鮨三川 (已結業)

一月同屋企人食完之後，因為太好味而決定再同屋企人再訪。餐牌同上次一樣都係有買款，今次一行七人都揀$398嘅Lunch set，有12件手握壽司、沙律、茶碗蒸、濃湯烏冬、甜品。第一個po都係先食哂壽司，最後先講返茶碗蒸、沙律同甜品。環境分兩個房，都係有張壽司吧檯，令人可以近距離欣賞師傅功架。師傅每一件壽司都會講解，店員都好友善兼成日添茶，好完美嘅用餐體驗。鱸魚由淡味魚開始，鱸魚味道好易入口，肉質軟嫩，掃上一層梅醬令人好開胃。真鯛魚皮稍稍用熱水灼過令口感更爽脆，肉質有微微油香，好鮮味，配上辣椒蘿蔔蓉令味道更豐富。帆立貝同一月時造型有啲唔同，不過同樣灑上少許竹炭鹽。一食即有鮮味湧出，陣陣的海水味於口腔縈繞不散。深海池魚一望就睇到好厚肉又有油份，果然油份足且質感爽脆，仲滲出鮮甜味道，面層的柚子胡椒同時帶來一份清新感。伊佐木又稱為「雞魚」。肥美甘香，口感柔軟。師傅更微微燒一燒魚皮，添加一份香口，牡丹蝦同上次一樣，師傅先將蝦膏取出，然後再放於牡丹蝦上。非常之鮮甜且蝦味濃郁，質感好黏口，蝦膏又濃又香，捨不得一口吞下，要慢慢細嘗。鯖魚魚肉帶亮亮的油份，完全無腥味，肉質細膩。蔥拖羅軍艦脆脆的紫菜包著蔥拖

用餐時間：普通星期二1400-1600呢度有幾個lunch sets揀，不過最受歡迎就一定係十二貫壽司。餐廳裝修都好有日式格調。首先有沙律+茶碗蒸。沙律(評分:5/5) : 柚子醋份量啱啱好，而且蔬菜新鮮，所以係比較高質既沙律。茶碗蒸 (4/5) : 茶碗蒸入面配左啲黑松露係幾好食，不過食食下食左粒苦苦地既蓮子，我就唔係好鍾意，所以扣左少少分。由於今次係我第一次食omakase，所以唔係好熟啲高級既日式食材。今次就只係講下啲印象深刻啲既壽司。呢粒帆立貝拍打完之後會收縮，證明佢好新鮮。最後入口嗰陣都真係好食既。牡丹蝦本身已經好鮮甜，配埋燒過既蝦膏之後，超級好食。入口即溶，好似食緊和牛。三文魚籽好新鮮，而且份量超多，放落口之後成口魚油味。海膽好新鮮，一啲苦味怪味都無，而且份量都唔錯。湯底普通，不過烏冬口感唔錯。食完咁多好野之後用一個我鍾意食既甜品做結尾。最後埋單連加一係$876，兩個人平均每人$438。係人都知omakase係貴㗎啦，所以呢餐唔洗$500都食到咁多好野真係唔錯。今餐無一樣野係伏既，全部刺身魚都好新鮮，一啲腥味都無。總括黎講，以一餐omakase黎講，呢間既性價比係幾好。

無得去日本，又難得星期五放假，特別搵一間Omakase同屋企人食。之前個busket list有鮨三川，一於試一試。午餐有四款，由$328起，揀咗$398的lunch set，有12件手握壽司、沙律、茶碗蒸、濃湯烏冬、甜品。鍾意食Omakase係因廚師會按時令、當日到貨的漁鮮而提供壽司，通常都會有驚喜。壽司由淡味食到濃味，率先送上新鮮沙律，再食埋滑溜又有蛋香，仲內藏蟹肉的黑松露茶碗蒸，隨後正式開始12款壽司之旅。沙律和黑松露茶碗蒸細細份沙律好開胃；茶碗蒸打開蓋聞到黑松露香氣，裡面仲有蟹肉添。鱸魚白身魚率先登場，較為淡身，面層掃上一層帶酸的啫喱，令大家先開胃。九州真鯛有用熱水灼過魚皮，令其更爽脆，配一點紫菜醬增加味道層次。帆立貝灑上少許竹炭鹽代替醬油，好鮮甜，而師傅仲會拍一拍帆立貝肉，令其收縮，入口更爽。間白魚口感較爽，醬油外還放上帶少許辣的山葵莖。鰆魚冬天進入產季的鰆魚，師傅特別燒一燒皮，入口充滿油香，配帶薑味的食用花同吃。三文魚籽於壽司上灑少許岩鹽，配上醬油的甜和三文魚籽本身的鮮味，好滿足。煙薰鰹魚魚味會較重，帶煙薰香氣，用上柚子胡椒、食用菊花。鯖魚魚肉充滿油脂，放上蔥、芝麻，能平衡

近年迷上Omakase，這間銅鑼灣新開業僅半年左右午市餐牌最平也只是$328是次選擇中價的「鮨」 - $398包括手握壽司十二貫、沙律、茶碗蒸、濃湯烏冬及甜品黑松露蟹肉蒸蛋黃澄澄軟滑水蛋非常搶眼，再配以肉質結實有韌性的蟹肉，鮮美十足還有些松露飄香作點綴柚子醋沙律選用多種新鮮翠綠沙律菜，醋味帶酸甜開胃清新手握壽司十二貫師傅很細心，已加入壽司豉油真鲷肉質細膩富有弹性，味道鮮美粉嫩肉色的石鲷口感細膩帶靱感赤貝味道鮮美，肉質爽脆深海池魚油脂非常厚，入口質感爽脆，透着淡淡的鮮甜，中間還加入柚子皮增加清新感鰤魚味道略淡偏甜，有油脂的香味，再配以柚子胡椒，在清爽柚子酸味的基礎上添加胡椒的微辣味帆立貝肉質極具彈性，厚實口感與鮮甜滑嫩相得益彰，竹炭鹽口感不死鹽，可提升食材味美火炙金目鲷魚肉甜香濃郁肥而不膩，火炙帶豐富油香燒左口魚邊口感既肥美又爽口；炙燒後甘甜魚油滲出，更覺濃郁甘香，入口即溶拖羅魚蓉幼細香滑，軟綿綿的口感加上魚的油香三文魚籽素有紅色珍珠的美譽，晶瑩剔透，味道鮮美北海道馬糞海膽的味道十分鮮美，海膽味較濃郁，口感較豐腴，味道濃厚甘甜且回甘強湯烏冬口感更滑溜彈牙，湯底魚高湯清爽不膩紅豆雪糕中間有