POP vegan (已結業)

講到西餐好多人都話食素餐的人係無緣食，因為西餐多數都係肉食為主，最近忙於籌備婚禮的大小事，呢個月都不段約朋友食飯派帖，當中都有少數朋友是素食人士，為左捨命陪君子，於是找來這間好特別，專門係素食的西餐！呢間素食西餐廳係中環，唔係朋友介紹真係唔會識找來，這間餐廳跟普通的西餐廳無異，環保舒服寬敞～餐牌都主要以西餐為主，但全部款式都係適合素食人士的，由前菜、沙律、湯、主菜及意粉等都一應俱全，仲有不同的飲品選擇！Potato Skin $78友人為左滿足我個胃口，點來這個素食的肉醬薯皮，真係幾可亂真，味道真係跟一般的肉醬一樣濃郁惹味，微酸好開胃～而薯皮焗得好香，配上濃郁肉醬真係好好味！Vegan Crab Burger $158呢個竹炭漢堡包係店員推介的，是它們的皇牌款式之一，漢堡包有滿滿的薯條及沙律菜伴碟～這個竹炭漢堡包入面全都是素食人士可食用的食材，當中有甘薯葉素蟹肉餅，加入滿滿的蔬菜及素芝士，口感十足！而薯條都炸得十分香脆！Asparagus, Mushroom and Porcini Risotto $118最後一碟是蘆筍，蘑菇和牛肝菌意大利飯，上碟是已經聞到陣陣的菇菌味，意大利飯醬汁煮

香港終於有D多款式D的素食餐廳😌環境幾特別要㩒門鐘先入到去。叫左個無花果沙律，壽司同冬蔭公意粉全部都好食，尤其個沙律😋 個汁好好味。因為2個人食所以唔可以食到咁多嘢，仲有好多嘢想試，一定會再去食😋

香港地有純素西餐既選擇寥寥可數，而且無五辛既更加少之又少，所以Pop Vegan開業後都成為熱話，呢日終於藉着同學敘舊嘅名義可以黎品嚐。Salad係非常難忘，入口清新又有泰式既味道，而且Tuna入口即溶。Pizza好有特色，因為可以一次過試哂四種唔同既味，同埋唔會烘得太乾身，最喜歡茄子味。Pasta既芝士味剛好，好Creamy又唔太鹹，仲加左甜甜既蘆筍。朋友推薦Rice Pudding，外型精緻，椰奶味很香濃。至於Rice Roll有點太大件，食起上黎有點狼狽，如果做到精緻一點，一口份量就最好不過。Fruit Tart既皮略嫌有點過硬，不夠鬆跪，希望可以改善。

間唔中都會去素食店，一來可以清一清腸胃道，二來可以環保。 上openrice睇過一輪， 畀佢嘅日式照燒豆腐蕎麥麵吸引住！ 所以呢日就相約朋友來到中環pop vegan試下。首先叫做一份前菜potato skin $78 Baked Potato Skin with bolognaise and cheese 芝士肉醬配薯仔皮真係一流， 味道唔錯，而且唔會太鹹， 可以話係啱啱好。 值得推介。 我點了一份招牌菜Teriyaki Soba noodle$128 日式照燒豆腐蕎麥麵。軟滑的煎燒豆腐， 口感滑溜溜！ 配菜款式多多，青椒口感爽脆。 西蘭花煮得軟熟口感不錯配上紫菜絲和芝麻， 覺得很有特色。 配上香滑的南瓜蓉營養豐富， 蕎麥麵多添幾分姿色。朋友點了一份漢堡包都是素菜的， Impossible Burger (made from plants)$168。 裏面有芝士、生菜番茄沙律醬以及素肉，走肉絕對係健康之選 呢間嘢食唔錯，服務態度都ok。 不過要記得book位呀^^

聖誕節食得太多肉想食返多少少蔬菜素食平衡一下今晚放工行到去Soho區發現有間隱世嘅素食餐廳😍😍😍一於入去試一試睇緊Menu除咗食物嘅種類都多之餘仲有埋酒類飲品啱晒我呢啲鍾意飲酒嘅人我哋兩個人急不及待咁樣就叫左幾款嘢食啦其中一個係黑松露嘅意大利粉黑松露蘑菇意大利麵份量比想像中更多而且每一啖都有黑松露嘅味道唔錯仲有呢一個涼拌嘅意大利麵都好好食我個人比較喜歡呢一個面多啲裏邊除咗有豆腐，仲有我最鍾意嘅南瓜而且味道有啲似日式嘅做法食落口唔會泰龍又唔會太清淡！好啱想食好味嘅嘢又減緊肥嘅我😂😂😂之後我哋再嗌左個Pizza叫four season 一睇就知道係春夏秋冬猶豫左好耐食邊一個季節好😂😂😂整體來講，冇其他食評講到咁差！而且食物嘅質素比想像中好食得出廚師嘅用心！

吃貨去食素，究竟會係咩一回事？未時真係少食素，我淨係食過某間中式素，味道係好似肉，但非常油膩。朋友叫我試下呢間，佢仲話呢間味道唔錯，仲話無中式素咁油，好值得一試。我地叫咗三樣野，壽司卷、炸豆腐同Calzone。炸豆腐Deep Fired Tofu好香口，但一啲都唔油膩，味道仲有啲似避風塘。無諗過素都可以咁嘢味。Vegan Tuna Sushi Roll 係素嘅壽司卷。勁大份架，一上菜隔離枱都望住，仲即刻跟我地叫多份！最後係Truffle, Mushroom and Spinach Calzone。成個calzone 都有好濃厚嘅松露同香菇味，反而spinach 味就被蓋過。個Calzone 好鬆化。起初我有擔心要等好耐架，因為見到隔離枱投訴。不過，佢地服務算唔錯，催完好快就上左，我地呢邊就反而無乜影響，可能佢係嗌焗野嘅關係。

抱著吃健康一點的心態帶媽媽來到Pop Vegan，它在一棟住宅大廈樓上、要按鐘才能進入大廈、有點神秘。。上到一樓、店員迎上來、餐廳十分寬敞、深灰色牆身及桌椅帶時尚型格感覺。首先來一客Pumpkin soup $68，濃稠剛好口感奶滑、濃郁的南瓜味、然後 滲著少許薑味、好暖胃。Vegan Tuna Tartar $118色彩亮麗的吞拿魚他他好吸引、新鮮的沙律菜配上我最喜歡的牛油果、還有吞拿魚、芒果、蕃茄、藜麥等、味道清新、超好吃又健康！！Avocado Fritter and Wasabi Aioli $68把牛油果弄成炸蠔一樣的脆卜卜、跟wasabi aioli 醬汁很夾。Barley & Quinoa Ricette $118造型富藝術感的「意大利飯」由藜麥、薏米混合而成、連上面的炸芋絲口感異常豐富、加入檸檬草、南瓜和薑味道帶點清香又有點複雜、彷彿在細細品嘗一件藝術品。其實素食也可以很大選擇和變化、真心感覺到餐廳的創意和用心😇

素食餐廳位於中環既伊利近街呢邊唔多素食餐廳，而且走新潮風既西餐素食，所以都有幾多外國人黎食嫁做素食都一樣有客源呢如果行樓梯上黎，要先係樓下按鐘，職員先會開門有一種好神秘既感覺呀餐廳座位分開兩邊，坐與坐之間都唔迫裝修帶點工業風好多人都叫呢款Sushi roll有素吞拿魚、牛油果、素蛋、mozzarella cheese等等炸豆腐粒炸得金黃，一小口又唔乾，愈食愈來食。仲有脆卜卜既豆乾，帶點微辣，惹味十足黑松露天使面除左黑松露醬，仲有白磨菇。好香既白磨菇，食材新鮮天使面硬度拿捏得不錯，唔會過淋。呢個係vegan tuna tartar加入芒果粒、藜麥、牛油果、素吞拿魚及蕃茄粒味道酸酸地十分開胃仲加入藜麥帶小小煙韌既口感芝士青瓜薄餅簡單食材但味道唔會覺得好寡，芝士味好濃嫁整體黎講，呢間餐廳令我愛上素食！對素食又有一種新體驗原來西餐素食都可以咁多花款

又係要健康清腸胃ge時候今次㨂左呢間係中環ge 素食沿半山扶手電梯上 十分鐘就到係門口禁完門鐘 行一層就有侍應係門口接我地地方好大 裝修走型格風 枱與枱之間好闊落 坐得好舒服野食選擇都幾多下我地叫左Impossible burger with choral bread 4 season pizza Mix Berries sodaMix berries soda 甜度岩岩好 仲加左奇亞籽 口感多重值得一提佢用左紙飲筒 環保dImpossible burger 外型同牛肉burger 一樣 肉係用豆腐同菇搞碎而成 口感都好札實 薯條好有薯仔味 唔油膩4 season pizza 有筍 南瓜 矮瓜同蕃茄味岩晒我地呢d樣樣想試少少ge人Pizza底係薄脆唔會一舊食飽人 冇左一般pizza 肥膩感 食多幾舊都唔怕

Pop Vegan沒有如想像中般難到達。相反，這裡的環境出乎預料般寬敞舒適和不太嘈吵；以Soho區而言，這裡的定價也非常貼地合理！Vegan Tuna Tartar $118，有我喜歡的芒果、牛油果、蕃茄、藜麥，以及由蒟蒻扮演的素吞拿魚，整體清新味美，酸酸甜甜，非常開胃👍🏻👍🏻👍🏻Zucchini and Chinese Style Pesto Pizza $118，實在很少會在別的餐廳品嚐到這口味的薄餅！表面的看似是青瓜，其實是薄切翠玉瓜。那到底什麼是中式青醬呢？我吃完也摸不著頭腦，但覺得吃下去似很脆薄的蔥油餅🤔🤔🤔Vegan Crab Burger $158，漢堡包可選擇竹炭麵包或普通麵包。顯然，我們選擇了竹炭麵包，十分香軟。放於一大片素芝士之上的是由雞髀菇絲飾演的蟹餅、蘿蔔絲、椰菜絲等等，口感特別，味道是咖哩味；而薯條又長又脆 - 整體有驚喜！🤗🤗🤗

王子平時好食好住😈 生日係時候帶佢齋戒淨化一下☺️🤣 本身都無特別想帶佢食素，搵餐廳時見到呢間位於中環既純素西餐廳好似幾得意，環境又唔錯，就book黎試試😍💕餐廳離地鐵站都有15分鐘既距離，治沿住長電梯一路上，上到伊利近街轉右行幾步就到，都幾易搵👌🏻 去到餐廳樓下要禁鐘，店員問完你book枱資料就會開門比你，感覺好private好神秘🤡😂一行到上去店員就已經企左係度等候你。感覺服務還不錯喔，有一種privilege既感覺。Vegan Crab Burger 🍔🍟$158 話明純素，就當然無真既蟹肉，蟹肉用雞脾菇絲代替做成咖哩餡再炸成好似蟹餅咁面鋪上海量由蘿蔔絲、椰菜絲等組成既沙律菜再加上一大片芝士🤤🤤麵包可選擇竹炭包或普通麵包，朋友揀左普通麵包，外面烤至脆身，咬落好軟熟👍🏻整體味道很不錯喔🉐薯條份量都幾多，條條都好長好脆😍食素最怕無用會唔夠飽，但呢個Burger十分有飽足感喔🉐🉐Rainbow Salad 🌈🥗 $108好靚既彩虹沙律☺️用左彩虹七色既蔬果黎鋪面💕紅橙色係車厘茄，好大粒好juicy黃色係芒果，好甜綠色係青瓜，好fresh🥒藍色係藍莓，紫色係提子🍇底部仲有沙律菜配醋加檻欖油🥗

pop vegan不用解釋看名字就知道是吃素食的座落在中環蘇豪區進門前都還需要ring bell first會有服務人員確定是否有訂位子不過當然你是直接walk in 的話也是可以直接說他們都多做安排的一上來就看到一整排各式樣的商品餐桌座位非常寬敞而且還能看見kitchen整個就很open mind看得清楚有吃得安心餐廳是屬西式素食地處蘇豪區當然以英文版menu為煮Vegan char siu wrap素食的叉燒倒是第一次吃口感的味道上根本和真的叉燒一摸一樣，沒有太大的區別反而是小有驚喜teriyaki soba noodle鐵板豆腐加上冷拌的soba noodle味道格外的合拍deep fire tofu感覺上就像避風塘豆腐超有驚喜雖然豆腐本身味道偏淡但是加了旁邊那些碎碎味道就濃郁不少超有feel～

過往10日去日本旅行都食左好多肥膩野，自己體重都增加左唔少，星期一決定食得健康啲，實行Green Monday！中午放飯來到了位於中環SOHO伊利近街的Pop Vegan，係一間西式素菜餐廳。餐廳面積頗大，裝修時尚典雅中帶點型格而餐牌裏嘅選擇都幾多元化架，前菜、沙律、主食等等，全部都係純素！我同朋友一人點左一個主食Impossible Burger最近呢幾年都好興起Impossible Burger，外貌其實同真嘅牛肉漢堡包冇乜大分別，食落有肉味，都幾juicy的，但其實佢係無肉的植物製漢堡扒，感覺好健康冇咁大罪惡感啊！旁邊仲有新鮮爽脆嘅沙律菜，可惜脆炸薯條略嫌油膩左少少Hedgehog Mushroom Steak賣相好似一塊牛扒，佢係由菇菌製成嘅純素漢堡扒，煎香後既菇菌特別香口同美味，口感軟腍，配埋純素肉汁使到塊扒更加好味！一啲都唔似食緊素菜，正啊Pop Vegan嘅素菜帶比我不一樣的體驗，健康又好味啊

見到佢哋個社交平台做得唔錯但係openrice有很多劣評...開頭都猶疑過好唔好去食不過服務其次食物質素始終都係我最重視嘅今日終於的起心肝過嚟食一食味道果然冇令我失望🍒🍓🍅🍑🍐🍏🍎🍇🍈🍉🍊🍋🍌🍍真心係純素純過蒸餾水🍷🍾好似係蛋奶蔥蒜咩都冇!咁對於烹飪嚟講都係一個大挑戰睇下冇咗以上嘅食物調味去到邊個水平先先叫一杯嘢飲顏色賣相都好靚個名好搞笑係數字組成好似叫369(唔記得啦)係有 蝶豆花 梳打水 同果汁 組成🍊🍊🍊🍊西柚味道非常新鮮如果甜啲就好淡淡地適合減肥中嘅小姐們裝修清簡灰色為主大走工業風同杯飲品好襯都係清清淡淡其實呢度員工態度我未見有咩問題同佢哋都有講有笑好熱情咁推介嘢食畀我哋可能我今次係好好彩唔到用粟米仔同芽菜等蔬菜都可以調出如此嘅味道冇落椰奶，依然香濃少少辣，唔洗creamy texture 都好味得上堂嘅時候我對呢一碟餸希望不大因為我見到面頭放咗生蘑菇片以為會有草青味。。。點知原來係咁爽甜個面都煮得好好食黑松露味道拿捏得剛剛好唔會太強好似漏煤氣咁呢個漢堡包就好普通通係蟹柳🍔🍔🍔🍔薯條唔夠脆同唔夠熱雖然係黑色麵包但味道無咩特別只可以話係水平之作紅石榴做嘅沙律都係第一次試估唔到幾好

最近出街食得太多飯,重咗幾磅,同閨蜜訴苦,她卻投訴我很耐沒有見面,還要約我出來食飯。她揀了一間在soho區的素食餐廳。這間餐廳很有特色,他是開設在大廈二樓,我們要按下門鈴,經過一條白色走廊，才登上二樓的餐廳,服務員已在門口恭候我們。 餐廳分為左右兩邊,剛好左邊已經被一臺十幾人包了,我們就坐在左邊,餐廳沒有很多人,我們可以慢慢談天。我們點了一個Fig Salad , 我鍾意南瓜好夠厚同埋夠實,無花果甜甜地仲有一啲番石榴粒和葵花子。沙律菜唔係一般嘅羅馬生菜蔬菜。這個沙律好多材料,味道層次好豐富,同埋酸酸地,好開胃。Impossible burger第一次食健康嘅竹炭包, 還要是素菜漢堡夾雜住好厚生大冬菇, 素肉扒,芝士,蕃茄,生菜,仲有新鮮炸起嘅薯條同沙律菜伴碟。蘆筍risotto。一送上嚟,就好大陣黑松露味。新鮮蘆筍增加層次感。而且整個risotto好熱啊，要慢慢吹一吹先可以放入口,只係略嫌意大利飯煮得太淋啦。題外話,點完菜,想找洗手間,行到餐廳右手邊見到佢哋有銷售健康食品和放左一些素食推廣小冊子,拎咗一本睇下,我哋享用美食時,有冇想過這些食物是得來不易呢, 動物所受的痛苦,首當其衝。就