雲家小鍋米線 (328廣場)

營業中

休息中

住喺葵涌區咁多年，荃灣雲家成為止米線癮既店都仲會推薦身邊既朋友黎食點解丫？係因為呢到有個小食非常吸引！！就係 涼拌墨魚頭🦑 $47本人係非常之鍾意蒜味，而且爽口既墨魚更加心心眼，好少地方可以食到墨魚頭，大量既蒜香令你不斷一舊接一舊咁食，另外配上酸汁更加帶出墨魚頭既鮮味！呢個小食差唔多每一枱都必點，而且有陣時會賣哂，賣哂個刻真係好灰，因為下次唔知幾時先會經過再食到，有機會黎食呢間米線一定一定要點呢個小食。而米線就點 酸辣中辣豬腸米線 $43雲家既配料好似食極都有，仲有米線份量一啲都唔會少，眼見都有好多男食客幫襯，證明係絕對夠飽，本人係對於豬腸配米線係一個絕配，所以今次都係點豬腸，係非常易咬口好淋。如果黎雲家食最好揀平日，逢星期二休息，星期六日一定係需要排隊架，雖然店面細，但出菜時間都非常配合。

見到佢係OpenRice開飯熱店專登約朋友嚟試吓嚟到發現超多人喺門口等位本身唔太鍾意排隊等位開頭係有諗過放棄但又會諗係為咗佢而嚟所以最後都係排隊XD好在食完覺得排隊係值得嘅同埋其實只係等咗大概10分鐘兩個人超肚餓 叫咗好多嘢食但我哋全部都有清晒咖～- - - - - - - - - - - - - - - - - - - - - - - - 1. 小鍋米線(雞絲、金菇、豆卜)+熱西洋菜蜜平時食米線都會叫2-3樣餸今日都唔例外 叫咗上面3樣嚟到發現碗米線超足料多到有種食極都食唔完感覺應該食咗一包金菇落肚另外雞絲、芽菜都係好多筷子一夾 實有米線雞絲芽菜或者米線金菇芽菜湯底仲有少少豬肉碎小小細節位都唔會放過咁樣價錢都係$49 超抵食啊辣度方面叫咗BB辣好微好微嘅辣 酸味比例較重仲有小、中、大、勁辣可揀2. 小鍋米線(墨魚丸、肥牛、響玲)+檸檬可樂呢碗一樣足料 因為肥牛關係價錢就係緊係貴少少啦$64但都可以食到好飽好飽難怪咁多人排隊啦同埋食緊過程係會見到外賣訂單源源不絕同埋我哋本身想叫薯粉但好賣到7點已經賣晒聽到豬腩、豬排都係賣晒真係好多客人幫襯3. 涼拌墨魚頭見到呢個好多人推介過嚟到緊係試吓

小食 - 涼拌墨魚頭試左好多間店，但呢間配了炸蒜+ 夠凍夠鮮的墨魚頭， 好出色。 味道一流。米線- 小鍋米線 麻酸辣（中辣）酸度夠， 而且唔會搶左麻味。不過始終係點「外賣」 所以米線淋左😭😭😭下次要揀堂食😎

間米線舖都幾有人氣，之前睇米線關注組有人推介已經想試，平日放工去食，排咗半個鐘左右先有位～店舖唔算大，座位稍等逼，但食米線都係快食，所以都無咩問題😂幾鍾意呢間有得叫麻酸辣，味道豐富啲～湯底濃郁唔油膩，麻酸辣味都食得出，幾好味～叫咗小辣，對我嚟講唔算辣，之後再食可以叫中辣～推薦食佢哋嘅豬頸肉、魚肉春卷、涼拌墨魚頭😋🥢豬頸肉魚肉春卷炸醬小鍋米線 $68米線上面有大量芫茜、蔥，配料份量好多，豬頸肉有7、8塊，而且都係厚切大大塊，肉質爽嫩唔肥膩，好好食！魚肉春卷好大條一開二，好似有4件，好厚實啖啖肉嘅口感，幾好食！炸醬份量都多，炒得香口，粒粒肉碎令湯底更惹味！不過米線口感偏腍，個人比較鍾意爽米😂🥢豬肚豬潤魚肉春卷小鍋米線 $58呢碗都係小辣，叫辣就會有豬肉碎，食到底都會有肉碎，好正！豬肚份量多，切得比較幼長，幾腍身唔會咬唔開👍🏻 豬潤比較細塊，一般般啦～ 魚肉春卷一樣咁大條，好抵食！🥢涼拌墨魚頭 $46呢度必叫嘅小食！份量比想像中多，用大量蒜蓉撈過，超級香！墨魚爽口易咬，點埋旁邊嘅酸汁一齊食，好滋味！推薦必叫！🔸菊花蜜 加配$8🔸熱柑桔蜜 加配$11叫米線加配飲品可以平啲，味道唔錯，本身想叫豆

荃灣出名多米線店，而雲家就係其中一間長龍店，仲因為太多人，喺元朗開咗分店～▪️螺旋草豬頸肉小鍋米線 (麻酸辣)啲餸份量好多，淨係食餸都夠飽，細食嘅最好叫少米😂 螺旋草口感爽脆，而且索晒個湯，好入味。豬頸肉厚度啱啱好，好有咬口。另外以前得麻辣/酸辣揀，依家有埋麻酸辣，湯底濃郁得嚟，唔會過鹹▪️腩肉豬軟骨豬扒小鍋米線 （麻辣)腩肉肥瘦適中，帶少少辣。豬軟骨好軟腍，充滿骨膠原感。豬扒好香口，同埋佢係分開另上，咁就唔會浸到唔脆▪️涼拌墨魚頭份量都幾多，而且好大粒，食落彈牙，配埋啲蒜茸，好惹味▪️蒜泥白肉白肉肥瘦均勻，面頭鋪滿蒜泥，超級重口味，但唔會好油膩雲家小鍋米線📍荃灣沙咀道328號328廣場地下G01號舖📍元朗馬田路20-30B號安寧大廈地下2號舖

終於滴起心肝黎試雲家啦～叫左小鍋米線配腩肉 再加個涼拌墨魚頭個墨魚頭係用好多蒜末去涼拌 食完成個嘴都係蒜味 好正$46 好大份 食極都仲有小鍋米線叫左小辣 我自己鍾意雲家嘅味道多過老闆娘 老闆娘個個係加左麻 兩者各有千秋講返雲家先～好多肉碎 芽菜都份量十足 d配料唔會比得好少 個湯飲落口好順 唔會即刻要飲水（平時食完雲桂香即刻要買珍珠奶茶🧋沖一沖個口）自己覺得雲家各個方面都平衡得幾好 米線份量偏多 男友人都食到好飽下次再黎試個豬頸肉

📍 雲家小鍋米線 (328廣場)🗓️ 27 May 2023由於雲家開喺我屋企附近，所以由佢一開鋪我就開始食。呢幾年多咗宣傳，仲有香港米線關注組嘅關注。之後越嚟越多人慕名而來，長期都見到有人排緊隊，同埋價錢都貴咗，所以我都少咗機會食了ㅠㅠ 今次叫咗外賣，仲要終於試到好出名嘅涼拌墨魚頭～🍜 酸辣小鍋米線 配蘿蔔 ($31 + $7 = $38)由於今次會叫小食，所以我只係+1個餸就夠了，因為本身米線嘅份量都好多。呢度嘅蘿蔔食咁多次，都從來未試過唔甜，水準保持得好好。🍜 酸辣小鍋米 配腩肉 螺旋草 ($31 + $10 + $7 = $48)螺旋草係一個好少有嘅餸，而每次叫都會見到海量嘅螺旋草，好似食極都食唔完咁😂 不過冇食一排，我懷疑雲家轉左米線嘅供應商，啲米線食落冇之前咁挺身，比之前再淋啲 (因為佢哋之前嘅米線都係偏淋，啱哂我～)🍴 涼拌墨魚頭$46最期待嘅放最後！雖然46蚊的確有啲貴，不過我覺得值得一試！啲墨魚頭真係大大粒，好爽脆，加埋啲蒜蓉真係超正！份量都唔算少，真係值得一戰！

雲家已經係荃灣區屹立好多年，一直都受到好多區內市民嘅支持💪🏻，店鋪面積較細，每張枱之間都較逼，如果拎住大件行裝嘅朋友要注意下啦😉~-涼拌墨魚頭🦑 - HKD 46見到好多食客都食緊涼拌墨魚頭🦑，既然受到咁多食客支持，咁味道一定唔錯㗎啦！於是我地都叫一份嚟試，墨魚頭本身已經好新鮮，口感爽脆🤤，再加上上面鋪滿咗極大量嘅蒜蓉🧄，食落去每啖都充滿住蒜蓉味，配上店家嘅黑酸醋汁，雖然重口味但食落去真係好開胃👍🏻， 整碟墨魚頭用嚟做開胃前菜好出色💯，份量都俾得好足，真係值得一讚！-腩肉魚腐小鍋米線🍜 (酸辣小辣) - HKD 50之後就上咗碗小鍋米線配腩肉及魚腐🍜，小鍋米線嘅配菜份量比我地想像中多，有豬肉碎、葱、芽菜、芫茜、酸菜及韭菜，米線口感偏淋，酸辣湯底雖小辣但我地認為都幾辣🙈，但不失酸味👍🏻，飲落唔會好口乾～ 至於加餸方面，腩肉🐷好厚身，食落幾入味，脂肪比例都係較瘦，啖啖肉唔錯😋，份量都俾得好足；魚腐🐟好彈牙，無浸得太淋，但食落去被湯底味道蓋過咗，所以魚腐味道較淡，另外要注意依度嘅腩肉係每日限量供應🚨，如果想試嘅朋友可能要早少少嚟到啦~-炸醬腩肉熱拌紅薯粉🍜 - HKD 56本身加餸係叫咗雞絲

每一次去雲家都要排隊不過都值得架因為個米線真係好味同朋友每人叫咗一個小食店員會問你辣度 可以自己選擇麻辣金錢肚 $46涼拌墨魚頭 $46墨魚頭次次都會點嚟食因為佢真係好爽脆加埋啲蒜蓉 辣汁 好好食架金錢肚係第一次試都好有水準呀金錢肚好爽 又入味叫咗兩碗小鍋米線 小辣 $31第一碗叫咗豬大腸$10 腩肉$10豬大腸洗得好乾淨腩肉好入味令一碗叫咗腩肉$10魚肉春卷$9 蘿蔔$7魚肉春卷都幾彈牙蘿蔔就好甜米線份量超級大連埋啲配菜酸菜芽菜好似食極都食唔完不過由於店舖人手唔多所以如果要叫嘢食都要耐心啲等候店員呀見到佢哋都好盡力想好快招呼到每一位客人

二訪湯底米線差好多👎，小食餸菜出色👍！・・・・・・・・・・・・・・・・・・・・🦑 涼拌墨魚頭 HK$45 👍・味道：墨魚頭有醃過。加埋個汁幾出色，係輕身似喼汁。配埋重味蒜粒very nice！・口感：爽彈開胃仲要一口size，一咬即開，0筋！🍜 酸辣小鍋米線 HK$31起餸菜 ＞ 腩肉HK$10、蘿蔔HK$7、豬耳HK$9・整體：餸好食但米線湯底唔得。・餸菜：腩肉入味，肥瘦均稱，不過肉塊時大時細。蘿蔔偏淋但未到入口即融，不過真係好甜0渣！豬耳唔係爽脆size但大條入味。・湯底：得咸，where’s the酸and the辣？個酸只嚟自酸菜⋯冇食酸菜嘅話個湯底淨係鹹only，辣都冇乜。但我嗌小酸小辣，仲有BB酸/BB辣揀添喎-3-・米線：偏淋冇咬口，幾掛湯。・・・・・・・・・・・・・・・・・・・・🤰性價比：中～🤰9衝度：可試～🤰結論：涼拌墨魚頭要食，腩肉蘿蔔都出色！湯底同米線我無語⋯・・・・・・・・・・・・・・・・・・・・環境：預咗係小店逼迫size，衛生程度仍然keep住偏污糟。隔雜枱卡位最入放咗貨都要求二人位逼埋一邊，另一個客人半邊身係離開張枱，癲⋯⋯

涼拌墨魚頭（$45）份量不少。墨魚頭勁爽勁彈牙，口感一流。撈咗辣蒜蔥醬汁，更加惹味。推薦。腩肉魚腐小鍋紅薯粉（$51）凍檸水（+$3）要咗BB辣，好輕微嘅辣度，下次可以挑戰高一級小小辣。湯底好濃厚，唔算肥膩，好味道（最重要之後冇口渴）。紅薯粉正常。腩肉尚算大件及有啲厚度，唔會碎濕濕，而且鹵水幾入味。魚腐當然用嚟索啲湯一齊食啦。大腸豬耳小鍋米線（$49）凍檸茶（+$3）清湯湯底同樣唔肥膩，調味足但唔過咸。米線正常。大腸鹵水入味，冇臭味。豬耳爽口，肥位少。下午茶時段，凍熱飲品加$3。

去開荃灣梗係要搵番間米線鋪食下，上網就搵咗好多街坊介紹ge呢間米線，去到門口就見到外賣同堂食都有人等緊，當日係星期六下午1點幾，等咗15分鐘左右就入得☺️餐牌d字好大隻，老花人士都一定睇到👀，我哋叫咗兩碗米線加一個小食，再加杯涷OT走飲筒(成功走飲筒👏🏻👏🏻)第一碗係豬脷麻辣米線(BB辣)，BB辣ge關係真係唔太辣，比譚X 10小辣還要小，小朋友應該都食到，因此辣味唔太出時就突顯湯底比較咸，但對於我呢個重口味人士就好歡喜😃😃不過下次可以升級要微辣🆙豬脷就偏薄同碎，不過份量都算多，雖然有隻辣椒喺餐牌，但都唔算好辣另一碗係豬軟骨酸辣米線，同樣係BB辣所以唔太辣，但由於有d酸汁ge關係，湯底相對無咁咸，但又唔會酸過龍👍🏻不過對豬軟骨有d失望，因為炆得唔算好冧，全部係瘦肉，如果有小小肥肉/筋痴住會好食好多!最後一定要提涼拌墨魚頭🤤🤤🤤佢絕對係我回頭ge原因!雖然我本身唔係好鐘意食墨魚，但呢個真係無得輸，爽得黎又唔會太韌，灼得啱啱好，加上蒜蓉鼓油汁👍🏻👍🏻但旁邊個醋我只係蘸咗小小，始終鐘意鼓油多d😋😋

成日都見香港米線關注組提及呢間，雖然我住得好近，但真係一次都冇食過🥹總係覺得秋意濃既日子🍂好岩食返碗暖笠笠既米線🍜所以就約左朋友平日中午去食！鋪位唔算好大，座位都相對狹窄，而平日12點幾都已經要等位了🫣(好彩早左一步黎都唔算話等好耐🤔)～不過明顯人手有啲唔夠，同埋好似係逐碗逐碗咁煮，所以出餐有啲慢🤫-🎈腩肉豬紅魚肉春卷小鍋米線 (酸辣小辣) $58米線一到可見份量都真係好多，無論米線定配料都係🤭最尾應該有食剩1/3既米線😂湯底好濃，酸味黎講可接受(但我唔太鍾意好酸，所以呢間都幾岩口味的)～腩肉聲稱話每日限量供應，確實係幾好食幾入味，但就偏瘦啲唔算係半肥瘦個種，所以食落會有啲啲鞋😳至於其他餸就正常發揮！-🎈涼拌墨魚頭 $45自己幾鍾意食❤️蒜香十足而且食落好彈牙爽口！必食啊🙌🏻絕對會因為掛住或者突然好想食佢呢間既小食而encore🙆🏻‍♀️-總括而言，個人覺得未至於話好好食，必定要山長水遠黎荃灣食既一間米線～但如果行開呢邊可以試下佢既小食🤪小食絕對係比米線有驚喜得多🥳-🔸雲家小鍋米線📍荃灣沙咀道328號328廣場地下G01舖

作為屯門牛既🐻醉愛屯門名物雲川米線 😌 不過荃灣區有好幾間米線都好受大家喜愛，今次🐻就率先去試下雲家🍜，星期日都排左20幾分鐘，地方唔算好大，見到側邊有d位用透明隔板望住對面唔識既食客，有少少尷尬 😂 ⁡🐻の試食‼️✨豬頸肉小鍋米線 $48✨小鍋米線+腩肉+魚肉春卷 $49✨涼拌墨魚頭 $45⁡由於🐻唔食得辣，雲家出既湯會比較清而且帶明顯甜味，米線都較幼身，口感煙韌，而且每碗既配料較多，芽菜韮菜唔會少，不過唔辣就無左豬肉碎 🤔 配餸方面🐻覺得正常發揮，可能雲川既豬頸肉真係世一 🤫 不過‼️最值得推介一定係佢哋既特色小食-涼拌墨魚頭😋 重既熟蒜油加少少辣，墨魚頭好爽口好惹味 🥰 推‼️

雲家米線在荃灣也算出名，常經過店舖也是人龍等待排隊入內朝聖，為免天時大熱在店外等位，今早提早食午餐11點半經過，只有2人在門外等候，等了3分鐘左右進店內就坐。店舖細細坐得比較迫，入單都很快到餐，分別點了魚肉春卷、豬大腸、炸醬酸辣湯米線，豬耳腐竹涼拌米線，涼拌墨魚頭，2杯飲品凍檸茶、凍檸水。魚肉春卷、豬大腸、炸醬酸辣湯米線~魚肉春卷不似預期中有魚肉的鮮味彈牙，魚肉春卷雖浸在湯內，但內心仍凍唔夠熱，唔係特別好食，豬大腸炆得淋入味，炸醬好咸，湯底無酸辣味，可能第一次食，初嚐只點小辣再加上炸醬個湯比較咸，米線是幼身淥得剛好軟硬適中唔會太散，但整體嚟碗米線咸咗一般般。朋友點了豬耳、腐竹涼拌米線，天氣太熱涼拌也不錯選擇，沒太濃太咸的湯，醬汁味道鮮味，豬耳爽脆又唔靱，腐竹入口融化充滿豆味涼拌墨魚頭~墨魚非常之爽脆，有墨魚鮮嫩味道，新鮮可口，一口接一口非常好味，唔使點醬汁也有鮮味，真係好味極致點了3款食物，最好味係“涼拌墨魚頭”，真係令人回味