滑。【雙重朱古力$54】雖然冇法國玫瑰顏值咁高但感覺都幾高雅。蛋糕嘅朱古力味道適中，唔會過甜，上面有白朱古力片同朱古力醬，中間仲有朱古力忌廉同朱古力碎粒，感覺唔止係雙重而係多重朱古力。有別於銅鑼灣店，尖沙咀店唔係Cafe係賣蛋糕為主，所以就冇咖啡飲，但都有支裝茶供應。【春果花茶$25】果味幾清香。【台灣有松

放工和朋友逛街，經過這間餅店。隨即被櫥窗精緻的甜品吸引著，每件蛋糕色彩繽紛。口味多元化，有抹茶、朱古力、士多啤梨、芒果等，以玻璃罩籠罩著，可望而不可即。即使剛吃飽，望見這般色彩奪目的甜品，還能開啟女性的第二個胃。除了蛋糕，還有不同口味獨立包裝的戚風蛋糕出售。餅店旁邊有數張高桌椅，雲石的桌面，簡潔的裝潢，與蛋糕相映成趣。⭐️法國玫瑰$54上面有一朵桃紅色的糖霜玫瑰花，點綴幾顆紅梅和奶油花，紅白相間，淡泊清雅，讓人迷戀！送一口，口感像風一樣輕盈鬆軟，略有彈性，清甜不膩，沒有牛油蛋糕般濃重，中間還塗了厚厚的鮮忌廉，帶來濕潤，滋味無窮！⭐️士多啤梨乳酪$60上面點綴了紅梅和士多啤梨。嚐一口，果肉紮實且酸甜，搭配乳酪奶油和柔軟綿滑的海面蛋糕，酸甜滋味得到平衡。▪️果然像風一樣把甜品全數吞進肚子，仍不覺甜膩，在一片追求健康的環境下，難怪戚風蛋糕能佔一席位！

本身對戚風蛋糕真係冇咩好感....可能細個果陣食得太多某牌子既「說謊」蛋糕太多到大個先發現其實戚風蛋糕原本係一樣好好味既野，不過要做到濕潤得黎又具空氣感，真係唔易，好間唔中先會響好少cafe食到近期呢間戚風蛋糕專門店，愈來愈多分店，講真，初初食只係覺得中規中矩，而且價錢偏貴，難明點解愈多愈多分店，不過香港實在冇咩專賣戚風蛋糕既店，可能都係原因，不過近期再幫襯又有驚喜一見到個earl grey and chocolate即刻心心眼，仲買左個rose and raspberry, 各$60呢度有企位，不過我都係買返office舒舒服服食唔好cream都有呢d切件Cookie都出埋呢個就係rose and rasberry, raspberry 味未見突出，但個rose味既cream真係冇得輸超滑但rose味唔會假😆呢個就earl grey味好出，但chocolate味就真心唔太覺，但兩個味最重要就係個chiffon cake都夠moist，唔會乾爭爭

某人生日，慶祝活動係打麻雀。某人不嗜甜，但生日蛋糕總要有吧，吹吹蠟燭，一班人分享蛋糕分享喜悅。早幾日經過海港城，見到La Famille舖，門面幾高雅，即刻決定訂返個生日蛋糕。喺門口揀左好耐，店員細心介紹，最後揀左英國伯爵茶口味，仲加$20要左個生日牌。今日食完午餐就過嚟攞蛋糕，保溫袋簡潔，冇印到任何字樣。蛋糕盒同樣簡單，感覺素雅，仲有支銀色蠟燭，好襯個蛋糕~~ 雖然冇生果裝飾，但一攞出嚟個個都大讚好靚。上面有啲金銀色朱古力波襯托。入口口感好輕盈，軟綿輕軟嘅戚風蛋糕加上軟滑嘅忌廉，滲出淡淡伯爵茶味，好低甜度。下午茶每人食四份一個蛋糕(一磅)，竟然冇半點甜膩感，真係好好食。一定要encore呀！！！舖頭凍櫃入面有好多小蛋糕，好多口味，加上玻璃罩，真係好精緻好吸引呀。仲可以堂食，下次經過一定要試吓其他口味！