大班樓 (已搬遷) 新店位置

喺2021年首奪亞洲50大最佳餐廳之一嘅大班樓名氣響噹噹，訂位更加要最小早半年訂先有，今次終於可以嚟到試吓👏🏻!餐廳裡面環境似舊式啲但中西感覺都有嘅餐廳，無話好多花巧裝飾，今次坐二樓，閣樓關係樓底唔算高，環境亦唔大，整體感覺唔係好有格調嗰啲，唔靠餐廳環境佈置而咁有名氣，深信絕對係食物嘅質素更見一班。打開餐牌，會發現餐牌上面嘅菜式對比好多中菜廳嚟講係相當少見，之後發現呢度除咗係無味精外，亦都棄用咗粵菜成日會用到嘅上湯同埋蠔油等，改用咗自家製嘅雞油，蝦油同豬油等等做調味。我哋分別揀咗晚市套餐一同二，每位$880，四位起計。另外亦額外叫多少少，所以總共有12道菜，個人認為每道都係好出色，以下幾樣就特別深刻：🔹雞油花雕蒸大花蟹配陳村粉：佢上枱時，我係心大叫：「終於食到啦！」呢道菜式其實好多地方都有好多唔同但相近嘅做法，但我堅持要將第一次食嘅味道留俾大班樓，因為見好多人食完都大讚；先唔好理隻蟹啲蟹肉有幾鮮甜，個汁真係呢道菜嘅精髓，鮮到不得之了，汁底分別用咗雞油同花雕汁，兩者味道均係極重之餘，亦有非常濃郁嘅蜆肉味，撈埋好滑溜嘅陳村粉真係令人回味無窮🤤⋯如果唔係好飽我會叫多一份陳村粉倒落去，但最後我

無錯, 我係慕名而來. 見人訂晚餐要用半年, 我又走去虐試下book lunch, 最終係4月中book, 接近7月中食. 咁卡張, 當然會有D期待! 睇完佢 a la carte menu 嚇一跳, d價錢唔係一般小菜價. 好彩我訂既係星期五lunch, 有 set lunch. 3個OL 嘆亞洲第一lunch 可以順利繼續門口個樣真係唔似高檔中菜, 仲要有個紅白藍膠袋, 唔爭氣笑左+笑右!內面都係普通裝修, 但係舒服既Set lunch menu -  我地揀左4道菜, $348, 包一個頭盤, 一個湯, 一個主菜, 一份甜品.  3個人叫不同的菜式, 可以試多D野.先上個例湯, 每人一盎, 熱辣辣, 都多料, 幾好飲!椒鹽鮮魷 - 魷 魚係幼身, 好特別! 炸得唔厚粉, 而且唔油, 掂呀, 朋友!七味香脆羊肚菌 - 超好味! 我最鐘意呢碟餱! 一D都唔油, 炸得好脆, 好似薯條, 但裡面羊肚菌軟林林, 真正外脆內軟, 令人愛不惜手! 龍井菊花煙燻乳鴿 - 好入味! 連骨都好好味, 皮又香, 無敵! 慢煮乾蔥滑雞 - 對慢煮有D期望, 但實際就好普通, 雞唔算滑龍井煙燻米鴨配黑糖羅

大班樓係香港飲食界名氣，已經好多年。早係幾年前，因為剛好係附近番工，試過即興訂位無數次，基本上都知道想訂即月檯係無可能既事。佢上年拎到亞洲50最佳餐廳既第一名，加上米芝蓮一星，令到宜家訂位難上加難，最近打去已經話到年底前既午、晚市已經全部訂滿。自己算好彩係年頭訂假日午市，唔駛兩個月已經排得到。.大班樓既晚市同平日午市都有套餐，但假日午市，四口子去只可以散叫。其實都無大問題，因為計過價錢套餐比散叫唔係平太多，散叫可以叫自己鍾意既野。餐廳有兩層但地方唔算大，裝修只能話係一般中上茶樓既級數，偏向私房菜格局，二樓其實係閣樓所以樓底唔高都幾壓迫，所以有得選擇坐地下個層比較好。佢有今時今日既名氣係因為食物質素而唔係傳統米芝蓮比較睇重既餐廳環景、格調同服務向，難怪佢曾經跌出米芝蓮要到最近先拎番一星。 .🌼頭盤：1️⃣九層塔辣椒膏炒蜆 💲188⭐️4/5呢個價位蜆鮮甜大隻係基本要求，汁有好香九層塔+蕃茄味+少少辣，越食越惹味。作為開胃頭盤合格有餘。2️⃣龍井菊花燻乳鴿 (兩隻) 💲336⭐️3.5/5煙燻味突出，但唔覺有龍井菊花味。乳鴿皮薄肉嫩，可惜除左香濃既煙燻味，就無其他突出之處。呢道菜相對其他菜式比較平凡，

每逢想食中菜，就會想食大班樓，貪其食物質素好，服務好，環境好與座位濶落。適逢與老公結婚週年，加上因陀bb關係，只想食酸酸甜甜的食物，特別生炒骨，所以又係去大班樓，食了多年，今次終於的起心肝寫食評。❤️今次例湯是陳腎蠔豉瘦肉湯，雖然只是跟午餐的燉湯，但湯料份量，絕對唔少，湯鮮甜，味道好好。❤️大班樓獨門炸臭豆腐- 我唔好臭豆腐，但老公是臭豆腐的super fans, 他的評價是好鬼正，真係臭，𥚃面有一些馬蹄，食落有口感，第一次食這類型的臭豆腐。😋❤️有時候，我個人比較悶蛋，食完那一款食物好味，之後就永遠只叫那款食物，今次仍然是叫了我喜歡的龍丼菊花煙燻乳鴿。乳鴿是其自家飼養，所以體型與肉質也不像外面的餐廳般肥啫啫，這𥚃的乳鴿細細隻，肉不多，但其煙燻味真係好香，一食難忘。午餐只有半隻，份量夠我一人。❤️烏梅陳醋甜酸生炒骨- 酸甜度剛剛好，選用新鮮菠蘿，立即加50分，豬肉不帶骨，肥瘦適中，非常爽口，值得一试❤️生磨杏仁茶-杏仁茶充滿濃香的杏仁味，不太甜，非常啱我這孕婦，也為這一餐畫上完美的句號。😍整體上，食物質素如一，仍然是令人心動，唯一開始不同，就係侍應開始有年輕人加入，感覺他們沒有老伙記們熱心與有禮

不經意地，在這個飲食圈中吃喝玩樂超過十年，身邊逐漸多了一班相信在下眼光的朋友，偶爾心血來潮，或是想「柴娃娃」熱鬧一下，喝過天昏地暗，都會私下攪一至兩圍的飯局。是在下最欣賞的中菜館之一，不論是私下，或是曾在電台節目中，都會推祟備至，而每隔三兩個月，總是要光顧一次，往往會踫上新菜色，就算未必啱個人胃口，但力求創新，或者是店方成功的途徑。前菜大班樓子薑每年只醃製一次，只能限量供應，選用的全是日本子薑，清新爽朗，微微的辛勁，令味蕾的感覺喚然一新，甜酸的比例恰到好處，很獨到的前菜，就只有在大班樓內可以享受。金錢海鮮盒以肥肉做外皮，酥化鬆脆，餡料香口，蟹肉是一絲絲的，外層炸得金黃，時間掌握得相當好，能吃到的地方已不多，具水準的更是少之又少，遇上了當然不能錯過。蜜糖豆炒琵琶蝦其實會更喜歡前作的slow cook處理手法，不過配上蜜糖豆又是另一種口感，蝦肉爽口嫩滑，比起龍蝦肉的質感更有過之而無不及，灑上少許蝦籽，令蝦味更芳香馥郁，可說是錦上添花。蜂巢芋泥煙鴨盒又是一道懷舊菜色，外層炸至蜂巢狀，師傅在油溫的掌控上很準繩，咬落很酥化，芋泥緊密包裹了餡料，加上鴨肉的羶香，可說是混然天成的味道。湯老火靚湯是花

很久沒來大班樓了，上一次來已是2014年尾，記得上次還在這裡碰到發哥！真後悔上次沒邀請他來張 selfie....今天多得爐兄搞局，才有機會嚐到滿桌佳肴，在此先謝過爐兄的安排及Nelson的美酒。大班樓子薑每年只浸製1次，售馨也不會再做，想吃此上佳小食也是要講求緣份的啊！子薑只選用纖維細嫩的部份，子薑每粒都如BB肌膚般白滑，絕對不會吃到成口渣。糖醋的比例剛好，爽脆的口感帶點酸酸甜甜，吃罷令眾人胃口大開。我們點了兩款香口炸物作為前菜，打頭陣的是 "荔甫煙鴨盒"。大家看見這精美的小盒子都非常興奮，一向超愛吃芋角的阿P更不在話下了。大班樓於荔芋蓉內加入多種配料如香葱、芹菜及煙薰鴨肉，那甘香酥脆的荔芋蓉十分考驗廚師的功架，油溫太猛會令芋蓉不起絲，太弱則會散開。這 "荔甫煙鴨盒" 質感幼滑、味道香濃，十分出色！伴意大利陳酷吃，入口嫩滑多汁、芋香味濃、酥香而不膩。金錢海鮮夾是另一懷舊菜式，外型驟眼看有點像蟹蓋。海鮮夾的外層極考功夫，廚師將豬肉和豬膏打至起膠，搓至薄薄一片然後包着餡料落油鍋炸。被炸至又薄又脆，甘香酥脆的豬肉外皮輕輕一咬便嚐到好香的蔥味，餡料內有大量青蔥及少量蟹肉絲，伴魚露吃有助提升鮮

‘大班樓’這鼎鼎大名，經常都會在名人版或娛樂版中見到，某某富豪或哪位明星，剛在‘大班樓’晚饍後被記者影到諸如此類；而且根據網上的評語，差不多是一面倒的激讚，材料是如何的精挑細揀，菜式是怎樣的精緻美味，實在令人非常之嚮往；加上‘大班樓’晚晚都滿座，所以我都不敢怠慢，預早一個月前訂位，亦很快地便召集到一班有興趣之士陪我去試菜。飯局當日，原本想駕車前去，哪知道打去詢問，竟然如此高級的食肆是沒有提供泊車位的，要泊在距離頗遠的某某大廈停車場，難道所有幫襯的富豪食客都有司機，落完客之後會揸走架車既？結果我們還是決定坐地鐵前去，在上環站出來，原來尚要走好一大段路，跟著還有不少要上斜的路程，中途更有許多交叉的小路，我們一大班人拿著地圖都十分困惑，最後也是要尋求警察叔叔的協助，才成功找得到九如坊的所在。雖然只是廿分鐘左右的路程，但在三十多度的夏天晚上，去到已是身水身汗全身濕透；坐定定喝口茶，喘完氣之後再四處張望，發現周圍並非我心目中，名人飯堂般金壁輝煌的環境，只是較為整齊企理的舊式酒樓模樣，餐具擺設都十分簡單，而且餐廳範圍亦很細小擠迫，連廁所也極為狹窄，確實令人有點意外。打開餐牌，菜式選擇非常之多，但因

中秋未到，便吃大班。說的大班當然不是冰皮月餅，而是中環九如坊的大班樓。大班一詞本出於英文Big Boss,一如英文店名The Chairman,指的就是大老闆、話事人。這裡打正旗號全無味精，不用梳打粉，而且只用新鮮食材。是故未為大班，也可在此一嚐大班級的佳餚。遲了點到達，到達時桌上早放了兩碟子薑。切割成小小的一顆，入口酸辣平衡得宜，十分醒胃。據說這裡只用六月第二和第三個星期出現在市場最嫩的子薑，是故能保持一定的水準，咬不出渣來。看看菜單，光是頭盤已有四款。先上的是蝦子琵琶蝦，大大的一件蝦肉爽口彈牙，以蝦油蝦子慢煮烹調，略帶咸香，蝦肉更鮮味，輕易成為頭盤中最叫人回味的一道。接著是九層塔辣椒膏炒紐西蘭蜆，有點fusion菜的感覺，辣辣的醬汁讓人聯想起泰國菜。然而，整個配搭光吃太濃烈，要是混上些澱粉物，又或如食友所言，配上意大利粉，便是一流。蟹肉沙葛春卷，一向不好炸物，甚至有點趨而避之。但這個炸得金黃香脆，乾身不膩，碟上沒剩下半點油光。蟹肉鮮美，加上一粒粒粉粉爽爽的沙葛，令我一改春卷餡料只有千篇一律的肉碎、芋頭和各式素菜絲等之念頭。大家極力推介的古法燒金錢雞配饅頭，未嚐過新蒲崗得龍的出品，故

4月27日（星期二）晚，多謝惡男兄的邀請和精心安排，我和女友有機會來到品嘗高水準的粵菜。因女友要開會遲來，我便一個人先到，而且還有幸認識到其中一位聞名已久的【殿堂級食家】Pandamen兄，十分榮幸。客套話不多說了，還是將重點放在是晚的食物身上：麻辣豬肚豬耳豬腰絲拌番石榴：花椒辣得恰到好處，既能帶出豬三絲的鮮味，又能吃到香辣而不臊的麻辣，真是一道技巧高超的前菜；龍井菊花燻BB鴿 / 鹵水BB鴿：兩者皆未上檯已聞到其香氣，龍井菊花燻BB鴿茶香味濃而鹵水BB鴿則清香撲鼻，侍應先給我們拍照，然後才分給眾人，恰好每人都有一份鴿脾和鴿翼，好一個“脾翼雙飛”！因為煙勳味道較鹵水濃，建議先吃鹵水鴿才吃煙勳鴿會較好，但兩者鴿肉同樣嫩滑；酥炸小黃花魚配十五年意大利黑醋：小黃魚炸得香酥鬆化，連魚骨也可以吃，不過要小心有頗多硬石，意大利黑醋味道溫和，甜味勝過酸味；川貝燉老鴨：材料和火候都十足，入口清甜無比；古法冬菇肉絲蒸大海方利：人生中第一次吃傳說中的「方利」魚，的確比其他魚更鮮味，魚肉幼滑細致，配合冬菇肉絲更能突顯其獨特的味道；雞油花雕蒸大花蟹配陳村粉：又是一道未上檯已先聞到其香氣的菜式！花蟹肉質鮮甜結實