六記粥麵

营业中

休息中

匆匆來澳門一趟工作，結束時快要七點，可是還不能走，因為難得來一趟不吃點好的感覺愧對自己。認識這家店是因為看了Youtube某位網紅的推介片，於是把她推介的食物全點了還多加一碟炸鴛鴦。即使沒看過推介片，也大可直接看圖憑感覺選擇，反正是抱着一試心態。先來的是炸鴛鴦，顧名思義就是一碟兩味──米通鯪魚球拼炸錦鹵雲吞。米通鯪魚球炸得非常燙口，簡直是獲利回吐，已入口還得吐出來。雖然是現炸，但感覺仍欠一點脆口，不是不脆，而是未達至最佳狀態。鯪魚的味道淡淡充斥着整個魚球，我不愛吃鯪魚，這樣淡淡的反而挺好接受，要是重了就不想吃。蜆介醬稀成水狀，味道很淡，不容易黏在魚球上。有時候人就是想要吃一些油炸食物，尤其工作完畢辛勞後，這個雖然不是極品，但勝在熱力十足，脆度還是有的，不過談不上必吃，尤其是蜆介醬做得太差了。【提外話，餐牌上把鯪魚寫作綾魚.........炸錦鹵雲吞絕對要不得，這是咱一我們沒有吃完的食物，照片看着還好，實物像是曾被處以極刑，反覆油炸過九萬次，雲吞皮顏色暗黑，一股油膱味。餡料給很少，而且口感差，我都注意不來裡面有什麼，隱約覺得只有肉碎，反正就是從外到內都不新鮮。豉椒炒蜆整體不俗，蜆無沙肉厚

跟幾個購友談起, 澳門宵夜店不少, 但能抓得住水準的, 可能屈指可數。朋友從廣州到澳門工作, 於是乘夜船過去跟他們匯合。到埗, 巴士打道六竟。坐下, 就是一支冰凍起砂的青島啤酒。先來一碟蝦籽撈, 也許有人說麵質, 蝦籽六記都不是澳門頂班。不過單從門前焯麵手於石上翻麵手法, 與其堅持拖乾水的意志。一道爽口乾身撈麵已見神髓。縱然蝦籽不脆口, 鮮味差一點都照單全收。鹵水雞腳又是停不了口。鹵水香濃, 色夠味夠, 雞腳入味而香。膠質在口中打轉, 雞皮黏而不膩, 只嫌賣相未全, 但夠快樂。反觀米通鯪魚球則是一小不點。米通鬆脆, 但鯪魚肉味淡欠彈, 炸得亦不夠香口, 差了一點。老實說, 見店外火喉, 還真想粉個粉。不過朋友已飽到頂頂, 還說有個荷葉飯於房。不勉強, 亦只是下次再來。六記粥麵澳門沙梨頭仁慕巷1號D地鋪posted from Bloggeroid

晚上去了食蟹粥，聽聞六記幾出名，一於去試下呀。冇乜人的晚上。水蟹粥必食，仲叫埋其他小食呀。啤啤佢。豉椒炒蜆，$52，本身鍾意食，幾好味呀。蝦籽撈麵，$38，味道不俗。乾炒牛河，$45，正常水準。水蟹粥，牌窩兩隻蟹，$180。水蟹不算太多肉。蟹粥味道不夠鮮甜，質感就很綿。整體味道一般。

與三五知己過澳門玩兩日，少不免吃貨，住十六浦又點會唔黎六記食蟹粥呢!!昨晚滿心歡喜由酒店行去六記點知閂左門，門口貼住張紙條寫住"5月24-25號休息"，失望之際就去左附近某店晚餐，今日我地又再次期待，未夠6:00我地就去到，由於佢地開6:30，所以我地乖乖搵位坐底邊睇餐牌邊等，我地叫左一個中型蟹粥、抄蜆同炸鴛鴦，蟹粥都唔錯，有蟹味，炒蜆冇驚喜，好一般，炒鴛鴦都唔錯，不過我地唔敢點汁食，因為……鋪頭有烏蠅就一啲都唔出奇，但成群烏蠅係啲豉油同蜆蚧上面停留，店員照冇野咁俾果啲汁我地真係唔太有胃口，其中有位燥底阿姐當正我地係衰人咁，不斷黑口黑面細聲鬧我地，問個廁所係邊又話我地麻煩，叫佢拎個餐牌又叫我地問返樓面，一路食一路有大量蚊仔飛下飛下，冇哂食慾，下次打死都唔黎…

今天一行4人過黎一日遊行下,朋友介紹到六記食水蟹粥,地方不算方便,入夜後仲比較黑.由新蠔天地坐的士過黎,要$70-80....地方好簡單,似一般粥舖咁,MENU上都不是太多選擇.叫一罐汽水好似要$15,有點那個吧...叫了蝦籵撈麵,豉汁炒蜆,米通鯪魚球及中的水蟹粥.蝦籵撈麵幾好食,叫了2碟.個人比較喜歡有埋薑蔥的,即刻諗起深水埗的劉森記豉汁炒蜆,冇乜特別,蜆不太細,算OK米通鯪魚球,一般係馬交吃都沒什麼問題,一定好食過香港.但蜆介醬不夠咸.水蟹粥...第一啖食落去...咸蛋黃味.扮蟹膏呱...蟹都算新鮮的.總括應該不會再去幫襯.

澳門 可以話係第二個家鄉 差不多兩三個月會過去一次 上星期五 亦都唔例外 放完工 即刻同麻甩佬急急腳 衝去上環搭船過大海除左港人喜愛既豬排包、葡撻、木槺布甸，我比較鐘意試試當地既小店 澳門既麵檔最有特色 間間水準都唔差 題外話：澳門如果你叫餐旦麵 「麵」係香港會係公仔麵 但係澳門「麵」係竹昇麵我地一落船 就即刻上巴士 打算去筷子基青洲個邊醫肚 因為個邊多宵夜食： 酸辣粉 串燒 全餐菜 價錢仲好平巴士經過16 蒲附近 我地見到 一直想試既六記仍然燈火光明 即刻落車去食門口前有檔車仔檔 由呀姨負責操刀 有麵 魚旦 雞腳 樣樣望落去好入味店內裝修較為簡單 白光燈 膠椅 有霸氣店員 係澳門麵檔特色 我地兩個人叫左店內最受歡迎食物其中兩樣：鹵水鳳爪拼大腸 沙嗲雞球炒河鹵水鳳爪拼大腸($49)：雞腳炆得好淋好入味 又唔太咸 帶有少少甜味 而顏色都好靚 好均勻 咬落去又唔會太爛身 不過大腸就麻麻地 冇咩味 好多肥膏 好韌 好難咬得開沙嗲雞球炒河($52)：個河粉即炒 熱辣辣 已經加左唔少分 碟粉放低已經聞到好香咖哩味 河粉索唒咖哩汁 好惹味 加上五顏六色蔬菜 賣相好吸引 胃口大增 係辣左少少 雖然都

七夕情人節的這天在平淡中渡過，因為更期待24號的來臨啊晚餐來到六記碰碰運氣，上回來訪是遇著偶然的補假休假天帶著遺憾離開，幸好這天沒失望了～牆壁上貼滿許多關於六記的報導與昔日照片厲害的它橫跨了三個店面，有一個像是貨廠來的而另外2間裡面滿滿都是人，除了旅客外還有不少當地人喔菜單有兩面，一面的是招牌菜都附有照片價格不算便宜，但是食物的份量都頗大炸鴛鴦﹝MOP$52﹞其實就是炸鯪魚球 跟 炸雲吞來的也是這邊的招牌菜，我就是喜歡上火美食～ 呵呵附上微酸帶甜的醋沾著雲吞吃，還有提鮮的蜆蚧醬圓圓扎實的魚球沾滿米滿去炸，外酥脆而內裡Q彈鮮味不帶絲毫油膩感，沾一點點蜆蚧醬更可口美味大片的外皮包著小巧的內餡，帶微微油膩感但餡料吃到肉的甜也有蝦子的鮮，頗滋味這碟三兩下就吃光光了這邊有名的是水蟹粥，不過我卻偏愛 肉丸粥﹝MOP$27﹞細滑綿綿的粥底混著蔥花的香氣，還有數量不少的肉丸只是這邊的肉丸卻不是預期的爽彈鮮甜，是粉粉的那種雖然吃過 蝦籽撈麵﹝MOP$38﹞很多遍，但它總是吸引到我們幼細乾爽的麵條很爽口彈牙，灑上滿滿的蝦卵 濃濃的香氣跑進鼻子裡是暫時吃過中最喜歡的～ 也難怪那麼多人來買外帶選它嚕想來這裡.

山長水遠坐直升機來到澳門，怎會吃一餐就走呢？於黑沙海灘那邊的著名葡國餐廳吃完第一餐，在街頭吃過風味十足的燒雞翼後，再來到六記粥麵。每一粒雲吞都是十分飽滿的，味又鮮又濃。一口雲吞一口湯，這湯也是讓人不捨得錯過的。來到六記，除了吃雲吞，還有蟹粥。都說不管到了哪裡，瑪姬都要吃蟹，嘻！但其實瑪姬最愛吃的是清蒸蟹，一隻新鮮的螃蟹，不需要任何的調料，已經很美味了！但來到澳門，好像也要吃吃蟹粥。綿綿粥底，令人溫暖。嘩！這蝦子也太多了吧！真的每一碟都有這麼多的喔～每一條麵都沾滿蝦子，單靠想像已經想到那種香味是如何利害。充滿蛋香的麵，質感很爽，每一條都在彈呀彈。吃起來。Dep Dep Dep♥

六記係每次去澳門都一定會食。個蟹粥同蝦子面係絕配！蟹粥好入味，啲蟹雖然細隻但都好多膏好多肉。。。個面我每次都食二三份，面身好彈牙，撈埋啲蝦子好香口。個服務就麻麻，態度一般。

今次又去試了很多好評的六記,去到排哂隊,真係想走佬,但係預先PLAN好左,無計價錢上又真係幾平,影MENU時有點反光水蟹粥中SIZE $160,有2隻蟹,2-4位用.大的$220,有3隻蟹,4-8位用.粥可加雞$50豉椒炒蜆$48,份量驚人,SIZE中等,味道咸香,略欠獲氣,但呢個價錢真係抵到爆,香港比48蚊應該得一半炒菜$38,成斤野,雖然很油,但係就係因為咁所以滑.蒜香不足,份量強勁綾魚球+雲吞雙併$好似68,綾魚球不錯,有米通痴係外皮,外脆內軟,魚香十足,也彈牙.雲吞就唔甩脆,包住既肉勁小,塊皮勁大塊,我唔期望是食皮的,應該要有相應既比例主角水蟹粥$160,2人每人夠4碗,足2隻水蟹,雖然真係足料,但係食落去粥底的味道就是不夠鮮,蟹味不足,同上次皇X小館比,這裡好似差一點見住佢拎生蟹去煮,材料很新鮮,但味道還是不似如期加上其他野真係唔算出色,唯獨份量驚人,還是一間不錯的食店,但考慮到人流和環境,還是只可一試.有點名大於實

吃完晚餐, 去咗買手信, 擾攘一小時後, 漫步到六記.  剛剛好, 個胃可以擠出一些空間.只嚐了蝦子撈麵和米通鮻魚球蝦子撈麵, 正! 麵質夠爽, 唔太淋, 蝦子又夠多米通鮻魚球, 外層加了碎米粉炸, 非常脆口! 鮻魚球肉質鬆軟多汁.  但個人喜好, 如果可以再攪得煙韌些仲好.可惜 quota 已浪費係晚餐中, 未能嘗試更多食物, 下次一定會再來.

到澳門工作, 忘不了吃。這次吃著晚餐, 之後一個人坐巴士到這個晚上才開的地道小店來夜宵。餐廳以粥麵為主, 也有炒鑊小菜。餐牌選擇多, 可惜我不太相信炒鑊, 而且一個人亦吃不到太多。點了個蝦子撈麵 -- 在澳門, 很多地方的蝦子撈麵都不錯, 排長龍的一間半間, 還不如到舊街後巷的黃枝記及這裡。麵身彈性有蛋香, 都條一條條在口中躍動, 加上蝦籽鮮香脆口, 不錯, 只是感覺有點乾而已。炸雙脆 -- 米通鯪魚球及錦鹵雲吞. 炸野, 我無任歡迎, 不過錦鹵雲吞我就一般喜愛。原因是他始終都是皮厚而硬一點的, 相比酒樓用春卷皮的, 我較愛後者。米通鯪魚球, 除了吃米通鬆口感, 鯪魚膠打得有彈性及順滑. 另一個著眼點響蜆芥, 蜆芥要有乳香, 帶鹹而不苦。這個蜆芥還算可以。整體來說, 這店味道算是不錯。不過如果叫上是絕佳選擇的造, 以澳門街水平, 還有不少選擇。收費上亦不算便宜, 一個人吃宵夜, 還可以吧!!

以前間中都會黎尼度宵夜,以前真係覺得佢好食,但今次食已經差左好多,炸雲吞脆卜卜,但里面的肉少左好多,鯪魚球仍是大大粒,沾那個有蠔仔的汁很match 

入夜后澳门o既市中心地带… 每条大街到处都系灿烂辉煌o既红灯碌影，细细抵o既地方就人多车又多，但系就完全feel到份安全感！2012年3月份o既澳门，天气寒冷带风兼阵阵微微细雨… 街道湿答答，真系想留番系酒店唔想行出去啦… 但系由于带着班哇鬼又唔惊肥o既大吃姐妹们，唯有拉拉临冲番個热水凉后又再去揾食啦 一人一把雨伞，向 前进出发啦！当日我哋系英皇酒店落脚，大概6点9就出发… 一路途径好多澳门嘀历史景点，有邮政局，喷水池，玫瑰堂，仲有千辛万苦先行得入去o既澳门牌坊等等… 落紧雨o既澳门一样系人山人海啊！就o甘… 原本只系需要大概20-30分钟o既路程就行o左整整2粒几钟啊~ 阴公！抵达 9点几，唔见人潮~ 门面显得特别冷清，有嘀唔惯添 。帮衬o左连续3年o既 六记… 改变唔大，就只系嘀价钱每次来亲都唔一样，老公仔仲笑话~ 步步高升吖嘛… 招牌主角… 虾籽面 炸鸳鸯… 清汤云吞面… 卤双拼~凤爪大肠… 水蟹粥…

見網友食評10食8讚,有部份還勁讚~~便約大伙一探虛實!!先試了幾個大家力讚推介:1)米通鯪魚球：的確食落好脆(因有米通),內幾彈牙,還不錯2)馳名滷水鳳爪大腸：味道ok,但細碟到.鬼.....太細碟了吧 = =3)珍寶炸錦滷雲吞：個名無呃你,真係珍寶,肉部份細粒到...幾乎食唔倒,塊雲吞皮大到....so,你會見佢好似好大碟,其實無得食 是次不推薦這個菜了,因炸野好難唔好食,炸野例牌跟個酸甜辣的汁,so無咩技術可言.就係炸雲吞而已.個人意見覺得個雲吞 炸得一般般4)又是大家勁讚的蝦子撈麵：真係有夠'大碟'~~陰公!!平心而論，真係無大家講到咁鬼好食,佢係咪真係用竹昇壓的就無人知 啦,反正你又食唔出,當普普通通食個撈面.但作為普普通通ge撈面,又稍嫌佢貴左小小5)水蟹粥-來了個中鍋,因為4個女仔食而已：粥底好綿,水蟹有兩隻(都算落足料,始終水蟹肉質真係好水,無咩肉質同鮮味,水蟹應該係咁掛~~本人無咩研究),至於講到味道,就真係好一般,,好一般,so,這個不試也罷。不推薦6)最後因為大部份餸都好細碟,4女仔又叫多個鼓椒炒蜆和干炒牛河：鼓椒炒蜆普通貨色,不吃也罷。干炒牛河:強烈的濃味,但