The French Table

营业中

休息中

看了好評，所以在父母的結婚週年來試了。吃的是西餐，餐廳地方不大，餐牌可提供的菜式竟然這麽多，主菜選擇有超過一版紙那麽長，當中還有不是一般西餐廳有的血鴨，而甜品也有好幾款。前菜點了煎鵝肝，煎得香口，醬計味道好，無得彈。主菜點了confit duck leg，份量不小，好吃。甜品點了apple tart，下刀切開已聽得出鬆脆。全部食物都有水準，餐廳不大而氣氛很cozy，服務親切而不拘謹，是慶祝特別日子、家庭好友聚會的好地方。餐牌上還有很多想試呢，期待不久再來。

對於一班酒友，對於一班會自來酒的酒友，找一間免瓶餐廳真的難，非常難。本來有間法國私房菜由免瓶到收費，我都不介意給那開瓶費。那是個很特別的餐廳。快樂的回憶總在那裡發生。然後有朋友建議試試呢間。二話不說立刻訂枱過黎試試什麼情況。科技時代既進步，發達。有個智能手機去邊都得。甚少去灣仔既我，很快就到達目的地。嘩~！我朋友真係犀利，夠哂份量。竟然包了場！全場只有我們一張枱。招呼和總廚也是一個老婆，一個老公悉心打理。認真夠特別和味道。因為當天至今，時間太久了，很多都遺忘，也沒有做記錄，所以將最令我深刻留下的記憶寫出來。餐牌方面，分別有3，4，5道菜既套餐選擇。生蠔，部分海鮮可以單點。但我們很少理，想食什麼就叫什麼，帳單由餐廳安排。一開始叫了份Iberico Ham，味道還好，因為是18或24個月的，味道適中。然後便海鮮盤，都是正常味道，唯一特別既係Shrimp, 很有味和口感。然後到Foie Gras, 我個人覺得已不錯，有點不足是味道再豐富一點便好，在口中的空窗期太久，沒什麼味道。水果再由Peach 改成 Apple中和返會更好。主菜方面，各樣食物都做得好好。Iberico Pork Chop已

結婚週年想搵間靜少少嘅私房西餐，結果就book咗呢間位於灣仔嘅樓上鋪The French Table。Four course dinner，首先係前菜，松露炒蛋配西班牙火腿，睇個樣都知有heart，既精緻又好味。龍蝦湯，味道唔太濃唔太淡啱啱好。個哈哈笑好得意。主菜出場！澳洲和牛面珠肉配黑松露汁。牛肉好淋好香好好味原本想叫龍蝦risotto，但老闆娘話龍蝦沽清了唔緊要，大蝦帶子一樣可以配risotto，新鮮美味，汁料creamy得嚟又不過份漏。最後甜品食咗心太軟同cheesecake。由於訂位時已講過係慶祝結婚週年，心太軟碟上就加咗祝賀字句。開心嘅一餐，老闆好nice亦幾好傾，食好西呢度值得推介～

我地6條友不約而同想蠟燭夜•食好西 所以揾間私房菜慢慢嘆。地點位於灣仔銅鑼灣中間，交通算便利。如果喜歡品酒暢談之士就岩晒 呢度免開瓶費架 可以自己帶d靚酒上黎摸下酒杯底麵包多士鬆軟脆口、熱辣辣 如果可以再附上橄欖油、黑醋，感覺即刻升格 我地6條友每人都叫3 course Set，每個item分別叫6款，大家可以開心些牙，可以每款都試下前菜 牡丹蝦、帶子刺身 牡丹蝦肉新鮮彈牙，帶子刺身鮮甜美味。配埋呢個passion fruit sauce 好夾呀~~ 香煎鵝肝配紅桑子汁鵝肝煎得岩岩好，表面香脆，裡面juicy溶化，再配上紅桑子汁加鮮果一齊食 酸酸甜甜，罪惡感即時降下不少 波士頓龍蝦、煙三文魚伴魚子醬汁食材新鮮，但普普通通唔太突出 煙鴨胸雜菜沙律肉質軟熟滑嫩，好香鴨胸味，沙律菜新鮮鮮甜。 黑松露炒蛋配西班牙火腿熱辣辣黑松露炒蛋 加埋火腿一齊食，又Ok喎主菜 虎蝦帶子天使麵天使麵炒得好乾身，麵質彈牙好好食，虎蝦帶子唔洗講都好新鮮鮮甜澳洲和牛面珠肉覺得麻麻地，不過超冧食落好似牛腩咁，但要成塊食晒都幾係野香煎時魚配香檳忌廉汁塊魚排煎得好香口，肉質好滑，好食焗澳洲羊架本人對羊真係麻麻怕騷，見賣相

The French Table 是免開瓶費好選擇, 位於灣仔，地理方便; 提供醒酒器和不同類型的酒杯免收開瓶費及切餅費, 適合開party 雖然有點貴, 但食物質素不錯3道菜晚餐每人約600元左右但他們沒有足夠的員, 服務需要改進香煎鵝肝配紅桑子汁頭盤必食之選, 油香四溢烤西班牙黑毛豬扒配黑松露汁 - 香口兼豬肉味濃法式焗油封鴨脾外脆內嫩, 必試!法國菜單法國酒一流 (建議帶波爾多紅酒或勃艮紅酒來配食物)部分菜餚要另加收費, 扣分!

由於餐廳不收開瓶費, 帶了支香檳去飲, 服務員很快用冰塊將香檳變凍, 非常純熟. 我們首先叫了生蠔做頭盤, 非常新鮮及creamy 👍🏻.另外叫了4-course menu, 我選了黑松露餃子, 非常香的黑松露味, 配合creamy sauce, 將味道發揮得很好, 第一次見這個組合, 下次也會再吃另外友人叫了牡丹蝦刺身配帶子沙律, 刺身非常新鮮,賣相很好, 配合獨特的sauce, 帶出牡丹蝦及帶子的鮮味之後是餐湯, 分別叫了龍蝦湯及蘑菇湯, 蘑菇湯是用新鮮蘑菇打碎製成, 每一啖湯也很香蘑菇味, 而龍蝦湯也非常有鮮味, 如果可以將法國龍蝦湯那樣加酥皮及芝士會更吸引, 另外她會在上面或笑哈哈樣及心心很有創意主菜叫了油封鴨髀及龍蝦risotto , 油封鴨髀比較遜色, 但皮是很crispy的. 龍蝦risotto 非常推薦, risotto 吸了龍蝦的味道, 以及龍蝦的省屬到啱啱好, 令肉質很滑.最後是甜品, 心太軟很好吃, 裏面的朱古力是流心, liquid, 做到恰到好處, 對是次用餐非常滿意, 下次還是會再去的

我從未打過食評，但為了表示我對這店--The French Table 的欣賞和支持這店，我打了這篇食評。打得唔夠好，大家見諒。昨晚我老公生日，我訂了位為我老公慶祝和食晚飯。入到去被安排座到近窗口位置，環境好舒適好靚又有情調，老闆好有禮貌為我地介紹。我地揀左5道菜的Menu，二前菜，湯，Main，甜點。食完熱騰騰香噴噴既包包後，老闆好細心地問我地係咪share食，我地話係，佢就好靚靚的把二人的份量都放在一起，份量仲好足！全晚最最最特別特別欣賞--"鵝肝黑松露意式雲吞", 和"煎鵝肝"！好耐冇食到令我這麼回味的鵝肝和雲吞，好想再食，繼續食…係咁食…老公都大讚好正！另外個牡丹蝦配帆立貝，都好新鮮好好味，欣賞佢個熱情果汁！到湯，我地揀左洋蔥湯和是日推薦的魚湯（我忘記了係什麼魚），我本身想揀雜菌湯（係我最愛，去到邊一有湯都會揀），不過既然老闆推薦，我信佢！魚湯，飲完，二個字--欣賞！個魚湯真係堅好飲，好濃郁的魚香味，好鮮甜，一點腥味都冇，老闆話入面加左d薯蓉令口感更濃滑，佢一d都冇講錯！Main，其實到湯嗰一part，我已經食到忘記左影相，太沉醉在當時的氣氛和美食中我揀左老闆推薦既焗鴨脾，老公

今晚家人生日飯！環境好！味道好！鵝肝超讚，龍蝦湯好好（超有蝦味又唔苦！）！魚煎得好！和黑松露汁，配搭好好！牛肉眼扒好大份好冧好有肉味!甜品我地每人叫一樣，全部都好味！真的是一家值得推薦的餐廳👍👍👍

OystersFrench foie gras ravioli with black truffel champagne cream saucePan-fried foie gras with raspberry sauceLobster soupOnion soupAustralian black angus rib-eye steak with black truffel sauceRoasted duck leg confit in traditional french stylePeach teaWarm chocolate cakeHappy bday - Tarrine de chocolate & ice-cream with custard sauce

Dinner was amazing ! Very nice environment and great food ! Service was very good !! Definitely recommend for dinner party / special occasions !

為食全生日的大日子，當然要好好準備，早大半個月牛奶豬就問身邊的美食家朋友，推介好食價錢又合理的餐廳，食開好野的朋友就推介French table ~~餐廳門口: 環境: 一早已訂好了位子，西式輕鬆的環境，坐低聽著熟悉的英文歌，準備好靚靚的心情去期待生日大餐蘑菇湯:湯送上第一時間就見到哈哈笑拉花～，當然是相機食先，唔捨得弄走中間個拉花住，由最旁邊開始飲起，味道偏淡，如果可以多加蘑菇會更好，不過賣相有誠意 龍蝦湯:龍蝦湯換了另一個心心拉花，不過湯仍然不夠濃郁，比較下蘑菇湯表現較好前菜：大蝦帶子刺身一出場為食全同牛奶豬都"wowww"，好大隻刺身蝦！！加上心愛的帶子，擺放得好有氣勢，新鮮的刺身配上西式的做法，帶一點酸，好味得來有新鮮感主菜：油鴨脾 本身不太喜歡食鴨，好怕騷味，但來之前朋友大力推介這鴨脾，所以就俾個機會隻鴨啦～一看就知道烤的火喉控制得好好，均衡的金黃色外皮，嗅都好香～~試食啦老闆特別提醒一定要連皮食，先試一口，皮很鬆軟，一點都不膩，鴨肉很鮮嫩，皮連埋肉一起食="正"好在有聽朋友話....香煎時魚:為食全食鴨脾，牛奶豬就食魚，普通的煎魚外表看起來無咩驚喜，

是晚真的有食神了 好榮幸因偶然的機會能跟同事到這家法國私房菜享用晚餐位於灣仔的The French Table 離地鐵站大概10分鐘路程 不難找到一出電梯便能看到大大個招牌了餐廳分為兩廳 如果人多的話還可以包廳 是聚會的好地方啊等吃中 真的讓人好期待呢聽說這裡並沒有酒牌 如要享用美酒 需要自行預備啊餐包籃盛著熱騰騰的麵包 對於我這個麵包粉絲來說 真的非常吸引雖然因為要等齊人開飯的關係 把麵包放涼了但麵包鬆軟 入口還有很重的烘焗味 配上面頭烤過的芝麻就算一次過吃兩個都可以啊晚餐可自由選擇要四/五/六道菜這晚我們能享用五道菜的晚餐 包括前菜 湯 主菜 甜品 以及飲品每一項都有好多不同的選擇而前菜我選了波士頓龍蝦及煙三文魚伴魚子醬熱情果汁一看到又有龍蝦又有煙三文魚 二話不說就成了我這個海鮮迷的選擇菜式來到的時侯讓我很驚喜啊 以煙三文魚包著彈牙的龍蝦肉兩者加在一起吃 同時嚐到煙三文魚的油香 以及龍彈爽彈的口感這種滋味實在無得頂啊!!接著的餐湯仍然以海鮮為選擇 是龍蝦湯啊看到這種橙紅色就知道有多濃郁吧可惜一入口 我就大失所望了大抵龍蝦是連殼以攪拌機打的雖然湯是有很濃厚的龍蝦味及膏味但隨之以來就是

今晚，我帶爸爸及姐姐去灣仔一間樓上餐廳吃法國菜，感覺好滿足。那間法國餐廳之前在尖沙咀的，我已去過多次，現在搬了去灣仔，全新裝修，地方寛敞，色彩一樣是橙色，但格調提高了很多。我們第一枱去到，於是四圍參觀及拍照。那裏環境開揚，眼前還有一個很寬闊的大玻璃窗，望出窗外，心曠神怡。坐了一會就開餐喇！最先吃麵包，那是廚師自製的，鬆軟及暖熱的，新鮮出爐，好好味啊！而龍蝦湯味道鮮甜，份量適中。頭盆吃鵝肝及三文魚龍蝦，外脆內軟，入口融化，味道很好。主菜是我最喜愛的和牛，新鮮嫩滑，很美味。甜品方面，我尤其喜歡法式糖霜配鮮果，那個糖霜底就像麥提沙中間的脆卜卜糖霜，甜脆可口，吃後很是滿足。我一味掛住吃及傾偈，已忘記拍下所有食物的照片，我下次一定要補影番。大廚 Michael Wong 的廚藝仍保持到水準，又出來同我傾偈，問吓意見，很親切啊！大廚 Michael 特別介紹，他們的餐廳可分隔出一間獨立的房間，如約了一大班朋友聚會，又想有獨立空間，我現在多咗一個好選擇了。侍應服務態度亦很好，有笑容又招呼週到。今餐真是令我們很難忘啊！

Christmas過後補番吃大餐、意外地非常好、由Apertiser到Dessert都另人難忘。選了５Courses,頭盤選了龍蝦煙三文魚配Passion Fruit Sauce、味道酸酸味味好開胃、龍蝦好鮮味。湯選了龍蝦湯、這個湯要讃、相信用了很多海鮮做湯底、非常濃味、鮮味、”LIKE"。MainCourse是牛面珠、煮得好”林”、不会”硬”、牛味道好濃、口感似炆牛腩、好易入口。至於Dessert就是心太軟、朱古力味濃流心、配Peach味雪糕、新鮮味道。非常満足！

頭盤，黑松露炒蛋，雖好食，但完全冇落過黑松露。味道來自松露油，雖然全部餐廳都係咁做既，但好心落返少少黑松露落去呃下人啦。另一款，煙三文魚拌波士頓龍蝦，龍蝦冇味，唔新鮮。兩款湯，龍蝦湯和雜菌湯，算是ＫＥＥＰ到水準啦。主菜，黑松露龍蝦RISOTTO，味道不錯。其實這間餐廳，係尖沙咀時我己經去過幾次，一直也是心水餐廳。只是這次搬了來灣仔，感覺有少許退步了，可能這晚比較旺，全場滿座，仲要係兩個大ＰＡＲＴＹ，成晚都很嘈，希望下次去時不會再這樣吧！