Schnee German Restaurant (已結業)

由同事搞的每月「公司野餐日」，大家都要預備美食，lunch齊齊開餐。想了很久，我一於決定買德國脆豬手。之前晚餐曾光顧Schnee，亦嚐過他們出品的德國鹹豬肘，質素不錯，所以決定外賣，帶回公司與同事分享。由於鹹豬肘手制作需時45分鐘，所以預先向餐廳預訂，省卻等候時間。由銅鑼灣回公司，到正式開餐，已過了大約半小時，一路都擔心焗住外皮會否很易腍身，幸好質素依然保持得很好。鹹豬肘用一個大紙盒盛載，內有用紙袋裝的豬手，用盒裝的焗薯仔，另加兩款醬汁。鹹豬肘已由餐廳代為預先切開成一塊塊，外皮十分脆口，皮下脂肪不算多，吃多幾塊都不會太油膩。而肉質厚實中帶嚼勁，味道不會太咸。因為喜歡吃酸性食物，每次點鹹豬肘，都十分喜歡吃配料酸菜，這家的酸菜只是微酸，未算吃得過癮。而焗薯仔味道淡淡，帶香草味，蘸汁吃就剛剛好。

我自己鍾意食德國豬手, 偶然也會外賣返屋企作為加料. 早前從友人口中得知位於銅鑼灣的Schnee GermanRestaurant有得外賣豬手, 所以我也第一時間訂了一份燒德國咸豬手. 豬手製作時間大約四十五分鐘, 所以我放工後就來拎.放工時間, 特別多人, 由銅鑼灣返到屋企都要成個鐘.佢地是用紙盒載着豬手俾客人外賣, 我問佢有無紙袋, 但佢地話無咁大個袋,雖然佢地話唔會咁易爛, 但拎成個鐘返屋企, 始於有個紙袋好一點.打開個盒, 豬手是用紙袋載着.而配材有薯仔, 酸菜就用盒載着.另外, 有兩款醬料, 客人可以因應自己的喜愛而選擇.豬手都算幾大隻, 而且切好, 就咁夾來食便可以.返到來屋企已經成個鐘, 豬手皮當然不是完全脆卜卜, 但入口仍然算脆身.豬手皮夠薄身, 入口時感覺似食薯片. 豬手肉幾腍身, 肉汁不錯, 不會覺得好硬和乾身. 入口時帶有咸香的肉味, 味道調教不錯, 即使單食也夠味.我也試了點芥末醬一齊食, 感覺完全不同, 多了一份辣味和芥末香味, 而且更能帶出豬手肉的鮮味, 兩種食法我也鍾意.薯仔軟硬適中, 而酸菜我本身唔太鍾意食, 所以只是試了少少.

咦 ... 樓下帶位的那位是有點面善  (諗、諗、諗)  想起了, 他是拍戲的那個「蜥蜴仔」吧!被帶上餐廳後, 侍應生立刻帶我們到座位並送上餐牌 (大電視正播著足球賽)午市免收加一, 挺優惠喔!茄子芝士拼意大利雲吞配野菌忌廉汁  (午餐價$68)一客有五件飛碟形的意大利雲吞, 外皮有咬口, 茄子芝士餡是味道濃郁, 質感又綿密；配搭的野菌忌廉汁, 有奶油的滑溜, 香甜更有野菌香, 多吃也不會膩。招牌脆皮德國鹹豬肘伴酸椰菜烤燒薯角  $198廚師已為德國鹹豬肘切開五件, 看相片可見豬皮是那麼的脆, 皮下脂肪呈乳膠狀, 很黏糯。  至於肉質, 我以為會硬會柴, 竟然沒有呢, 而且是不會死鹹, 蘸上蜜糖芥辣去吃, 既甜又惹味。酸椰菜及燒新薯, 尤其是新薯有烤得熟, 吃下去早帶甜也鬆化。

多月前與食友 M 到過 Schnee German Restaurant 品嚐了一頓豐富美味的德國晚餐，偶意想起其豬手及乳豬菜式仍能引起垂涎慾滴之感。最近食友 M 告知筆者有關外賣豬手的安排，二話不說致電外賣一隻返家加餸。因烤焗豬手製作需時，所以依照店方建議提前一小時致電外賣。抵店後稍等三數分鐘已完成交收過程。整份美食以高身硬紙盒盛載，內含一袋已切件的原隻豬手、一盒烤薯伴菜、一套醬汁及餐具。經過個多小時的運送過程，豬手還帶有微微暖感。起初擔心豬皮脆感會隨閒置時間大減，但實際上證明大家過慮了，豬皮口感仍然相當脆口，咬下卜卜有聲。肉質方面，色澤呈誘人的粉紅色，質感軟嫩，鹹香味道點到即止，不會蓋過應有的肉香。整體而言是一隻頗出色的烤豬手，值得一試！

難得不用加班可以回家食晚飯，實在太好！家人想食豬手，於是便到公司附近的德國餐廳外帶～豬肘需時45分鐘製作，等候期間店員服務頗細心，會提供清水。製作完畢後，店員會問是否需要代為切豬肘，切完後會整齊地分好一件件再以紙袋包裝著，然後再放入手挽的紙盒方便拿取！份量很多，而且每件都好厚身，視覺一流！豬皮脆卜卜，點上附帶的芥末醬後食落份外惹味！豬肘肉很厚身，食落不咸不膩，而且還可以補充失去的骨膠原～酸椰菜酸酸味味，食得開胃之餘還可以減輕食豬肘的滯感！薯角實身且薯味頗重，份量的骰到如魚蛋般，食畢亦不會覺得太飽！ (左)蜜糖芥末醬，(右)燒汁醬～

Schnee German Restaurant的豬手呢，食過都讚好的。之前在筲箕灣分店吃的時候，要最少兩、三天前預訂的。早前由好友口中得知可以即時下單這個好消息，立即衝過來買一隻啦，$188可以吃到Schnee的「招牌脆皮燒德國咸豬肘伴酸椰菜烤燒薯角」，抵呀~!!下單後等大概45分鐘就可以了，等的時候，不就可以去逛逛街嘛XDSchnee的外賣盒也夠精美的，豬手的香氣輕輕的從盒中飄出來，有夠吸引的~ 下單的時候就要求廚師為我們切開整隻豬手，切完之後，皮、肉相連，而且見到豬手的皮下脂肪厚度適中。入口時，豬手的皮相當香脆，皮下脂肪的膠質很重的，一點也不像普通脂肪那麼油膩。平日少吃皮下脂肪的我也忍不住多吃這隻豬手的皮下脂肪；至於肉嘛，味濃且鹹香味十足，肉質鬆軟。除了以上所說之外，原隻德國豬手呢，就是可以吃到豬手的筋部。廚師把骨跟肉分離之外，還把豬手的筋部跟骨分離，筋部入口滿是彈牙的感覺，食落還覺得很香。另外，廚師還把黃芥末等醬料一一附上，但其實不用蘸任何醬料，豬手都很棒啦~不得不提的是隨豬手而附上的酸椰菜及烤燒薯角。酸椰菜酸酸甜甜，而且帶點點爽的，很開胃啦；烤燒薯角相當鹹香，加入醬料以後，質

歐國杯四年一次，周街都充滿住足球狂熱，男人都唔例外，對所有球型嘅活動都好有興趣，話說男人打黎話今晚想喺屋企睇波，買外賣，好啦，心諗都好嘅，喺屋企食他他條條咁幾好，又唔使同人迫餐死，又唔係坐得唔舒服，最緊要係龍床都不及狗窩，學周栢豪話齋，回家最好不過咁今晚食咩好，友人B係食家，食均全港九，佢提議去呢間schnee度買返個外賣豬手，心諗：唔係老點啊？德國豬手仲要外賣？真定假啊？喺半信半疑下打電話去order返隻豬手，因為原來製作要成45分鐘，預好時間唔使乾等。收工即刻落位於銅鑼灣駱克道嘅呢間Schnee，唔算難揾上到黎，嘩好德國feel,相信夜晚喺度吹水飲酒一定好好feel等左10分鐘度就有得拎，承惠188大元，價位可接受，紙盒夠晒硬正，一定唔會行到半路出事先，返去途中，啲豬手香不停咁散出黎，隔離你眼望我眼，肚餓小妹都幫你唔到嫁，都幾尷尬終於返到屋企，打開！嘩！都幾大份，仲有薯仔同酸茶做伴菜，正喎！跟豬手有個蜜糖芥末同黃芥末去點豬手，小妹最鐘意蜜糖芥末，甜甜地同豬手係最夾嘅！豬手外表鬆脆，中間嘅脂肪經過烤焗迫晒啲油出黎，造到黏咀效果，好重骨膠原！不得不提個肉質，一層層一絲絲，鬆軟得黎又入味

足球盛事，歐洲國家盃開羅，踏入球季，又是男士們奉旨與一班好友到酒吧睇波暢飲的好時機，蝦子餅雖不是好酒之徒，也會安排幾晚與好友們狂歡暢飲，他不喜愛太迫人的感覺，純粹找個借口與老朋友相聚，所以，會選擇時間較早的賽事與老友在酒吧聚聚。剛剛的周六，他便與朋友去到位於銅鑼灣的上樓舖《Schnee German Restaurant》相聚。原來當晚他們選擇的不是酒吧，而是德國餐廳，蝦子餅影了兩張相給我看看，還境不錯，木牆、木桌、還有紅色皮的木椅，感覺典雅。場內設有大電視，原來蝦子餅的朋友在附近返工，某日在這兒吃晚飯，發現了這家不錯的餐廳，於是來這裡聚聚。所以這裡不屬波友的聚腳點，恐怕當晚最嘈吵的...... 可能是他們了！聽說，他們原先只是來品嚐德國啤酒，但喝酒又怎何沒有拌伴酒食物，於是，他們點了有名的德國鹹豬肘來品嚐，而且，蝦子餅還特意 send 了鹹豬肘的相片給我。看見外皮炸得香脆的德國鹹豬肘，雖然只是相片，BeautySearch 也差點垂涎... 數小時後，大概已夜深了，BeautySearch 竟在熟睡中聞到香噴噴的豬手氣味... 莫非，香味也真的會從相片中散發出來！我竟在夢中聞到豬手香

位於銅鑼灣附近的Schnee German Restaurant ，是一間德國餐廳。大約中一時才第一次吃德國菜，當時是我第一次吃德國豬手。原來餐廳有二間分店，今天和媽媽吃過晚餐，外賣一隻豬手回家帶飯。Schnee是可外賣的餐廳，落單後約45分鐘。招牌脆皮燒德國咸豬肘伴酸椰菜烤燒薯角 $188實在很愛相機吃先，先拍照，後讓店員打包德國豬手真心份量十足，如我人頭般大吧。雖豬骨大，但切開後份量也不少哦。外皮燒至脆卜卜的豬手，切下咬下聲音清脆。皮下豬肉鹹香十足，粉紅色的豬肉質嫩軟，成年人必會說，來杯啤酒吧。配菜酸椰菜和燒薯也不錯，澱粉控的我一定要有澱粉食物。薯仔帶皮，薯身粉嫩，口感不錯。

今個月特別多人生日食生日飯都食到肥幾磅！而咁多餐中 其中一個系係屋企開p 呢餐真係最開心 成班朋友柴娃娃 又玩又食 仲每人準備一啲食物一個出名懶既朋友 帶來一盒又大又重既東西 神神秘秘！其實一行近就大概估到係咁乜 因為味道好香 有人唔知點解估係叉燒其實係德國咸豬手一大隻！友人得戚為大家介紹呢隻為銅鑼灣名物 一定要試下 仲話佢專登叫餐廳唔好斬件 要保留原汁原咪俾各位試然後友人拿起較剪為大家分豬手 佢又剪得幾靚 有板有眼！豬手仲係熱辣辣 皮十分香脆 唔算好肥！肉質有彈性 咸香十足 加埋黑椒汁食仲更惹味$198除了豬手 還跟酸菜薯仔酸菜咸咸酸酸 似用牛油炒過 因為都幾香牛油味 一邊食豬手一邊食呢個酸菜好唔錯 可以解膩！我呢個食肉獸就好滿意 但下次唔該買多一隻呀

德國菜中 最常令人記起的一度佳餚應該係烤豬手-德國豬手街知巷聞到一個點 係連德文都特別有個字係比佢用"Schweinshaxe"咁就知道德國人幾咁重視同熱愛!!!不過香港人都唔輸蝕 端午節家人造節竟然有人話想食德國豬手?!真係令人摸不著頭腦 在家咬豬手我都係第一次.....真係豬手癮起喎!!翻開瀏覽器 網遊一大餐 終於比我搵到間好評既外賣豬手餐廳"Schnee German Restaurant" SCHNEE  - 德文意思係"雪" 咁解 即係冬天的德國 幾有詩意早左一日落訂先有 因為我見佢要預訂之餘仲要成45分鐘烹煮時間準時少少到 以免佢整好左要等我 令到豬手太快凍晒其實餐廳環境幾好 好有歐陸感覺 用既顏色同埋佈置都好有德國特色 好想拎杯啤酒食住豬手腸仔開PARTY!!!!去到都係等左10分鐘左右 因為佢問我成隻豬手拎走定係切埋一件件咁當然唔想返到去仲要屋企人加工先食得啦 所以我決定要切好一件件 返到去打開就食得喇!! 拎到出黎使包住晒都聞到個陣烤香味 哈哈搞到我好肚餓!!份量唔少 點解德國豬都咁大隻?! 未打開個盒 入地鐵車箱 已經好大陣味傳出... 真係勁香外皮金黃大塊 肉色粉

一連幾日都落雨, 原本唔想外出, 但一早相約朋友到佢公司附近的Schnee食lunch, 所以就算落再大雨, 都唔可以放飛機.這家德國餐廳環境十分好, 裝修有格調, 座位好舒服. 可能當日落雨的關系, 所以食客唔算多. 食物都好有水準.落單的時候已經見到餐廳的燒德國咸豬肘可以外賣, 價錢不貴只需要HK$188, 即時雙眼發光. 因為老公最喜歡食.細問之下, 燒德國咸豬肘是即叫即做, 需時45分鐘時間, 所以我順道點左, 走的時候剛好可以拎走.用左30分鐘車程返屋企, 返到去時燒德國咸豬肘仲仍有微溫, 老公見到大讚我貼心. 哈哈~其實外賣的時候, 餐廳會預先問你想切件拎走定原隻燒德國咸豬肘拎走. 我當然要求切件, 因為方便好多.外賣燒德國咸豬肘回家仲可以自己配住白酒食, 舒服又寫意得多~燒德國咸豬肘肉質厚實, 不會硬, 也不會韌. 味道有一點點偏鹹. 而外皮就仍然香脆可口, 無因為外賣過程中焗到稔左.雖然豬肘有一點點肥肉, 但其實一點都不肥膩, 入口仲好有油香味.外賣時會配有2款醬汁, 食燒德國咸豬肘當然配芥末最好味啦!!就連配菜都有, 就是烤薯仔同酸菜. 兩樣配菜用盒盛裝住, 很方便.

屋企生日飯加餸，見到這間德國餐廳有很多好評，便試一下其招牌燒豬肘，果然不負所望，值得一試。外賣盒非常方便，一個紙盒便能放下所有東西，方便外賣攜帶。回到家中依然能聞到很香的豬肘味道，有焗爐的話只需焗數分鐘加熱便能吃到餐廳的美味。就算是外賣外皮還是非常香脆，而內裡的肉質乃能保持嫩滑，肉質結實不會鬆散，豬肘味香濃，而且帶一點點脂肪非常惹味，一起吃味道更香濃。2款芥末醬都很好吃，尤其是右邊的蜜糖芥末醬，配上豬肘真的很美味。配菜方面焗新薯很不錯，加上一點香草味道，連薯皮一起吃更有薯仔香味。酸菜亦很有水準，不會太酸。

脆卜卜的燒德國咸豬肘＠Schnee早幾日收工後和老闆到Schnee German Restaurant Happy hour，位置於銅鑼灣駱克道近鵝頸橋位置，非常易找店舖裝潢很歐洲風，掛滿德國國旗，而且不斷播放住球賽，如果一班人來睇波，嘆住啤酒，品嚐住美食，實在太美好～原本只是打算飲杯啤酒就萛，但店員推介下我們點了一份燒德國咸豬肘，上枱時遠遠傳來陣陣肉香，那豬肘燒成金黃色，看見也覺得興奮！上桌時已經幫我們切好，食起來非常方便，插著一支小小的德國旗，很別緻呢。而伴碟的薯仔也是亮點之一，加入了大量香料去焗的薯仔，少少咸味中帶著陣陣香草氣味，食起來很有特式！而酸菜份量也非常大方，不要少看那些酸菜，和咸豬肘非常合襯，濃烈酸味雖然不是人人接受到，但卻非常醒胃，食咸豬肘時不妨也食一點呀咸豬肘燒得脆卜卜，熱呼呼的，食起來就是在德國食過的味道，而入面的豬肉充滿咸香，份量超大，二個人是絕對食不完，最後就打包回去了～好精美的外賣袋，連骨頭都打包回去煲粥！最細心的是入面更把醬料都分開打包，回去仍可把美味的咸豬肘和家人分享！

睇開我食評既網友都知我有個"老死"(老是想佢死) - 金筆換。 我當然唔想再同佢食飯，之前既經歷實在 ......不過，無可否認佢支筆係ok既，所以幾日前大家what apps 講開食野，佢就叫左我去一個地方，話有意想唔到既外賣。我見今次終於唔駛見到佢，去下無妨。嚟到銅鑼灣，去到佢講既地方。咦，成間餐廳嚟既，同我想像既賣魚蛋鋪有好大出入，莫非今次佢整鬼我？原來，呢間係一間德國餐廳。除左有堂食，仲有外賣，估佢唔到。望下餐牌，更估唔到係餐廳竟然有一樣我諗都無諗過既外賣 - 豬手，不過留意番，豬手係即叫即做，所以要等大約四十五分鐘。當下，我諗到兩個問題：1.咁大點外賣？2.拎到番去會唔會唔脆？不過既然我老死講到有驚喜，如果老點我一定成舊豬手塞落佢個口度。中間，我向餐廳提出左不情之請：可唔可整完比我影張相先再外賣。表面上，我係想"相機食先"，實際上我係想睇下番屋企前後既分別。又估唔到餐廳無拒絕我要求，服務抵讚！招牌脆皮燒德國咸豬肘伴酸椰菜烤燒薯角 $188於是，我既第1個問題終於嚟：豬手咁大點外賣 ？原來餐廳有見及此，已經好似平時買大蛋糕咁，預先準備定一個大紙盒載住豬手。紙盒大大個，而且挺身，