Spark Bar & Restaurant (已結業)

之前有好朋友生日，就大家約到哩間店舖去搞生日飯，一入店，就已經見到一幅好靚嘅塗鴉，而旁邊又有live band 嘅表演，係一個有好feel嘅地方而野食方面，我地叫左水牛雞翼，一般般無咩特別，而最意外嘅係佢地嘅烤冬菇加芝士和南瓜豆腐，竟然令到烤菇同芝士加豆腐好match，清清地得黎又香氣逼人另外，建議大家係happy hour 8點前叫酒飲，有指定嘅飲品會買一送一，會比較抵。 整體黎講，係一個唔錯嘅地方，服務質素算好， 野食都頗吸引，值得一試黎哩間餐廳黎飲下野，傾下偈

🇭🇰 One of the most top rated restaurants on Openrice. First of all the service and environment of the resto are superb; it has a rather dark atmosphere with live band performance occasionally, and they also introduced each dish when it arrives. Baked bone marrow (oxtail marmalade and sourdough )$168Very well balanced appetisers- oxtail and bone marrow matched really well with marmalade as the oiliness is toned down by the sweetness of marmalade. The sourdough crisps added some crunchiness to the

見完客想搵個地方坐低休息下食下野同靜靜地諗下Project就上左黎呢間樓上BAR原來呢間係星級BAR黎既, 做得星級BAR, 裝修唔可以馬虎環境空間感幾大幾舒服, 裝修又唔會過於華麗, 幾唔錯叫左個Homemade既Baccala ravioil望落個樣似係意大利雲吞個一類既食物擺盤幾靚, 唔會太多花巧野食落味道都唔錯, 外皮厚薄適中, 帶點口感職員服務主動有禮, 唔會過於騷擾, 可以靜靜地享受一個人的午餐

朋友喺中環返工，都有在周邊附近出沒，佢提議話去間優質嘅西餐廳食晚飯，我當然係贊成啦。餐包配橄欖油都幾清新，如果提供埋balsamic vinegar一齊點會更加豐富口味，亦都會開胃D。前菜點咗炸魷魚share嚟食，炸得好香脆，加少少青擰汁食好清新，點個aioli醬食就會多一個層次感，雖然黑蚊蚊(墨魚汁)有D嚇人。我嘅主菜點咗蜆肉意粉，蜆嘅份量都唔少，口味較為清淡，意粉烹煮時間掌握得好，呢個檔次嘅餐廳，都唔expect會食到D過淋嘅意粉。朋友食咗炆煮羊腩，我唔食羊肉所以無試到。

西餐都有分好多種嘅，今次就嚟食意大利菜，覺得餐廳氛圍幾型格，去到咁啱仲有liveband聽，令人覺得好enjoy。食物我地其實都唔係好識點菜，於是就叫職員推介店內的主打菜式。最後我地決定點一款前菜、一款湯、牛扒，再加甜品一齊share兩個都夠食。前菜：Cuttlefish 見到一碟泡沫首先要打卡，朋友介紹話分子料理呈現方式就係講sauce打成泡沫。我小心翼翼啲試食一啖，味道好fresh，好清新。湯：Spark Seafood Chowder Soup有一個好特別嘅紫菜脆片，配上鮮甜綿滑嘅湯，好enjoy。牛扒：10oz USDA Prime Rib Eye一開始睇個樣真係唔識食，不過職員都好Nice會教我地食法同順序。講牛油和牛骨髓塗在牛扒上，食落香濃，味覺會有不同層次，幾特別。Spark Tiramisu最後就係甜品。以前都係食杯裝嘅Tiramisu只覺得甜膩。呢個SparkTiramisu係最後都要比到驚喜我，甜而不膩，仲加上爆炸糖，即刻勾起細個嘅回憶。覺得每個菜式都好又心思，靚得嚟又好食。

我係為咗佢嘅Lumachine carbonara而來的 海膽真係太吸引🤤另外rib eye肉質都好得 上面配有牛油更香 伴碟嘅牛骨髓好濃牛味本身見到個份量 諗住實唔夠飽 最後飽到甜品都食唔到

都有一段時間無去過蘭桂坊，今日朋友約咗我食dinner，話去蘭桂坊食，睇完餐廳位置，都預咗要運動一下架啦。其實又唔係真係要行好耐，只不過係要上一段山路，喺藝穗會附近。睇過menu之後點咗幾款，而較為特色嘅食物有Pappardelle，Baked Bone Marrow。Pappardelle應該係餐廳自家製嘅意大利麵，闊條麵煙靭好有口感，醬汁唔會太稀，可以緊緊咁掛喺D麵度，又濃又香，好好味。Baked Bone Marrow焗得啱啱好，唔會好乾，油油嘅質感，加上甜酸味道，配上薄脆麵包一齊食，好開胃。講返餐廳環境裝飾得好時尚，燈光較為暗，用餐會格外有情調。成個environment係好有feel，真係可以坐成晚。

同同事係附近見完客, 剛好一點鐘食飯時間不過周圍都好多人放飯...咁我地就打算搵D樓上酒吧/餐廳, 應該易D搵位於是就搵到「Spark Bar & Restaurant」地方都幾大, 成個環境氣氛都好舒服仲會播住輕快既音樂, 令成個人放鬆哂由於今日傾得成生意, 老闆話今餐佢請, 叫我地唔洗客氣咁我地梗係恭敬不如從命啦我就揀左「Sea Urchun & Abalone Risotto」即係海膽慢煮鮑魚意大利飯我地傾左一陣就有野食到啦個意大利飯真係睇得又食得個飯底原來係用龍蝦湯炮製, 一睇顏色就知龍蝦味勁濃郁啦果然無錯, 每一啖都有好豐富既龍蝦味飯粒偏硬, 係我鐘意既質地係飯上面仲有幾片墨魚汁脆脆, 又幾脆幾特別, 令成個飯靚左好多海膽既份量都算多, 入口即化, 極度鮮甜同Creamy呀!!好食到想大叫....當然唔少得鮑魚呢位第二主角啦鮑魚相當爽脆, 一啲都唔會韌, 估唔到加入意大利飯都幾夾真係正到依家諗返起都流口水....

2月14 情人節book openrice，20:00，個負責人whatsapp 我話20:30 開始....上到4樓出lift，排長龍擠迫在lift門前走廊，希望大家都係健康人士啦⋯⋯book 20:30，20:45 都未得，我問佢佢話set 緊台要多一分鐘，結果就係9:00 入場，9:05 - 9:10 點菜.....等....等....等....等到9:55 先黎到個湯！又等等等等，到而家10:13 分先見廚房開始煮我地幾台人既main dish....唔知今晚11:00pm 前有無得食野食幾好食都無用，bad experience 打沉晒！

這天和男朋友竟然很巧合的，在差不多時候下班，最近不知為何真的很疲累，怎樣也提不起精神，男朋友突然很貼心的提議到西餐廳吃飯chill一chill。Spark Bar & Restaurant 的位置可說是在「冷靜熱情之間」，在充滿歷史味道的古跡和眾多人流穿插的蘭桂坊中間，一邊很寧靜，另一邊卻很熱鬧，完全成了對比。裡面的環境真的十分有情調，光線恰恰好，不會太暗，但下班始終會覺得有些睏的感覺😌也適合多人聚會。在餐廳的另一邊還有 live bar，也許不時會有一些駐場歌手在這裡表演，增添氣氛。食物種類跟其他西餐廳大致上差不多，比較特別的有海鮮拼盤，好讓海鮮迷都能滿足一下。前菜和沙律的款式竟然也有不少，說不定吃完前菜都飽了。另外就當然有意粉和主菜等等，不過定價真的偏高，還是說在中環這個高尚地區其實都差不多了？先來的當然是餐包，驟看樣子超像一片片蛋糕🤣伴以麵包的醬汁是橄欖油，橄欖油很是清新，說是橄欖油但其實不會真的很油膩，向來都覺得橄欖油配麵包是很不錯的配搭。麵包的軟硬度算是適中吧，有輕微的偏軟。‘’Spark’’ Chowder Seafood Soup 即是周打海鮮湯的意思吧，平時在經濟實惠的

今日比個friend帶左我去一間中環嘅酒吧原因係有得睇live band表演啊！岩曬成班朋友一路聽歌 一路飲酒😎😎😎而我就叫左兩份pasta 同一份sideBaccala Ravioli呢個應該會係香港比較少見食落都好新奇😝 可以試一試Pappardelle white bolognese 闊條麵比較硬身問左一問 原來係特登整成咁 仲要係自家制！對於我嚟講 就比較鍾意啲野係有咬口😆成個菜式都好classics 好香芝士味食落好有驚喜 水準絕對一流 配得起呢個價錢Sautéed Mushroom呢個side我覺得必叫因為香菇整得好淋身 調味都足夠🤤🤤鍾意食菇嘅人一定要叫

呢排喺港島附近返工，出中環只係十分鐘，放工嘅時候想飲下酒食下好野放鬆下，蘭桂坊係一個唔錯嘅選擇。平時出蘭桂坊多數都係食摩洛哥菜，今日就去食返個久違既西餐先。呢度有個好靚既band room 。有麵包做餐前小食～前菜點左一份 Cuttlefish，呢個係一款幾清新嘅開胃菜。除左爽滑既墨魚，仲有明太子、新鮮海膽、三文魚籽等等，加埋柚子味既泡沫均勻地分佈係墨魚上，食落唔會有膩感，兼有淡淡的柚子香同濃郁嘅海洋風味，味道層次豐富。接落黎嗌左一份Spaghettini Vongole。蜆肉飽滿多汁，意粉條條分明，唔會有過份濃厚嘅醬汁。Main Course 點左一份Sous Vide France White Spring Chicken Roll，味道有驚喜，我好滿意。春雞滑嫩多汁，口感軟稔，香口惹味。而底下嘅醬汁亦相當出色，充滿奶香，兼有粒粒薯蓉增加口感，最後好快就清曬成碟野😋亦都係我近期食過最正既春雞👍🏻食物製作用心，有誠意，如果份量再多番少少就更好。

今晚放左工去左呢間蘭桂坊上樓嘅酒吧西餐廳 Chill 一 Chill揀左個角落位, 可以睇到呢個街景Menu 主要分左 Seafood, Appetizers & Salads, Soups, Pastas, Main Courses 同 Sides甜品就有兩款, 寫左喺出面嘅大黑板上Bread餐包好軟熟, 而且有莓乾喺入面, 另配有一小碟橄欖油Fried Calamari料材係用左深海墨魚, 炸漿唔會好厚, 夠晒香脆, 最特別係個醬汁, 係用墨魚汁調製,  另外用炸羽衣甘藍作點綴Baked Bone Morrow以牛骨髓同牛尾肉, 加入生果同果酸煮成, 用一條大骨盛載住, 既有牛香味, 亦有果香, 配上脆卜卜嘅薄多士, Perfect MatchPappardelle White Bolognese平時食肉醬粉多數都係用茄醬煮成, 但今次呢款竟然係用忌廉汁煮, 個味道原來又幾夾 !! 廚師特別用左特寬嘅寬條麵, 除左令口感變得更有咬口外, 仲可以令 D 醬汁沾滿喺寬條麵上, 大推大推

今日上到蘭桂坊頂呢間Spark Bar & Restaurant食lunch。呢度有個live band台，相信夜晚如果有表演應該都幾有feel。呢度望落中環啲富有歷史風味既建築，又有自然光，係個食lunch好地方。呢度午餐餐牌經常變，我地今日就點左一個意粉，一個豬肉。Daily Soup今日係燒洋蔥椰菜花湯，洋蔥味道非常香，湯打得好滑，又唔會好漏。有粒粒椰菜花蓉，感覺健康。Baby Beetroot Salad呢個沙律幾用心，用左紅菜頭配乳酪，加上沙律菜配沙律醋，好開胃而且味道十分豐富。Spaghetti Vongole ($198)我點左呢款意粉，個意粉比較幼身，係al dente，有咬口最啱我。蜆肉大大隻又juicy。用橄欖油配少量蒜炒，感覺清清地無會好heavy。Roman Style Braised Iberico Pork Stew ($228)朋友呢個豬肉配啲超香既蒜蓉包，望落都夠曬正。Tiramisu ($30)最後我地決定叫個飯後甜品。cream cheese超滑超creamy，上面有朱古力分，而且仲有爆炸糖！我地食到中間都好驚喜。餐飲有茶或咖啡，我地都揀左咖啡，味道

環境位置在藝穗會對面，餐廳風景不錯，内部佈置懷舊有特色。但由於餐廳采用開放式厨房，油烟味甚重。食物當天與友人點了Lunch Set，值得一贊的是USDA Prime Ribeye配菜為黑松露焗千層薯容，製作有心思讓人有驚喜。另值得一提的是甜品Tiramisu，cream濃而不膩上面亦鋪上爆炸糖，頗有新意。另點了兩杯難喝的紅酒。價錢早前以Openrice 85折預訂，但付費時女服務員才表示折扣只能用於a la carte而不能用於Lunch Set，更反問我們‘爲何訂座時沒有問清楚，其他所有客人都會自己問清楚才點菜’。女侍應服務差劣，有待改善。有朋友當天晚上惠顧餐廳，亦經Openrice 8折預訂而結賬時遇到相同問題。女侍應表示大多數a la carte的食品不能享用8折優惠，最後只有1項有折扣。盛惠每人$650！總結食物不過不失，但侍應態度實在太令人難忘，整體用餐體驗麻麻。