Yamm

營業中

休息中

和牛、鮑魚向來都是高質食材，最近位於尖沙咀美麗華酒店 The Mira 內的Yamm換上和牛鮑魚味力盛宴自助餐新主題，詮釋出矜貴滋味，完美滿足肉慾控的無底胃。內裡裝修得頗有現代感格調，座位寬敞，氣氛悠閒，店員勤快收碟執拾，坐得舒服自在。看到這座無限量供應的澎湃龍蝦山，回本之餘又可食盡海上鮮，海鮮控必能大飽口福。食buffet的十居其九都是衝著海鮮而去，海鮮吧集合各種冰鎮海鮮如波士頓龍蝦、鱈場蟹腳、青口、大蝦和蜆，而且質素亦算新鮮，讓我吃得甚為滿足 *o*香港人吃buffet 最在意就是要吃到回本，回本位又怎能缺少即開生蠔呢？現場即叫即開，保證生蠔夠新鮮。當日亦有兩款生蠔供應，分別是來自愛爾蘭的Dooriel Special No.4 及美國的Taylor Pacific，前者帶有中度海水味，蠔邊爽脆，後者肉身肥美，在口中緩緩釋出甘甜海水的鮮味。魚生刺身即點即切夠鮮美，壽司款式亦十分多元化，除了較常見的三文魚、鰻魚、赤貝、鮮鮑魚、玻璃蝦等等、更新增了呼應主題的炙燒和牛鯡魚籽壽司和醬油和牛炸蝦大葉壽司卷。值得一讚的是現場有不少live station，廚師全程忙於即煮以作添補，因此食物較易

從來食好西😋就係我積極工作💪嘅原動力，是晚孖住靚女同事再出動，也順道慶祝壽星女生日🎂呢。係芸芸衆多酒店buffet之中，聽講Yamm-The Mira 出名好食😋，反正我倆都未食過呢間buffet，就去試試吧。我哋準時放工嚟到餐廳，甫入座部長即時為我倆介紹及講解今晚嘅主題：鮑魚與鵝肝，服務相當稱心！冷盤呢度嘅海鮮真係好，完全係食過番尋味。尤其係波士頓龍蝦及長腳蟹，前者蝦膏盡現，飽滿嘅肉又新鮮彈牙，小妹一口氣就KO咗3隻半了。後者肉質結實超juicy，嗰種超鮮甜味，令人一吃難忘。翡翠螺大大隻，十分爽脆。凍蝦亦非常爽口。青口有鮮味。蜆比較細隻又無味。即閞生蠔，要排隊攞，唔使急反正實有refill，我哋等人龍漸散先攞，每人配給三隻，口感滑嫩但略帶苦澀味，唔係咁啱我倆口味，認真三隻夠晒數。熱盤香煎鵝肝伴薯蓉紅莓醬，鵝肝外焦裏嫩，入口即化，濃郁甘甜而不膩，第一次食到咁嘅鵝肝啊。花膠鴨掌燴時蔬，花膠軟腍入味，但要早啲攞，因為無refill花膠 ，錯過咗頭輪嘅話，就只剩下鴨掌了。除咗花膠受歡迎之外，清蒸龍躉亦都係最快沽清，小妹也只能吃到少少滑溜魚肉。西冷牛扒，肉味濃郁，有嚼勁。燒羊架，肉質軟嫩，羊羶

今晚是由小熊妹的熊大哥百忙中抽空訂座尖沙咀Yamm作為生日晚餐場地，一行七熊。首先先講下Yamm的環境。小熊妹之前也有來過位於尖沙咀的Yamm，Yamm給人有種時尚，寬敝，舒適，輕鬆和寧靜的感覺。服務人員，服務有禮，態度好和快捷。現在就介紹一下今晚的美食。Yamm今晚有兩款飲品供應，分別是蘋果綠茶和五花茶。開始小熊妹先味嚐沙律，凍盤類。沙律選了凱撒生菜沙律配上紅腰豆，粟米粒，提子乾和小紅蕃茄。凍肉類選了煙三文魚，火腿，龍蝦，青口和蝦。再來小熊妹味嚐魚生，壽司，生蠔類。三文魚刺身，口感軟滑鮮嫩，八爪魚刺身好難咬。各類壽司，上層的材料配以下層微硬而有米香的飯，好味。法國生蠔，蠔味濃，口感滑嫩，多汁，有點鹹。再來小熊妹選湯和餐包類。湯選了龍蝦湯，湯味濃，鹹淡剛好。餐包選了紅菜頭和栗子麵包。啊......小熊妹要吃熱食主菜了。天婦羅只有茄子，南瓜和秋葵等等......（沒有海鮮）小熊妹選了茄子天婦羅，小熊仔選了南瓜天婦羅，天婦羅炸得剛好，唔會太油，配以上層的沙律醬，好味。最後就是選小熊妹最最最想味嚐的甜品時間了。甜品當然不止這些，還有水果，榴槤湯圓，蛋糕和馬卡龍等等......但小熊妹肚量有限

好多年前佢未大修之前黎過呢到食野，印象就冇乜啦，係近呢2年就聽到佢名氣大左，仲響open rice成為得獎熱店，又有朋友仔大讚好食，不過上open rice望下D食評就好壞參半，又唔係咁好咋啵…好!見佢可以count 埋里數，就抱住即管試試'啲心態啦~Cobi爸亦好想試下Yamm，何況今次佢做東，梗係老細話事啦~Yamm 啲環境真係幾好feel，深色啲裝潢好modern，好有cyble feel，好適合啲yuppie響到hea幾粒鐘~半圓啲卡位望落好舒適，絕對適合情侶或三兩知己，不過我地一行8人，所以同卡位冇緣~不過話哂都係星期日中午，點解入座率唔夠一半? 有原因啲~坦白說，食物種類唔多，而且質素同味道方面唔見十分出色。先講前菜沙律，有好多種款式，不過自己只係試左水牛芝士番茄沙律同少少green salad，水牛芝士同番茄可謂最佳拍檔，再配上清新啲沙律菜，一清一濃，以兩者配搭做出啲沙律，味道帶酸而且清新，係一道唔錯啲開胃菜。轉攻我啲至愛Parma ham，食意大利菜經常叫啲Appetizers。可惜只係見到成碟火腿放響到，而唔係成隻肶放響到即場切比你，有少少失望囉，因為D火腿片開之後放

今年的除夕夜和薑餅人與我父母去Yamm吃自助餐, 這裏分兩輪, 我們吃頭一輪, 由五時半到大約八時, 價錢比後一輪平, 但竟然不滿座, 是大家都情願選擇貴些在後一輪渡過倒數, 還是經濟差左?首先必試凍海鮮區, 有開邊龍蝦, 長腳蟹, 青口, 蝦和翡翠螺等。 吃得出這裡的海鮮真的新鮮, 不會只有雪水味。這裡還有刺身、壽司、天婦羅、串燒和爐端燒供應，不過是個別order上的。刺身叫了鯛魚、帶子、三文魚、劍魚腩、八爪魚和牡丹蝦。 最愛肉質爽的鯛魚和大隻鮮甜的牡丹蝦。壽司只叫了北海道蟹腳和海膽。兩款都是用紫菜包著, 紫菜清脆不霉稔，海膽鮮甜不苦。天婦羅要了露筍、冬菇、蕃薯、大蝦和軟殼蟹。脆漿都算薄, 熱乎乎也好吃。串燒要了牛脷和雞肉，牛脷嫩中帶爽。燒帶子和羊扒也都漂亮可口。熱食相對地吃得少, 記憶中青咖喱很香辣, 中式菜膽燉翅很清甜。甜品造型很美很可愛, 又有聖誕氣氛。 有立體粉紅小豬，紅色甲蟲，薑餅人，磨菇蛋糕等。 可惜大多好看不太好吃, 也沒有我喜愛的芝士蛋糕。希望身體健康, 心想事成。

慕思、白對美麗華仍有著微妙的感覺，難以用言語道出，就是一種親切感。如要我數香港最頂級的自助餐，Yamm絕對佔上一席位，吃東西有時就係咁主觀。公司聚餐，大家都想吃自助餐，我便主動提出去Yamm。時尚既裝修設計，座位與座位之間相當寬敞，讓人可以舒適寧靜的享受午餐。甫坐低，服務生馬上奉上menu，並詳細地講述自助餐的主題、收費及優惠等，既專業又沒有很拘謹的感覺。刺身、天婦羅、串燒和鐵板燒是即點即做，有服務生把食物送上檯，其餘的東西則以自助形式，睇中邊樣攞邊樣，悉隨尊便。以一杯果汁作開端，我選了西柚汁，貪佢酸酸地夠開胃。反正大家什麼都吃，就請師傅每樣也準備一點。刺身大致新鮮，如三文魚及吞拿魚鮮甜又厚身，北寄貝爽甜不韌，八爪魚則差了些少，偏硬而沒有味道，食友說賣相比以前退步了，而我認為可以收貨有餘；天婦羅粉漿不過厚，仍不失香脆，尤以大蝦最為出色；串燒和鐵板燒火喉拿揑得很好，不論是雞翼、魚塊、粟米、魷魚和菇類都香口好吃，特別是魷魚，爽口亦不過火。再出去睇睇，在冷盤區拿了點煙三文魚、火腿、燻鱔等，總的感覺新鮮；生蠔是澳洲產地，香港的夏季即澳大利亞的冬天，生蠔正正是最靚的時候。吃了兩輪生蠔，第一輪是非

各位看官還記得我女朋友那次想吃海膽之後的一連串遭遇吧？（情請參閱食評---《無心插「柳」》及《夢難圓》）其實當女朋友提出Yamm的時候，我就已經在搜集Yamm的資料（我這個窮小子當然沒去過，也沒聽過Yamm的大名了，當然要搜集一下資料了．．．汗！）結果我在當天就訂了位，結果訂位要排到一個月後．．．．．．因利成便，就當作是和女朋友慶祝每月的紀念日吧！當我和女朋透露了今個月會去Yamm慶祝時，女朋友依然興奮莫明，看來女朋友想吃海膽的心仍然沒有絲毫消減呢！當天我們早上吃過東西後就一直沒吃什麼東西了（因為怕吃得太飽，屆時會沒有胃口，加上女朋友非常少吃，若再吃東西的話，女朋友是鐵定什麼也吃不下的了）我們準時六點抵達Yamm。Yamm的裝修非常有形格，有一種非常Cyber的感覺，我們兩人被安排坐圓形的卡座。侍應會先介紹大部份日式食品是要Order的，另外侍應會送上一籃麵包（當中有一個是墨汁麵包）麵包籃的各款麵包都相當不錯，而墨汁包亦頗有特色！精選壽司刺身亭：刺身及壽司每次Order是每人一件，最多可以叫Double（雙份）三文魚---非常，非常新鮮肥美，我Order了數次三文魚，頭兩次更是極度肥美

見到Yamm既食物好match我地既口味，所以一個月前已訂左枱，亦好期待黎食‧‧‧而呢段期間都會上 openrice 睇下大家對佢既意見，總括而言都係話佢質素一般，但今晚食完之後證明我地黎Yamm係啱既！刺身：帶子和牡丹蝦都係好大隻，牡丹蝦好鮮味和彈牙；海膽無得頂，超鮮甜，我地repeat order左幾次海膽，真係停唔到口！三文魚，吞拿魚，油金魚，立魚好新鮮，係正貨，好食！海蝦雖然唔及牡丹蝦鮮甜，但都唔錯；日本海鰻就多碎骨左 D！拖羅魚生卷好細件，食唔出拖羅既肥美，而壽司飯都幾好。天婦羅：即叫即炸熱辣辣，炸粉簿簿的唔油膩。我地要左三樣野：鮮蝦大大隻好彈牙，南瓜和露筍好香甜！冷盤海鮮：蟹腳和大蝦好新鮮，蟹腳沒有雪味；龍蝦大隻，肥美有膏，但不及蟹腳那樣肉質鮮甜；生蠔有三款，即開的好鮮味又唔腥，最正係法國的，而其中一隻法國生蠔里有一隻仍會郁的蟹仔，證明D生蠔真係好新鮮呢！Parma Ham：機切薄身，但人手切既太厚身好難咬，味道咸淡適中，好味！鐵板燒：燒鳥，澳洲牛柳醃得入味，燒得香；大蝦，帶子和銀雪魚燒完少了海鮮應有的鮮味，味道淡左 D！爐端燒：生蠔燒完無甘鮮甜，都係食生蠔正D；牛柳很嫩，

近日的人氣自助餐, 小弟也不執輸試了. 不想同人逼, 就揀了個平日的中午, 果然不算係好多人. 環境係相當之好, 兩個人坐係半圓形的臺, 好舒適.先係一人一杯西瓜汁作歡迎飲品, 鮮甜, 解喝. 跟著再來的係一大籃麵包, 本來吃自助餐係不應該吃甚麼麵包的, 但這籃麵包又真係幾吸引, 熱辣辣, 那個墨魚汁包又幾特別的. 吃完包就開始出動了.這裡的主打係五個日本亭, 不過係不用出去排隊的, 只要坐係位度等吃就得.刺身壽司卷物亭: 8分, 有五個選擇: 三文魚, 吞拿魚, 甜蝦, 油甘魚, 北寄貝. 文迪不吃生野, 就等小弟去吃吧. 最喜歡鮮甜的甜蝦, 其他刺身色澤也對辦, 也始終係即叫即切, 吃也吃得安心點.天婦羅亭: 9分, 有四個選擇: 鮮蝦, 日本冬菇, 長茄子, 日本南瓜. 炸得好靚, 無乜油, 也沒有太多脆漿. 蝦夠新鮮, 吃落口爽甜, 吃完一件不夠候要再追加. 日本南瓜同長茄子都幾好, 吃落口不覺油膩, 以自助餐計, 高水準.鐵板燒亭: 9分, 有四個選擇: 燒鳥, 帶子, 銀鱈魚, 日本冬菇. 可惜沒有牛吃, 鐵板燒最喜歡還是吃牛. 當然, 午市這價位, 也不能太高要求. 當中