因為又喺閒日，又喺下午，所以，客人就正正得我一個。從門口已睇得見，小店一間，前鋪後工場，所以，一踏入店內，一室香氣，睇住幾個師傅晌裡面密密做，故此，啲麵包又點會唔新鮮吖。
因為時近聖誕，店內都多添咗啲聖誕佈置，當然，烘焙產品中就唔少得薑餅人先生啦！
由於食完個下午茶先過嚟，嚟到都近5:00pm，所以，睇睇玻璃櫃內，得番半個櫃嘅烘焙產品，都喺一啲歐陸款式嘅包點、餡批、牛角酥、磅蛋糕之類。當注目諗緊要咩時，店員話稍後仲有啲出爐貨，實際唔止餅櫃咁少，只喺未擺晒出嚟，的確又喺，透個玻璃門望入去，餅房嘅層架仲有好多麵包。佢哋喺不斷少量製作，務求出品新鮮。
麵包、餡批，就梗喺搵杯咖啡嚟襯啦，所以，佢哋仲會供應多款咖啡，以及一啲特飲，而且，睇見後面啲器材，相信咖啡嘅製作都喺唔馬虎。
最後選咗兩款包，以簡單嘅紙袋袋起，仲搵張聖誕貼紙封番個袋口，而裡面，更以紙張分隔開兩款包，非常細心。
玉桂卷 $27
朱古力丹麥酥 $26
玉桂卷果然喺店家嘅招牌之作，不過，丹麥酥嘅質素都唔輸蝕，今次真好，所食到嘅兩款都喺高質嘅出品。
走進店內，是小店格局，鋪尾是麵包製作工場，可透過玻璃窺探到內裡做包過程，陣陣香氣從門隙中滲出，可說是一室香氣。
再看看麵包櫃內，擺滿各式各樣烘焙產品，如多款歐陸麵包、甜批、蛋批、不同口味的磅蛋糕、芝士餅，款式多元化，賣相樸實不花巧。店員更話全部都喺店內少量小少量製作，務求出品保持新鮮度。
此外，更有意式咖啡提供，看到櫃枱後的咖啡機設備，就知不是吃自助餐時那一類自動咖啡機，而喺在咖啡店常見的一款，定價比連鎖咖啡店相宜很多。
雖然只是買了兩個包，但不是普普通通的以膠袋袋起而已，而是以簡潔美觀的紙盒放着，那放在背包裡也不用擔心會被壓扁，更細心的是，兩個包之間更放了一張蠟紙隔着，看似普通，但可令比高包不會黏上玉桂包的餡料而影響食味。
比高包買來作早餐，而玉桂卷則作為下午茶時享用的。「蒜香巴馬臣芝士比高包」（$27）烘得漂亮，拿上手就知很有份量，當切開細看，包心密度高，所以，入口頗為煙韌，不會吃罷只得一陣風，跟港式、日式的大不同，故此，亦不是人人都喜歡吃歐陸包；而表面微脆，越吃就越能嚐到當中的蒜香及芝士香，如在家中吃，更可升級塗一點忌廉芝士呀、黃桃果醬呀，更具風味。
從網評中，見很多人也讚這個「玉桂卷」（$27），當然，我也不會錯過，在辦公室稍微叮熱，再配上一杯熱茶，是最美好的下午茶組合。單是氣味，已散發出濃郁的玉桂香。同樣地，拿上手具是份量十足，當切開細看，包心綿密，捲得紮實，每一圈周邊都沾得滿滿玉桂醬，咬一口，是帶點柔韌的質感，卷底則有少少脆口，而玉桂醬做的很幽香，不會太甜，吃罷一件其實很飽肚喔。
事實上，這一類中高檔麵包店都不常光顧，但偶一為之，令人有不錯的味覺體驗。
就算呢個bagel唔係Sell餡 佢嘅口感都唔好食 唔知係咪擺太耐再加上冬天嘅關係 食落淨係覺得好乾好硬 唔煙韌 我夜晚買完急不及待即刻食 以為好好食 但結果有種月尾唔夠錢洗要捱食啲好難食嘅麵包嘅感覺🤡
影片
