阿翁小館

營業中

休息中

又到咗食大閘蟹嘅季節，係時候要帶屋企人食番餐好嘅生日飯😋 今次就試試呢度嘅至尊大閘蟹鮑翅宴。 首先係「生拆大閘蟹粉翅」，材料十足，每啖都有滿滿嘅魚翅，再加入咗蟹肉同蟹粉用上湯煮成，好食！「28頭特選吉品鮑」配上「清灼本地生葉膽」，夠曬體面，搭配醬汁香味濃郁。鮑身口感一流，夠厚，肉質煙韌～之後就到最期待嘅重點，「原隻江蘇大閘蟹（6兩）」！！ 果然冇令人失望～～好大隻。蟹肉鮮甜，膏都好多😋😋滿足！！「薑蔥生煎鹽香雞」亦都有意外驚喜，經過煎香後嘅鹽香雞皮脆肉嫩，媽咪讚不絕口。食到呢度已經飽飽地，但仲有個「蟹粉蟹肉炒飯」，啖啖都係滿滿嘅蟹肉同蟹粉，抵食！「原盅燉冰花官燕」，份量十足，鮮嫩清甜，甜度比例都啱啱好，係一道十分奢華嘅餐後小甜品～最最後仲有兩款小甜點為呢餐畫上一個完美嘅句號。 今餐完全滿足咗蟹迷嘅心願，餐廳環境同服務都好好，下次會再黎！

同屋企人慶生一定係食粵菜，今次就揀咗坐落於天后嘅位於如心酒店底層嘅阿翁小館～試一試佢嘅大閘蟹宴。🚩生拆大閘蟹粉翅 蟹粉翅的質感綿密，翅配上蟹肉的鮮甜與濃郁嘅蟹黃，加埋醋個層次感就更加豐富喇！🚩28頭特選吉品鮑，清灼本地生葉膽 鮑魚好入味！肉質都好飽滿，鮮嫩彈牙，味道鮮甜。配埋口感清爽嘅本地生菜膽，望番d相都好想再食！🚩原隻江蘇大閘蟹（6兩） 終於到咗最期待嘅果道菜喇！6兩果然夠曬大隻，肉質鮮美蟹膏又多又濃郁。仲要配埋薑茶，即刻安撫到怕寒嘅老人家🫢🫢🚩薑蔥生煎鹽香雞 一上菜已經聞到好香！食落發現外皮金黃酥脆，但入面又保持到肉質的嫩滑。平時唔係特別鍾意食雞嘅我都食到停唔到口。🚩蟹粉蟹肉炒飯 十分足料，基本上啖啖都會食到蟹肉，配埋個炒飯底，簡直冇得彈。🚩原盅燉冰花官燕 官燕嘅份量超多，口感幼滑，唔會太甜。作為滋陰嘅甜品黎講十分出色。整體而言環境同服務質素都好滿意。侍應服務態度好好，個個都有笑容，好主動幫手加茶同埋會老人家傾下計，用餐過程十分愉快～

快要移民加拿大，將與家人道別！今天細佬選擇了我最喜愛的大閘蟹餐，跟我餞行。特意寫上這篇食評表揚阿翁小館，性價比同味道都十分超然！生拆大閘蟹粉翅翅與蟹粉份量十足，每一啖都有魚翅及蟹粉的味道互相輝映28頭吉品鮑阿翁主理的餐廳，吉品鮑當然係信心保證。雖然我不是經常吃吉品包，但是以我的經驗，這是頂級的烹調技巧，入味、元糯但保留一定咬口，利害。原隻江蘇大閘蟹六両金毛、白肚，蟹肉實淨，而且飽滿。蟹膏呈現黃橙色而且白膏份量非常多，可見大閘蟹是廚師們的細心挑選蟹粉蟹肉炒飯更加顯得廚師的功架，粒粒乾身，這個炒飯令我印象非常深刻！啖啖蟹肉香，份量拿捏得剛剛好！這個炒飯是細心之作!薑蔥生煎鹽香雞雞皮煎至金黃色，雞肉極juicy，外脆內軟，加上薑蔥配搭，如不是最後有炒飯，我會用白飯配這道菜，哈哈

家姐就快去移民，所以特登揀咗一間特別嘅中菜，由阿翁主理嘅阿翁小館，一定穩陣！加上家姐特別鍾意食大閘蟹，我哋就點左呢個「至尊大閘蟹鮑翅宴」。我同家姐食完都非常滿意！生拆大閘蟹粉翅翅既粉量好多! 加埋蟹粉嘅點綴，一絕！28頭吉品鮑阿翁嘅鮑魚真係不得了，又入味，林得黎又有咬口，火候啱啱好六兩大閘蟹新鮮，非常足秤，好多白色膏，成個口腔都漿住左。蟹肉非常飽滿，我同家姐食到lamlam脷薑蔥生煎鹽香雞呢個食落有驚喜，雞皮煎到好脆口，加埋薑蔥嘅鹹香，好開胃蟹粉蟹肉炒飯好炒功，粒粒分明，又乾身，啖啖蟹粉蟹肉味！

平時好少食大閘蟹，見朋友生日話呢到有個大閘蟹套餐叫我一齊試下，就跟佢黎試下呢個嘅新菜單，價錢都唔平，成二千蚊一個人，首先係有生拆大閘蟹粉翅，一放落枱已經聞到浸浸蟹黃香，畢起都幾足料，成碗都充滿翅同蟹肉，但食落有D鹹，會口渴。呢到侍應好好，不停幫我哋添茶。跟住就黎左客28頭特選吉品鮑配清灼本地生菜膽，本身自己對新鮮鮑魚比較有興趣，所以唔太識欣賞呢款乾鮑，亦都冇抱太大期望。食落個汁係唔錯嘅，配落鮑魚到都幾惹味。然後就到今日主菜，原隻江蘇大閘蟹（六兩）。我未試過食大閘蟹，都覺得呢隻蟹麻麻哋好味，首先係冇乜膏，其次亦唔係好香，朋友話今次呢兩隻係麻麻哋，當自己唔好彩。比較窩心係食完大閘蟹會有薑茶，杯茶好飲，薑味亦非常出。其實食完個蟹都飽飽地，睇餐單發現仲有雞同飯，本身都驚食唔晒。上菜發現都Ok 份量唔會over，個薑蔥生煎鹽香雞煎得幾香口，但就咁食都係有d鹹，然後侍應姐姐話配埋蟹粉蟹肉炒飯黎食，真係又幾夾。個飯一放低已經聞倒好香蟹味，啱啱炒起夠哂香口，值得一讚啲飯炒得乾身，粒粒分明，本身都好鍾意食飯，加上啖啖都有蟹肉配蟹粉香味，呢個飯值100分！甜品方面，因為有原盅燉冰花官燕，所以佢上咗兩度簡單