霸嗎拉麵 (已搬遷) 新店位置

今次黎霸嗎，嗌左人氣最高嘅炙燒豚肉味玉拉麵，同雞叉燒味玉雞白湯拉麵，再加左份唐揚炸雞。.豚肉拉麵湯好濃郁，配麵食好入味啊😍又唔會一味得個咸字.雞湯都幾濃，但我試左啖覺得好油🙈溏心蛋俾一隻，好開心。醃得都幾甜，好好味😆.麵唔算多所以要嗌份炸雞先飽，上次嗌辣味太辣，今次穩穩陣陣嗌唐揚炸雞。呢到嘅炸雞係我食過最熱氣嘅，唔單止炸得燶，雞皮都好多，所以好重油味🙈油味蓋過晒雞味👎🏻.最後埋單冇加一～

好耐之前食過尖沙咀既霸嗎拉麵, 對呢間既湯底留下唔錯既印象。同朋友行街經過, 原來銅鑼灣都有分店, 因為同行朋友未試過, 所以就陪佢一試。門外同店內裝修同尖沙咀分店一樣偏向日式, 今次我見到menu上呢款拉麵標榜最強惹味, 而喜歡食辣既我當然選擇呢款!呢度既拉麵可以自選拉麵既軟硬度, 走蔥、少蔥、走油、少油、走筍都可以係order紙上註明, 務必達到每位客人既要求。【辛辣炙燒豚肉拉麵】HK$93我揀左中辣度, 湯底賣相好似幾辣, 但原來冇想像中咁辣 (可能我個人比較食得辣), 下次我會揀再辣d先~ 不過辣辣地的確係惹味d...豚肉跟肥油層比例各一, 反而食落冇想像中咁油膩, 外表燒過帶點香口, 而且非常之林又夠入味。至於溫泉蛋更做到小小流心效果, 麵質軟硬岩岩好。追加粟米 HK$10原來都幾大碟, 倒哂入個湯度, 夾集一齊食, 更有豐富口感【唐揚炸雞】HK$35外表唔太脆, 雞肉依然keep到肉汁, 外表灑上少少鹽, 雞肉很入味, 但整體黎講鹹左少少。辛辣炙燒豚肉拉麵 仲送雪糕糯米糍做甜品tim...

由於女友聽完佢班八婆fd話「唉啊！呢間好食呀！果間都好食啊！」逼於無奈地，今日被佢拉左去呢間叫霸嗎拉麵食dinner。 因為係佢班哂命fd推薦既關係，本身都唔抱太大期望，不過當第一份小食黎到之後就唔同講法，完全想法變曬首當其衝既係一份餃子，第一啖咬落去，佢個皮脆到呢，紙咁薄佢d肉都唔差，份量唔少，主菜黎之前都飽左2成。另外，佢有分辣味、原味同照燒，唔食辣既朋友都唔驚! 望到都流哂口水，塊豚肉大塊到手掌咁大，不枉此行。個湯底我就覺得唔錯，味唔算濃，麵既硬度、多少油同蔥都有得揀，再有塊高質既肉係幾抵既。去到咁上下就揀係飲返枝野，見到懷舊既波子汽水就試下，同以前一樣既味道，好懷念。因為留左成日肚既原故，想黎多份炸雞，一份辣一份唔辣。辣就夠辣，不過係麻辣，我就唔太鐘意麻既感覺，同我一樣既朋友可以食原味！放落口差d燙親，即叫即炸，唔錯唔錯。肉汁鮮嫩，值得推薦，不過如果可以比埋一d秘制醬汁比我地點，咁就更加一流啦臨走前黎多枝蜜瓜梳打，日本直送！唔掛得唔似糖漿溝梳打水，飲品認真高質，抵讚！  

我超鐘意食拉麵，同朋友行完街之後就去左登龍街。呢到拉麵雲集，絕對稱得上為拉麵既天堂，我地今次一於就排隊食霸嗎拉麵！雖然係一間拉麵鋪，聽聞佢地既餃子同炸雞相當唔錯，一場黎到當然要試啦先講餃子，餃子煎得好香口，配搭醬汁食簡直一流，而且上菜既時候熱辣辣，直頭有專門店既水準！炸雞既味道都唔錯，可惜同餃子比冇話咁熱，稍為扣左D分 如果下次食既時候熱辣辣既話就絕對值得推薦呢到既主菜，炙燒豚肉拉麵終於上了！果然名不虛傳 先講個湯底，味道相當濃郁之餘亦都唔會好油膩。麵質佢選用左粗小小既麵，好有口感亦都符合我鐘意食既硬麵（軟硬程度可自選）最後，就當然唔小得塊勁大塊勁厚既豚肉啦簡直冇得輸！！！

是午在銅鑼灣拉麵街 (登龍街) 享用午膳。霸嗎拉麵是同街眾多拉麵店中的其中一員，抵達時剛好不用等位。這碗炙燒豚肉味玉拉麵，湯底濃而不鹹，略帶滑感，掛上拉麵後產生一份滑中帶嚼勁的享受。餸料方面，主要有炙燒豚肉及味玉兩款。前者雖然賣相略肥，但實際食感沒預期般肥膩。輕輕去掉最表層的肥肉後，剩如的部份既甘香又鬆軟。味玉即是流心蛋，烹煮時間拿揑準繩，流心效果做得相當好。 適逢午飯時間有額外優惠，可以 $12 追點一客小食。 羽根餃子連帶底層煎脆外皮奉上其實有些怪怪。餃子製作皮薄，菜肉比例參半，即煎即食有不俗的味道。 唐揚炸雞雖外層稍稍厚身，但仍保一定酥脆食感。至於雞肉，咬下有肉汁溢出，嫩度超預期。

呢間拉麵係尖沙咀有一間分店，但原來係銅鑼灣都有，咁多次同佢擦身而過既我，終於有機會係一試。是晚店內有好多食客，係拉麵店林立的登龍街，仍然吸引到大批饕餮光顧，店內的裝潢以大量日文標語為主，雖然不懂日文，但仍看得出他們要做出最強的拉麵。柑太點了他們的豚肉味玉拉麵，我就點了雞骨湯拉麵炙燒豚肉味玉拉麵($88)，一上檯，濃香的豬骨湯香直撲而來，最搶眼就係叉燒，大大塊的叉燒，表面經過火炙，微焦而帶金黃，而厚切的分量，在入口時，可以完全感受到肉質的嫩滑，油脂比例洽到好處，令人想大大啖咬落去。湯底係濃濃的豬骨湯，湯底不算咸，而豬骨湯入口後不乾喉，唯獨表面太多油，感覺較油膩，麵身很索湯，入口彈牙爽滑，味玉雖然無切開，但咬開時，流心的蛋黃味道很濃。雞叉燒味玉雞白湯拉麵($88)呢個麵非常有驚喜，平常吃過的拉麵都是以豬骨為主，但這個卻是雞骨為主，出來的湯很清，入口時有很厚的雞骨味，十足老火湯一樣，而叉燒不是豚肉，反而是以雞上脾肉做的叉燒，入口很嫩滑而且分量十足，每一啖都在食嫩滑的燒雞肉般，令人難以停口，而因為這拉麵用雞湯為主，食到最後可以將湯全部喝下也不覺油膩。這個雞拉麵卻沒有像豚肉拉麵有特盛的多雞叉燒的

收工個friend叫我陪佢食拉麵，佢就同我講去食霸嗎未食過，其實我仲要未聽過所以佢帶路帶我去。我揀咗個灸燒豚肉味玉拉麵。一般日式拉麵之後我地仲叫左個炸雞兩份食，都唔錯嘅總括黎講，一般日式拉麵我就覺得，唔算特別好味

跟朋友參加完舊同學婚禮，連早餐午餐都未食，由我決定去食我喜愛的拉麵，此拉麵店也早已是我目標之一。6點幾到達後，看見店外竟然仍未有人龍，心想難道這間拉麵並無推薦中的好食，但難得期望已久仍想一試。店內裝修一貫日本居酒屋風格，很有日式風味，老闆也是日本人，所以間中會聽到純正日語，坐了一會兒，店外開始出現人龍，幸好我們早少少來到。我跟朋友同樣選擇了豚肉拉麵，炸雞可以share，等約15分鐘上枱。拉麵份量很足夠，完全夠一名男士飽肚，我們兩位女仕都飽到上頂。拉麵麵質是選用較幼身質地，但不會過熟同過焾，很有彈性，豚肉非常大塊，是經過火燒，表面一層焦香，所以會有少許乾身，但仍很香口，湯頭是很濃郁的豬骨湯，較為濃結同油身，喜歡濃厚湯底的此處最合心意，但我個人比較喜歡薄身一點不太油身較好。唐揚炸雞很脆身，連芝麻一齊食會更帶出香味更香口，肉質仍很嫩滑，不乾，但肉本身沒有調味，所以味道較平凡，不算出眾。最後埋單吾駛加一，這樣才是最開心的一餐。

係FB見到呢間好似好正咁便走去試試，一行到登龍街差不多成條街都係日本拉麵店每間都有唔少粉絲，呢間都唔例外呢道介紹係厚切五層义燒食落就好滑但有陣豬肉腥味，溏心蛋就可以喇，麵口感彈牙但個湯底好鹹炸雞好味好嫰口又滑，沒有雪藏味

今日行銅鑼灣,行到登龍街,才知道現在開了那麼多間拉麵店,嗜食的我和友人選擇了一間門面最大的店進食因都是下午5時前,所以都可以比我們自由選擇坐位,店員很好,好有禮貌問我們,要不要水,暖的還是涷的.很窩心.坐下不久,便有一班日本人進來,連日本人都來吃.這次我們知道沒有選擇錯了,哈哈.這裏會有一張中,英對照的點菜紙.有各款拉麵,小食,串燒等.拉麵可選麵的軟,硬度.冬季限定有生姜野菜豚骨拉麵,很窩心.因是5時前,所以可以選擇升級滋味,好超值.我同友人就點了炙燒豚肉味玉拉麵,特盛炙燒豚肉拉麵升級了兩個12元要了唐揚炸雞及羽根燒餃子,還加了味玉及粟米粒.我選擇了炙燒豚肉拉麵,麵是適中的硬度,煮出的效果剛好.湯底很香濃,但不覺咸.麵的份量也很足夠.除了豚肉外,還有足料的筍和味玉.味玉一咬開,很流心,煮的時間調較得很好.混和湯底一起,提昇了湯的味道.友人點了特盛炙燒豚肉拉麵,估唔到多30元,有多4件豚肉,很驚喜.每件都有手掌那麼大.通常拉麵都是吃义燒,白白的肉,沒什麼吸引,但這次是炙燒,沒有燒得太燶,但已聞到很香的肉味,雖然夾雜有些肥肉,但咬下去,完全溶化了,反而覺得很香口,吃完4件很是滿足.加12元

日本人愛拉面既程度係可以視其為國髓！而日本拉麵一向都係日本飲食文化的代表之一，一講起拉麵，日本真係表表者！🍜🍜日本各地都有人研發出別具地方及個人風味的拉麵。拉麵店在香港大盛期道，好多日本拉麵店見到香港有潛力開拓新市場，紛紛都在香港各地區插番枝旗仔，以示威嚴！而銅鑼灣登龍街已經開始拉鋸戰 😳💪🏻今次推介既就係呢間Bari-Uma廣島霸嗎拉麵!!!!聽個名都覺得霸氣😳😳😳而且門面設計已經好吸引人，雖然睇唔明d日文寫咩😂😂💦但睇到「最強」、「濃厚」、「醬油」呢種字眼，就推測佢既醬油拉麵應該非同凡響😳😳😋😋👍我同朋友大約1點半就去到，呢個時間都幾full,所以都要坐係門口等一等！店員比左個menu我地睇睇先,好快已經可以安排我地入座👍 入到去聞到陣拉麵醬湯味，個肚真係打晒鼓😭😭😭沿途見到每位食客滋味既食相，真係急不及待要order野食😍😍😍店內風格設計都好有和風特式，由其係店內正中央既吧枱位！照顧到 一枝公既食客都可以靜靜地食拉麵😆😆😋😋 羽根照燒餃子$38 餃子面脆內軟，脆卜卜又香口既羽根，餃子餡料係豬肉加蔬菜，蔬菜可以減少油膩感！😋😋😋😋 起初我以為跟平時既煎餃無差別，係三邊面煎到

成街都係拉麵店，呢間唔使排隊得嚟有人多所以就試佢啦！侍應們雖然腳步快快好似好趕。不過全部都禮貌既，不斷提我地用一張紙落單，不過都唔會鬧，淨係禮貌提醒。全檯都係醬料、味粉任落，不過其實無需要。整體係一間可以再光顧既拉麵店。

踏入新一年，首日放工後便去了食我最愛的拉麵，大家也知道銅鑼灣的登龍街又叫拉麵街，好多拉麵店林立，最後我選了一間我未食過，就是Bari-Uma 廣島霸嗎拉麵.店內的設計幾簡約為主, 當然充滿日式風味.平日食拉麵多以豚肉為主，雞鎚相對較少，所以點了醬燘雞鎚味玉拉麵.客人可以因應自己喜愛，選擇麵的軟硬度，要不要油和蔥.每張枱上放了調味粉和汁, 有需要時可以點.醬燘雞鎚味玉拉麵湯底是雞白湯，相對豬骨湯底無甘濃味，鮮味一點.雞鎚肉質幾嫩滑，又夠腍身，味道調教適中.我自己最愛就是食溫泉蛋，只需要用筷子切開，蛋黃流出.這裡的溫泉蛋夠流心，蛋又好蛋. 額外加了紫菜.這裡紫菜特別大片，差不多有成個碗甘大，點少許湯食就好味.另外，點了兩款小食，包括沙拉野菜炸餃子和唐揚炸雞.沙拉野菜炸餃子.餃子皮的厚薄算適中，我自己幾鍾意這口感.內裡的餡也幾豐富，口感不俗.唐揚炸雞.上檯已經聞到香噴噴.雞外皮非常脆，入口有點似食薯片的感覺.而內裡的雞肉肉質夠嫩滑，也算肉汁不錯，不會太乾身.

晚上九時許，拉麵仍有人在門外排隊，朋友說有人排隊=信心保証，一於試試它吧! 我們排了10分鐘左右被安排入座。坐位正正對著半開放式廚房，這裡的員工每人頭帶不同顏色的頭巾，但椅子太矮不能清楚地看到廚子們的一舉一動。看完Menu後自助點餐，於落單紙上選擇好款式、麵條軟硬度、配菜等就可交給店員。落單紙有齊中、英、日3種語言選擇，很貼心啊!交單不足5分鐘，餃子便送到面前，餃子是黏著一層薄薄的麵粉煎，煎到脆身後一起反轉上碟。感覺專業。餃子煎到有點脆口把肉汁鎖住，菜跟肉比例適中，而且餃子皮薄薄的帶點煙韌，好吃。拿碟子倒醬油時發現最頂頂的碟是不供使用，要用下1隻，避免碟子封塵，值得一讚! 略嫌餃子送到時溫度不夠熱，我想是太多客人點這些基本小食，廚房不停地煎所引致。估不到1客餃子已令我們感到驚喜~接著來的是唐揚炸雞，炸雞剛剛炸好很熱很脆口，雞肉嫩滑但味道偏淡，朋友很喜歡說炸雞很香口，應該配杯啤酒同吃。拉麵等待時間較長，廚房忙過不停地為客人準備食物。我點了灸燒豚肉海苔味玉拉麵，店員細心地詢問糖心蛋要開半還是原隻上，拉麵終於到了! 海苔足足有3大塊，質地厚身。湯底濃稠味道濃郁而不會太鹹。有點失望是嘗不到豚骨

天氣凍、食返碗熱騰騰既拉麵就最好不過餐廳好有日本風鮮明既色彩好醒神灸燒豚肉海苔玉子拉麵灸燒豚肉玉子拉麵因為佢地既分別只係有海苔同無海苔，所以我就一齊講拉溏心蛋用筷子輕輕一督己經知佢內裡有幾流心湯底偏稠，濃厚叫左少油所以唔算油膩因為湯汁偏稠所以掛面情況良好灸燒豚肉同出面既略有不同只有一塊，但就比較厚同大灸燒味重、呢個不得不讚、香口+12蚊就可以多款小食我又點會汁輸唐揚炸雞望落好乾身本以為伏己中點知食落入面好JUICY，有肉汁雞肉亦入味真係估佢唔到羽根燒餃子煎得岩岩好內裡仲有肉汁，調味都唔差皮薄額外叫左栗米粒不過太凍，食唔到栗米既甜味野菜OK主要係有銀芽同紅蘿蔔絲汁咸咸的兩個人叫左咁多野，埋單都係250蚊超值