琥酌 (已結業)

難得同老公慶祝生日，而又想食D老公鍾意食既野，所以上網睇就揾到呢一間！食吉列牛！好在有一早打去預約，因為舖頭不是好大，只能坐幾一枱客！地方位置都容易揾的！係太子警局附近！去到門口都排左D人，原來有分book左枱同無book枱的！所以要問一問店員，是要排邊到？呢到款式不是太多，主打都係食吉列牛，套餐有三款（極上.牛吉列御膳）或者（霜降.牛吉列御膳），而我們就只是叫左兩set （牛吉列御膳）！跟餐有赤味噌湯，珍珠米，温泉玉子，自家製漬物，龍蝦薯仔沙律同埋個吉列牛還有幾種醬汁俾你去選擇有燒汁，香風芥末醬，岩鹽，柚子胡椒！店員仲會教你如何食用，大家可以因應自己喜好而燒幾耐時間，而我個人就覺得其實每邊燒10秒都夠了而安格斯牛肉肥美，肉質鮮嫩，吉列外層酥脆，好味

對日本菜一向十分欣賞，因為，用料精，烹調用心，就好像今日來到的「琥酌」，所用的牛種也是精心挑選過。踏進餐廳，很和風的裝修，環方算不上很大，或許仍未有太多客人，感覺蠻舒適。這裡主打的是和式牛吉列御膳，並分三個價錢：極上牛吉列（$498）、霜降牛吉列（$398）及牛吉列（$188） 平貴在乎採用了甚麼牛種或部份。御膳還包括了日本本菇、龍蝦薯仔沙律、赤味噌湯、溫泉玉子、椰菜絲沙律及一碗白飯。我所揀選的牛吉列御膳（$188）是用了美國安格斯牛肉，先輕度吉列，切成小件，再以備用烤爐作最後烤燙，烤燙時間不用多，店員建議十來秒就可以了。蘸牛肉的醬汁共有三款口味，包括燒肉汁、芥末沙律醬及柚子醋，可謂各有特色。此外，還有岩鹽、柚子胡椒，感覺調味佐料有點過多喔！溫泉玉子用作拌飯，混在一起令分明的飯粒十分滑溜；龍蝦薯仔沙律內裡藏了大大粒龍蝦肉，果真沒有欺場。論到主角牛吉列，外層香脆不油，烤過後，肉質軟嫩，富肉味而略帶脂香，最喜愛沾柚子醋，有中和油膩的作用。這一種混合食法也是頭一回，感覺頗新鮮，的確吃得出用料精選。

前排日本好興牛吉列，呢個風潮終於傳到香港啦！！ 但牛吉列嘅牛真係好重要！！吉列嘅處理手法都好重要。為左唔想令我嘅第一次體驗失望，我就去左呢間專食牛吉列嘅餐廳啦有三款醬料提供：柚子醋、和風芥末同埋燒汁。和風芥末點沙律菜幾好味的！點左美國安格斯牛肉 好豐富嘅感覺！有湯、飯、溫泉蛋、椰菜沙律、龍蝦薯仔沙律、漬物（菇）、同埋有岩鹽、柚子胡椒同wasabi 可以用黎點牛肉食。溫泉蛋我撈埋飯一齊食薯仔沙律係成個波波咁，同日本食到嘅薯仔沙律差唔多，口感綿密湯係味噌湯，幾濃郁主角黎啦！！！ 安格斯牛肉，份量都幾多！！吉列炸皮依然好脆，牛肉係未熟嘅，一陣自己燒黎食個火都幾猛，好快熟晒的，最好放一塊落去試下，如果唔係會太熟。咁多種醬，我最鐘意點岩鹽，因為唔會太咸，唔會掩蓋牛肉嘅味道，反而帶出晒牛肉嘅鮮味牛肉肉質算幾嫩（當然和牛就更嫩啦！）好有牛味By the way,入到去第一眼吸引我嘅係個遮架好有日本風牛吉列專門店真係無黎錯！好味

之前喺韓國食過吉列牛，當時覺得中規中矩，但價錢唔貴，二人午餐大約係百零蚊位。香港已經開左好幾間吉列牛專門店，元朗、荃灣、太子都有，週五晚收工喺公司附近嘅琥酌晚飯。餐廳近旺角警署，日式裝潢，普通木枱木櫈，另有吧枱、少量卡位。枱與枱間唔算好逼狹，但二人枱面積偏細，真係僅僅好夠放得落兩個餐兩杯熱茶，冇多餘空間。未到晚飯時間，客人未算好多，吉列熱潮消退一點，但店員都有提醒，因為之後預約較滿，一小時左右就要交枱，想食最好先行預約。晚市和式牛吉列御膳共三款，分別係極上牛吉列御膳(日本A5黑毛和牛肩胛芯)、霜降牛吉列御膳(和牛肩胛肉眼)、牛吉列御膳(美國安格斯肉眼)，定價$498/398/188，豐儉尤人。另有幾款小食供應，例如安格斯牛他他燒、沙律、玉子燒、蟹蓋等。牛吉列御膳 $188/份 (美國安格斯肉眼)你問我我就唔太捨得用4、5百蚊喺香港食和牛，今次第一次食，點最基本嘅美國安格斯肉眼吉列餐。點餐不久，店員就送上食物、石爐，並輕輕介紹烤牛方法、醬汁等資料，對餐廳產品起碼係好熟悉套餐包括吉列牛、椰菜絲沙律、龍蝦薯仔沙律、溫泉玉子、漬物、味噌湯、日本米飯，感覺都幾豐富。椰菜絲份量唔多，冇乜感覺；漬物

不少吉列牛餐廳相繼冒起，但要數到香港正宗首間定必為琥酌。吉列牛定食有三款，價錢根據牛肉質素而定，由$188至$498不等，豐儉由人，另外亦有其他小食及飯類。牛吉列御膳 ($188)每份御膳包括吉列牛、自家製漬物、龍蝦薯仔沙律、溫泉蛋、日本珍珠白飯及赤味噌湯，另外亦配有柚子檸醋、燒汁、和風芥末醬、岩鹽、柚子胡椒醬和山葵六款調味料。將吉列牛放上鐵板上因應個人喜好每邊煎約30至45秒，外層酥脆，安格斯牛肉稱不上相當軟嫩，略韌而結實，不過肉汁豐富亦不過份油膩。調味料當中個人特別喜愛柚子胡椒醬，惹味之餘帶柚子清新。另外將吉列牛沾上溫泉蛋食用亦是一大享受，不過我自己則更為喜歡用以拌飯。白飯黏身而且比較乾硬，如果可以更為香軟定必更佳。雖然御膳份量偏少，即使是女生如我亦不覺飽足，但是吉列牛質素的確不錯，絕對有衝動再嚐其他吉列牛。

今次嚟到琥酌搵食！ 近半年常常見到有人說東京興起的吉列牛～原來香港都有得食！小店位於太子～裝修簡潔日式～而且播放的音樂跟我平時聽的居然差不多！還沒上菜已對餐廳非常有好感！店內收藏著各種各樣的酒～餐廳如日本的專門店～主力做一種料理～不會有太多副食～全個餐牌的食物種類加起來才10種～餐廳仲有日本同香港手工啤～冰鎮秋葵伴紫蘇汁 （$38）雖然我不喜歡紫蘇～但我非常喜歡秋葵！冰鎮的秋葵極為清新～而且內𥚃滑潺潺的感覺減低了～就算平常不喜歡吃這口感的相信也可接受到！每一位客人都會有自己的小鍋～用以把吉列牛燒熟～同時亦準備了6種醬料小盤上左起是香濃燒汁、和風芥末、柚子檸醋～另外3種調味料是柚子胡椒、水晶岩鹽和粗粒山葵～至於左邊的白色波其實是餐廳自創的龍蝦薯仔沙律～咬下去是薯蓉的感覺～中間包著龍蝦肉～很特別的沙律今天的自家製漬物是鴻喜菇～又叫美白菇有一點黏黏的感覺～蠻有趣的牛吉列御膳 ($188)套餐還包括赤味噌湯和温泉玉子～赤味噌成熟期間比較久～味道比較重所以高鹹度～但同時豆的成熟香味都比較出色温泉玉子拌上木魚飯也很美味～每様食品都可見餐廳有花心思！最後當然是主角吉列牛～我選的是美國安格斯牛肉吉列牛

香港作為一個美食之都，自然有著各式各樣的菜式。最近新加盟的吉列牛，在日本可說是風靡一時。不用越洋便可品嚐到另一美食，實在是沒有錯過的理由。坐落太子的琥酌，名字雖然與吉列牛毫無關係，卻來得很俐落，不其然地予人一種型格的感覺。餐廳環境不大，只可應付約三十位客人，是以客人少不免要在外等候一會兒。然而，餐廳也盡量善用了內在空間，同時放置了卡位和單邊吧枱等的座位，以切合不同客人的需要。牆身用上較暗沉的水泥色，搭襯著簡單而具藝術感的掛畫，充滿著日式的風格。餐廳清一色提供和式吉列牛，分別為美國安格斯牛和日本A5和牛，價錢甚異，可謂豐儉由人。【牛吉列御膳】御膳的賣相精美，而且內容也甚為豐富。除了主角吉列牛之外，還有漬物、薯仔沙律、溫泉蛋和麵豉湯等等。每款配菜都做得相當出色，而球狀的薯仔沙律，裡面更包裹著彈牙的龍蝦肉，絕對是簡單卻不隨便，叫人驚喜。【美國安格斯牛肉】打算只作淺嚐的我們，選了較便宜的美國安格斯牛肉。聞說餐廳用上牛肩胛肉的位置，是以牛肉本身的脂肪較少，正合我們心意。脂肪平均地分佈在牛肉裡面，看起上來肉質上盛，甚為吸引。把牛肉放到鐵爐上烤熟，由於牛肉的脂肪不多，須不時翻動，以免牛肉黏到鐵板上和

黎呢間餐廳之前唔知道係「自私迷你燒」，坐低見到個個枱面放置一盤盤嘅吉列生牛 心打左個突'咁厚身點生食😶'之際望見佢...一切心結都解開💖 原來如此😝傾向美國牛嘅我揀左美國安格斯牛肉。個餐牌會介紹埋個汁 同埋調味 好細緻👏🏼我知道塊牛煎30秒至1分鐘就perfectly ready 但最近愛食較熟嘅我就由佢煎耐啲 再點下生蛋漿 好香好正食食下我食到煎鴨/鵝肝嘅感覺 應該就係油脂嘅香味😌點下呢樣點下嗰樣調味 好過癮。豉油就冇食 因為會太咸。bar 位置放滿日本酒🍶🍶🍶🍶🍶盡興喇今晚 唯一希望用餐時間長啲就仲好 有少少唔夠時間食嘅壓力🙊