誠昌飯店

营业中

休息中

睇完個水舞間，就同朋友打的去誠昌，打算食個馳名水蟹粥。去到坐低哥仔說一鍋粥夠四個人，禁我地兩個應該吾洗叫禁多餸啦，所以就叫左一個細水蟹粥加炸墨丸，本來想叫鯪魚球雙拼，點知賣曬個粥黎到⋯見到大大個蟹蓋諗住應該好正，點知一食落口，蟹味吾太重，蟹膏係有嘅但吾知點解無左蟹嘅鮮味。可能蟹太細？因為最後食到嘅係半隻蟹。講反個墨丸就真係一流，熱辣辣上枱，一啖咬落去好彈牙！不過如果墨丸味再重dd就好！雖然個粥吾係好得，但都推薦大家試個墨丸

小款式選擇已經是出名的！每次去食都係為左鍋水蟹粥($200)好可惜味道一次比一次差，從前绵綿的粥底，今次已經變成浠浠的粥底！失望………… 叫了炒花甲，其實只是普通的炒蜆…… 豉汁蒸白鱔半條($600)，正常size豉汁蒸D汁(傑)既👎👎，條鳝酸既！可能此店特色呱！係我地唔識死，叫前冇细問幾$！買單時才知道半條要$600，職員說15一两！！

來澳門點可以錯過水蟹粥！同老公倆人點佐細份水蟹粥，蟹膏融入粥裡，滋味非常鮮美。另外點一份西蘭花炒鮮魷魚，蛋黃虾及應服務員介紹的新鮮花螺，海鮮的確非常新鮮，蛋黃虾以咸蛋黃佐之，口感香滑。價錢方面還算公道，不過時價菜就偏貴了（點單時未告知價錢），埋單先知兩人食佐八佰幾，真系勁！

今次叫咗一窩細水蟹粥、一碟炒花甲同一碟炸鯪魚球併墨魚丸。雖然係細水蟹粥, 但係窩粥都唔細, 只不過只得半隻蟹, 似乎少咗啲, 但係食落都幾好味。碟花甲份量不少, 味道亦唔錯, 只係啲花甲既肉質好un, 唔好食。碟丸賣相雖然唔靚但係味道同口感都唔錯。食完飯去咗威尼斯人賭場諗住玩番幾手, 點知覺得好眼瞓, 咁我就知道係誠昌啲菜落咗味精, 因為我對味精好敏感, 一食到啲落咗味精既食物就會特別眼瞓, 我諗我以後都唔會再去食。

今回午飯的主要目標是誠昌飯店的水蟹粥。飯店有兩層，下層較光猛，上層則較陳舊。一行二人點了一窩細的水蟹粥及一碟酥炸鯪魚球拼墨魚丸。水蟹粥色水呈微橙色，內含半只蟹。蟹粥粥底用上膏蟹、肉蟹及水蟹餚製，清甜得來又留有蟹膏甘香，加上粥底綿身，食味不俗。至於水蟹，相信同窩用上不同水蟹製成，其中有一件不太新鮮。其餘蟹件都算清甜，但蟹肉口感當然沒有肉蟹般實在。至於酥炸鯪魚球拼墨魚丸，剛炸起的鯪魚球的確皮薄酥脆，魚香及彈牙度一般喇！墨魚丸則製作出色，除有酥香外層外，墨魚味甚濃，亦富彈牙口感，值得推介。

它們的蟹確實很大很多肉，至於粥底，只像一些咸味粥。其實不太吃得出有沒有蟹味，但只知這是所謂的老字號，朋友每次去都必陪她吃一次才心息。直至吃過其他水蟹粥店如老記、皇冠，發現誠昌的水蟹粥比較淡又不夠入味。完全比下去。再加上小菜都炒得沒甚驚喜，但亦價錢每年上升。記得有一次坐的士，司機跟我說: 「誠昌其實是做遊客生意的，澳門人其實都不吃水蟹粥的。如果想吃好味的水蟹粥，到舊區那些飯店試試吧。」

中午飯係食水蟹粥,氹仔好似只有誠昌一間有水蟹粥食,樓下已經FULL晒,真的好誇張,我們唔係好肚餓,就叫左一鍋水蟹粥,一碟炸墨魚丸,一碟生茶呀.食物是在一個升降槽升上嚟的,這樣好方便及安全一點,呢D係舊式的酒樓多數都係咁做. 好快就嚟啦.水蟹粥個粥底都幾綿同埋已經好有蟹膏的顏色,係淺黃色的呀,水蟹唔算好大隻,好味呀,啖淡肉的,又鮮甜,啖粥都好甜,好鮮味呀,每人有差唔多兩碗架,都唔細喎.炸墨魚丸好香呀,有十二粒架,大大粒,加埋D蜆蚧鯪魚醬一齊食,咸咸地好惹味呀,墨魚丸好爽口,入面有一粒粒的墨魚粒的,呢個真係好好味,本來我們是打算叫鴛鴦的,即一半墨魚丸,一半鯪魚球,不過鯪魚球好似一般,所以放棄了,個醬入面都有好多蠔仔係入面的,真的好香.

有好一段時間無去誠昌，突然掛住水蟹粥，即去。搭酒店專車到官也街，可能時間尚早（12nn) 唔係好多人，即去誠昌，免得要排隊。去到門口，姐姐話正店滿咗，帶我地去另一邊，幾步路就到。水蟹粥：細$150 有4碗，大$180有6碗，大抵D，所以揀大。粥底依舊綿綿，蟹膏好似無以前咁多，但味道都幾好。蟹肉就小D，同埋食到尾好多殼碎。炸墨魚丸＋鯪魚球：兩樣都好好食，熱辣辣又彈牙，不過鯪魚球就咸左少少

成日聽人講去澳門要食水蟹粥但係到底要去邊度食?在氹仔的水信街,總是路經這店,而這店係以水蟹粥做生招牌唔知頭唔知路既我就梗係沖入去啦即時叫個水蟹粥爽一下,再加個墨丸鯪魚丸食一口粥,發現幾綿,但係水份係比較多,米係比較少.味道是很像一種上湯做成既味,你可以話係咸味溝了雞?姐係雞粥味?又或者係上湯粥,也可以話係水蟹加了味精既感覺.其實都解釋唔到係咩名,明明粥裡有大約一隻既水蟹,但係又好似食唔出蟹味.所以話,神級廚師既最高境界就係明明睇住係一舊雞,食落係豬味的技術(分子料理)? 其實外表幾靚,可惜可惜炸丸類呢就反而幾好食,每粒食得出材料既原味,但係口感過軟,欠缺彈牙,扣了分!如果要食水蟹粥,我諗唔係呢度

到澳門通常必嚐水蟹粥，因為珠江口鹹淡水交界最適宜水蟹生長，水蟹既新鮮又甜美！拍拖時曾到過誠昌一次，老公和我想起水蟹粥，不禁想記誠昌，藉今趟旅程可舊味重溫。誠昌沒多大變化，仍舊受食客歡迎，生意滔滔，坐無虛席，幸好早已訂位。以前沒留意到這張澳門圖說，見圖像古舊，細心閱讀後方知是一張澳門地形和防衛圖。當時1808年，即嘉慶十三年，由兩港總督吳熊光等人向皇帝啓奏。此為1999份複製品中的第1703份，具有收藏價值。除手上的餐牌外，牆壁亦胋上了誠昌的主打菜式。水蟹粥是此行的目標，有大、小兩個份量供選擇，老公和我兩人要小份較為合適。小份的水蟹粥有半隻水蟹，蟹蓋藏有淺黃的蟹膏，蟹肉、蟹汁也相當鮮味。粥底米花綿綿，質感順滑流暢，稀稠度適中，橙黃的蟹膏為泛黃的粥底添上繁星。一呷粥底，在水蟹的鮮甜之上，多了一股人工的味道，而且頗為明顯。炸墨魚丸香氣迫人，一試倒是很惹味，只不過調味過濃，有欠自然！墨魚丸內混和了墨魚塊，增強了口感及香氣，可是墨魚丸彈性不足，軟乎乎的。對於誠昌的出品雖然算不差，但若與第一次惠顧時之水平作比較，現在更著重人工調味，老公和我也沒信心再嘗試其他出品，但願時光可倒流，回到我倆拍拖時，也

本想之前睇食評說呢間曾經很出名食水蟹粥的飯店差左好多就決定食第二間,點知上次講到專程搭的士去竟然沒開於是決定點樣都要食水蟹粥就來了本來買完野沒那麼多人,轉過身就已經排長龍了幸好不是等了太耐我是之前沒有試過水蟹粥(MOP 150)現場所見,個個都會叫一客金黃色的粥很吸引,真的沒有很大的蟹黃味或鮮味但味道還是尚可,沒有想像中那麼差 150好似有點貴,但係如果真係D蟹羔多到變金黃色其實我覺得價錢完全接受到另外叫了雙拼(墨魚丸+鯪魚球)貪佢可以食多味,而且價錢也差不多不過其實真係墨魚球優勝很多墨魚球算是彈牙,鯪魚球則沒什麼特別不過也要75元,份量對於2人來說有點多了...

食物質數太差1）水蟹粥冇蟹味又貴，酒樓D生滾粥都好食過佢！2）炒蜆味okay,但一d都吾新鮮!吾值甘貴3）干炒伊面直程hea爆，得幾條金菇，收成$80！過份出左名真係變左質，不值得去食

門外超多人等位，所以以為一定係正嘢! 加上旅遊書推介，就不妨一試! 最後得出的結果是：差到出乎意料之外! 蟹粥只係普通貨色! 粥係滑但週街都食到! 隻水蟹又唔係特別大和多肉！其實成碢粥無乜特出的蟹味。咁既價錢真係唔值囉!干燒伊麵是齋伊麵，一D菇類和韮黃都無! 份量仲好少! 味道可以和麵質一般! 椒鹽鮮魷就非常好味! 薄薄和超脆的炸粉和鮮魷的嫩肉，外脆內軟，值得讚!一次的經驗已經足夠有餘!

幾年前入澳門氹仔,果陣時成條街好多好野食,真係掃唔停,有葡國餐,水蟹粥,豬扒包....不過好多食店一做響左個名之後就囂,一副高高在上既姿態開店,又貴又無服務,連食物質素都keep唔到。今次去澳門,係威尼斯人玩完,帶好少去澳門既honey去官也街食晚飯,搵上誠昌飯店,6點正,一入門口,個阿姐點左我上去上層,雖然我地兩個人搭檯都無咩所謂,但唔好俾我見到仲有大把吉檯都仲要我搭去人地果圍囉,如果你間舖好FULL我會合作,我問個阿姐我唔想搭檯,我用手食蟹又要就住就住,同檯另一班人又唔知介唔介意,不如我食到中途,你無晒位先俾人搭檯啦!!!。但竟然個阿姐話:無架wo,無得唔搭! (堅咁答,仲要勁大聲,一個"請","麻煩你"都無,我唔認為有基本禮貌)我俾錢來食飯連揀個位都無權利?我開到口要求都仲要BAN我,跟住我無理個阿姐,走去樓下自己搵左個中size檯坐。order左個細水蟹粥,和酥炸田雞細水蟹粥 MOP$1505分鐘就上檯了,讚你可以話你效率高,但我唔係食快餐,窩粥係暖的,OK~呢個唔係生滾粥,明白。每口弼都有蟹膏和蟹殼碎片,而且我們真係食唔出有蟹既鮮味店家好細心俾左個工具我地爆蟹鉗,可惜我地食晒

曾經覺得去親澳門都一定要黎誠昌食水蟹粥但隨住香港都越黎越多地方有得食海鮮煲o既粥 ,而且價錢比誠昌公道 , 味道卻唔見得比誠昌差 所以某次起 , 由水蟹粥改試羔蟹伊面 , 貴係貴 d 但真係有成大隻蟹 , 而且整個伊面都真係怖滿蟹羔我覺得抵食過水蟹粥好多 , 味道都非常唔錯 , 雖然唔係話好特別 , 都係上湯忌廉咁o既獻汁 , 咸香得宜 , 又唔會太膩 , 仲有 d 蟹羔o既鮮甜味不過最令我再三回味o既 , 係獨一無二o既椒鹽田雞因為縱使我試過好多好多間香港o既大排檔大酒家都食唔到誠昌呢個咁香口咁肥美咁惹味 , 真係貴都抵佢地炸粉夠味 , 仲好薄好酥脆 , 趁熱食仲超香口 , 田雞肉好有彈性 , 口感嫩滑 , 味道唔會過咸 , 剛剛好田雞除左腿肉好食 , 連個背皮都超正 , 好惹味好煙韌香港o既硬係無咁乾身 , 無咁香脆 , 更加無咁大隻 ><"## 因為唔係幾識睇牆上寫住 d 野食係幾多錢 , 所以其實我一直都唔知個椒鹽田雞係幾多錢 , 又咁耐先會去食一次 , 都無特別去記得價錢 , 亦無察覺到係咪一次比一次貴 , 但份量就明顯有少左