Promenade 西餐廳

营业中

休息中

公司請食buffet，呢間已經嚟過四五次，今次睇吓水準究竟有冇下降？傷口依然都係咁，其實生蠔係幾年前已經係咁嘅質素唔會有驚喜，但係食buffet都預咗啦，不過不失啦！海鮮冷盤凍蟹蟹腳凍蝦翡翠螺青口、藍青口全部都係基本野，冇乜特別，長腳蟹比起以前好食西冷好食喎啲肉質好腍鵝肝佢嗰塊多士真係好脆，鵝肝都好香，唔錯嘅魚生唔知係咪轉左帶子刺身嘅牌子，啲帶子對上嚟食係好甜，今次差咗好多三文魚比目魚吞拿魚油金魚天使蝦呢啲好普通唔算新鮮風乾火腿好正熱食好多，總括嚟講呢間嘅自助餐真係幾抵，環境又好，甜品更加係好多，不過本人就唔太食，同埋好多都係送一杯餐飲或者要另外俾錢，佢會送埋水吧比你自己沖奶茶咖啡都唔錯，雖然佢水準真係下降左好多，但係比起好多酒店自助餐依然都算係出色嘅

榴槤一向係本人至愛，可惜身體另一半一直都接受唔到，依家好啦唔駛成個成個買番屋企食，去酒店食buffet就可以食到，需然唔係有不同種類嘅榴槤任你食，都有不同榴槤嘅製品，仲有一兜榴槤畀你配不同嘅甜品,對於太耐無食榴槤嘅我嚟講已經夠賞心樂事。除榴槤外屬tea buffet嚟講都有算多款式供應，質數都ok,飲品係自助嘅都滿足到唔同嘅需要…不過愛榴槤嘅我食完一碟熱盤,天婦羅,刺身同個沙律就不停食榴槤，最後硬係要食埋雪糕先得

難得媽咪平日放假 而且有dining club會籍食有買一送一優惠 所以我地決定去都會海逸試試佢既自助午餐星期一去原價連加一HKD398一位 所以買一送一真係好抵食雖然係星期一 但呢度自助午餐好快就滿座 大家去之前一定要book定位大部分菜式同其他自助餐一樣 質素亦都係正正常常不得不提既係呢度有即開即食生蠔 每人每次限拎兩隻身為生蠔愛好者既我一共拎左五六轉 唔算大大隻 海水味唔重 入口鮮甜另一樣必提既係甜品都有好多選擇 但佢既綠茶心太軟就真係麻麻 綠茶味唔濃

第一次來此店，試嚐下午茶自助餐。店名promenade的簡譯是走廊。此店是位於天海相結的界線位置，接連是漫步的海濱長廊。呈曲水有情的維港壯麗海景，近有草地花園，是山盟海誓的佳地。惜走廊是屬於酒廊的範圍，不許進入。走廊另一解釋是香港少有的自助餐食物擺放長廊，長度恰似當年澳門的「自助山」，要行2分鐘才走畢。單是視覺，已是很好享受。東邊是飲品區，麵檔，咸食區，西邊是魚生，壽司冷麵，生果，中間是甜品。吸引我第一次來此店，除了是網友好評，亦因今日的下午茶是「芒芒中有榴槤」主題。我則說是「榴槤在芒」，榴槤才是主角。人山人海，擠滿酒店大堂，輪候15:30進場（座位早編定），當中不乏榴槤控。飄來榴槤之香1⚀最有獨特性是榴槤脆酥，我常吃榴槤西多，雪糕，未曾食榴槤脆酥，酥勁脆，夠薄，不會有飽滯感覺。榴槤蓉頗多，食客可在下文提及的蒸黑糯米檔隨時添加榴槤蓉，按自己口味加塗。我略加少許榴槤蓉，香甜不膩，頓感滋味無窮。2⚁吃過牛油皮蛋撻，未曾嚐榴槤蛋撻。不同凡香，令人齒頰留香，令我饞涎欲滴。迂迴盪漾，歷久不散。份量迷你，不礙胃納。3⚂即做班戟，可選榴槤為餡料。蛋皮可選班蘭味或蛋味，班蘭味配榴槤果蓉都頗特別，味蕾別

紅磡都會海逸自助餐，係我一生人幫襯得最多嘅一間，計埋今次已經係第五定六次嚟，主要原因係食物種類多元化，當然一定要有我至愛嘅生蠔同長腳蟹啦，不過自從上次生蠔質量欠佳，我就無再幫襯，今次如果唔係朋友想試，我都唔會再嚟，經過今次，我再次肯定唔會再幫襯！刺身：有甜蝦、帶子、希靈魚、劍魚腩、吞拿魚、三文魚、比目魚柳甜蝦好細隻，但鮮甜黏口；帶子每次只有兩粒，但新鮮肥美；劍魚腩同樣鮮甜肥美即開生蠔：有美國同法國蠔每次只提供兩隻，好新鮮唔腥嘅，但美國蠔太細隻又唔肥美；而法國蠔則海水味重，好好味，不過兩款size都好參差，有時細到好似蠔豉海鮮：有蟹、龍蝦仔、螺、長腳蟹、青口蟹雖然細隻，但有膏同鮮甜多汁；龍蝦仔膏唔算多，但同樣鮮甜；長腳蟹好幼，而且肉黐殼，但都鮮甜多汁炸天婦羅：有秋葵、蝦、椎魚、蕃薯、蟹柳、舞茸菇炸漿算薄，全部熱辣辣好好味，推介舞茸菇同秋葵熱盤大約有廿幾三十款：有燒牛肉、羊架、蒸魚、炒什菜、炒飯、炒蟹、咖喱羊、意粉、鵝肝多士、叉燒、燒鴨、pizza、炸薯餅、芝士火鍋。。。燒牛肉ok嘅，但個bbq汁太濃味同杰身；羊架又乾又硬同只得雪味；炒蟹太細無肉無膏；鵝肝好香好正；叉燒燒鴨太乾身；芝士火鍋

my friends like the tea buffet here so we came here the second time for visit.when I arrived the reception there's a woman cut the line with her 2 kids&the hostess serve her first.i wasn't happy about this,they shouldn't let this happen..anyways I've sat down&we ordered a free flow wine for additional $120/person.starting with dim sum there's 蝦餃燒my&dumpling.dumpling tasted off not fresh...sashimi,mussel,shrimp,some salad Japanese cold noodle,sushi.the Thai papaya salad was way too spicy even I e

呢間最近做榴連主題，所以吸引左我去試～一入場當然要走哂成個場先啦～估唔到咁多野食，同lunch無分別～沙律、蝦、青口、日本野，小量泰國野、港武粥、麵、點心，Haagen Dazs 雪糕同雪糕批、waffle 、pancake…有齊仲要啲榴連甜品品差喎講真，自助餐啲點心永遠都唔會好似酒樓咁好，熱食唔係食左好多，無咩驚喜但唔會好難食蝦係熟食之中我最鐘意，好彈牙甜品中，芒果拿破輪幾好食，啲「蘇皮」保持鬆脆，芒果夠甜榴連撻好漏好漏，食唔出加左咩野，好食仲一件足矣炸榴連波好快無哂同無refill,可惜，都多榴連肉，好鐘意啲有咬口的糯米皮Pancake都比幾多料，有strawberry, blueberry, 榴連等，再加cream，食完呢個好飽再加埋個雪糕都食唔落了，係最新的花味雪糕，櫻花幾好，無藥水味推介推介！！！

一個禮拜得一日放假，當然要去食餐好架啦！一早已經聽過紅磡海逸酒店d自助餐好出名，上個禮拜來完一次，今日放假又再來過😄例湯每日都會唔同，今日係蟹肉粟米羹，其實食凍食之前最好食定d熱嘢打個底先，我飲咗兩碗粟米羹先開始食沙律！我好鐘意食依度d甜品☺️甜而不漏，俾我一種好幸福既感覺。食到離約定時間還有一個鐘，生蠔bar幾乎俾我霸曬，儘管一次只可以拿兩隻，但我都可以喺15分鐘內食到20隻☺️主推美國生蠔，因為有少少海水鹹味之餘還幾鮮甜的，法國生蠔就直程海水味太重，我食唔慣😭😭😭生蠔好新鮮

昨天預約左兩位，同女友一齊食個lunch buffet。原本12:00可以開始，但我地12:30先到，其他人都已經開始，所以不用等已直接入位。先去食下即開的生蠔，都幾新鮮，而且洗得幾細心，沒有任何的細蠔殼在內（都食左至少一打），之後去左食少少熟食，正常水準，但我個人比較喜歡食個粥，有蟹肉、帶子等配料選擇。但刺身方面就比較弱，得三文魚、吞拿魚同比目魚，選擇十分少。但酒店的甜品種類特別多，更重要的是有我喜愛的榴連甜品（仲有幾款榴連甜品添）最後兩個人都係食左$560左右（因為列印優惠卷有75折）

今日有難得有老闆資助食晚餐，當然要食豪食，左揀右揀，又日本菜又意大利菜又韓國菜，最終我地揀左食呢度既晚餐buffet，希望盡量滿足各人既喜好。呢度食物種類好多，分國家黎擺放，感覺有過百款，分佈係條長長既走廊度，我地坐門口，覓食要哂少少腳骨力。先黎飲左個魚燉湯，暖暖胃，熱下身。味道還可以，但魚鮮味欠奉。然後拎左d cold cut salad，款式齊，夠凍，吾錯。Sashimi 樣樣要左d吾知係咩肉既西式小食，口感有d似薯蓉，幾好食。之後試左少少炸物，味道一般，可以留quota食其他野食。生蠔即開即洗，雖然好細隻，但都夠鮮。自選左個粥，夠棉。甜品方面都有好多選擇，但大部分味道中下，太甜。杏汁燉官燕最好食，encore左兩次。梳乎里裏面有d乾好似係榴槤奶凍，還可以。整體而言，6百幾蚊位，以食物種類黎講，可以接受，但食物味道一般，所以回頭率吾高。

今日一行八人去食lunch buffet。之前無食過都會海逸，但上網睇啲評論都好壞參半，但今日去完之後，我成家都話會encore，並唔覺得咁差，甚至好多野食，野食都好岩胃口。係開生蠔果啲人個面口黑到好似xxx咁既樣(自己諗xxx點解)。最正係行到最入有檸茶咖啡任飲，飲左五杯🤣生蠔係細隻d,但幾好食，唔係果d勁creamy食一隻就唔想食果啲呀媽食左四舊榴槤穌冷海鮮無特別，一般酒店水準個牛好好味，肉唔老，估唔到咁好食一人食左一碗粥火腿幾香，不過有d厚身

以下午茶自助餐來說，款式好多：由冷盤、刺身壽司、凍蝦、青口、沙律等；熱盤小食如泰式、中西日式美食、到主食方面，粥粉麵飯，另甜品西餅雪糕齊全，一個性價比高、很不錯的選擇！

其實一路都想試呢間buffet，見佢又有discount，所以早幾日已經打去book位，但都得門口嘅位置，不過唔緊要啦。(最緊要有得食)坐門口位置都唔會唔方便， 因為行幾步已經係拎食物嘅地方。一開始就梗係拎魚生食啦，我拎咗三文魚、北海道帶子同甜蝦。真係要俾個讚佢，雖然三文魚一次只可以拎三件，但佢每件都非常之厚，實在太有咬感，而帶子亦好鮮甜。另外，我都拎咗長腳蟹，真係啖啖肉好好味！行入少少，就見到有拎生蠔嘅地方，拎咗兩隻尼試，但都覺得唔錯。(我不嬲對生蠔一般)而呢個鵝肝多士，實在係the dish of the day！鵝肝煎得啱啱好，配上勁脆嘅多士！yummy x 100000 (所以encore 左兩次)呢度嘅甜品都係令我bling bling eyes! 燕窩燉奶，我係encore左3次。焦糖燉蛋、綠茶心太軟都係我最愛！ 呀仲有soufflé  (打尼個食評 望住啲相簡直流緊口水) 

之前抽獎抽中咗兩張晚餐coupon當然唔好嘥食咗佢。記得上次食都好耐啦,耐到唔記得咗幾時,但仍記得好多野食,好好味。可惜,今次食完就要扣分啦。野食方便都仍然有好多,但係水準下降咗。一入去就係刺身,有我喜愛既帶子,但每次只比兩粒。仲有甜蝦,三文魚等另一邊就係沙律吧,再行前就係甜品區,有pancake, 梳乎厘。梳乎里有原味及班蘭味,但食唔出。仲有兩款燕窩,一個係鮮奶,一個係椰汁燉,但兩個都係一般。仲有其他唔同既cake同豆腐花,雪糕。糖水圓肉紅棗茶。再入就有一些熟食,燒烤,天婦羅,pizza。仲有我最鍾意食既長腳蟹,蝦。有麵包蟹同生蠔。再入d仲有粥同其他熟食。最入就係飲品區,咖啡,茶,檸茶檸水係任飲的。整體係好多野食,食到非常之飽,但係佢d熟食唔夠熱,味道一般。但服務就好好。依家做緊$629一位再加一,openrice 有 coupon 可以八折,所以今餐好抵3個人食六佰蚊有找。

經過星期日晚飯飯市食客的疲勞轟炸後，阿媽到了星期一放假時，還是回復了狀態，還在中午打了電話去紅磡「都會海逸酒店」，訂了裡面的自助餐餐廳「Promenade 西餐廳」的午市自助餐，一共三個位。若果以光顧次數以及食評發表次數去衡量，相信我在「Promenade 西餐廳」累積的經驗和光顧紀錄，應該不會輸洩給大部分人。而且「Promenade 西餐廳」裡面大部分代表食品菜式，我都幾乎已經食過，本來再寫食評好像沒有什麼可以再寫。或者如果我嘗試再深入一點，更詳細一點評論「Promenade 西餐廳」的環境和食品，按理應該可以為我的食評，注入更多生氣，亦可以避免與其他食評「撞款」。相對之前幾次食評，今次我在「Promenade 西餐廳」裡面得到的最大發現，反而不是食品，而是我在西「Promenade 西餐廳」入口，無意中發現「Promenade 西餐廳」的自助餐「價目表」。之前在我寫過的酒店自助餐餐廳裡面，很少發現過酒店自助餐餐廳的餐牌，今次不單止給我找到餐牌，而且餐牌竟然是一個「電子化」的餐牌，以類似「電子相簿」的形式公布自助餐的價錢。而且我在「Promenade 西餐廳」現場看到的「電子餐牌」，